.

تعودنا نقول بخير لا قيل كيف الحال
‏وحنا ظروف الوقت ماقصرت فينا

.

كل الكلام الي كتبته هنا كان بمشاعر صادقه جدا جدا ومن القلب....
حاليا انتظر في نهاية هذه المشاعر وين بتوصل حتى احط لها ابيات تليق بيها في النهاية
واحط بتعاملي مع النت النهاية


المهم خلي توا اكتب حالتي حاليا....

الدنيا غرورة مايدوم فيها حال
احيانا تجينا بعكس مانبوها
ودوام الحال ضرب من المحال
والموت حتما سيورنا بنجوها
وفي القبر نبقوا واسجلت الاعمال
والسيئه مانقدروا نمحوها

انا حاليا انتظر.... تقريبا انتظر من قبل الفجر في هذا الخبر لكن الى هذه اللحظه مازال مافيه شيء ....
صليت قيام الليل وبديت انتظر جاني نصف الخبر لكن جاني مبهم مش واضح ....حاليا انتظر في الوضوح الي زي الشمس حتى استمر او اطوي الصفحه..........

المهم.....

مانجدا
نبقوا ابعاد وكل حد في حدا
ان جافيتني نجفاك ...مانجدا
نبقوا ابعاد..ولا نريدلك سيرة ولا ميعاد
عاندتني كيفك انزيد عناد...مانجدا
نجفاك كان جفيت...ولا نقولك عاود ان كان مشيت
ماندويلك...ولانريد نجدا ولانبكيلك
خوذ الرضى مني ونا ندعيلك
نريد نحسبك ماضي قديم وعدا....ومانجدا

عندنا امطار ماشاء الله الجو حلووووو ويهبل لكن اني جوي مش فاهماته .....سبحان الله الدنيا هذه غريبه ....في النهاية كل انسان ياخذ نصيبه والي مكتوب له.....



ماهن عوايد هلنا
نمشوا في جرت اللي هاملنا
ان يجفا يذوق مر عسلنا
وان جا ياخذ القلب وحنا...ماهن عوايد هلنا

وين شافني مريت سكر بابه
فيه شيء غامض ماعرفت اسبابه

حسيت مايبيني
ماهو كلام الناس شفته بعيني
اللي قبل يفزع من بعيد ايجيني
وانا قبل نزعل كان طال غيابه

وين شافني مريت سكر بابه
فيه شيء غامض ماعرفت اسبابه

حسيت ماهو ليا
متغير في كلامه ودوته مرخيه
اهناك غيري في الغلا ايزاحم فيا
والشيء واضح من طروحات كلامه

وين شافني مريت سكر بابه
فيه شيء غامض ماعرفت اسبابه

يمكن ناسه
ولا زعمك للصوب انقص احساسه
وين شافني مريت سكر بابه
فيه شيء غامض ماعرفت اسبابه