مكتوب بريش الحمام المكي
العشق يقتل والفراق يبكي

مكتوب تحت جناحه
اللي عشق مايذوق طعم الراحه
ليش تدرفي ياعين يانواحه
بعد ربنا رايد علينا هكي

مكتوب بريش الحمام المكي
العشق يقتل والفراق يبكي

كذبنا عليها العين زلبحناها
نامت الليله في غياب مناها

كذبنا عليها العين
قلنالها بيجيك
ياعين محبوبك وبيزهيك
اظلي حزينه دوم مايبيك
وين صدقتنا طول كف بكاها
قلنالها بكره يجي يوعيك
علي امل وهمي تنام خليناها

قلنالها ياعين
هانت حبيبك جاي هاليومين
باعث سلام مغلفه بحنين
مازال وافي غيتك مانساها
يبيك جنبا بعد هجر سنين
قال كل همي نزيح كل عناها
كذبنا عليها العين

قالت وينه
فاقت وداراتا الملام علينا
قلنالها ياعين مو بيدينا
الغيه حبيبك من زمان نساها
ارضي بنصيبك كيف ماحنا رضينا
احنا همومنا لله سلمناها

ايجي الليل ويهفن سهاري ريدي
قليل عزم مانقدر يزيد غريدي

يهفن سهاري غايب
اندير عزم مانلقاه عزمي ذايب
ويبقن يذرن هافات سكايب
ونحتار مانلقا دبارا بيدي
عارف سريب الدمع لي مو جايب
الغالي رحل فرقاه زايد كيدي

ايجي الليل ويهفن سهاري ريدي
قليل عزم مانقدر يزيد غريدي

يهفن سهاري حبي
اندير عزم مانلقاه عزمي امهبي
وفوق الجبين مكتوب راده ربي
طاحت اللقمه بين فمي وايدي
لو ياعين العمر طوله اتصبي
لاينفعك تنهيد لا تغريدي

ايجي الليل ويهفن سهاري ريدي
قليل عزم مانقدر يزيد غريدي

‏يا هتافات الأماني .. في صناديق الصدور
‏أكـســري حاجز مخاوفك و تعدي عزلتي

‏أسرقي لي من ( صباح النور ) لـ الاحلام نور
‏و‏أسرقي لي من ( مساء النور ) نور لـ ظلمتي

‏عادتي أرسم على وجهي ملامح لـ السرور‏
وعادة الأيام تسلبني .. ملامح بهجتي

‏ويـن أدور للحياه.!؟ وكل ما حولي يدور
‏ما ثبت غير الصبر فيني وضاق بحسرتي