امطار تصب ...ماشاء الله
حاليا جالسه افطر ومستمتعه بصوت المطر وجوه.....اللهم صيبا نافعا

جاني فالمنام...ضحكت وقلت في سري اقسام
قديم غلاي
عليه هميت....انريد انضم ضميته وبكيت
وقلتله ليش ياغالي اقسيت اجفيت وغبت عني كم عام
مسحلي الدمع ودموعه فليت
الدموع الشوق سالن عالكمام
وقت الشمع في قربه طفيت
ايام الحزن وايام الظلام
حاسس بيه في عيونه قريت
ايريد يقول واجد مالكلام
وقال معاك ياغالي نسيت
ايام البعد قلتلهن سلام
مسكت ايديه سهراني حكيت
بصوت رهيف
وقال معاك ياغالي جليت
الهم اللي عذب بنتقام
وقال غليت ياغالي اغليت
مغير الصوب لطنه اقسام
بعدها غاب طيفه كي وعيت
لقيته غير دايلني منام
جاني فالمنام...اضحكت وقلت في سري اقسام
قديم غلاي

جاني هف مره......طيف منام غالي جاب جره
طاب النوم
هفتني مسره...ساعة فجر ظني بالتمام
مانحساب ياخذني بغره
وين انوض نلقاهن احلام
مد ايديه خذت ايديه مره
ضمه حن نستني ألآم
همسلي شوق حزني شال كره
دفوة حضن عشته بنسجام
سال الدمع من عيني اذذره
ادموع الحن فالماقي اجمام
قلتله الجوف من نارك تفره
قتيل الصوب ياغالي حرام
ياسك دار مامللي وضره
عالقسام مانفرض ملام
موسه طاب واستاهل مجره
لا له قلب لايوصل ارحام
غيب علي لاتعاود الكره
يرحم بوك ماعندي عزام
زاهي بيك غيري وانتبره
منك غيب عني والسلام
جاني فالمنام .....ضحكت وقلت في سري اقسام
قديم غلاي