«مهما كان الشخص اللي اصطفيته عشان تحكي له أسرارك وتحط إيده على مواجعك النفسية ومخازيك -وحتى لو كان في نفس محنتك!- غالبا عمره ما هيقدر يتحرّر من الحكم الأخلاقي والديني عليك، وهتلاقيه في وسط ما انت منهار أو بتتوجع يشاور بإيديه ويقول لك: ده غلط وده صح وده حلال وده حرام!

لما حد يفتح لك صدره ويفضفض لك، في الغالب ما بيبقاش عايز منك غير إنك تسمعه، يعني لا تحل له حاجة ولا توعظه ولا تباهي بطهارتك في مقابل سقوطه ولا تكذب وتقول له كل شيء هيبقى كويس، فخلي بالك: الكلام اللي هتقولهوله في لحظة المكاشفة بالوجع واللهجة والتون بيفرقوا جدا جدا جدا، لأن كلمة واحدة غلط تتقال هتقفله منك للأبد، وتخليه يهرب، مع إنك يمكن تكون آخر إيد ممدودة له!
احنا مش ملايكة ولا أنبيا ولا معصومين من الغلط، والله العظيم احنا في منتهى منتهى الهشاشة، منتهى الضعف والاحتياج، منتهى اليأس من كل حاجة وأي حاجة، منتهى التعلق بما هو أقل من القشة، وقرار الكلام مع حد أصلا والفضفضة ليه زي الجبل على قلبنا لأننا عارفين إن مفيش حاجة هتتغير، بس بنعمله، عشان نقول لنفسنا إننا جربنا وفتحنا قلبنا للناس وحاولنا لآخر لحظة!
والقرارات اللي دايما ناخدها بالابتعاد عن الناس، وقفل حياتنا على روحنا، بتبقى جادة وحقيقية وممضية بالقهر والمكابدة، ما بتبقاش تهويش ولا عشان الناس تقول لنا: ما تمشوش، انتو حلوين وكيوت وإحنا بنحبكم، لكن اللي بيخلينا نرجع تاني كلمة افتكرناها لحد فرقت معانا، ذكرى اتحفرت عميقا في القلب أو الأمل- أفيون القلوب- ابن الكلب الأمل، إن فيه حاجة هتتغير!
فما تقطعوش إيد حد اتمدت لكم، وما تحكموش على حد، انتو ما تعرفوش أي حاجة عننا، ولا ما كابدناه عشان نقف قصادكم النهارده بما يبدو إنه ثبات ونضج، ولا الصراعات والوحوش والعفاريت والمواجع اللي بتلتهم روحنا ليل نهار، خليكم على الحافة، وبينا وبينكم المودة والرحمة والونس.. بس.»

( فنحن قد نوجد من أجل أنفسنا . بل و في بعض الأوقات ندرك من نكون و لكننا في النهاية لا نستطيع التيقن . و مع إستمرار حياتنا فإننا نصبح أكثر غموضا بالنسبة إلي أنفسنا .و نغدو أكثر وعيا بعدم تماسكنا. و ما من يشخص يمكنه أن يعبر الحاجز إلي آخره و ذلك لسبب بسيط هو أنه ما من أحد يمكنه أن يصل إلي ذاته )
ثلاثية نيويورك/ الغرفة الموصدة
بول أوستر

أود دائمًا أن أن أشارككِ كل شيءٍ !

أريد أن أشاركك رغيف الخبز الساخن الميلئ بالجبن الرومي وأن أشاركك كوب الشاي، وأن أزيد في الأشياء دائمًا ما يكفي شخصين، وأن أقول دائمًا فعلتُ أنا وهيّ، وأن أكون دائمًا أنا وأنتِ!

الحب أن يكفيك القليل من شخص ٍما، وأنت تعجب من نفسك التي رضيت بالقليل ولم تهجر، تعجب.. ولكن تعجز عن أن تحتج، وتقول اللهم دمها نعمة!
نعمة القليل من رضاه، القليل من عطائه، القليل من تبسمه، القليل من غزله، القليل من كلامه العذب، ذلك القليل منه الذي يمسح غبار مصباحك، ويضيء عتمتك، ويعيد إليك اهتمامك بنفسك، ويصالحك على وجه الحياة.

الحب؛ بهدَلة يعني