#فضفضة
من فترة طويلة بحاول أزرع نعناع عندي في البيت..
جربت كل الطرق وفي كل مرة كان النعناع بيموت ومش بيعيش ومكنتش عارف السبب

قالوا :
لازم تجيب الشّتلة بالجذور بتاعتها ، وعملت كدا فعلا وخلعته بالجذور وجبته وبرضه مات،
فكرت في الموضوع
وحسيتها هي أشبه بفكرة الوطن
إن حد يحس بالغربة وتنقله لمكان تاني يعيش فيه بعيد عن بيته وأهله ووطنه اللي عاش فيه، بعد كام يوم بيموت ، وفكرة النجاح فكرة ضعيفة

حتى في النبات!

كان فيه كمان طريقة تانية اني اجيبه من غير الجذور واحطه في ميّه بس، واسيبه فترة، وفعلا الفكرة دي كانت حلوة الى حد ما، والنعناع مش بيموت بسرعة
بيموت على المدى البعيد
بيعيش شوي
بتنقله لبيئة غريبة وتقطع جذوره كأنه قطعته من اهله وأصحابه وجبته في عالم وناس جديدة والمفروض يفضل يبتسم ليهم ويضحك ويكمل حياته معاهم
بس الورق بعد اسبوع بيتغير
وأحيانا بيطلع له جذور ضعيفة
وفيه بيكمل وبيقدر يتأقلم على البيئة الجديدة ويعيش
بس التجربة فشلت معي برضه

اخيرا قررت يوم الجمعة أروح الأرض، وأغير الطريقة دي
وجبت النعناع ومع كل شتلة طلعتها من الارض طلعت معها الطين والتراب من حواليها، بحيث مش احسسها انها اتنقلت لمكان تاني
ولا سابت أرضها
ولا قطعت جذورها
وجبت 4 شتلات حلوين
والغريب انهم فعلا عايشين لغاية دلوقتي ومش حصل ليهم اي مشكلة، وتقريبا المرة دي الامور هتنجح


أنا كمحمد الطفل اللي جوايا عمال يرقص من الفرح

يا ترى ازاي اسبونج بوب بيولع نار في قاع المحيط؟

أحاول الحياة من جديد

حررت الصوره من المدير العام لإحتوائها على إيميل

//