| |||||||
| :: قرار هام :: |
2574Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
08-19-21, 11:54 AM
| #673 | |||||||||
 
|  لو فيه حاجه الشغل في علاج الإدمان علاها عندي اوي فهي اني افهم أخطاء الاخرين و استوعبها و احاول اساعد بدل ما احاكم الناس و انتقدها و خلاص يمكن انا إلى حد كبير كنت كده اصلا بس الشغل معاهم فادني كتير اوي شكرا لكل واحد جه طلب مساعدة علشان يتعافى من المخدرات شكرا لكل واحد بيساعد الناس من غير ما يحاكمهم شكرا لكل واحد مدرك ان كلنا بنغلط و ان دورنا نساعد مش ننصب محاكم و خلاص شكرا لكل واحد مدرك عيوبه و اخطاؤه و عارف ان كل الناس بتغلط شكرا لكل واحد مش عامل فيها ملاك و ماشي زاحم الدنيا بجناحاته شكرا لكل اللي فاهم ان كلنا خطاؤون لا استثني منا احدا لو غلطاتي الكبيره علمتني حاجه مهمه... فهي علمتني اتقبل و اسامح و اساعد | |||||||||
 |
|
08-19-21, 11:55 AM
| #674 | |||||||||
| احنا هنتحسن كتير لو خرجنا من مرحلة الشخصنه لمرحلة التعميم يعني لو خرجنا من فكرة ان ده فلان فحلال فيه اللي حصل معاه لكن لو علان اللي احنا بنحبه او بنشاطره الرأي او التوجهات يبقى اللي عمل فيه كذا ابن ستين تيت لو خرجنا من ان اللي بيخالفنا الرأي او التوجه بيمثل رأيه و توجهه كله و يبقى كل اللي معاه ولاد تيت زيه (فلان ممثل و لا فنان من اي نوع و حد قال عليه اللي قاله او طلعله اي صور يبقى يا عم كلهم صيع ولادتيت .. واحد ليبرالي يبقى كل الليبراليين ولاد تيت.) لكن طبعا الإرهابي المسلم لا يمثل الإسلام و اللي بيتكلموا في حاجات بنت تيت كتير بإسم الإسلام لا يمثلوا الإسلام.. و اللي بيسحلوا الناس بإسم الاختلاف الديني مسيحيين او يهود او مسلمين لا يمثلوا دياناتهم لما نبتدي نبص بمعيار واحد منطقي بعيد عن الميول الشخصية كوكب الارض هيبقى مكان تاني خالص و لو اني مش مقتنعه ان ده عمره ما هيحصل بس تبقى من الضروريات اللي الجنس البشري مش هيدركها و علشان كده هيفضل الجنس الأكثر فتكاً بالإنسان على هذا الكوكب | |||||||||
| الدكتورة likes this.
التعديل الأخير تم بواسطة الفيلسوف ; 08-19-21 الساعة 01:35 PM |
|
08-19-21, 11:57 AM
| #675 | |||||||||
| القواعد الخمس و العشرون لركوب الاتوبيس (في القاهره.. و على المقيمين خارجها مراعاة فروق التوقيت) 1. اعرف هتركب انهو اتوبيس.. مش معنى انه مكتوب عليه المكان اللي انت رايحه انك تنط فيه و خلاص 2. إسأل هو رايح المكان اللي انت عايزه ولا لأ. . خط سير الأتوبيس ممكن يتغير بمزاج السواق. 3. إتأكد ان السواق فهم انت سألت على إيه و انه رد عليك و هو مركز مش هز راسه و خلاص (خليك غتيت) 4. فيه اتوبيسات بتعدي على رأس الرجاء الصالح قبل ما توصل مكان ما انت عايز.. بلاشها.. هتكره نفسك و الدنيا على ما توصل 5. لو انت جديد في ركوب الاتوبيسات.. اعتبر اول كام مره رحلات تعليميه.. 6. الصبر.. الصبر.. الصبر... 7. سواقين الاتوبيسات ميعرفوش اوي ان فيه حاجه اسمها على جمب.. 8. لو عايز تنزل في محطتك تقف ع الباب ( اللي قدام لو هو ببابين) و تقوله على جنب يا .... (اي حاجه غير يا اسطى.. لو عايز تنزل سليم).. الكلام ده قبل محطتك بمحطتين مثلا. 9. اسامي المحطات في مصر لا تمت للواقع بصله.. و فيها حوارات عجيبه و مسليه.. ركز معاها.. هي مسليه فعلا. يعني مثلا هتلاقي محطه متسميه على اسم محل أو صيدليه كانت موجوده يوما ما.. امتى بقا الله اعلم.. بس اغرب واحده لقيتها لحد دلوقتي اسمها المطب.. اه و النعمه.. في بلد كلها على بعضها مطب كبير اصلا.. و المسخره كمان ان الشارع اتقلب يعني غالبا مش هيبقى فيه مطب.. بس المحطة اسمها إيييييييه؟؟؟ ايوه.. اسم الله عليك.. المطب 10. حسك عينك تتخيل ان ممكن تشرب حاجه في الاتوبيس.. حتى لو جايب معاك غيار 11. نرجع لسواقين الاتوبيس.. انت هتلاقيهم شبه البني آدمين بالضبط.. لا تخرج قبل ان تقول سبحان الله.. بس مع الوقت هتقدر تطلع الإختلافات.. إنجوي 12. إياك ثم إياك تلاقي حد بيرغي و ترد عليه.. اخرك هز راسك.. و لو السؤال ميتجاوبش بهز الراس.. متعملش اي رد فعل.. لو انت رايح مشوار هتصدع قبل ما توصله.. لو انت مروح فأنت غالبا مصدع خلقه نش ناقص. 13. الستات التخينه(اوي ) اخطر ناس ممكن تقف جنبها او وراها او قدامها في الاتوبيس.. واحده طلعنا بنتها من تحتها بأعجوبة. . و دي بنتها.. ضناها يعني 14. ياريت بلاش كعب (الكلام للبنات) لو اضطريتي تقفي هتتبهدلي مراجيح 15. الناس بقا اللي لسه فاكره ان فيه حد بيقوم لحد.. بلاش تعلي سقف طموحك اوي. 16. سواقين الاتوبيسات مقتنعين ان دايما الاتوبيس فاضي ورا... متصدقهوش.. شوف بعينك و متدفعش غير لما تلاقي على الاقل مكان لرجليك الاتنين مش رجل واحده ( اه هما بيفترضوا ان طالما فيه مكان لرجل واحده يبقى فل اوي ) 17. نفس اللي مقتنعين ان الاتوبيس فاضي ورا.. بيبقوا مقتنعين ان فاضل 10 دقايق و نوصل.. إسأل الناس.. متسألش السواق 18. شغلة التباع بتنحسر في 4 حاجات.. يجعر.. يحشر الناس جوه.. يلم الفلوس.. يحاول يخلص من اللي جوه في اقرب وقت ممكن.. تاني.. متسألوش أنزل فين.. إسأل الناس 19. اعمل استطلاع رأي شوف احسن مواصله بتروح المكان اللي انت رايحه.. بس ابقى جرب الاتوبيس.. فيه شوية مهارات كده هتتعلمها فيه مش هتتعلمها في غيره ( اهمها التوازن) و فيه شوية شخصيات كده هتقابلها فيه برضه ممكن متقابلهاش في غيره. 20. لو انت بتطق من الأغاني الشعبي.. احب ابشرك.. معدلها في الاتوبيسات اقل كتير من الميكروباص. . اركب اتوبيس 21. سواقين الاتوبيس فاكرينه تكتك.. إياك تركز مع الطريق خاصة لو بتعرف تسوق.. هتتهبل قبل ما توصل 22. ممكن تلاقي نفسك فجأه في مكان متعرفهوش (زي حالتي من شويه) ملكش دعوه.. مسيرك هتوصل 23. لو انتي بنت.. زعقي لو حد تصرفه مش عاجبك.. و لو حد من اللي عندهم تسلخات قعد جمبك ( لو عرفتي تقعدي اصلا) قوليله يلم رجله.. و لو تعرفي دكتور جلديه اديله نمرته 24. الأدب بتاع ثانيه لو سمحت.. و من فضلك انزل ده مش بينفع 25. حد يعرف الاتوبيس ده رايح فين؟؟؟؟؟ | |||||||||
| خياآل likes this. |
|
08-19-21, 11:58 AM
| #676 | |||||||||
| كلمني عن السعادة في شغلتي اكلمك عن عيان جالك متحسن كلمني عن التحدي اكلمك عن عيان مش راضي يتحسن كلمني عن القهر اكلمك عن عيان متأكد انه مش هيتحسن كلمني عن الأمل أكلمك عن بكره اللي ممكن يجيب معاه حل كلمني عن الاصرار اكلمك عن انك تفضل وراهم للاخر حتى لو الأمل النهاردة محدود | |||||||||
| |
|
08-19-21, 11:58 AM
| #677 | |||||||||
| في حياة كل واحد فينا أحداث او أشخاص الحياة بعدهم عمرها ما بتبقى هي هي احنا نفسنا مش بنبقى نفس الشخص بعدها ممكن تكون احداث حلوه او ناس حلوه تحلي معاها الايام.. و تحلي فينا حاجات.. او تظهر و تكبر حاجات حلوه كانت فينا اصلا.. و ممكن جدا أحداث حلوه تحولنا للأسوء مش للاحسن نفس الفكره الاحداث او الاشخاص الوحشه او الصعبه او المؤذية.. ممكن تطلع أسوء ما فينا.. او احسن ما فينا.. يمكن مش في ايدك تختار الاحداث اللي بتحصلك في الغالب يمكن مش في ايدك تختار هتقابل مين في حياتك.. و كمان اول رد فعل ليك ممكن يكون مش محسوب بس الناتج النهائي لكل تجربه.. بتاعك انت... في ايدك انت.. اختار... مقولة محدش بيتغير دي غلط شكلا و موضوعا كلنا بنتغير حبه حبه او حتى تغيير كبير فجأة كل واحد فينا فيه حاجات بتكمل معاه اه.. مش بتتغير اه... بس فيه حاجات كتييييير بتتغير.. على راي منير.. كل الحدوته شوية مجهود | |||||||||
| |
|
08-19-21, 12:01 PM
| #678 | |||||||||
| بتفتكر و انت هتشتغل إدمان انك داخل على مجال مش هتتعاطف فيه مع الناس اوي بس كل كام يوم بتلاقي حاله تعدي عليك توجع قلبك اوي لا انت عارف تلوم العيان ولا اهله ولا اي حد لا انت عارف تصب غضبك ع النظام اللي خلى المخدرات في البلد متوفره اكثر من السلع الاساسيه ولا على المجتمع الهش اللي قيمه قذره و مبقاش عارف يربي ولا يراعي عيال متعرفش هما بيخلفوها ليه اصلا ولا على ظروف عجيبه بيتحط فيها ناس متقدرش اطلاقا تعتبرهم جناه مهما عملوا متقدرش غير انك تحاول تساعدهم على اد ما تقدر و تحاول اوي تمسك دموعك قدامهم اكتر حد وجع قلبي بجد قابلته امبارح نفسي بجد اقدر اساعده طفل متديهوش بالشكل ولا الحجم 14 سنه رغم انه قرب يكمل 19 سنه عمرهم ما كشفوا عليه علشان يعرفوا ليه حجمه صغير كده و هنا لو اي حد من زمايلنا يقدر يساعد يبقى شكرا جزيلا و الفكره ان مين اصلا هيكشف عليه؟؟؟ امه ماتت في حريقه و هو عمره 6 سنين و ابوه وقع و هو في الشغل في محاجر الرخام و هو عنده 12 سنه و عمته اللي جايه معاه شكلها اغلب من الغلب الولد بيشتغل في محاجر الرخام من 8 الصبح ل 5 بالليل بيركب 4 مواصلات لحد الشغل حاليا مدمن هروين حاليا جي يبطل علشان بيخرب سمعة اخواته البنات واحده متجوزه و مش عايز يخرب عليها و التانيه مش هتتجوز حد كويس طالما ليها اخ مدمن ده كلامه مهما حكيت مش هعرف احكيلكم كمية القهر اللي في عنيه مهما وصفت مش هعرف انقل صورة الألم اللي متراكم على قلبه طول سنين حياته مهما عشت مش هنسى شكله و هو مش عارف ميعيطش و هو بيتكلم معايا مفيش حل سحري ليه او لغيره مفيش قدام كل دكتور فينا بيقابل حالات زيه و اسوء غير انه يعمل كل اللي يقدر عليه شغلتنا لو كانت مش سهله.. يبقى مش سهله بس علشان مواقف زي دي.. | |||||||||
| الدكتورة likes this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
