08-20-21, 01:56 PM
| #679 | |||||||||
 
|  ليه واحده بس؟؟؟ معنى السعاده ليه ناس تانيه كتبت قيم مطلقه يمكن بالنسبه ليهم بتمثل الطريق للسعادة بس مكتبتش السعادة بالإسم؟؟؟ حاولت اجاوب على السؤال و ياريت تشاركوني تصوري الأساسي لأن السعادة ككلمه في المطلق مش مستخدمه اوي بينا حتى و احنا بنكبر و دلوقتي و احنا بنربي ولادنا عايزينك تبقى شاطر عايزينك تبقى ناجح عايزينك تبقى احسن واحد في الدنيا عايزينك تطلع الأول عايزينك تطلع دكتور.. مهندس.. طيار......... مين فينا بيقول لإبنه عايزينك تبقى سعيد؟؟؟؟؟ مين فينا إتقاله من أهله عايزينك تبقى سعيد؟؟؟؟ يمكن بقية المعاني اللي الكل جاوب بيها بنسمعها كتير يمكن محتاجين ندخل السعادة ككلمه دارجه بينا و بينا و بين ولادنا و احنا بنربيهم يمكن نعرف نعلمهم يدوروا إزاي يبقوا سعداء إزاي يلاقوا طريق للسعادة يمكن نعلمهم و منخافش ان طريق السعادة اللي يلاقوه ميبقاش شبه تصوراتنا الاولانيه يمكن بنخاف... يمكن متعودناش.. يمكن محدش فكرنا ان ده الهدف الاولاني.. و ان اي مجهود بنعمله و اي حاجه بنوصلها لو محققتلناش شئ من السعادة يبقى مش هتضيف لحياتنا حاجه Be happy And tell your child that you want him to be happy Wish your friends happiness And help whom ever you can to find happiness And before anything else.. find your own happiness | |||||||||
| ŢαŢμαŊα likes this.  |
|
08-20-21, 01:59 PM
| #680 | |||||||||
| كل حاجه في حياتك بتتمركز حوالين أخذ القرار و تنفيذه ببساطه كده هما مرحلتين لما تلاقي نفسك واقف مكانك مش بتتحرك يبقى انت يا إما مش عارف تاخد قرار او مش عارف تنفذه لو لقيت نفسك بترجع لورا... يبقى خدت قرار غلط.. او خدت قرار صح و بتنفذه غلط.. يعني الطريق اللي ماشيه مش الطريق لهدفك لما تلاقي نفسك بتنجح و بتطلع لقدام.. يبقى انت عملت الاتنين صح.. خدت قرار صح و اخترت طريقه صح تنفذه بيها. الفكره بقا في كل مرحله لوحدها. . إيه اللي بيوقفنا فيها ايه اللي بيمنعنا ناخد قرار!؟؟؟؟ خايفين.. مش فاهمين. . مش عارفين نقيم الموقف او نتايجه... معندناش معلومات كفايه.. ........ ساعات بنبقى واخدين قرار.. ببساطه كده عارفين كويس ايه الصح اللي المفروض يتعمل.. بس مش قادرين نبتدي بالتنفيذ.. كده تبقى مشكلتك في الخطوه التانيه.. تنفيذ القرار اهو دي بقا بتحتاج حاجتين مهمين اوي اولا: قلب جامد شويه.. ترمي خوفك و قلقك وراك. ثانيا: تبقى عارف رايح فين و إزاي.. يعني يبقى عندك خطه و خطوات واضحه هتمشي عليها.. هتساعدك كتير تغلب خوفك. خلي بالك.. مش شرط يبقى عندك رؤيه واضحه لزمن طويل اوي. عادة في النقلات الكبيره بتبقى القصه قصة الأنسب دلوقتي.. و التعامل مع المتغيرات اللي تجد على حياتك. و خلي بالك كمان ان الظروف مش هي القضيه.. ديه مجرد جزء من المعطيات اللي بتدخلها لمخك علشان يحللها بدليل ان كذا حد في نفس الموقف و نفس الظروف هياخدوا قرارات مختلفه و ينفذوها بطرق مختلفه. متخافش من الفشل.. متخافش تغلط كل الناس بتغلط و بتفشل و بتحتاس و بتوه كل المهم انك تتعلم.. اتعلم و هتبقى أحسن.. ده أكيد | |||||||||
| ŢαŢμαŊα likes this. |
|
08-20-21, 02:01 PM
| #681 | |||||||||
| عمرك ما هتقابل حد تحس انه واثق اوي في احلامه و أفكاره و اهدافه راسي كده و عارف هو فين و رايح فين مش اي حاجه تهزه و مش اي موقف يعكنن عليه إلا إذا كان عدى بوقت كان كله شك و تخبيط و ضياع و غلطات محدش بيلاقي نفسه غير لو دور كويس اوي و محدش بينجح غير لو تاه و خبط اوي الفاصل الحقيقي بيبقى هو وصل لنفسه اللي بيدور عليها ولا لأ مش مهم خالص غلط و تاه لحد فين المهم بس إنه وصل احترم الرحله اللي الناس مشيتها لحد ما انت قابلتهم على حالهم كده محدش عارف لو كنت مكانه كنت تهت زيه ولا اكتر إياك تفتكر انك مكنتش هتتوه زيه لأن زي ما ده احتمال.. فيه احتمال تاني انك كنت تتوه و مترجعش احترم غلطات الناس و توهتهم علشان يوم ما تغلط.. و ده حصل و بيحصل و هيحصل.. تلاقي اللي يحترم توهتك و غلطتك | |||||||||
| ŢαŢμαŊα likes this. |
|
08-20-21, 02:05 PM
| #682 | |||||||||
| الإختلافات الفرديه ديه حاجه رهيبه من اول الحاجات اللي انت بتشوفها رائعه و غيرك يقول عليها ايه الهبل ده للحاجات اللي بتحلم بيها و غيرك شايفها ولا حاجه للناس اللي بتحبهم و بيعجبوك و غيرك مش بيطيقهم للمواقف اللي بتصمم عليها و غيرك بيشوفها مستحيله للطريق اللي بتقرر تمشيه و غيرك يقول عليك مجنون للاكل اللي بتحبه و غيرك يقول ايه القرف ده حتى الدوا اللي حد بياخده و يتحسن عليه و غيره ميجبش معاه اي نتيجه خلاصة القول لو مستني حد يقبلك رغم اختلافك لازم تتعلم تقبل الناس رغم اختلافها متاخدش موقف مسبق من الناس اللي مش شبهك النهاردة انت نفسك مش شرط تكون شبهك إمبارح و مش شرط تبقى بكره شبهك النهاردة اللي خدت منه موقف ده ممكن يبقى شبهك بكره او انت تبقى شبهه | |||||||||
| ŢαŢμαŊα likes this. |
|
08-20-21, 02:08 PM
| #683 | |||||||||
| متتعبش نفسك أوي و تقعد تشرح لحد إنت مين و ليه و إزاي لا تشرح غلطاتك ولا معتقداتك ولا حتى أحلامك اللي عايز يفهمك زي ما انت هيفهمك من غير شرح اللي عايز يعرفك رغم غلطاتك و اختلافك هيعرفك من غير ما يضطرك تدافع عن نفسك الملايكه اللي مبتغلطش دول بقا متتعبش نفسك معاهم خالص نوهائي سيبهم بجناحاتهم كده زي ما هما سيبهم مرفرفين مع الملايكه اللي شبههم خليك هنا معانا لو بصينا شويه على الحاجات او الأماكن أو الأشخاص اللي بيشدونا هنلاقي عادة فيهم ملامح من إمبارح بطل بطل تتشد لملامح امبارح دور على ناس و حاجات و أماكن فيها ملامح من بكره انت مش محتاج تعيش إمبارح مرتين بس أكيد محتاج تعيش بكره و ياريت لو عرفت تعيشه أحسن مما عشت إمبارح | |||||||||
| ŢαŢμαŊα likes this. |
|
08-20-21, 02:10 PM
| #684 | |||||||||
| محدش بيتغير اللي قال كده يا كداب يا عبيط يا مش شايف حواليه ناس كتير اوي بتتغير و الغريب بقا ان الناس اللي شايفه ان محدش بيتغير دول تلاقيهم مكملين رحلة التشاؤم لآخرها و يقولولك فيه ناس بتبقى أوحش طب ماهو ده تغيير فيه ناس بتبقى أوحش يبقى انت مؤمن بالتغيير أهه ليه بقا بتنكر على الناس ان فيهم اللي بيتغير للأحسن انت أعمى على فكرة فيه ناس بتتغير للأحسن و للأحسن أوي كمان خد التشاؤم بتاعك و حل عن سمانا مش ناقصاك هي | |||||||||
| ŢαŢμαŊα likes this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2613Likes
