08-21-21, 01:06 PM
| #685 | |||||||||
 
|  إنتي إزااااي تغلطي غلطه زي دي؟؟؟؟؟!!!!! قالها و الإستنكار مالي ملامحه إنت إزاي مش فاهم إن الناس بتغلط كده و اكتر من كده كمان؟؟؟ رديت و الإستنكار مالي ملامحي بس هي مينفعش تعمل كده.. مكنش ينفع رد و الغضب عليها لسه ماليه كويس انك صلحت جملتك.. مكنش ينفع.. يعني كاااان... بقى ماضي.. اللي مينفعش فعلا انك تحاسب حد على اللي كان ينفع بس تشوفه دلوقتي هو مين و إيه ينفع تبص لمبادئه و أفكاره و أحلامه مينفعش تبص بس لغلطاته و على فكره ينفع تبص و تشوفه و تعرفه بس برضه مينفعش تحاسبه معجبكش كيانه كله على بعضه كإنسان ينفع متعرفوش خالص بس برضه مش من حقك تنصبله محكمه.. | |||||||||
 |
|
08-21-21, 01:08 PM
| #686 | |||||||||
| ماهو احنا لازم نقف وقفه بجد و نفهم انتشار العنف الغير مبرر من سن صغير ده سببه ايه لا الحقيقه مجبتش سيرة تفجيرات ديه بقت عادي عندينا بتكلم عن صور أطفال و حتى شباب بيضربوا حيوانات حتى جوه جنينة الحيوان إيه العنف الرهيب ده و متقوليش هي جت على الحيوانات طب لما بيضربوا بعض اهو مفهوم انهم مستفزين و بيتهببوا يفشوا غلهم اللي مش مفهوم برضه في بعض لكن تضرب سلحفه ليه؟؟؟؟؟ اه و النعمه سلحفه لييييييه؟؟؟؟؟؟ و النعمه لو فرويد ذات نفسه نزل مصر دلوقتي ليضرب نفسه بالنار | |||||||||
| |
|
08-21-21, 01:10 PM
| #687 | |||||||||
| إنك تصحى في يوم من وسط كوابيسك و تقرر تبقى نفسك.. قرار مش سهل إنك تقرر تدور جوا نفسك على كل اللي تاه منك في وسط زحمة الدنيا.. قرار مش سهل إنك ترجع تدور على كيانك و أحلامك.. شئ مش سهل و بياخد منك وقت و مجهود و توهه و حيرة و شوية حاجات أصعب من بعض و اللي أصعب منهم إنك تكمل تدوير وسط التوهه و الحيرة و إنك تفضل واقف رغم الأخطاء تفضل مكمل حتى و انت حاسس ساعات انك مش متأكد إنت بترمي نفسك في النار ولا رايح لبر النجاة ممكن شهور و سنين تعدي منك و انت بس بتحاول تفهم بس لما بتبتدي تلاقي نفسك فعلا لما بتبتدي تفهم فعلا بتحس انها احسن رحله مشيتها في حياتك و إنها كانت أحسن حاجه عملتها في حياتك مهما خدت مجهود مهما خدت وقت مهما غلطت في وسطها مهما قربت ساعات من إنك تضيع كله بيبقى ولا حاجه قصاد انك تلاقي نفسك دور عليها مفيش نجاح أكبر من إنك تعرف نفسك و تصالحها | |||||||||
| |
|
08-21-21, 01:11 PM
| #688 | |||||||||
| مفيش حاجه مبتتعملش من غير حد مفيش حاجه اسمها مش بشرب كذا علشان كنت بشربه مع حد و مبقاش موجود جرب تشربه.. هتلاقيه بيتشرب عادي مفيش حاجه اسمها مش بروح مكان علشان كنت بروحه مع حد مبقاش موجود روحه عادي.. هتلاقيه بيتراح و النعمه مفيش أغنيه مينفعش اسمعها علشان كنت بسمعها مع حد مبقاش موجود إسمعها .. هتلاقيها بتتسمع و هتعجبك برضه طالما انت لسه معاك يبقى كل حاجه ممكن تتعاش المهم متخسركش انت و نفسك مكملين مع بعض طول العمر ده اللي متعرفش تهرب منه وتر الخوف اكتر وتر لعبت عليه كل الأنظمه لتحقيق مطامع داخليه و خارجيه وتر الخوف أقوى وتر ممكن تضرب عليه بيقولك ببساطه ان الإنسان اللي الخوف صفه أساسيه فيه هيدافع عن وهم الحياه اللي هو مش عايشها أصلا حاجه كده زي انا خفت يشيلوا العدة فدفعت مع إن معنديش تليفون اصلا وتر الخوف اوسخ وتر بيتلعب عليه لأنه بيعتمد اكيد على جهل الناس بيعتمد على خرافات بتخلقها أنظمه بيعتمد على ناس معندهاش استعداد تفتح عنيها لحد ما كل الحقايق تتوه و متبقاش عارف مين الغلطان اللي عمل الفزاعه ولا الفزاعه نفسها ولا اللي خاف منها | |||||||||
| |
|
08-21-21, 01:14 PM
| #689 | |||||||||
| المفروض واحده من اسوء الكلمات اللي قابلتني في حياتي المفروض كام حاجه ضاعت مننا بسبب المفروض كام سنه ضاعت هدر علشان المفروض المفروض مين اللي فرض ام المفروض ده؟؟ و حد وقف سأل بعدها الدنيا كانت احسن ولا اوحش قبل المفروض؟ المفروض كلمه مفيش وراها عادة غير أحلام و ايام بتضيع من أكتر الكلمات اللي كرهتها في حياتي المفروض لما حد يجيلك بفرحه متردوش متكسرش فرحته حتى لو عندك 100 تحفظ على قصته سيبه بفرحته خلي كلامك بعدين محدش فينا عارف هيفرح تاني إمتى سيبه بفرحته خلي أفكارك و اعتراضك و تحفظاتك بعدين محدش بيلاقي الفرحه كل يوم سيبه ده احنا ياما بيعدي علينا زمن بنحلم بريحتها حتى متخسرش ناس كويسه في حياتك حتى لو مش إصحابك القريبين متخسرهومش طب إزاي؟ 1. متجيش على ناس مستحملاك علشان بتحبك 2. متسحبش من حد اكتر من رصيدك عنده الناس زي الحصاله او زي رصيدك في البنك تاكد ان ليك عندهم حد إئتمان. حد اقصى يعني ممكن تسحبه منهم و لما تحسه بيقل او بيفضى شوف طريقه تملاه بيها 3. لما تبقى مرتاح او مبسوط في علاقتك بحد أيا كان إسأل نفسك يا ترى هو كمان مرتاح؟ هو كمان العلاقه دي إيجابيه بالنسبه ليه؟ و لو كانت الإجابه لأ. . فكر تعدل الكفه إزاي 4. متنهيش علاقه علشان سوء تفاهم لو مش فاهم كويس إسأل لو مش متاكد من المعنى إسأل على الاقل قول للي قدامك ان اللي فهمته كذا... هو ده قصدك؟ 5. متاخدش وجود حد في حياتك مسلم بيه كل الناس ممكن تبقى ماضي في حياتك شوف مين هتندم عليه لو بقى ماضي 6. حافظ أوي على اسرار الناس ... خليك أد ثقتهم فيك 7. شوف إيه اللي رابطك بالناس و حافظ عليه... محدش فينا بيحب يعيش لوحده 8. خليك انت الحد اللي الناس تحب تصاحبه 9. متسبش حد في زنقه 10. متجيش على حد في ضعفه 11. متديش حد اكبر من حجمه 12. متديش حد اقل من حجمه 13. متغيرش مبادءك علشان حد.. لأن دي برضه طريقه تخسر بيها الناس.. لو هتتغير إتغير علشانك مش علشان حد كفايه كده النهاردة | |||||||||
| |
|
08-21-21, 01:14 PM
| #690 | |||||||||
| عمر الحياة ما وقفت يوم على حد أو على حاجه يمكن تكون دي حقيقه لا هي أكيد حقيقه الحياة كده كده بتستمر بس فيه حاجات معينه ممكن تقف على حد أو على حاجه زي ما تكون حياتك كده فيها كام شارع رئيسي لو قفلت شارع رئيسي البلد مش بتقف بس بيبقى فيها كام مكان كده زحمه و خنقه و المشي فيهم حاجه مقرفه طول مانت بعيد عن الشارع المقفول الدنيا بتبقى ماشيه عادي المشكله لما حاجه بترميك ناحية الشارع المقفول و تفضل الحكايه ياترى افتحه و لا لأ ساعات اصلا مش بيبقى عندك إختيار تفتحه ولا لأ أصلا لو قادر تسيبه مفتوح مكنتش قفلته بس خليك فاكر إنه يمكن يجيلك يوم تفتحه و ميبقاش وقف على اللي راحوا | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2613Likes
