| |||||||
| :: قرار هام :: |
2574Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
10-27-21, 09:14 AM
| #979 | |||||||||
 
|  عشان تحل مشكلة لازم تغير العقلية .. لأن العقلية أو نمط التفكير هو اللي أنتج المشكلة .. فلازم نغير نمط التفكير خالص لنمط تاني صحي و صحيح - عندنا عقلية عدم الإعتراف بالخطأ .. اللي لازم تتغير إلى إن كل واحد يعترف بالجزء الخاص به من الغلط مش لازم واحد بس يكون غلطان. - عندنا عقلية (انت السبب أو إنتي السبب) اللي لازم تتبدل بعقلية (تحمل المسؤولية) .. كل واحد يتحمل مسؤولية أفعاله واختياراته و أخطائه . . - عندنا عقلية ( الخلاف يعني نكد) لازم نستبدلها بعقلية (الخلاف يعني فرصة أعرف إحتياجات شريك حياتي أكثر).. وأهم حاجة أسمعه عشان أعرفها و عشان أقدر ألبيها. - عندنا عقلية (أطلع من الحوار منتصر وأكون بعرف ألف الترابيزات و محدش ياخد معايا لا حق ولا باطل ) ودي عقلية عيال ومراهقين .. عقلية الكبار هي عقلية الإنصاف الرغبة الحقيقية في حل يرضي الطرفين . - عندنا عقلية اسمها عقلية (أنا راجل) .. دي لازم تتغير لعقلية ( حتى الراجل يعاتب على أخطائه وعليه واجبات كما له حقوق ) - عندنا عقلية ( اعرف لوحدك و الإهتمام مابيتطلبش) لازم تستبدل بعقلية إن كل واحد يعبر عن إحتياجاته بوضوح و لطف. - عندنا عقلية (بتجوز عشان أهو سنة الحياة) إلى عقلية (بتجوز عشان نلبي إحتياجات بعض على كل الأصعدة مادية و عاطفية و نفسية و حميمية) - عندنا عقلية ( الخصام المطول والتقل) .. لازم تستبدل بعقلية الإصلاح السريع و عدم ترك الأمور لخطر التراكم - عندنا عقلية الجمود (مابعرفش - أنا كده و مش هتغير) لازم تتغير لـ (العقلية المرنة) إن الواحد لازم يسعى لتحسين حياته عشان تبقى مصدر سعادة ليه مش نكد و دا لازم يتطلب إنه يقوم بتغيير ما ) - عندنا عقلية ( فرض السيطرة والصراع على السلطة) لازم تتغير لعقلية إحنا شركاء حياة و الأدورا متقسمه بالعدل .. كل واحد فينا مسؤول عن حاجة. - عندنا عقلية ( دورك وواجباتك ) لعقلية ( الإمتنان) تسلم ايدك و شكرا على تعبك حتى لو هو من أدوراك. - عندنا عقلية (الرك ع الست) .. اللي لازم تتبدل ب مسؤولية نجاح العلاقة مشتركة بين الزوج والزوجة مناصفة. -عندنا عقلية (رأيي هو اللي هيمشي) اللي لازم تتغير لعقلية التشاور..و الرأي اللي فيه مصلحة العلاقة هو اللي يمشي - عندنا عقلية ( دماغي و مزاجي وراحتي ) .. لازم تتغير لعلقية win-win .. راحتي و راحتك .. حل وسط - عندنا عقلية (الناس هيقولوا) .. لازم تتغير لعقلية طظ في الناس اعمل الصح واللي يناسبك. - عندنا عقلية ( الدراع ) لازم تستبدل بعقلية العقل والتفاهم والإقناع . | |||||||||
 |
|
10-27-21, 09:16 AM
| #980 | |||||||||
| حل الغالبية العظمى من المشكلات الزوجية بيكون عن طريق واحدة أو أكثر من التالي: تغيير قناعة / إصلاح طريقة تفكير معينة / فهم واستيعاب وجهة نظر الطرف الثاني و القدرة على الشعور بمشاعره / تحسين طبع / إكتساب مهارة معينة ودا يندرج تحته كتيرجدا / خلق حلول وسطية / التعايش . ازي تقلل سقف توقعاتك من الناس : _الناس فيها الي مكفيها _الناس طايقة روحها بالعافية فمش مجبرة انها تستحملك _الناس بشر ليهم طاقة نفسية وجسدية وروحية محدودة يقوم هتلاقيهم في ظهرك ويوم هيبقوا خلصانين.. والي بيقدموه ليك دا كل حاجة عندهم فعلا مش بخل ولا حاجة.. _الناس بيوت واسرار متعرفش خبايهم ولا الظروف الي بيمروا بيها.. بيضحكوا بيهزروا ٢٤ ساعه قاعدين ع النت.. كل دا ولا يعكس ١٪ من حالتهم النفسية ولا حتي واقعهم.. _اخيرا افهم ان كل الناس اسباب.. وكل مرحلة في حياتك ربنا مسخرلك فيها ناس.. قبل ما اختم ادعوا لبعض كتيررررر مش كل الناس بتعرف تحكي او تفضفض او تطلب مساعدة.. اشملوا الناس بدعواتكم تنزل الرحمة علينا جميعا | |||||||||
| |
|
10-27-21, 09:17 AM
| #981 | |||||||||
| الترفيه المستقل (بدون الزوجة أو الزوج) VS والترفيه المشترك (مع الزوجة أو الزوج) على حياة الزوجين ورضاهم الزواجي أفادت بإن: - اذا كان أغلب النشاط الترفيهي للأزواج مستقل عن الزوجة .. دا له تأثير سلبي على الرضا الزوجي . - وإذا كان أغلب النشاط الترفيهي للزوجات بعيد عن الزوج دا بيؤثر سلبيا كذلك على رضاهم الزوجي (ودا معناه ان الوقت المشترك له قيمة عالية عند الزوجات و مؤثر قوي وايجابي على رضاهم الزوجي) - الكابلز اللي سجلوا رضا زواجي .. وجد إنهم بيقضوا أنشطة ترفيهية مشتركة مع بعض. والخلاصة - الترفيه مستقل ومشترك مهم للرضا الزواجي .. كل زوج و زوجة المفروض يبقى ليه وقت لوحده يشحن فيه ويستعيد نفسه. و الاتنين المفروض يبقى ليهم وقت مشترك مع بعض وخصوصا بعد قدوم أطفال .. ودا مهم عشان يخفف من الضغوط النفسية و يكسر روتين الأيام ..و يستعيدوا فيه احساس ال weness ويفضلوا #emotionally_connected والتوازن بين الترفيه المستقل والمشترك هو الموضوع كله الحرص على أن مفيش حاجة تطغى على حاجة .. هو اللي هيخلي الترفيه حاجة صحية مش مؤثر سلبي على الزواج. | |||||||||
| |
|
10-27-21, 09:17 AM
| #982 | |||||||||
| أغلب الناس معتقدة إن أكبر مسبب للطلاق هو الخيانة .. لكن في الحقيقة من أكبر مسببات الطلاق هو الإنفصال العاطفي يعني تمر السنين ونكتشف ان كل واحد بقى في حاله - بقى ليه عالمه اللي عايش فيه لوحده ومرتاح فيه مابنشاركش بعض حاجة .. مفيش تواصل خلال اليوم الا عشان الأكل وطلبات البيت والولاد مفيش تواصل عن المشاعر و الإحتياجات .. مفيش دعم بيقدمه كل واحد للتاني .. ماتعرفش ايه اللي شاغل باله.. مفيش خطط مستقبلية مع بعض.. مفيش عاطفة حية بيتم التعبير عنها .. لما بنفرح بنفرح مع أهل أو أصدقاء مش مع شريك حياة .. مفيش physical touch "حقيقية" و لا حتى eye contact .. إلخ طب إيه الحل لو إكتشفنا إننا ماشيين في السكة دي؟ - الحل نهزم الإيجو اللي عندنا وندعو بعض إننا نتكلم - و نسمع بعض إيه اللي مزعلنا و باني حواجز . - نسمع بعض من غير ردود هجومية أو دفاعية - نسمع بعض بهدف اننا نعرف التاني شايف الموقف إزاي - و نوضح المواقف ونطيب الخواطر ونعتذر عن الجزء بتاعنا من الخطأ - و نعرف إحتياجات بعض و نتفق نطلبها بوضوح - و نتغير على قد ما نقدر عشان خاطر مصلحتنا وسعادتنا - و نبذل مجهود عشان نعبر عن الإهتمام بالإحتياجات دي - و نشارك بعض كل حاجة أحداث أفكار مخاوف أحلام إنجازات - و يبقى لينا عادات طقوس نستمر عليها طول الحياة زي مثلا طقوس استقبال و توديع يومي - ان ناكل مع بعض و لو وجبة في اليوم و لنفرض الغدا .. نشرب شاي مع بعض كل يوم و نقعد نتكلم ولو ربع ساعة بس .. لقاء مثلا في الأسبوع -فيلم كل ويك إند في البيت مثلا - خروجة في الشهر - إحتفال بعيد ميلاد بطريقة معينة - إحتفال بعيد جواز - بإنجاز .. بترقية .. إحتفال مفاجئ بدون سبب .. العادات مهمة جدا و بتربط بين الأشخاص جدا - و ندعي برغبة حقيقية إن ربنا يوفق مسعانا و يؤلف قلوبنا ويبعد عننا شر الشيطان ويملا بيتنا ود وسكينة. | |||||||||
| |
|
10-27-21, 09:23 AM
| #983 | |||||||||
| سيكولوجية المزاجيين والمشهورين وأنصاف الموهوبين على إثر سؤال اتسأل لي من إحداهن ) المزاجية بتأخر وبتخسر كتير بالنسبة لعامة الناس حقيقي لكن على الجانب الآخر بتكسب حاجات قيمة بالنسبة لصاحبها فقط ولكنها غير مرئية للعامة الشخص المزاجي في الغالب مبدع وموهوب بس نصيبه من الشهرة قليل الشهرة بتكون في الغالب من نصيب غير الموهوبين لأن المشهورين بيستمدوا قيمتهم من الناس لذلك لازم يعملوا اللي بيعجبهم ويبجي على هواهم فقط لا غير لذلك هتلاقيهم دايما ماشيين بنمط معين ومحدد مينفعش يحيدوا عنه والا يفقدوا شهرتهم لذلك هما كتير بيخسروا نفسهم الحقيقية و ده عكس الابداع اللي بيتطلب بعض العشوائية والجنون اللي ممكن ميسمعوش مع الناس لأن العقل الجمعي حساباته مختلفة المبدع أو الموهوب في أى مجال بيشتغل على مزاجه لأنه بيستمتع باللي بيعمله ومش بيهمه يعجب حد لذلك مبيكونش لإبداعه (سوق) طيب هتقولي في مبدعين ومع ذلك مشهورين هاقولك ده بقى يرجع لعامل الصدفة اللي بيخلي ابداع المبدع يتقاطع مع تفضيلات العامة وده طبعا مبيحصلش مع كل الناس وأقصد بشهرة المبدع هنا مش إنه يكون مشهور في مجاله فقط أقصد إنه يكون مشهور على الإطلاق لدى الأغلبية | |||||||||
| أمَل likes this. |
|
10-27-21, 09:25 AM
| #984 | |||||||||
| بالمعايشة اليومية الزوجين بيكتسبوا من بعض أخلاق الخلاف مين بيكتسب من مين ؟ الكويس بيكتسب من اللي مش كويس ؟ و لا المش كويس بيكتسب من الكويس ؟ لا يوجد قاعدة والاتنين واردين شفت زوجة اكتسبت من زوجها التحكم في انفعالها وعدم التلفظ بالكلام الجارح أثناء الإنفعال واحتواء الموقف ووضع الأمور في حجمها الحقيقي. و شفت زوجة اكتسبت من زوجها الإنفجار الغاضب والتلفظ بالكلام الجارح أثناء الإنفعال و طول القطيعة .. بعد صبر ومراضية سنوات وطلبها بتغيير لأسلوب الزعل والخلاف. فـ كلمة للطرف اللي خلافه سيئ : مسألة وقت وهتلاقي شريك حياتك إما بقى زيك و هيقابل انفجار بإنفجار والحياة تتدهور أكثر .. أو انفصل عنك -على الأقل عاطفيا- لأنه مش قادر يتحمل سوءك .. و كلاهما سيئ. أفضل الحلول أن تغير من أخلاق خلافك لصالحك أنت أولا .. لأجل الحفاظ على حب شريك حياتك واستقرار علاقتكم معا.. و قديما قالوا يُدرك بالرفق مالا يُدرك بالعنف. | |||||||||
| أمَل likes this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
