| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
02-27-21, 08:30 AM
| #289 | |||||||||
 
|  للتنويه والتنبيه القانون المصري مفيهوش صراحة ما يجرم العلاقات بين المعالج النفسي ومرضاه.. (سواء الطبيب النفسي او الاخصائي النفسي) َبالتالي للأسف الشديد بيترك عامل الحفاظ على المهنية والاخلاقيه المهنية في النقطه دي على عاتق المعالج النفسي.. وحيث ان اي حاجه في الدنيا لا تقع تحت طائلة القانون بيبقى فيها عبث.. فاحنا بنشوف هذا العبث كتير في مصر.. وللأسف برضه بيخلي المريضه او المريض مضطرين يتحملوا جزء من واجب الحفاظ على المهنية ده.. مش المفروض يكون دورهم. احنا في الطب النفسي والعلاج النفسي عارفين يقينا ان ده غير مباح وغير مسموح ولا يقع تحت مسمى العلاقات بالتراضي.. وعارفين انه فيه قوانين منظمه في دول أخرى بتحدد مدد زمنيه تتراوح بين ٦ شهور وسنتين.. بعد انتهاء العلاج النفسي تماما.. للسماح بأي علاقه بين المعالج والمريض. وللأسف الشديد مره كمان.. إن اللي بقوله ده مش معلوم لدى الاغلبيه. مفيش حاجه اسمها علاقه بالتراضي بين معالج ومتعالج. حتى لو القانون لازال لا يجرمها.. القوانين مش بتتعدل بين يوم وليله.. وانا على يقين انها يوما ما هتتعدل. ولحد ما ده يحصل.. انت او انتي رايحين تتعالجوا.. لو المعالج قالك انت علاجك حبيب يحبك.. اخلع.. اجري.. متستناش وتفترض ان نيته خير.. تاني مفيش حد في المجال ودي شغلته ميعرفش الكلام اللي بقوله ده. وبالتالي لا توجد نوايا حسنه في النقطه دي خالص. وبالنسبالنا حتى لو القانون قال إنه علاقات بالتراضي.. فتحنا عارفين ان ده خرق لميثاق أخلاقيات المهنه. | |||||||||
 |
|
02-27-21, 08:31 AM
| #290 | |||||||||
| احنا كائنات عندنا تنوع رهيب بين البساطه الشديده والتعقيد الشديد وفي الوقت اللي بيرتبط فيه شخص بسيط بشخص اكثر تعقيداً.. بتدخل العلاقه في منحنى سخيف جدا.. يمكن ده مش بيبان من الاول لمعظم الناس.. بس كده كده بيبان قدام. وتقعيدا هنا مش مقصود بيها معقد اللي هي عنده عقد يعني وأمراض نفسيه.. لا هو بس مش بياخد معظم أمور الحياة ببساطه.. وعلى اد ما الناس البسيطه اللي واخده كل حاجه ببساطه دول ناس ممتعه ولطيفه وجميله.. على اد ما هما اقليه الحقيقه.. ولما بيدخلوا في علاقات مع الناس الأكثر تعقيدا بيفتقدوا سلامهم الداخلي وبساطتهم.. وينتهي الحال إلى: هو انا كان مالي ومال الهم ده يا ربي.. وعلى العكس منهم الناس الأكثر تعقيدا بيبقوا جوه العلاقات مع الناس البسيطه حاسين انهم محبوسين في قفص ديق.. وطول الوقت بيحاولوا يشرحوا.. وفي النهايه مش بيستوعبوا اللي قدامهم مش فاهم اللي هما بيقولوه ليه.. وبتتوه العلاقه بين.. هي مالها معقده الموضوع كده ليه.. وهو ماله واخد الأمور ببساطه كده ليه ومش حاسس باللي احنا فيه. | |||||||||
| |
|
02-27-21, 08:32 AM
| #291 | |||||||||
| على الرغم من ان النتايج الجيده المفروض انها دليل على اتخاذ قرار صحيح.. الا اننا في اوقات كتير بنعرض القرارات للمراجعه من اول وجديد.. الحقيقه انه مش كل الناس بتعمل ده.. فيه ناس بتعتبر ان العبره بالنتائج بس.. وان مراجعة القرارات والمعطيات حاجه مش محتاجين نعملها خالص طالما الأمور جابت نتايج كويسه.. وعلى الرغم من ان الطريقه دي اريح بكتير.. الا انه فيه ناس دماغهم بتراجع كل حاجه مرات كتير غصب عنهم.. حتى لو مش مشككين في النتايج.. حتى لو مفيش في ايدهم حاجه يغيروا بيها الأوضاع.. لكن المراجعه بتفضل جزء من طباعهم. في الوقت اللي ده أصعب الحقيقه.. الا انه بيخلي الناس دول أصحاب رؤية اكثر وضوحاً.. وفي الغالب اكثر قدره على عدم تكرار اخطاءهم.. في النهايه.. قراراتنا بتخضع لمعطيات كتير اوي.. سواء متعلقه بالمواقف نفسها.. او متعلقه بينا احنا كأشخاص.. او متعلقه ب الاتنين مع بعض.. فهتلاقي مواقف تبدو ليك من بره انها كسبانه.. بس تبدو لصاحبها من بره انها خسرانه.. والعكس. وهتلاقي قرارات أدت لإصلاحات حقيقيه انت شايفها.. بس قصادها خساير قد تكون أشد قسوه من المكاسب.. في النهايه.. احنا بنعمل اللي نقدر نعمله.. او اللي متصورين انه صح.. ولا احد يملك الحقيقه المطلقه.. او الصواب المطلق | |||||||||
| |
|
02-27-21, 08:34 AM
| #292 | |||||||||
| اوقات بيبقى عندنا اعتقاد اننا عايزين حاجات بعينها كده.. وانها لو جاتلنا هنحافظ عليها بعنينا.. واننا هنعمل اللي ميتعملش علشانها.. ولكن للأسف اوقات كتير مبنعملش ده.. ورغم كل شئ.. بنسيبها تضيع.. متعرفش بقا هو احنا مش بنبقى مستعدين انها تيجي.. او بنبقى فاكرين اننا هنقدر نحافظ عليها ولا لا؟ ولا بنبقى فاكرين اننا فعلا هنعمل كتير علشان ده اللي احنا عايزينه.. وننسى او منقدرش؟ وقتها بتبقى واقف عايز تلوم الحياة والظروف والكوكب والمجره كلها على أن الحاجه دي راحت منك.. وانك معرفتش تحافظ عليها.. ولو انت حد عنده رؤيه كويسه هتعرف تخرج من الحته دي وتشوف ايه اللي فيك انت اللي خلاك معرفتش تحافظ على ده.. َساعتها بيبقى قدامك حل من الاتنين.. يا تقعد في دايرة ذنب وغم على دماغك كده.. يا تقوم تصلح اللي فيك وخلاك تخسر.. على الاقل علشان متخسرش تاني. اما بالنسبه لكل الحاجات الحلوه في حياتنا ومعرفناش نحافظ عليها.. احنا بنفضل آسفين.. آسفين انها ضاعت.. آسفين لكل حد حلو معرفناش نحافظ عليه.. آسفين نيابة عننا وعن العالم.. آسفين على الوجع اللي سببناه.. وعلى بكره اللي حلمنا بيه ومكانش.. آسفين على الجرح اللي يمكن ميتعالجش.. لكل حد حلو فيه حد معرفش يحافظ عليه.. قوم داوي روحك وعيش.. محدش هيداوي اللي جواك غيرك انت وكام حد غاليين في حياتك هيقفوا جنبك لحد ما تنور تاني.. قوم بص على حياتك هتلاقي فيها ناس يهمهم انك تفضل.. يهمهم انك تكون بخير.. | |||||||||
| |
|
02-27-21, 08:35 AM
| #293 | |||||||||
| الكائنات الحيه بتحتاج نوع وقدر مختلف من العنايه على اختلاف انواعها.. يعني مثلا كوني اربي سمك ولا قطه.. هتفرق في انا اقدر اهتم بالحاجات اد ايه وازاي. في الوقت اللي هحط للسمك اكل وانضف الميه وخلاص.. القطط بتحتاج نوع من التواصل والعنايه النفسيه مختلف.. حتى جوه نفس الفصيله.. الأمور بتختلف.. احنا اكتر كائنات بتحتاج عنايه.. سواء كماً او كيفاً.. ويمكن الأطفال بييجوا في أول السلسله دي.. وفي تصوري انه يليهم الستات.. وحتى في دي مش هتلاقي كل الأطفال او كل الستات او كل الرجاله بتتطلب نفس الكم والكيف من العنايه.. فيه ناس اكثر تطلبا وناس اقل تطلباً.. ادراكك لما يتطلبه كل كائن حي حواليك من عنايه.. بيحافظ على جودة حياة كل كائن حي حواليك.. وادراكك للي انت تقدر تديه من عنايه للي حواليك.. والتزامك بيه.. بيحسن جودة حياتك انت.. وبيكفيك شر الفشل في علاقات كتير.. وادراكك للقدر من العنايه اللي قادر غيرك يديهولك.. بيكفيك شر الاحباطات المتواليه من اللي حواليك.. | |||||||||
| |
|
02-27-21, 08:37 AM
| #294 | |||||||||
| الخبرات اللي بنكسبها في حياتنا مش شرط خالص تأمنا من الصاوريخ اللي جايه مش معنى انك خدت على قفاك مره ولا اتنين ولا تلاته.. ولا انضحك عليك مره ولا اتنين ولا عشره.. ولا اتنصب عليك حتى.. إنه هيبقى عندك مناعه.. اللي يقولك انه عمر ما فيه حد ضحك عليه يبقى يا اهبل و لسه مش فاهم.. يا بيكدب عليك او على نفسه حتى.. كل اللي خبراتك في الحياة بتضيفهولك بيبقى قدرة على تحمل اللي جي.. أو قدرة على التأقلم مع اللي جي.. أو قدرة على انك تقف تاني على رجليك بعد أي ضربه تكفيك على وشك.. تصدق حتى المشي جنب الحيطه أو حتى جوه الحيطه مش بيأمنك برضه.. الحياة شوية تجارب.. بتخرج من حبه منهم كسبان و حبه خسران.. و قمة الطموح أن مفيش تجربه منهم تكسرك اوي لدرجة تمنعك تكمل و تعيش.. عاهد نفسك تقوم و تعيش و تجرب و تحلم و تحاول و تكمل.. عاهد نفسك أن خوفك من اللي فات مش هيكتفك و يمنعك تعيش اللي جي. | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
