|
:: قرار هام :: |
إضافة رد |
| LinkBack | أدوات الموضوع | انواع عرض الموضوع |
06-06-21, 04:25 PM | #469 | |||||||||
| يا رب طالب رضاك ما تحرمني وعن نور حبيبك محمد ما تبعدني وعلى مدح طه الزيين ساعدني عارف أني ضعيف لكن بعطفك شاملني هقول أنا من الأول في يوم ميلادك حبيبي سما بتنور وكون حقيقي ونجوم بتتزين في عيدك حبيبي رحمة بتتنزل ملايكة هنا وهناك سايحة ومغفرة من رب العالمين واسعة الف صلاة عليك يا نبينا وسلام ما همك هجر من أهلك ولا حرمان مُخلص لدينك وساعي لرسلتك ما يوقفك غدر لئيم غيران تنادي بأعلي صوتك يمكن يفوق نعسان تهدي بروحك عليل حيران يخرج بنورك من الزور ويهزم البهتان ويقول كفاية كدة زوغان أصلك حق ومن غير لف ولا دوران مش طبعك حبيبي تجرح أي انسان جمعت كل القلوب حواليك برحمتك ونظرة حانية من عنيك فدوك بأرواحهم بلمسة من اديك يا رب حلمي يتحقق يجمعنا في روضته نزوره ونتهنا ونقوله شافعنا أنت ونبينا قادر في يوم عصيب تنجينا وعلى الصراط بدعاك تعدينا وفي جنة الخلد من نهرك وبإديك تروينا وفي النهاية سامحني يا حبيبي على التقصير لكن أوعدك في كل وقت وحين بدمع عيني أصلي عليك واقول تكبير ويارب طالب رضاك ماتحرمني وعن نور حبيبك محمد ما تبعدني | |||||||||
|
06-16-21, 02:51 PM | #470 | |||||||||
| وعوده من جديد ازمة الثقة.. مما لا شك فيه ان المجتمع بقا فيه ازمات ثقة.. مش ازمة واحدة.. بس واحدة من اكثرهم وضوحا.. ثقة البنات واهاليهم في اللي هتتجوزه بنتهم.. الجيل اللي بيتجوز دلوقتي وفي السنين اللي فاتت.. عاش مخاوف كتير تحت ظل امهات سابت شغلها وعاشت تربي الولاد.. ولما اتزنقت في علاقة زوجية سيئة.. معرفتش تمشي.. هتصرف ع العيال منين؟ وفي نفس الوقت مش هتقدر تسيبهم لأبوهم وتمشي.. وبالتالي يا طلعت غلها كله في الولاد.. يا حملتهم حمل التضحية الرهيبه اللي هي عملتها علشانهم.. جت بنات الجيل اللي بعده.. حطت خطوط حمرا كتيييييير علشان نفس المزنق... واهمهم.. انا مش هسيب شغلي.. محدش مضمون.. المشكله مش في اني مسبش شغلي.. المشكله في الاحساس القاتل بتاع محدش مضمون.. واللي ساهمت فيه المحاكم المصرية بأحكام النفقة السخيفه.. ابتداء من ٢٥٠ جنيه للطفل في الشهر.. ايوه نعمل بيهم ايه حضرتك؟ وكل ما الاعداد بتاعة الرجاله اللي مش بتصرف على عيالها بعد الطلاق بتزيد.. كل ما ازمة الثقة في المجتمع بتتفاقم.. اه بس الرجاله مش المفروض تستنى محاكم علشان تصرف على عيالها... لا ديه نظرة حالمه ملناش دعوه بيها.. الواقع بيقول ان معظم الرجاله بتطلق عيالها لما بتطلق مراتها.. محدش بيعمل المفروض.. وبالتالي الناس بقت ماشيه بمبدأ.. انا صاحبي دراعي وعمي قرشي.. ولسه الناس مش عارفه تتماشى مع التغييرات دي.. ولا حتى القوانين والمحاكم.. وطول ما الناس محطوطه على ال survivor mood ده.. هتفضل العلاقات الانسانيه عندنا.. من سئ لأسوء.. كلي امل ان الجيل اللي جي يبقى اكثر قدرة على التأقلم مع المتغيرات.. وان الكفه تبتدي تتعدل شوية.. ♥️ | |||||||||
|
06-16-21, 03:02 PM | #471 | |||||||||
| عارف انت الناس اللي بيبان عليها ناس فرفوشه.. الناس دي زيهم زيك وزي اي حد.. حياتهم مش سهله.. لأن الحياه عموما مش سهله.. هما بس شايفينها مستاهله.. قابلين الحياة بشروطها.. عارفين ان فيها سعادة وحزن.. مكاسب وخساير.. اوقات حلوه واوقات وحشه جدا.. وان مفيش حاله فيهم هتلغي وجود التانيه.. قابلين انه مش كل اللي عايزينه هيلاقوه.. وانه فيه حاجات مش هيعرفوا يوصلولها.. بس برضه بيحاولوا.. عارفين انه فيه بدايل.. مش شرط يعني تمشي على هوايا بالضبط.. عارفين اننا هنعمل غلطات.. صغيره وكبيره.. واننا هنحاسب عليها.. وبيقوموا عادي يعملوا غلطات تانيه.. جنب الحاجات الصح اللي هيعملوها.. بس مش هيبطلوا يحاولوا.. قابلين اننا بنخسر حاجات سواء بسبب الظروف او بسبب اختياراتنا.. او حتى بسبب اختيارات ناس تانيه.. واننا هنتوجع.. وهنزعل.. وهيبان اوقات ان الزعل ده اكبر من كل الدنيا.. بس عارفين انه برضه في ايام حلوه جايه.. وانه فيه فروق وتغييرات ممكن نعملها تهونها علينا.. عارفين يمسكوا في الحاجه الحلوه.. اللمه الحلوه.. الاوقات الحلوه.. الذكريات الحلوه.. عارفين ينبسطوا بيومهم العادي.. وسايبين وقت الزعل لما يبقى ييجي.. معاندتك لواقع الحياه بيخليها اصعب.. مش هيغير الواقع.. لكن هيسود ايامك انت.. | |||||||||
|
06-16-21, 03:03 PM | #472 | |||||||||
| بيقولوا الصبر فضيله.. بس تحس ان الحد الفاصل بين الصبر والتسويف.. الصبر وتأجيل الحاجات.. الصبر و القلب من على دماغك وخلاص.. فيه مشكله عند ناس كتير.. اه فيه حاجات كتير في الحياة بتحتاج وقت.. بس وقت وانت بتعمل حاجه.. مش وقت وانت واقف مكانك.. الصبر لوحده مش هيقرب احلامك منك.. الصبر هيساعدك تستحمل الطريق لو صعب وطويل.. بس انت بتصبر وانت ماشي.. وانت بتعمل.. لا منطقي انك تقف وتقول الصبر هيحلها لوحده.. ولا منطقي تطلب من اللي حواليك يصبروا وهما شايفينك مش بتعمل حاجه.. الصبر اللي فضيله ده.. يا اما صبر على حاجه مفيش في ايدك غير انك تصبر عليها.. زي مثلا ألم وفاة حد عزيز عليك.. او صبر على طريقك الصعب ومشوارك الطويل.. بس وانت ماشي فيه بالفعل | |||||||||
|
06-18-21, 12:18 PM | #473 | |||||||||
| واحدة من أكثر الجُمل الواقعية التي قرأتها على الإطلاق؛ يأتي كل شيء في توقيته الذي يراهُ الله مناسبًا لنا وتجهلهُ محدودية بصيرتنا.. وأنا أومن جدًا بذلك، فكل شيء بميعاد، وكل شيء له وقت، وعندما يأتي الوقت المناسب ستجد كل شيء يحدث بأدنى حد من المجهود.. ما قُدِّرَ له الانتهاء سينتهي، وما قُدِّرَ له البدء سيبدأ، وما قُدَّر له النسيان ستنساه، وكل شيء، كل شيء سيأخذ مساره الصحيح.. الضغط على النفس لتغيير واقع لم يحن وقت تغييره جهد مهدور وهَلكة للنفس.. | |||||||||
|
06-18-21, 12:19 PM | #474 | |||||||||
| الأمان هو الحاجة اللي هاتخليك تقرب بثبات أو تبعد بيقين، الشعور اللي هيخليك تاخد خطوة مع حد في مشوار صعب بس قررتوا تمشوه بثقة، قررتوا تمشوا وكل واحد فيكم واثق ان التاني مش هيتخلى في نص الطريق، مش هيبيع مع أول وقعه، وأول خبطه، البداية اللي قلت بها "اطمنتلك" علشان تختصر كلام؛ كلام كتير جدًا، المجازفة اللي دخلت فيها وكان بس سببك "حسيت بالأمان معاك"، الأمان مش حاجة ممكن تقنع حد بها بكلام، مش محاولات وصفك لصفة فيك هيسمعها منك ويصدق، الأمان شعور بيوصلنا بيقين القلوب، بيقين الفعل، بيقين التضحية والثبات والتمسك، بيقين الصدق والوفاء، وربما كان هذا في وقت ما هو الاحتياج الأعظم والأوحد لشخص ما.. | |||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||