01-28-21, 04:39 PM
| #169 | |||||||||
 
|  لما تحس انك محتاج تنهى علاقتك بحد، متاخٌدهاش خبط لزق استنى جنبه وسيبه يساعدك علشان طالما وصلت لمرحلة انك قررت تبعد أو اقتنعت أن البعد واجب كل حاجه واى حاجه منه هتبقى بتساعدك. سيبه يخيب ظنك ويخذلك واحدة واحدة يقل من نظرك واحدة واحدة يوجعك واحدة واحدة يبعدك عنه واحدة واحدة ساعتها بس هتحس انك استنفذت كل طاقتك معاه والبعد مش هيبقى قرار بيوجع هيبقى مشيئة مريحه، سيبه يدمر كل فرصه له بالبطئ وهتلاقي وجوده وغلاوته بتتلاشى من كيانك واحدة واحدة بدون وجع أو تأنيب ضمير أو حكم للعشرة. هتمشى و انت مش ندمان و لا هتبص وراك لأنه ببساطة هو اللى عمل كده و ساعدك تخرجه من حياتك. الناس هى اللى بتحدد مكانتها فى قلوبنا وحياتنا بتصرفاتها مش بكلامها ولا باختيارنا. | |||||||||
 |
|
01-28-21, 04:41 PM
| #170 | |||||||||
| ومن اسوء الحاجات اللي بتحصلنا.. فقدان الشغف.. احنا حتى اوقات مش بنعرف نسميها.. كل اللي بنعرف نشوفه او نقوله.. اننا زهقانين.. ملل.. مفيش حاجه بقالها قيمه اوي.. ممكن تكون مش زعلان ولا مكتئب.. ان بس حاسس انك فاقد الشعور بقيمة اي حاجه.. ولما الفتره ده بتطول شوية.. بتبقى حتى مش فاكر انت فقدت الشغف بإيه بالضبط.. كنت اصلا عايز ايه ونسيته.. وتتحول للأسف لحالة فقدان شغف بالحياة كفكره.. متستناش على الحاله دي وقت طويل.. روح لناس عارفينك كويس.. خليهم يساعدوك تفتكر انت كنت عايز ايه.. بتسعى ورا ايه.. وكنت عايزه ليه.. متسبش الحالة دي تسرقك منك.. لأنه في عز ضغط الحياة.. وفي عز الاخفاقات ال متتاليه.. بننسى كنا بنحلم بإيه.. ومفيش حاجه بتحمينا من اليأس.. اد تمسكنا بأحلامنا.. وطموحنا.. واهدافنا.. | |||||||||
| |
|
01-28-21, 04:42 PM
| #171 | |||||||||
| تأليه البشر تحويل اي حد من اللي تعرفهم لإله حاجه غريبه كده الناس بتعملها بالأساس بسبب احتياجاها هي لوجود الكائن اللي محصلش ده.. محدش محصلش حضرتك.. ماهو موجود قدامك اهه مفيش حد نسخه واحده او فيه حاجات مش عند اي حد تاني من الفوق ٧ مليار انسان ع الكوكب.. اللي انت مش شايف عيوبه ده.. انت اللي مش شايفها.. ممكن حد غيرك يعرف يحكي عنه اللي يحسسك لو سمعته انه شيطان مش ملاك.. اللي متعرفش تشوف عيوبه وبلاويه يبقى انت واقف في blind spot منه... يا إما منتش قريب كفايه علشان تشوف.. او عامي نفسك بفكرة انه محصلش.. هقولك تاني.. محدش محصلش و هعيد تاني مفيش ملايكه_بين_البشر و اكيد اكيد مفيشآلهةبين البشر | |||||||||
| |
|
01-28-21, 04:43 PM
| #172 | |||||||||
| Life knows where to hit you.. ديه حقيقه الحياة بتبقى عارفه فين يوجعك.. والمنطق والمعطيات المحيطة بتثبت انه محدش بياخد كل حاجه.. واصلا الحياة لما بتاخد منك حاجات صغيرة انت مش بتاخد بالك.. فدايما هتاخد منك حاجه كبيرة.. قدرتك على تجاوز الصعاب في الحياة بتعتمد إلى حد كبير على التأقلم والتجاوز بعد ما تضربك ضربة كبيرة.. وازاي تعمل ده ناس كتير اوي بتتكلم فيه.. انا بس عايزه افكركم انه واحدة من المشاكل اللي بتحصل بعد الخساير الكبيرة.. انك ممكن تبطل تآمن بأحلام جاية.. طالما راح منك احلام كبيرة.. ايا كانت الأسباب.. بتخاف تآمن.. علشان بتبقى عارف انك كل ما تآمن اوي بحلم وميتحققش.. بتتوجع اوي.. زي اللي بيقع من سابع سما.. لسابع أرض. فبتخاف تطير.. و بيبقى آخرك تحلم من ع الوش كده.. لا بتمسك اوي.. ولا بتعرف تسيب.. وتحاول تعيش كده في النص.. حتى لو مفيش حاجه هتسعدك اوي.. على الاقل مفيش حاجه هتدبحك.. اللي هو بتلم السكاكين.. حتى لو مش هتلاقي سكينة تقطع اللي محتاج تأكله.. المهم مفيش حاجه تدبحك.. ومش بتاخد بالك وانت بتعمل انك بتخسر جزء كبير من حماسك للحياة اللي بيديها طعم.. وتبقى ماسخه وملهاش طعم.. التوازن بين اللي تقدر تحققه واللي الحياة كده كده بتاخده منك مش سهل.. بس يستاهل التعب علشان متبقاش عايش من غير روح.. | |||||||||
| |
|
01-28-21, 04:45 PM
| #173 | |||||||||
| الهري في التفاصيل بعد الوصول لنتايج.. قلة عقل.. وصداع ع الفاضي. يعني مثلا.. انتوا بعدتوا.. مكملتوش مع بعض.. ديه نتيجة لمعطيات كتير.. فكرة اني اقعد اراجع المعطيات مره واتنين وعشرة ومليون.. مش هيغير النتايج في حاجه.. الا اذا النتايج كانت مبنيه على معطيات غلط.. فطالما مفيش معطيات جديدة.. يبقى ده هري ومجهود ذهني ونفسي على الفاضي. حاجه كده زي اي قضية قدام المحكمه.. علشان تفتح تحقيق من الاول فيها لازم يبقى فيه معطيات جديدة.. غير كده.. نبطل هري ونبص لقدام.. الحياة صعبة بما فيه الكفاية.. مش مستحملة اننا كمان نقعد نزودها على نفسنا.. ببساطة.. مالم يجد جديد على المعطيات.. مفيش داعي لمراجعة النتايج | |||||||||
| |
|
01-28-21, 04:46 PM
| #174 | |||||||||
| واحدة من العيوب القاتله للمجتمعات القمعية اللي زي حالاتنا.. انها مش بتعزز قيمة الفرد.. مفيش حد بيعلمك تقيم نفسك كويس وتحدد قيمتك الحقيقه.. فبينتهي المطاف بمشكلة من اتنين : يا اما شخصيات نرجسية حقيرة معتدة باللاشئ اللي هما بس اللي شايفينه حاجه تستحق التقدير وبالتالي بيبقوا شايفين نفسهم فوق الناس.. والناس المفروض تحققلهم كل اللي نفسهم فيه.. علشان هما حاجه محصلتش والشخصيات دي في الغالب بتحتاج عين ثاقبة علشان تعرف تشوفهم صح.. وتفهم انهم في الحقيقة ولا حاجه.. وغالبا بتاخد على دماغك منهم الأول قبل ما تشوف الحقيقه دي.. النوع التاني بقا بيطلع شايف نفسه قليل.. اقل من قيمته الإنسانية الحقيقية.. وبالتالي بيعتبر نفسه لا يستحق حتى حقوقه الإنسانية الطبيعية.. وبياخد وقت ومجهود كبير في انه يلاقي نفسه.. ده اذا اصلا حاول يلاقيها.. تربية وتكوين شخص قادر على ادراك ذاته وقيمته شئ مش سهل اطلاقا.. وقد يكون العنصر الأكثر صعوبة في التربية.. فيه خط فاصل بين الغرور وبين ادراك قيمة الذات.. الإدراك مبنى على معرفة جيدة ومنطقية وبالتالي لها ما يدعمها.. اما الغرور فغالبا بيكون له ما ينفيه مش ما يثبته. | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2613Likes
