بعد حين

//

ممتنة لشاعرنا
طاووس الشعر
الوله

لنبض المزون من جديد

//

قصيدة
أحلامي الخجلى

نُشرت

في
9من آب/ اغسطس
2023

//

للشاعر
طاووس الشعر
الوله

//
الرابط:
https://www.al2la.com/vb/t129695.html

نص القصيدة

//

على هذي الدروب الخاويه والسير
مشيت وفي يدي قلبي و ميعاده


حسبت ان العمر فرحه بلا تأخير
نسيت ان العمر أحزان كالعاده


وكنت اتبع على أثرك لصوت الطير
ولو صوته يجر الآه بإنشاده


وانا كل ما يجيني شر اهمس خير
اناظر نصف كاسي / المُر بزياده


تركت اللي وسط صدري بلا تبرير
تغاضيت ونسيت النار وقاده


سريته و ابتدأ حلم الليالي يصير
عرفت أن الليالي صمتها عباده !!


دخيلك يكفي ما فيني و فيني كثير
انا أول من لقى حتفه بميلاده !!


من شعور الوله
و
الفقد
و
التفكير

الى هذا الضياااااااااااع
و
كيييييف اعتاده


الى ظرفي وكل الود و التقدير
ولا مره يجيني حلم ارتاده


انا ممنون لك شكراً على التقصير
دفنت أحلامي الخجلى ورا وساده


وشاعر كل ما يكتب عشان يطير
عشان يطير يدمي جرحه اضماده


بلا منطق يحارب فكرة التنصير
يعيش اللي تمنى الموت بشهادة


ويش يفيد الغلا لو جاء بعد تأخير ؟!
بعد ما الدمع يزهر وسط سجاده !!؟


غناتي والفرح انتي ولي أكسير
وهذا الصدق مو بحصان طرواده


وعشرة عمر لا ما تقبل التحوير
ما دام ان الوفاء انتي من أسياده


وسميتك انا و ارفض بك التأطير
" انا كلي معك " و بصوت مياده


" انا امري الك " ما هوي فقط تنظير
" من الماضي الى بكره و اعياده "


وابن زيدون تاه بلجة التصوير
يروح العمر لجل عيون ولاااااااده


سجنت البوح في صمتي بلا تعبير
و صار الصمت أبلغ شعر يا ساده



لـ الوله .

المهم

//

ردود تخللت القصيدة
//

في القادم

//

رد الشاعرة
شموخ طويق
النايفة

على النص بنص شعري

//

لنا وقفات معه بعد القصيدة

بزمن

//

رد شاعرتنا:
انتظرنا تخف الزحمه وأتينا لنغترف من هذا الإبداع

،،

على مثل هالقصيد نتعنى بالمسير
يستاهل الوله بهذا المحفل رياده

ماجات المدايح عبث ودهن سير
كل بيت ..يقول انا كفو للإشاده

واكتمل المعنى مع روعة التفسير
الجادل اللي حضورها غناه كالعاده



كعادتك ياطاووس الشعر
تختال بأبياتك جمالا هنا

صح لسانك وسلم بنانك


أسعدني جدا أن المزون ستعاود النبض من جديد

بانتظار روائعك

//