| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
01-18-21, 09:57 AM
| #103 | |||||||||
 
|  فى حاجة اسمها مسئولية المعرفة. يعنى لما أكون مش عارف معلومة عن نفسى و عرفتها؛ دا يتبعها مسئولية. مسئولية ايه بقى؟! إنى ألاحظ المشكلة اللى معطلانى و أفهم سببها ايه و جاية منين أحاول "أنا" ألاقى حل ليها. لكن لو فهمت و معملتش حاجة دى بداية أزمة جديدة للغضب و الترفيص و اللوم على الأهل والدنيا و المجتمع و الناس . ودا مش علاج و مش مسئولية العلاج ولا المعالج دى مسئولية قرار حضرتك الشخصية للتعامل مع الأزمة. المعالج مش ساحر معاه عصاية سحرية يغير حياتك بيها، المعالج مجرد شخص شاهد معاك على رحلتك و يمكن مسابق بخطوة و عنده طرق يقدر يساعد بيها فى حل مشاكلك؛ لكن هو اللى يشتغلك لاء.... هو اللى حيغيرك لاء. العلاج مسئولية، زى ما المعالج لازم يكون قد المسئولية بالدراسة و العلم و الإشراف..الشخص اللى بيطلب المساعدة محتاج كمان يبقى قد المسئولية بقرار التغيير و العلاج مش الترفيص و الغضب. | |||||||||
 |
|
01-18-21, 10:00 AM
| #104 | |||||||||
| التسامح و إلتماس العذر للذات او الآخرين.. حاجه بنشوف فيها زي اي صفة تانيه كل أطراف النقيض.. فئة منهم :ناس عندها القدرة انها تلتمس العذر للآخرين مهما حصل.. وبتستغرب هما مش بيحكوا ولا يطلبوا المساعدة ليه؟ انا مش هحاكمه والله وهحاول اساعده ده ناحية الاخرين وممكن ييجوا لحد نفسهم بقا ويقلبوا جلادين.. ولو مقتنعين ان انا اللي عملت ده كله في نفسي.. بيسلخوا نفسهم.. ومش بيفتحوا بقهم لا بشكوى ولا طلب مساعدة ولا اي نيلة.. واحسن استاهل انا اللي جبت ده كله لنفسي.. على اد ما الفئة دي بتبان سند وضهر لناس كتير حواليهم.. على اد ما بيبقوا مؤذيين لنفسهم.. الكلام ده قد يبدوا وانت بتقراه غريب.. بس الحقيقه الناس اللي كده او فيه في اصحابهم ناس كده هيفهموه كويس اوي. فئة تانيه بقا: عندهم نفس نوع التسامح مع نفسهم والآخرين.. والتسامح هنا مختلف عن عدم تحمل حقيقة اني غلطت.. او عدم تحمل المسؤولية عن اللي انت عملته.. لااااااا ده انا غلطان وعارف اني غلطان وقادر اتحمل تبعات خطأي.. وبحاول اتداركه وأصلح اللي اقدر اصلحه.. بس بدون كم مبالغ فيه من اللوم لنفسي او الاحساس المبالغ فيه بالذنب.. وقمة التسامح بقا اني كمان بعرف اعمل ده مع اللي حواليا.. دول ناس جميلة. لو تعرف حد فيهم إلزق فيه واتعلم منه.. الفئة بنت ستين في سبعين بقا: اللي يلاقوا مليون تبرير لنفسهم.. و عادي قشطة يعني.. ويشتغلوا جلادين على الناس.. وممكن يمسكوا طبلة وتار كمان ويزفوا الناس على غلطات هما نفسهم بيعملوها.. وسقف البجاحه بييجي في اللي معروف عنهم انهم بيعملوا نفس اللي بينتقدوه بصوت عالي.. ديه كائنات استغفر الله العظيم.. اجري منهم بالمشوار. وعلى فكرة الفئة الاخيره دي بتتقسم لنصين.. نص بيجلد نفسه زي ما بيجلد غيره بالضبط. ودول عادة لا بينتقدوا حد بصوت عالي ولا بينظروا عليهم. هما بينتقدوا الفعل اكتر منهم بينتقدوا الأشخاص.. ودول مش استغفر الله العظيم اوي يعني.. هما بس بيعانوا و بيخلوا كل اللي حواليهم يعاني من كم الانتقاد وعدم التسامح اللي بيدوه لنفسهم وغيرهم. النص اللي استغفر الله العظيم هما فله والناس كلها expire دول حدفوهم بالطوب عادي يا جماعة اقسم بالله. | |||||||||
| |
|
01-18-21, 10:01 AM
| #105 | |||||||||
| الفرق بين صورتك العادية و الصورة اللي شايفك بيها حد بيحبك.. زي الفرق بين صورتك بكاميرا local.. و صورتك اللي عند مصور محترف من اللي بيصوروا النجوم... الحب بيديك الميزه الرهيبة دي.. لكن مش هيحافظلك عليها.. الوحيد اللي يقدر يحافظ عليها هو انت.. انت و بس.. | |||||||||
| |
|
01-18-21, 10:02 AM
| #106 | |||||||||
| واحده من الحاجات اللي بتموت العلاقات بطريقه سخيفه جدا... وبطيئة لدرجه بتخلي الناس متعرفش هو ايه اللي حصل؟ هو احنا خسرنا اللي بينا فين وامتى وازاي؟ هي الولا حاجه.... اه الولا حاجه... ان الاتنين ينتهي بيهم المطاف انهم مش بيقدموا لبعض اي حاجه.. انك تفقد معرفتك حتى باللي قدامك محتاجه وعايزه ومهتم بيه... انك تبطل تعمل اي حاجه تخلي الأمور كويسه.. ومع الوقت حتى لو الطرف التاني حاول لفتره انه يعمل شويه... هيبطل.. وهيبقى اللي بينكم ولا حاجه.. ومشكلة مرحلة الولا حاجه دي انها لو طولت ممكن ميبقاش منها رجوع... ويا اما الاتنين يكملوا من غير روح كده في علاقتهم.. يا يسيبوا بعض.. وعادة بتبقى قمة صدمة واحد فيهم.. ان التاني ميكونش فاهم ولا مدرك اصلا انه هو اللي بدأ الولا حاجه. وكل ما كان الاتنين يوما ما بينهم حاجه حلوه وكويسه.. كل ما كان الوقوع بيبقى من فوق.. وعلى الرغم من كده.. المرحله دي الناس فيها بتبقى منمله كده.. حتى مش حاسين وجع.. هما حتى احساسهم في الولا حاجه.. ابقى اسأل نفسك كل شويه.. انت بتعمل ايه للعلاقه دي.. كنت بتعمل ايه وبطلت تعمله؟ كنت محتاج تعمل ايه ومعملتوش؟ ايه اللي ابتدي يغير الصوره من الألوان... للأبيض واسود؟ وياريت نلحق نسأل نفسنا قبل النقط اللي بيبقى مفيش منها رجوع. | |||||||||
| |
|
01-18-21, 10:03 AM
| #107 | |||||||||
| دايما فيه روايتين او اكتر لنفس الحدث.. علشان كل واحد بيشوف الحياة بطريقته هو.. وعلشان احنا بنشوف الحياة بطريقتنا بيبقى صعب نحط نفسنا مكان حد تاني.. وعلشان كل ده بتلاقي ناس واقفه بقها مفتوح من الدهشة وهي بتسمع حد تاني بيحكي نفس الاحداث من وجهة نظر تانيه خااااالص... اللي بيحكي رواية مختلفة عن بتاعتك مش شرط خالص يكون كداب او بيستهبل او اي حاجه خالص.. ممكن بس هو شايفها كده.. كمية الاختلاف في رؤيتنا للحياة رهيبة.. مش بس تفسيرنا للامور المعنوية.. لا.. ده حتى رؤيتنا للاشياء المادية.. الشهود اللي حضروا نفس الحادثة هيحكوها بكذا طريقة.. وكده كده هيطلع فيها اختلافات.. دول حتى ممكن يتعرفوا على اكثر من شخص على اعتباره الجاني.. فما بالك بما هو معنوي.. معظم الوقت لما بتسمع من طرفين سابوا بعض.. بتسمع وجهتين نظر لتفسير نفس الاحداث.. بتبقى اسهل لما الرواية بتختلف بس النتيجة واحدة.. احنا مينفعش نكمل مع بعض.. ومع ذلك ممكن تلاقي الطرفين بيحرقوا الدنيا علشان كل واحد فيهم عايز يثبت صحة روايته.. مع ان النتيجة واحدة.. ده حرق جاز ع الفاضي.. ده متاجرة في الخسارة.. طالما وصلنا لطريق مسدود مش هتفرق مين فينا صح.. وفروا مجهودكم.. بس ساعات الرواية بتختلف وفيه طرف ساب وطرف مش عايز يسيب.. هنا هتفرق بس لو الطرف اللي عايز يسيب عنده استعداد يجرب مره كمان.. لو معندوش.. يبقى برضه حرق ع الفاضي.. مش مهم مين روايته صح.. الاهم احنا قادرين نكمل رغم اختلاف الروايات ولا لا.. عمرنا ما هنشوف الدنيا من زاوية وحدة.. الاختلاف سنة الحياة.. تحية للي عارفين يتقابلوا رغم الاختلافات.. وتحية للي قادرين يسيبوا بسبب الاختلافات.. بس بيحافظوا على اخلاق عالية رغم الاختلاف.. وعلى فكرة.. اللي خلافك معاه طلع اسوء مافيه.. ميستاهلش يتبكي عليه اصلا.. | |||||||||
| |
|
01-19-21, 03:07 PM
| #108 | |||||||||
| الأمهات المصريات اللي عندهم صبيان محتاجين يفهموا ان الصبيان مش كائنات معاقه ولا متخلفين عقليا وانه مفيش اي مبرر منطقي لإنهم ميبقوش بيعرفوا يعملوا الحاجات العاديه اللي البنات بتعملها عادي وانه لو بنتك عندها ١٢ ولا ١٤ سنه بتعرف تعمل كذا حاجه وابنك اللي ادها مش بيعرف فالعيب فيكي انتي. مفيش اي حاجه تمنع الصبيان انهم يعرفوا ينضفوا ويطبخوا واي حاجه تانيه. وممكن جدا تيجي فترات في حياتهم يحتاجوا فيها المهارات الاساسيه للحياة اللي انتي مرضتيش تعلميهالهم علشان هما صبيان. | |||||||||
| الدكتورة likes this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
