| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
01-19-21, 03:08 PM
| #109 | |||||||||
 
|  حجم الدمار اللي بيتعرضله الشخص نتيجة التشكيك المستمر في قدراته مذهل.. الواحد بينتهي بيه الحال انه حتى مبقاش مصدق الحقايق الملموسة اللي بيوصلها.. زي ما يكون بقا في دماغه صوت من جواه بيقوله انت مش كويس كفاية طول الوقت.. مهما حقق في حياته.. اللي عمل فيك كده في حياتك أذاك أذى بين.. أذى عميق.. والخروج من الحفرة اللي رماك فيها وردم عليك بتاخد وقت ومجهود كبار فعلا.. واول خطوات النجاة من الاذى ده هو التخلص من الناس دي إن أمكن.. او على الأقل تهميشهم. بعد كده بتحتاج اشخاص داعمة في حياتك تشاورلك على قدراتك وانجازاتك.. الصغير منها قبل الكبير.. محدش فينا بيبطل يبقى الطفل الصغير اللي بيفرح بالنجمة اللي في الكراسة.. احنا محتاجين الناس اللي بتقولنا برافو.. اللي بتقولنا انت تقدر.. اللي بتقولنا كمل.. انت قدها. الدعم النفسي مساعدة حقيقية.. لا تقل قيمة عن المساعدة المادية الملموسة.. طبعا لو فيه ناس في حياتك قادرة تبقى الاتنين.. فدول نعمة كبيرة حافظ عليها. | |||||||||
 |
|
01-19-21, 03:09 PM
| #110 | |||||||||
| زمان شويه كنت بستغرب لما بشوف راجل histrionic يعني رد فعله هيستيري و ممكن نبقى نشرحلها بعدين او بيشتكي بحاجات psychosomatic يعني اوجاع و مشاكل في جسمه لأسباب نفسية و رغم ان الحاجات ديه اكتر شويتين في الستات و لذلك كنت بستغربها الا اني بعد شويه بقيت بقول كويس ان الراجل ده كده لان عادة الرجاله بتعبر عن الإحباط و الضغط و ساعات الاكتئاب بردود افعال عنيفه و عصبية زايدة و دول في الحقيقه بتبقى حاجات مدمره اكتر من الهيستريا و غيرها و سكة الادمان اللي بتفتح ع البحري تحت الضغوط كتير بنشوف بوستات بتتكلم عن الضغوط اللي على الستات و المسؤولية اللي شيلاها بزيادة و الحمل اللي مرمي عليهم و كتير اوي ستات بتشتكي من عصبية زايدة و ردود افعال عنيفه عند الرجاله و الوتيرة بتتصاعد الحقيقه واحده من الاسباب اللي تبدو منطقية الحقيقه (و ده مش تبرير او التماس عذر بس.. ده بحث في الاسباب) ان احنا بنوصل دايما رسايل غلط للصبيان و احنا بنربيهم متعيطش.. مفيش راجل بيعيط (حضرتك عندهم غدد دمعية عادي و الله) متشتكيش.. مفيش راجل يشتكي (حضرتك عايش معانا في كوكب الارض و الدنيا بتشتي على دماغه زلط زينا كلنا عادي) متردش.. مفيش حد مؤدب بيرد ( فيه حاجه كده استغفر الله العظيم اسمها حق التعبير عن الرأي.. علمه يستخدمها صح مش يسكت خالص) وريني هتعمل ايه... ( حضرتك مش داخل او داخله مع ولادك تحدي.. مفيش حاجه اسمها كده.. الفشل حق مكفول للجميع) انت زعلان كده ليه؟ ؟ حصل ايه لكل ده؟ ؟ ( مش شرط خالص اللي انت مش شايفه حاجه ابنك ميشوفوش حاجه.. احساسه ده بتاعه.. و الصبيان ناس زيينا و الله و بيحسوا جدا كمان) و نفضل نكبت في مشاعرهم و افكارهم و اوجاعهم لحد ما يتعلموا يطلعوها كلها في صورة غضب.. لان صوت الغضب عالي و مسموع ة نتايجه متشافه.. و نرجع نقول قلة ادب و عصبية و بهدله علموا ولادكم يقولوا الله يكرمكم يقولوا زعلان.. فرحان.. محبط.. غضبان.. حزين.. موجوع.. علموهم علشان لما يكبروا ميبقوش راجل عصبي و ابن ستين في سبعين. | |||||||||
| |
|
01-19-21, 03:11 PM
| #111 | |||||||||
| الاختلاف على الرغم من كون الاختلاف هو الشئ اللي بيدي الدنيا طعم.. وهو اللي بيخلينا نقف قدام حاجه ونقول وااااااو كل الفنون اللي بتاخد قلوبنا مبنيه على الاختلاف الابداع اختلاف الافكار الجديده اختلاف الاختراعات كلها اختلاف التجديد كله اختلاف معظم الحاجات اللي بتدي الدنيا طعم اختلاف عن المألوف.. ورغم ذلك.. تلاقي الدنيا والناس مش بتحارب حاجه اكتر مما بتحارب الاختلاف.. وتلاقي كل هدف من حول المختلف انها تحوله لشئ عادي.. ترس في مكنه كبيرة اسمه الحياة.. وتلاقي الهجوم على المختلف في حياته وفي افكاره وفي احلامه وفي طموحه وفي رؤيته.. جي من كل ناحية.. انت ليه مش خروف ضمن القطيع الكبير اللي ماشي ورا الراعي هناك ده؟؟؟ انت ازاي مش خايف من الكلاب اللي بتحرس القطيع (بتحرسه اه.. علشان لا فيه خروف يطلع ولا حد من بره يدخل.. علشان محدش يختلف)؟؟؟ ولحسن الحظ.. وعلشان الدنيا متبقاش شئ ماسخ بنفس اللون علشان الحياة متبقاش مجرد حلقة زمنية معادة يوم بعد يوم علشان الايام متبقاش مجرد روتين ملوش ملامح علشان نفضل نشوف حاجات ونقول واااااو المختلفين مش بيعرفوا يبطلوا اختلاف.. ولو قتلت روح حد فيهم وحولته لترس في مكنة.. او لو حتى قتلته هو شخصيا.. هيطلع غيره وغيره وغيره الاختلاف ورا الابداع الاختلاف مش بس فكرة والافكار لا تموت لا.. الاختلاف عقيدة.. والعقائد أكتر حاجه الناس بتموت علشانها.. مهما عانى المختلفون.. مش هيتخلوا عما يجعلهم مختلفين.. لأنه ببساطة هو اللي بيخليهم هما.. و التخلي عن انت مين.. انتحار... ويبقى الخيار الصعب.. بين معاناة الاختلاف.. وانتحار اتباع القطيع | |||||||||
| |
|
01-19-21, 03:12 PM
| #112 | |||||||||
| قاعدة بسيطه في ظاهرها.. صعبة في جوهرها.. سلامك النفسي والداخلي وراحتك مع نفسك مرتبطة مباشرة بموافقة أفعالك لقناعاتك ومعتقداتك.. كل ما تبقى بتعمل حاجات انت مقتنع انها غلط.. كل ما كانت معاناتك النفسية عميقة ومستمره.. وبتبقى قدام خيار من الاتنين.. والاتنين صعبين.. ولكن فيهم واحد أسهل من التاني: الاول: انك تغير سلوكياتك لتتبع وتوافق معتقداتك.. يعني انا مقتنع ان كذا غلط.. ابطل اعمله. الثاني: اني اغير معتقداتي لتتبع تصرفاتي.. وده أصعب الحقيقه بس بقى الحل الذهبي الحقيقي.. اني اقدر افرز مين فيهم اللي فيه مشكله؟ علشان اقدر احكم مين فيهم اللي محتاج يتغير. ولو انا معرفتش اعمل ده لوحدي.. وده وارد جدا.. لأن انا وانا بنفكر في أفكاري انا ومعتقداتي انا وتصرفاتي انا.. فغالبا بحتاج مساعده خارجيه. نوعية المساعده الخارجيه بتتوقف على كم المعاناه وكم وحجم المشاكل اللي انا فيها سواء نفسيا او فعليا.. يعني لو الموضوع مش كبير اوي.. غالبا صديق عنده بعض الحكمه او حد في اهلي انا شايف انه متسق مع ذاته كده ومبسوط مع نفسه وحياته ماشيه كويس.. ممكن يقوموا بالدور ده. لكن لو التناقض شديد وحياتي بالفعل مش ماشيه كويس.. واموري ملخبطة جدا.. او مش لاقي المساعدة دي من حد قريب.. وقتها بحتاج لمساعدة حد متخصص. السلام الداخلي امر لو تعلمون عظيم ويستاهل اي مجهود تعمله علشان توصله. | |||||||||
| |
|
01-19-21, 03:13 PM
| #113 | |||||||||
| واحدة من المصايب المتكرره في البلد ان المعطيات الواضحه لا تؤدي الى النتائج البديهية المتوقعه مفيش نظام محدد للقياس بحيث انك تبقى عارف ان الطريق اللي ماشيه واحد اتنين تلاته اربعه.. المفروض هيؤدي الى واحد اتنين تلاته اربعه.. كل حاجه متعلقة بمزاجات شخصية لناس بعينهم بيتحطوا في مناصب بعينها.. و كأن اقدار الناس دايما لعبه في ايد حد في منصب أعلى.. ويرجعوا يسألوا الناس بتفقد الامل ليه؟؟ وبتسيب البلد وتطفش ليه؟؟ الناس بتطفش ببساطه علشان زهقوا من كونهم لعبة في ايد ناس تانيه.. او شئ لا قيمه لمجهوده.. ولم ولن يؤدي بيه لاي شئ.. لكل اللي بيمسك مكان في البلد دي بيديله قدرة على التلاعب بمصاير الناس.. مبروك عليك العرايس الماريونيت اللي في ايدك.. مبروك عليك انك بلا حساب.. بس خليك فاكر.. كما تدين تدان.. ولو دامت لغيرك ما وصلت إليك | |||||||||
| |
|
01-20-21, 09:41 AM
| #114 | |||||||||
| الأطفال عندهم اجابه لطيفه جدا عن سؤال: ايه اللي كسر دي؟ او ايه اللي خرب ديه؟ اسمه: هي اتكسرت لوحدها... للأسف الشديد بنشوف ناس بتكبر وهي لسه بتفكر بنفس الطريقه.. و بتجاوب نفس الاجابه... ايه اللي خرب حياتك كده؟ معرفش الظروف بابا ماما هي خربت لوحدها... وبيبقى الهدف من الاجابه دي هو نفس هدف الأطفال.. التهرب من المسؤولية.. طيب ليه ده بيحصل؟ ببساطه لأن تحمل المسؤولية عن كل البلا الأزرق اللي بيحصل في حياتك شئ صعب.. وتقبل ان الظروف السيئة شئ هيواجهك مهما تعبت ومهما حاولت.. هو شئ صعب.. والأصعب هو انك تجتهد علشان تنجح وتحقق حاجه.. رغم كل حاجه.. المشكله الاساسيه اللي هتواجهك في النقطة دي.. انه على الرغم من صعوبة الموقف.. الا انك مش هتعرف تغير اي حاجه في حياتك من غير ما تتحمل المسؤولية.. لانه بحسبه بسيطة جدا.. اللي انت شايف انه مش في ايدك وانت مش مسؤول عنه.. هتشوف انه يستحيل تغييره. وبالتالي.. انت اصلا مش هتحاول.. مفيش حاجه بتتكسر لوحدها.. مفيش حاجه بتخرب لوحدها... واكيد.. مفيش حاجه بتتغير لوحدها.. وعليه.. انت محتاج لمجهود.. واوقات كتير مجهود كبير.. علشان تقدر تقوم تغير اللي مش عاجبك.. لأنك للأسف لو معملتش ده.. هو مش هيتغير لوحده.. | |||||||||
| الدكتورة likes this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
