| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
01-20-21, 09:42 AM
| #115 | |||||||||
 
|  مفتكرش ان فيه حد مضطر يفضل طول عمره يدفع تمن اختيار غلط او قرار غلط او حتى قرار كان صح في وقت ما بس مبقاش مناسبنا دلوقتي الفكره مش بس في ان الحياة حوالينا بتتغير.. لا.. الفكره الحقيقية ان احنا نفسنا بنتغير.. فكلنا من حقنا نراجع نفسنا في قراراتنا واختياراتنا ياما فيه ناس حواليك قلبوا الدنيا وغيروا الثوابت.. او حتى اثبتوا انها مش ثوابت.. بس كلنا بنقف في خانة التفكير شويتين.. وفي خانة القرارت شويتين تلاته.. وفي خانة التنفيذ شوياااات كتير.. علشان وقت التفيذ بيبتدي الخوف من المجهول او حتى من المعلوم اللي لسه معشتوش بيحاوطك.. كلنا وقفنا في اوقات كتير في حياتنا عارفين الصح وشايفينه ومقتنعين بيه (الصح لينا.. الانسب لينا.. لا شئ مطلق).. ومع ذلك مش عارفين ننفذه كل خطوة من دول بنحتاج نقف نفكر نفسنا بنعملها ليه؟؟ احنا اتغيرنا و بقينا ايه؟؟ احنا راضيين عن التغيير ده ولا لا؟؟ احنا فهمنا ايه و غيرنا؟؟ احنا عملنا ايه و غيرنا؟؟ احنا ادركنا ايه عن ذاتنا و قدراتنا وحياتنا فغيرنا؟؟ متخافش من التغيير.. التغيير سنة الحياة | |||||||||
 |
|
01-20-21, 09:43 AM
| #116 | |||||||||
| على اد ما احنا بنتدايق وبنشكي من المسؤوليات اللي علينا.. وكل اللي متعلق في رقبتنا.. الا ان الحاجات دي في اوقات كتير بتبقى الحاجز اللي بيقف بينا وبين الانهيار.. اللي بتخلي الانهيار بيبان رفاهية غير متاحة.. وحتى لو ده ضغط علينا في اوقات.. الا انه بيخلي مجمل حياتنا وانجازاتنا تعلى وتبقى اسرع وأقوى.. المثل اللي بيقول المضطر يركب الصعب.. هو مثل واقعي جدا.. ولو اتعاملنا في اوقات الروقان كده مع الفكره بتاعة ان المسؤوليات دي مجرد هم وغم.. وابتدينا نتعامل معاها على أنها دوافع.. هتحسن احساسنا بالضغط كتير.. | |||||||||
| |
|
01-20-21, 09:44 AM
| #117 | |||||||||
| الستات كائنات قادرة على منح اهتمام يومي ومستمر في صور كتير اوي بتهتم بكل اللي يخص ولادها وبيتها وشغلها وجوزها او صاحبها او اي حد حواليها معظم اليوم كل يوم.. وبالتالي الاهتمام شئ هي قادره على منحه بصوره يوميه.. ممكن جدا انت كزوج او اي راجل في حياتها متعرفش تشوف ده.. لكن هدومك اللي بتلاقيها الصبح مغسولة علشان تلبسها اهتمام.. اكلك اللي بترجع تلاقيه اهتمام.. سريرك النضيف اللي بترجع تنام فيه اهتمام.. كل تفصيله بتعدي عليها في يومك هتلاقي فيها لمسة اهتمام منها... ولذلك الست قادرة تلاحظ قلة اهتمامك بشكل يومي.. انت مش هتلاحظ ان الكام يوم اللي انشغلت فيهم في شغلك ولا مع اصحابك دول مشكله.. لكن ممكن يعملولها هي مشكله.. وللمره الألف.. ده مش لوم ولا عتاب ولا غلط فيك.. ده مجرد شرح لتقريب وجهات النظر.. طب وانا اعمل ايه يعني ما انا في الشغل.. ولا انا خارج.. ولا انا هعملها ايه يعني؟ الحقيقه لحسن الحظ ان هي اي حاجه صغيره في الغالب هتفرق معاها.. شكرا هتفرق.. انا مقدر وجودك هتفرق.. الله القميص ده مكوي ده انا كنت ناوي البسه شكرا ليكي.. الله الاكل ده حلو اوي تسلم ايدك.. اي حاجه حلوه صغيره هتجيبها معاك هتفرق.. الستات في الحاجات دي زي الأطفال.. انا فضيت نفسي النهاردة ساعتين تعالي نعمل كذا.. اي حاجه صغيره بصورة شبه يوميه هتغير حياتكم خالص.. حتى لو هتعمل منبه على موبايلك كام يوم في الأسبوع تفكر نفسك تعمل حاجه من دي لحد ما تتعود.. هقولك تاني.. الستات البعد والجفا بيعملوها مشكله حتى لو كانت ايام.. لو هي مش كده اعرف ان وجودك مش فارق الحقيقه وانك في مشكله اكبر من كده بكتير.. وربنا يعينك والله | |||||||||
| عطر النَّدَى and الدكتورة like this. |
|
01-20-21, 09:46 AM
| #118 | |||||||||
| نداء إنساني.. ونقطة نظام عزيزي الأب.. عزيزتي الأم اللي اختاروا انهم يكملوا مع بعض رغم انهم مش مبسوطين.. تحت شعار علشان العيال.. تحت شعار كده اقل ضررا.. تحت شعار منظرنا قدام الناس.. تحت شعار حمرا يا طماطم حتى.. مش من حق اي حد فيكم انه يحمل ولاده نتيجة اختياره.. الاسطوانة المشروخة بتاعة ضيعت عمري عليكم.. وضحيت بحياتي علشانكم.. ده قرف.. الاختيار كان اختيارك .. علشان انت كنت شايفه صح.. ديه عاملة زي صدقة يتبعها أذى.. قلتها احسن.. لا كنتوا سيبوا بعض باحترام.. ومتذلوش الولاد بعمركم اللي ضاع.. اخر حد في الدنيا من حقك تعلق عليه شماعات هو ولادك.. كونك حطيت في اعتبارك ايه الاحسن ليهم.. ديه حاجه ليك انت مش ليهم.. اه والله ليك انت علشان انت عايز تبقى أب مسؤول.. ويتقال أب زي الفل او انتي عايزة تعيشي دور الأم المضحية.. ويتقال ياعيني عليها.. فوقوا.. اولادكم مش مسؤولين عن اختياركم.. والناس اللي عملت كده علشان ولادها فعلا.. مش بيعايروا الولاد كل شوية.. ويحملوهم ذنب عمرهم اللي راح.. متضحيش.. احسن كتير مما تذل حد بتضحيتك. | |||||||||
| |
|
01-20-21, 09:46 AM
| #119 | |||||||||
| واحدة من الحاجات اللي محتاج تشتغل عليها في حياتك هي انك تجمع اسباب واشخاص تخليك تعافر وتكمل حتى لو بان ليك في اوقات ان نفس الاسباب والاشخاص دول حمل في بعض الاوقات.. فدي الاوقات اللي بيبقى صوت الوجع او اليأس او الضعف عايزينك فيهم تستسلم و تسيب كل حاجه وراك.. ساعتها قيمة الحاجات والاشخاص دي بتبان.. لأنهم بيخلوك تتمسك بالحياة والمعافرة و المقاوحة و بكل حاجه بتدفعك تعيش و تبقى احسن.. كل ما اسبابك و اشخاصك المهمين زادوا.. كل ما لقيت سند حقيقي وقت الوقوع تتسند عليها.. الناس و الحاجات دي بتعرفها لما تكمل جملة: انا عايز ابقى احسن علشان.............. انت عايز تبقى احسن علشان ايه؟؟؟ | |||||||||
| |
|
01-20-21, 09:47 AM
| #120 | |||||||||
| أيتها المتدثرة بالغياب المتعنت بالجفاء ..!! ألم يصلكِ نداء روحي ..!! .. تبَاً لمارد الغياب كم نصله حاد ينحر ثنايا الروح ..!! سئمت الإرتطام بأطيافكِ يابنة والياسمين ولملمة أشلاءِ أحاديثكِ المبتورة على تلك المقاعد المهجورة كفاكِ تعلقاً بحبال ذاكرتي إني أتضور حنيناً دعيني ألتهم ذلك الغياب ..!! .. أنا بدونكِ يابنة الياسمين كزهرة ثكلى في بيت عزاء لم تدس عتبته قدم زائرٍ ولم تلقى فيه كلمة رثاء ..!! | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
