01-22-21, 11:26 AM
| #133 | |||||||||
 
|  اوقات بيبقى عندنا اعتقاد اننا عايزين حاجات بعينها كده.. وانها لو جاتلنا هنحافظ عليها بعنينا.. واننا هنعمل اللي ميتعملش علشانها.. ولكن للأسف اوقات كتير مبنعملش ده.. ورغم كل شئ.. بنسيبها تضيع.. متعرفش بقا هو احنا مش بنبقى مستعدين انها تيجي.. او بنبقى فاكرين اننا هنقدر نحافظ عليها ولا لا؟ ولا بنبقى فاكرين اننا فعلا هنعمل كتير علشان ده اللي احنا عايزينه.. وننسى او منقدرش؟ وقتها بتبقى واقف عايز تلوم الحياة والظروف والكوكب والمجره كلها على أن الحاجه دي راحت منك.. وانك معرفتش تحافظ عليها.. ولو انت حد عنده رؤيه كويسه هتعرف تخرج من الحته دي وتشوف ايه اللي فيك انت اللي خلاك معرفتش تحافظ على ده.. َساعتها بيبقى قدامك حل من الاتنين.. يا تقعد في دايرة ذنب وغم على دماغك كده.. يا تقوم تصلح اللي فيك وخلاك تخسر.. على الاقل علشان متخسرش تاني. اما بالنسبه لكل الحاجات الحلوه في حياتنا ومعرفناش نحافظ عليها.. احنا بنفضل آسفين.. آسفين انها ضاعت.. آسفين لكل حد حلو معرفناش نحافظ عليه.. آسفين نيابة عننا وعن العالم.. آسفين على الوجع اللي سببناه.. وعلى بكره اللي حلمنا بيه ومكانش.. آسفين على الجرح اللي يمكن ميتعالجش.. لكل حد حلو فيه حد معرفش يحافظ عليه.. قوم داوي روحك وعيش.. محدش هيداوي اللي جواك غيرك انت وكام حد غاليين في حياتك هيقفوا جنبك لحد ما تنور تاني.. قوم بص على حياتك هتلاقي فيها ناس يهمهم انك تفضل.. يهمهم انك تكون بخير.. | |||||||||
 |
|
01-22-21, 11:33 AM
| #134 | |||||||||
| نيجي بقا للقبول الغير مشروط انا اموت واعرف مين العبقري اللي اخترع التعبير ده؟ حضرتك انا معرفش حد قابل نفسه هو شخصيا قبول غير مشروط.. الاستاذ اللي ورا.. حضرتك عاجبك كل حاجه في نفسك وقابلها زي ما هي؟ حضرتك ده عرض مرضي والنعمه.. اللي ناس كتير فهماه حول التعبير ده مش صح ومش حقيقي. القبول الغير مشروط بيبقى للشخص ككل.. مش لتفاصيله.. لا يمكن في حياتك هتقابل حد تعجب بكل حاجه فيه.. ولا يمكن تكون معجب بكل حاجه في نفسك مالم تكن من أصحاب اضطراب الشخصية النرجسية.. اللهم احفظنا واحفظكم من أشكالهم الغبرة. القبول غير الشروط اللي ممكن يتقدملك من حد قريب منك بيبقى ليك ولوجودك في حياته.. لكن ده لا يعني اطلاقا انه مش هيعترض على صفات فيك أو حاجات انت بتعملها او قرارات بتاخدها.. والتعسف في الموضوع ده زاد اوي الحقيقة.. لو لقيت نفسك محدش بيعلق على اي حاجه تخصك.. تأكد انك ملكش حد قريب ولا حد مهتم.. لما بنهتم بنحاول نشارك.. بنحاول نلحق بعض من اللي شايفينه خطر او غلط.. حتى لو اللي احنا مهتمين بيه ده ماشي بدماغه.. برضه هنتكلم.. لو محدش حواليك بيتكلم يبقى محدش مهتم.. او فقدوا فيك الأمل.. نقول تاني.. رفض حد قريب منك اتصرف او طبع فيك.. ليس رفضا ليك انت في المجمل.. هو اه مش شرط اعتراضه ده يكون صح.. بس احنا لو متكلمناش واتناقشنا واعترضنا واتخانقنا واتراضينا.. نبقى موجودين جنب بعض ليه اصلا؟؟ محدش بيشوف الصورة كاملة لوحده.. لما حد يحاول يوضح لك الصورة اسمعه.. هو مش رافضك.. ومش بيقلل منك.. هو بيحاول يوريك جوانب تانيه.. وللإنصاف.. الكلام ده لا يشمل الناس الحشرية اللي فاكرة نفسها ام العريف وهما بقا اللي هيقولولك كل حاجه صح.. دول اديهم بالشبشب عادي ميهمكش.. دول بيكلموك علشان نرجسيتهم هما مش علشان مصلحتك انت.. تعرف الفرق ازاي؟ راقب نمط تصرفات اللي حواليك مع بعض.. مش معاك انت بس.. هل هما مهتمين؟ ولا هما بيتدخلوا والسلام؟ هل هما بيعملوا كده مع الناس القريبة؟ ولا رافعين عصاية ابو العريف على كل الناس؟ هل هما بيقبلوا الكلام من حد مهتم؟ ولا هما اللي من حقهم يدوا نصايح وخلاص؟ وهكذا..... نقول تاني.. مش كل حد جي يرفض حاجه فيك يبقى رافضك.. ومفيش حد مهما كان قريب ومهما كان بيحبك هيوافق على كل حاجه فيك.. المهم اننا نبقى مرتاحين وسط دواير قريبة.. خلافاتنا جواها مش جوهرية. | |||||||||
| |
|
01-22-21, 11:36 AM
| #135 | |||||||||
| هل فيه ناس حساسه اكتر من غيرها؟ الحقيقة اننا بنستخدم تعبير حساس ده في وصف الناس اللي حدة مشاعرها عاليه شويتين وبالتالي المواقف اللي بتعدي عند اغلب الناس عادي.. مش بتعدي عندهم عادي خالص.. وبتسببلهم مشاعر سلبية حادة.. بتأثر على يومهم ويمكن ايام كمان قدام.. طيب ليه ديه مشكله؟ ببساطه مفيش حد فينا بيعدي عليه اسبوع مثلا.. من غير موقف واحد على الاقل يدايقه.. فتخيل كده لو قدرتك على إدارة مشاعرك السلبية محدود.. بمعنى انك بدل ما تعدي العكننه بتاعة الموقف في ساعه ولا اتنين.. لا بتاخد كذا يوم.. حط بقا موقفين في الأسبوع.. لحد بيقعد كام يوم على ما يروق من موقف سئ.. يبقى الشخص الغير قادر على إدارة مشاعره.. اللي بيوصف خطأً بأنه حساس.. اسبوعه كله انضرب.. والاسبوع بيجر شهر.. والشهر يجر سنه.. والسنه تجر سنين.. والأفكار تجيب بعض انا اللي حساس زيادة.. لا الناس هي اللي مش بتحس اصلا.. فبدل ما يعرف يركز على تحسين قدرته على إدارة مشاعره.. بيكتئب زيادة لان المشكله بقت في الناس.. هما اللي مش بيحسوا.. وانا مفيش في أيدي حاجه علشان اخليهم يحسوا... ويدخل في حالة من اليأس كده.. الحقيقه للأسف الشديد مفيش حد بيدور علي علاج من الاول.. مفيش حد بيطلب مساعدة علشان هو شخص حساس باللغة الدارجة... هو بييجي بعد ما يكتئب وييأس.. والدوامة بتبقى كبرت.. وسرقت سنين من عمره.. وكومت أخطاء تفكير كتير فوق بعض.. وبقا التعامل معاها أصعب شوية.. والوقت اللازم لعلاجها اكتر شوية.. البوست الطويل ده كله علشان اقولك.. لو انت شايف ان مشاعرك السلبية معكننه عليك طول الوقت.. او انت عموما مش بتعرف تخرج من العكننه ولا الزعل ولا الزهق ولا الغضب او أياً كان بسرعة معقوله.. متستناش حياتك تقف.. اطلب المساعدة دلوقتي.. هتوفر عليك كتير في حياتك اللي جايه.. طبعا ده انت او انتي.. الكلام هنا بصيغة المذكر علشان هما قالولنا كده في اللغة العربية بس.. ومقدرش انكر ان دي مشكله اكثر شيوعاً في الستات عن الرجالة.. ولو انها اسوء وأكثر حدة في الرجالة.. | |||||||||
| |
|
01-22-21, 11:38 AM
| #136 | |||||||||
| علم النفس و علوم التربية هتقولك ان القبول شئ مهم.. و احتياج اساسي لكل الناس على اختلاف اعمارهم.. و اهم كمان للأطفال.. حالات كتير اوي منهم انا و انت والأغلبية العظمى من الناس في هذا المجتمع الكئيب اللي واحده من عيوبه القاتله ان ناسه مش قادره تقبل بعض على اختلافها.. بييجي من عدم القبول.. الناس اللي بتحس بالفرق فعلا (و انا منهم) اللي جربوا يعيشوا من غيره و بعدين دوروا عليه و لقوه.. اتعلموا يقبلوا نفسهم و يقبلوا الناس على اختلافهم.. و قدروا يحوطوا نفسهم و لو بدايرة أمان صغيرة من ناس قبلاهم.. مهما الكتب قالتلك ان القبول شئ مهم.. الا انك قليل اوي ما هتلاقيه في الدنيا.. بس اللي اتعلمته انك لما بتتعلم تقبل الاختلافات اوي.. بيبقى اسهل عليك تبقى اوضح مع نفسك و اقرب لنفسك الحقيقية.. فالناس بيبقى اسهل عليها تقراك.. و بالتالي بتشد ناس فيهم شبه كبير منك.. و كل حاجه بتبقى احسن مع الوقت.. طول ما انت حابس نفسك في قالب مثالي مش شبهك اوي.. هتفضل وسط ناس مش شبهك اوي.. و هيفضل القبول شئ صعب تلاقيه.. لو نجحت.. هتلاقي نفسك قادر تقول اكبر عيوبك و غلطاتك القاتله اللي عملتها في حياتك لعدد اكبر من الناس.. و الناس دي بتوع دايرة الأمان.. بيبقوا كنزك الحقيقي.. حافظ عليه.. اوي لكل اللي عارفين عني اكبر عيوبي و مصايبي و قابليني بيهم.. شكرا.. انتوا كنز.. و انا مقدره وجودكم جدا.. و سامحوني لو في يوم قصرت في حق حد فيكم.. اكيد بيبقى التقصير مش مقصود.. | |||||||||
| |
|
01-22-21, 11:41 AM
| #137 | |||||||||
| حكايتي حكاية حلم وروايتي رواية حقيقة .. حلم يعبر لُجية بحر الشعور النجاةُ منه خيال وخرافه ..!! والحنينُ المؤبد حد التفرُّد .. لكنها باتت كـ الأسطورة يصعبُ عليَّ مُحاكاتها ..!! تنطِق بحرف رِوايتها .. وأنا أترقب وقعُ الصدى هل أنا المقصود أم هناك شخصٌ أخر ..؟؟ تكلمت وفاض سلسبيل عطرها من بين ثناياها والشفاه وأبتسمت فلاحَ سنا النور من عيناها أضاء أفاقَ البصر عبر الأفق البعيد ..!! وكأنها تخفي بين لغةِ عيناها ومنطق الجنونِ أسرار الكون بأقطابهِ .. فقالت .. هاكَ ضياءُ الأفُقِ أَنِر بهِ ذبول الياسمين فخجلت وأصابتها صبابةُ ..!! وهات مِنكَ عذريةُ النبض وأملأ أرجاء قلبي بِنبض طفلة لم تكتفي بهذا .. ولكنها أصرَّت وتمتمت وقالت : أعطني مِنكَ كل حرفٍ بِطهرٍ وشوقٍ ونقاء..!! وأعطيكَ قلبً لم يَحلُم به بشرُ قطْ ..!! .. كـ الكون الفسيح هيَ لا تضيقُ بي حدوده ..!!! افتوني يا سادة ..!! كيف اقتلع الشوق من الاعماق لاسري اليها باوردتي وانا القتيل ولا احتاج لماء وزواد افتوني بها ..!! | |||||||||
| |
|
01-22-21, 11:44 AM
| #138 | |||||||||
| بدد النور.. وكأن الليل مهجور .. ونجمُ سماءٍ تلئلئ فأستجدى عطف القمر لذاك النور .. بكى .. فأشفقَ على نفسهِ فأقترب ثم أبتعد ثم أقترب أخرى فآثر وأنتحر أعتذر بوجهٍ شاحبٍ وتمتم قائلِاً .. أرجو المعذِرة فأنا بِتُ كـ المخمور.. أستقي الخمرَ من كل المحابِر فلذة الشقاء بها تؤنسني تهدهدني ... تتيحُ لي طقوسٍ لا أعي بها من أكون وكأني ضيفُ حل ولم يرتحِل من عصر هذيانٍ وجنون ..!! خمرُ دمعٍ .. وخمر وجدٍ .. وتارةً يُسقيني رضابُ خمرٍ من إكسيرِ الوجع ..!! فأهيمُ بمنطقٍ غير معهود ... أبوح بخفايا كل مكنون فأحدهما يبكي وأخرٌ مُبتسم ..!! وأنا في حيرةٍ من امري أهو المنطق أم هو الجنون ..!!!! هو الشوقُ كـ هرمٍ تُخبرهُ الأيام بأن السنين قد أنجبت له حفيدً من وطنٍ مهجور . الهرمُ وحفيدهُ في الإثمِ سواء فكيف باتَ قلبك لي وطن حين لفظتني منه كـ ألِسنة اللهب ليكن كـ البيت المهجور يخلوا من ساكِنيه هل هي وطأةٌ منكِ ..؟؟؟ أم هُدنةُ بينكِ وبين داءِ النسيان الأَصَبْ ..؟؟ فأكتمال القمر لا يفيضُ إلا شوقاً لغائبه ألا ليت حنينِ الليل كعجوزٍ كهلِ ينام مبكراًلتكون الحروف مختلفه بعمق التعبير لانها لغة لا يعرفها الا من عاش واحترق في جحيم الضياع واليُتم لتخرس تلك الضوضاء والغوغاء لكنه طيفك يكسو ساحة الحياة وانك واسعة في أفق احتوائك علواً لستُ بميت لكنه الأحساس تُوفى | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2613Likes
