09-18-21, 02:06 PM
| #775 | |||||||||
 
|  أحسن صفة بشوفها في البني آدم بجد راجل أو ست إنه يكون بيحب يحسن و يطور من نفسه .. مش مهنيا بس .. شخصيا وأخلاقيا و مهاريا كمان دا بيضمنلك إنه شخص بيعترف بأخطائه و يصلحها و يشتغل عليها و إنه شخص الإيجو بتاعه مش ناقح عليه باستمرار و التعامل معاه سهل. و شخص مطلع ومتفتح بيقبل إختلافات الآخرين مابينتقدهاش مابيقللش منها مابيعتبرش نفسه صح و الباقي غلط شخص بيتعلم طول الوقت مابيقدمش .. مجتهد ومتجدد ومرن وتقديره لنفسه عالي وما يقبلش يحط نفسه في موقف مش تمام أبدا ودا حقيقي بيكون شخص مميز في أي مكان يروحه .. وأي علاقة يدخلها. | |||||||||
| عبدالله همام likes this.  |
|
09-18-21, 02:08 PM
| #776 | |||||||||
| اللي بيدور على شريك مثالي بحذافيره ظنا منه إنه كده هيرتاح .. بيبقى عنده مشاكل أكثر من اللي بيختار على أساس كذا صفة جوهريين بالنسبة له .. و بيبقى حاطط في دماغه إن الجواز دا رحلة نمو .. فيها تغيير و تأقلم وتقريب للمسافات مستمر. الأول هيعاني لأن معندوش مساحة مرنة للإختلاف عن النموذج اللي في دماغه و عايزة.. و بالتالي كل حاجة عايزها بالضبط .. فلما يكتشف إن في حاجة مش على هواه أو مكنش متوقعها بتربكه وبتهدد راحته وبتعمله مشكلة.. التاني عنده مساحة لقبول الإختلاف دا .. دا كمان متوقعه لأنه حتمي و طبيعي .. وعنده مرونة واستعداد إنه هو وشريكه يلاقوا طريقة حياة وإتفاق مشترك.. حتى لو تضمن دا تغاضي أو تغيير أو تأقلم.. المهم الحياة تمشي وهم الإتنين مرضيين يعني وجود الحد الأدنى من التوافق مع كثير من المرونة وتقبل الإختلاف و القدرة على التفاهم والتعلم من الأخطاء و الوصول لأرض مشتركة .. أفضل و أنجح من كثير من التوافق في المواصفات وقليل جدا من التسامح مع الإختلاف أو فقر مهارات التعامل مع الخلافات. | |||||||||
| عبدالله همام likes this. |
|
09-18-21, 02:10 PM
| #777 | |||||||||
| كان في حد سألني مرة على الإستماع بدون دفاعية أو هجوم مضاد اللي كررتها كتير وقلت انها بتمثل ٨٠% من نجاح النقاش والتفاهم .. فقالي يعني مهما قال شريك حياتي حتى لو قال واشتكى من حاجات معملتهاش .. أفضل ساكت؟ اه .. لحد ما يخلص ولما يخلص تماما .. تعرفه انك حسيت بيه وفهمت الأمور من وجهة نظره وتبدأ تشرح موقفك من وجهة نظرك و تصححله اللي فاهمه غلط. ماتتخيلوش ان الواحد يحس انه اتسمع واتحس واتفهم ومشاعره اتقدرت .. مفعولها سحري ازاي على نفس البني آدم .. و ساعتها بس بيبدأ يهدأ و يقبل الكلام اللي هتقوله. يعني #مهارة_الإستماع دون دفاعية لا تعني الموافقة والاعتراف بما يقوله شريك حياتك .. هي محاولة فهم موقفه ورؤية الأمر من جانبه فقط .. | |||||||||
| |
|
09-18-21, 02:11 PM
| #778 | |||||||||
| الأزواج اللي بتنظر لرحلة حياتها بعد كم سنة نظرة اعتزاز بانهم قدروا يتغلبوا على عقباتها ومشاكلها مع بعض .. هم نفسهم اللي واجهوا المشاكل في وقتها ماأنكروهاش ولا استسلموا ولا هربوا منها مع رغبتهم في ذلك.. وهم نفسهم اللي أصروا على تكرار المحاولة وقدروا يسمعوا بعض واعترفوا بأخطائهم وصلحوها وبذلوا مجهود وغيروا في نفسهم .. وهم نفسهم اللي كل واحد فيهم راعى احتياجات التاني ومابطلوش يغذوا بعض مدح و تقدير و ثقة ودعم و أي تعبير عن الحب.. وقد جنوا ثمار ما زرعوا. | |||||||||
| |
|
09-18-21, 02:12 PM
| #779 | |||||||||
| وأحيانا ستقابل شخص تصنيفه الوحيد أنه "لا منتمي".. ليس لديه فريق رياضي مفضل، يستمتع بالأداء الجيد بغض النظر عن اسم النادي، ليس لديه مطرب مفضل، لأنه يهتم بالمنتج أكثر من صاحبه.. وفي عالم مثالي، سيؤمن أن الحدود بين البلدان مزحة سخيفة، لأن الكون كله كتلة واحدة ، يؤمن بالإنسانية وليس بالعصبية والوطنية.. ليس لأنه يكره الوطن، بل لأنه يحب كل الأوطان.. غير مؤمن بأيديلوجية سياسية محددة ولا ينحاز لفكر دون غيره.. متسامح، متقبل للاختلافات والتناقضات، وفي حالة بحث مستمر عن الأفضل ولو خالف ما يعتقد فيه.. يستقر في منتصف كل شيء.. مُستمع مُراقب، مُحايد، مُسالم.. لا يتحدث لغة التعصب ولا يفهمها.. باحث لا يستقر.. غالبا ما يكون من أصعب الشخصيات في الزواج "التقليدي" | |||||||||
| |
|
09-18-21, 02:13 PM
| #780 | |||||||||
| التخلي letting go مش مجرد ترك اللي بيتعبنا او يؤذينا او مش عاجبنا... لان ده منطقي في النهاية. التخلي هو التحرر من اللي نفسنا فيه واللي عايزينه ولكن معدش ينفع او مش ممكن تحققه او تكلفة تحقيقه عالية جدا...الخروج من الحالة اللي مكتفانا مكانا ومش مخليانا عارفين نشوف حالنا ..ن move on حلم مفيش امل في تحقيقه. توقع وامنية اكبر من قدراتنا او تكلفتها عالية جدا. علاقة بنتمناها ولكن مؤذية ماضي كان نفسنا يكون غير كدة بس مستحيل نغيره. خسارة زعلانين عليها بس خلاص مفيش سكة لاستعادتها خطا ندمانين عليه ومش هينفع نصلحه مرض حد بنحبه او المه او معاناته بس مفيش بايدينا حاجة نعملها له. التخلي الاهم والاصعب...في اللي عايزينه بس مفيش طريقة لتحقيقه او تكلفة تحقيقه مضرة لينا. التخلي اعتراف بالعجز والهزيمة والخسارة ...وقبولهم دون غضب او تمني او ندم او نظر للخلف او جلد للذات او لوم او معافرة ...استسلام وتسليم.. | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2613Likes
