09-20-21, 09:03 AM
| #787 | |||||||||
 
|  بالنسبة لي الشتاء هو أكثر الفصول دفئا و جمالا.. الشتاء فصل نحتضن فيه كل شئ .. مشروباتنا الدافئة .. رواياتنا المفضلة .. أغطيتنا الوثيرة .. وأنفسنا. مروره الرزين وايقاعه الهادئ يعجبني .. يخلق جوا من السلام ويهدئ من ماراثون الحياة كل شئ في الشتاء جميل .. ضياؤه الأبيض البهيج وسحبه الناصعة التي تشبه القطن .. النسمات الباردة التي بمرورها مرا خفيفا على وجناتنا تولد الدفئ في قلوبنا .. رائحة الصباح التي تختلط بها أبخرة الأكواب الساخنة ..أناقة معاطفنا و دفئ الأكفة عند المصافحة .. لذة وأصالة و دفئ طعام الأمهات .. زخات المطر الكريمة .. طمأنينة ليله الطويل وأحاديث الأصدقاء الدافئة .. والكثير من الحنين .. الشتاء دعوه قديما بالغنيمة الباردة لا يتعب فيه صائم ولا قائم .. ورابح فيه من تصدق بالطعام و الدفئ . أيها الشتاء .. يا آثار رحمة ربي و إبداعه .. حللت أهلا بالأرض والقلوب | |||||||||
| سمو المجد likes this.  |
|
09-20-21, 09:04 AM
| #788 | |||||||||
| نصف مشاكلنا جاية من خطأ ف الأفكار و نقص في المهارات .. و النص التاني مالناش حيلة فيه قوي مش تحت سيطرتنا بالكامل زي مشاكل المال و الأنساب و الجنس و الأولاد إلخ صلحنا أفكار واكتسبنا مهارات .. حلينا نصف مشاكلنا ودا اللي نقدر عليه و اللي تحت ايدينا .. عشان كده دا اللي بركز عليه .. بحب جدا أي برامج علاجية skill-based .. لأنها تحت اردتنا بالكامل .. و شئ قابل للتغيير.. و له فاعلية تقدر تلمسها بسرعة في حياتك .. لكن باقي الظروف أنا ممكن أعمل فيها ايه؟ في أحسن الأحوال هساعدك تتكيف . . عشان كده كلامي عنها قليل أنا بتكلم في ال 20% اللي بينعكسوا إيجابيا على ال 80% من حياتك. عقليتك - مهاراتك. | |||||||||
| سمو المجد likes this. |
|
09-20-21, 09:07 AM
| #789 | |||||||||
| الأزواج اللي بتنظر لرحلة حياتها بعد كم سنة نظرة اعتزاز بانهم قدروا يتغلبوا على عقباتها ومشاكلها مع بعض .. هم نفسهم اللي واجهوا المشاكل في وقتها ماأنكروهاش ولا استسلموا ولا هربوا منها مع رغبتهم في ذلك.. وهم نفسهم اللي أصروا على تكرار المحاولة وقدروا يسمعوا بعض واعترفوا بأخطائهم وصلحوها وبذلوا مجهود وغيروا في نفسهم .. وهم نفسهم اللي كل واحد فيهم راعى احتياجات التاني ومابطلوش يغذوا بعض مدح و تقدير و ثقة ودعم و أي تعبير عن الحب.. وقد جنوا ثمار ما زرعوا. الثقة في شريك الحياة مش بس انه/انها مش هيخوني .. الثقة تشمل بردو إنه مش هيسيبني لأجل خلافات ممكن تحصل .. وإنه هيحاول يحل معايا ويصلح من أوضاعنا مش هيسيبني ماسك علاقتنا من طرف واحد .. وان مش هيعايرني بنقطة ضعف في جانبي.. و اني لو وقعت هلاقيه موجود .. | |||||||||
| سمو المجد likes this. |
|
09-20-21, 09:07 AM
| #790 | |||||||||
| التخلي letting go مش مجرد ترك اللي بيتعبنا او يؤذينا او مش عاجبنا... لان ده منطقي في النهاية. التخلي هو التحرر من اللي نفسنا فيه واللي عايزينه ولكن معدش ينفع او مش ممكن تحققه او تكلفة تحقيقه عالية جدا...الخروج من الحالة اللي مكتفانا مكانا ومش مخليانا عارفين نشوف حالنا ..ن move on حلم مفيش امل في تحقيقه. توقع وامنية اكبر من قدراتنا او تكلفتها عالية جدا. علاقة بنتمناها ولكن مؤذية ماضي كان نفسنا يكون غير كدة بس مستحيل نغيره. خسارة زعلانين عليها بس خلاص مفيش سكة لاستعادتها خطا ندمانين عليه ومش هينفع نصلحه مرض حد بنحبه او المه او معاناته بس مفيش بايدينا حاجة نعملها له. التخلي الاهم والاصعب...في اللي عايزينه بس مفيش طريقة لتحقيقه او تكلفة تحقيقه مضرة لينا. التخلي اعتراف بالعجز والهزيمة والخسارة ...وقبولهم دون غضب او تمني او ندم او نظر للخلف او جلد للذات او لوم او معافرة ...استسلام وتسليم.... | |||||||||
| سمو المجد likes this. |
|
09-20-21, 09:10 AM
| #791 | |||||||||
| ازي تقلل سقف توقعاتك من الناس : الناس فيها الي مكفيها الناس طايقة روحها بالعافية فمش مجبرة انها تستحملك الناس بشر ليهم طاقة نفسية وجسدية وروحية محدودة يقوم هتلاقيهم في ظهرك ويوم هيبقوا خلصانين.. والي بيقدموه ليك دا كل حاجة عندهم فعلا مش بخل ولا حاجة.. الناس بيوت واسرار متعرفش خبايهم ولا الظروف الي بيمروا بيها.. بيضحكوا بيهزروا ٢٤ ساعه قاعدين ع النت.. كل دا ولا يعكس ١٪ من حالتهم النفسية ولا حتي واقعهم.. اخيرا افهم ان كل الناس اسباب.. وكل مرحلة في حياتك ربنا مسخرلك فيها ناس.. قبل ما اختم ادعوا لبعض كتيررررر مش كل الناس بتعرف تحكي او تفضفض او تطلب مساعدة.. اشملوا الناس بدعواتكم تنزل الرحمة علينا جميعا أحد الأبحاث اللي بتبحث في تأثير الترفيه المستقل (بدون الزوجة أو الزوج) VS والترفيه المشترك (مع الزوجة أو الزوج) على حياة الزوجين ورضاهم الزواجي أفادت بإن: - اذا كان أغلب النشاط الترفيهي للأزواج مستقل عن الزوجة .. دا له تأثير سلبي على الرضا الزوجي . - وإذا كان أغلب النشاط الترفيهي للزوجات بعيد عن الزوج دا بيؤثر سلبيا كذلك على رضاهم الزوجي (ودا معناه ان الوقت المشترك له قيمة عالية عند الزوجات و مؤثر قوي وايجابي على رضاهم الزوجي) - الكابلز اللي سجلوا رضا زواجي .. وجد إنهم بيقضوا أنشطة ترفيهية مشتركة مع بعض. والخلاصة - الترفيه مستقل ومشترك مهم للرضا الزواجي .. كل زوج و زوجة المفروض يبقى ليه وقت لوحده يشحن فيه ويستعيد نفسه. و الاتنين المفروض يبقى ليهم وقت مشترك مع بعض وخصوصا بعد قدوم أطفال .. ودا مهم عشان يخفف من الضغوط النفسية و يكسر روتين الأيام ..و يستعيدوا فيه احساس ال weness ويفضلوا emotionally_connected والتوازن بين الترفيه المستقل والمشترك هو الموضوع كله الحرص على أن مفيش حاجة تطغى على حاجة .. هو اللي هيخلي الترفيه حاجة صحية مش مؤثر سلبي على الزواج. | |||||||||
| |
|
09-20-21, 09:12 AM
| #792 | |||||||||
| أغلب الناس معتقدة إن أكبر مسبب للطلاق هو الخيانة .. لكن في الحقيقة من أكبر مسببات الطلاق هو الإنفصال العاطفي يعني تمر السنين ونكتشف ان كل واحد بقى في حاله - بقى ليه عالمه اللي عايش فيه لوحده ومرتاح فيه مابنشاركش بعض حاجة .. مفيش تواصل خلال اليوم الا عشان الأكل وطلبات البيت والولاد مفيش تواصل عن المشاعر و الإحتياجات .. مفيش دعم بيقدمه كل واحد للتاني .. ماتعرفش ايه اللي شاغل باله.. مفيش خطط مستقبلية مع بعض.. مفيش عاطفة حية بيتم التعبير عنها .. لما بنفرح بنفرح مع أهل أو أصدقاء مش مع شريك حياة .. مفيش physical touch "حقيقية" و لا حتى eye contact .. إلخ طب إيه الحل لو إكتشفنا إننا ماشيين في السكة دي؟ - الحل نهزم الإيجو اللي عندنا وندعو بعض إننا نتكلم - و نسمع بعض إيه اللي مزعلنا و باني حواجز . - نسمع بعض من غير ردود هجومية أو دفاعية - نسمع بعض بهدف اننا نعرف التاني شايف الموقف إزاي - و نوضح المواقف ونطيب الخواطر ونعتذر عن الجزء بتاعنا من الخطأ - و نعرف إحتياجات بعض و نتفق نطلبها بوضوح - و نتغير على قد ما نقدر عشان خاطر مصلحتنا وسعادتنا - و نبذل مجهود عشان نعبر عن الإهتمام بالإحتياجات دي - و نشارك بعض كل حاجة أحداث أفكار مخاوف أحلام إنجازات - و يبقى لينا عادات طقوس نستمر عليها طول الحياة زي مثلا طقوس استقبال و توديع يومي - ان ناكل مع بعض و لو وجبة في اليوم و لنفرض الغدا .. نشرب شاي مع بعض كل يوم و نقعد نتكلم ولو ربع ساعة بس .. لقاء مثلا في الأسبوع -فيلم كل ويك إند في البيت مثلا - خروجة في الشهر - إحتفال بعيد ميلاد بطريقة معينة - إحتفال بعيد جواز - بإنجاز .. بترقية .. إحتفال مفاجئ بدون سبب .. العادات مهمة جدا و بتربط بين الأشخاص جدا - و ندعي برغبة حقيقية إن ربنا يوفق مسعانا و يؤلف قلوبنا ويبعد عننا شر الشيطان ويملا بيتنا ود وسكينة.  | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2613Likes
