01-29-21, 04:30 PM
| #175 | |||||||||
 
|  علم النفس و علوم التربية هتقولك ان القبول شئ مهم.. و احتياج اساسي لكل الناس على اختلاف اعمارهم.. و اهم كمان للأطفال.. حالات كتير اوي منهم انا و انت والأغلبية العظمى من الناس في هذا المجتمع الكئيب اللي واحده من عيوبه القاتله ان ناسه مش قادره تقبل بعض على اختلافها.. بييجي من عدم القبول.. الناس اللي بتحس بالفرق فعلا (و انا منهم) اللي جربوا يعيشوا من غيره و بعدين دوروا عليه و لقوه.. اتعلموا يقبلوا نفسهم و يقبلوا الناس على اختلافهم.. و قدروا يحوطوا نفسهم و لو بدايرة أمان صغيرة من ناس قبلاهم.. مهما الكتب قالتلك ان القبول شئ مهم.. الا انك قليل اوي ما هتلاقيه في الدنيا.. بس اللي اتعلمته انك لما بتتعلم تقبل الاختلافات اوي.. بيبقى اسهل عليك تبقى اوضح مع نفسك و اقرب لنفسك الحقيقية.. فالناس بيبقى اسهل عليها تقراك.. و بالتالي بتشد ناس فيهم شبه كبير منك.. و كل حاجه بتبقى احسن مع الوقت.. طول ما انت حابس نفسك في قالب مثالي مش شبهك اوي.. هتفضل وسط ناس مش شبهك اوي.. و هيفضل القبول شئ صعب تلاقيه.. لو نجحت.. هتلاقي نفسك قادر تقول اكبر عيوبك و غلطاتك القاتله اللي عملتها في حياتك لعدد اكبر من الناس.. و الناس دي بتوع دايرة الأمان.. بيبقوا كنزك الحقيقي.. حافظ عليه.. اوي لكل اللي عارفين عني اكبر عيوبي و مصايبي و قابليني بيهم.. شكرا.. انتوا كنز.. و انا مقدره وجودكم جدا.. و سامحوني لو في يوم قصرت في حق حد فيكم.. اكيد بيبقى التقصير مش مقصود.. #شكرا | |||||||||
| الدكتورة likes this.  |
|
01-29-21, 04:31 PM
| #176 | |||||||||
| عزيزي الرجل على فكرة حوار انك لو لقيتها مقموصة منك.. فغالبا هي اتخانقت معاك في دماغها والموضوع كبر دي مش هزار ولا تريقه خالص ده بيحصل فعلا.. اه والنعمه.. بص هقولك بتحصل ازاي.. هي غالبا بتبقى لمحت في موضوع كده كام تلميح.. وانت غالبا لا فهمت ولا خدت بالك.. او فهمت وخدت بالك وطنشت.. كده كده الرد معجبهاش.. او الاحتمال التاني لو انت رزقك واسع ومعاك واحدة صريحة.. هتبقى قالتلك الموضوع بوضوح.. وبرضه انت طنشت او مفهمتش او ردك معجبهاش... هووووووووب.. تيجي الفكرة ترن في دماغها تاني.. او فكرة مشابهة... وساعات وجه الشبه ده مش بيبقى موجود اصلا.. بس هي شايفه ان الموضوعين واحد.. المهم.. هي هتقعد تهري تاني بقا؟؟!! لااااااااا هتهري جوه دماغها.. وترد علي نفسها جوه دماغها.. وتزهق من الكلام معاك جوه دماغها.. وتتقمص منك بره دماغها بقا.. طب والحل يا برنس.. بطلوا ردود مختصره الله يكرمكم.. الستات بتعتبر الردود المختصر قلة اهتمام.. وبطلوا هو كده وخلاص.. مش عيلة في كي جي تو هي.. وبطلوا وانا اعملك ايه يعني.. معلش لو انت معملتلهاش مين اللي يعملها؟؟ ولو فيها تتقيل عليك يعني.. ابقى اسألها والنبي هي مقتنعه ولا زهقت منك وبتنهي النقاش وخلاص.. علشان انت هتلبس في نتايج خناقات انت مش طرف فيها بعد كده.. اتعب نفسك شوية.. بدل ما تلبس أضعاف أضعاف.. وشكرا. | |||||||||
| |
|
01-30-21, 11:03 AM
| #177 | |||||||||
| اللي يحب ميكرهش واحده من أكذب الجمل في التاريخ ده اللي بيحب ده لما بيكره بيبقى كرهه ده أسوء مما تتخيل بكتير ده مفيش حد بيكره بغل اوي إلا إذا كان في يوم حب اوي لأنه ساعتها مش بس بيكره الشخص اللي حبه في يوم ده بيكره فكرة إنه قابله و عرفه لا و اتهبب على عين امه و حبه بيكره في نفسه انه طلع غبي و حب حد زي ده و ياسلام بقا لو كان تعب و شقي علشانه... يبقى للكره معنى اعمق و اقوى و عليه احنا نبدل المقوله دي ب.. إتقي كره من أحبك. | |||||||||
| الدكتورة likes this. |
|
01-30-21, 11:04 AM
| #178 | |||||||||
| على الرغم من كون السعادة هي الهدف الأسمى.. إلا اننا بننساها في وسط حاجات كتير.. وبنستبدلها بأهداف ملموسة ومحفوظة.. نجيب احسن درجات.. ندخل احسن كليات.. نشتغل احسن شغل.. نجيب اكبر دخل.. اكبر شقه.. احسن عربية.. جوازة شكلها حلو.. عيال يطلعوا عينا........... وتعدي ايام وسنين .. وناس كتير مش بتقف تسأل نفسها.. هي السعادة بالنسبالي شكلها ايه؟؟؟ مواصفاتها ايه يعني؟؟؟ اقدر اوصله ازاي.. بعد ما عرفت ايه اللي بيخليني سعيد؟؟؟ المفهوم كله بيتم تجاهله معظم الوقت.. نادرا حتى لو بتستشير حد حواليك.. تلاقيه يرد ويقولك لو ده هيخليك سعيد اعمله.. او بلاش كذا هيخليك تعيس.. كتير اوي بنمسك في حاجات بتتعبنا.. وتخليا أقل سعادة.. ويمكن حتى تعساء.. بس علشان اللي حوالينا شايفين انها حاجه وااااو.. او علشان المقاييس الاجتماعية او الوظيفية بتقول انها حاجه احسن.. قليلين اوي اللي بيقفوا يراجعوا المقاييس دي .. ويشوفوا مقاييسهم هما الخاصة بتقول ايه.. انت مش مجبر تشوف بعيون ناس تانيه.. انت محتاج تكون رؤيتك الخاصة.. السعادة مفهوم نسبي جدا.. واللي بيطيرك انت من الفرحة.. قد لا يمثل اي شئ لغيرك.. واللي بيقهرك انت.. قد يكون شئ محتمل جدا لغيرك.. دور على مفهوم السعادة بالنسبة لك.. ليك انت.. واجري وراه.. خليه جزء من أيامك على أد ما تقدر.. وأسعى لتحقيق الباقي.. عند كل اختيار جديد.. اقف اسأل نفسك.. يا ترى ده بيخليني اسعد ولا لا؟؟؟؟ | |||||||||
| |
|
01-30-21, 11:04 AM
| #179 | |||||||||
| ان الاشياء الأشد قسوة في كونك تبقى لوحدك.. هي انك مسؤول عن كل حاجه.. اي حاجه محتاجه تتعمل لازم انت اللي تعملها.. وإلا مش هتتعمل اي حاجه فشلت.. هتعتبر نفسك انت اللي قصرت.. وبالتالي.. شئ اساسي وأصيل في العلاقات الجيده اننا نتشارك المسؤولية.. مفيش حاجه هيبقى اسمها مسؤوليتي لوحدي.. فيه مسؤوليتنا وبالتالي مفيش نجاحي لوحدي.. فيه نجاحنا ومفيش فشلي لوحدي.. فيه فشلنا.. مفيش تقصيري لوحدي.. فيه تقصيرنا.. الجملة التاريخية بتاعة (ولادك يا ست هانم) كذب وافترى وسوء تقدير وقلة قيمة.. لو هي او هو مسؤول لوحده.. يبقى مفيش علاقة صحية قائمة.. المشاركة هي المتعة الاساسية في العلاقات.. متحرموش نفسكم منها.. جوه العلاقات فيه احنا.. واحنا هو المكسب الأساسي.. أسند علشان تتسند.. | |||||||||
| الدكتورة likes this. |
|
01-30-21, 11:05 AM
| #180 | |||||||||
| لما بنبقى عايزين مستوى او جودة معينة للعلاقات.. مش بيبقى من العدل اننا نعتبر نفسنا متأخرين عن الناس التانيه اللي بترضى بالمتاح طيب بص.. لو انت او انتي في دماغكم حاجه معينة في اللبس نازلين تشتروها.. اكيد احتمال انك تلف شوية عليها أعلى من اللي اللي نازل يجيب اي طقم لطيف و خلاص.. وعلى فكره ده مش عيب في اللي بيدور على حاجه كويسه بدون تعقيدات.. هما بس ال specifications بتاعتهم اقل تعقيدا وده في حد ذاته مش مشكلة. المشكله بقا انه في العلاقات اللعبة مش في ايدك تماما.. ومفيش ضمان محدد انك هتلاقي اللي انت عايزه بالضبط. بس الحاجتين اللي انا متأكدة منهم يقينا.. انك لازم تشتغل على نفسك علشان لما ييجي اللي انت عايزه.. يلاقيك حد تستاهل انه يفضل معاه.. وانك لازم تفتح عنيك على الفرص اللي حواليك.. وتتعلم تشوف الناس احسن.. واعمق.. | |||||||||
| الدكتورة likes this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2613Likes
