09-16-21, 09:04 AM
| #763 | |||||||||
 
|  في موضوع مش واخد حقه خالص في العلاقات الزوجية .. مع إنه مهم جدا ألا و هو ال Balance - في ايه - Balance في التعب في توزيع المسؤوليات (العمل و كسب الرزق - الواجبات المنزلية - التربية ) طبعا متخيلين إن هقول الست بتتعب أكثر و بلا بلا بلا لا أحيانا الراجل بيتعب أكثر من الست و أحيانا الست بتتعب أكثر من الراجل حسب معطيات حياتهم و ظروفهم فالموضوع نسبي تماما فإحنا هنا مش جايين نقول مين بيتعب أكثر من مين .. الإتنين تعبانين إحنا جايين نقول إن لازم يبقى في balance بس عدم وجود balance مشكلة كبيرة أكبر مما تتصوروها لما حد بيشيل عبئ أكبر من التاني لأي سبب بيكون مرهق بدنيا ونفسيا وساخط وغير راضي عن حياته وكثير الشكوى والنكد .. ودي حاجة مش هتخليه شريك جذاب لا شكلا و لا شخصية لشريكه . . آدي أول حاجة هفقد جاذبيته .. تاني حاجة كثرة مهامه هتخليه في أوقات كثيرة .. غير متاح عاطفيا أو جنسيا و دا بيضرب في ركنين مهمين جدا في زواجه .. الإشباع العاطفي و الجنسي .. اللي هم أصلا الهدف من الجواز و في المقابل الطرف التاني الأقل عبئا هيتعرض لرفض كتير و ربما ياخده على إنه رفض شخصي وربما يحس في أوقات تانية ان شريكه بيقضي معاه وقت .. أداء واجب مش أكثر لكنه في الحقيقة مش موجود .. فيبدأ يبعد و يبني حاجز /أو يعبر عن غضبه ويعمل مشاكل و دا هيزود الضغط على الطرف التعبان أصلا عشان يرضي الطرف اللي بيشتكي من قلة الإهتمام / أو يحاول سد إحتياجاته بوسائل أخرى .. أو كلهم مع بعض ودي تاني حاجة انشغالك أو انشغال شريكك طول الوقت .. و عدم وجود وقت يرتاح و يشحن فيه .. هيخليه مش قادر يلبي إحتياجات أساسية في علاقتكم الزوجية.. و اللي هيعود على العلاقة بشكل سلبي جدا واحد و اتنين بيحصلوا في الأعم الأغلب من الزيجات الغير متوازنة في توزيع أعبائها و خصوصا بعد مجئ أولاد تالت حاجة(ممكن تحصل و ممكن لا يعني بدون تعميم ) بالنسبة لطرفين عندهم طموحات .. فعندنا دلوقتي طرف عنده مساحة ولو صغيرة متاحة و طرف معندوش لأن يومه مزحوم الطرف اللي عنده مساحة هيتابع طموحاته هيتقدم قليلا أو كثيرا اللي عنده طموح ومعندوش مساحة .. هيفضل في مكانه .. و هو حاسس بالسخط و الغيرة و بتراكم الشهور و السنين و باستمرار نفس الظروف .. هتظهر فجوة في جانب ما بين الإتنين سببها إن واحد قدام وواحد لسه في مكانه وبسبب الفجوة دي هيبقى في طرف شايف نفسه أقل حتى لو الطرف التاني عمره ما قصد يبصله إنه أقل .. هتلاقي بقى عندنا حساسيات وإحساس بعدم الأمان .. وطرف شايف إن التاني بيستقله و انه ممكن يكون معدش مناسب ليه .. فملاحقة و نكد و غيرة و شك و تمرد .. فانسحاب من الطرف التاني أو ردود أفعال غاضبة و عنيدة و نلاقي نفسنا في دوامة هابطة سلبية .. واحنا متخيلين إن السبب هو الشك او عدم الثقة في النفس .. في حين إن السبب في الأساس إن الأعباء و الضغوط كتيرة و كان في عدم تكافؤ في توزيع المسؤوليات و المهام و الأعباء .. وواحد رامي أكثر الحمل على التاني سواء يقصد أو مايقصدش.. فظهر عندنا النتايج دي .. أو إن هو دا العرف او هي دي "جنوسية الأدوار" .. كل واحد بقى يشيل شيلته. جنوسية الأدوار على فكرة أذت أكثر ما فادت .. الفكرة مش جنس إيه المفرض يعمل إيه زي ما العرف بيحدد الفكرة إن يبقى التوزيع متكافئ و اللي أشطر في حاجة يعملها .. واللي شايف التاني شايل كتير يخفف عنه دا الأصلح. ال balance في توزيع الأعباء بين الزوجين مهم جدا .. بتسيبلهم وقت يهتموا ببعض .. و يهتموا بنفسهم و نموهم الشخصي .. و بتقيهم من مشاكل بتظهر بعدين . مفيش طريقة معينة ستاندارد تحقق توازن تمشي مع كل زوجين لأن ظروف و قدرات كل اتنين مختلفة .. بس لو في اتنين بيعانوا من المشكلة دي .. لازم يشوفوا هيقدروا يريحوا بعض إزاي عشان علاقتهم تبقى أحسن. مين متفق و مين مش متفق؟ مين شاف وضع من التلات أوضاع دول حواليه؟ | |||||||||
 |
|
09-16-21, 09:05 AM
| #764 | |||||||||
| بما إن هيحصل وهنختلف وهنضايق بعض كتير بقصد و بدون قصد .. و دي حاجة لا يمكن تجنبها ولا هنقدر نمنعها تماما فعلى الأقل نزاحـم المضايقات و الجروح الصغيرة دي بحاجات إيجابية تصرف واحد إيجابي قصاد تصرف واحد سلبي؟ لا 5 إلى 1 خمس تصرفات إيجابية مقابل تصرف واحد سلبي و دي نسبة محسوبة علميا طلع بيها د. #جون_جوتمان من أبحاثه و فسرهالك بإن قوة الفعل السلبي على إيذاء القلب أكبر من قوة الفعل الإيجابي الواحد على إحداث التشافي فلازم 5 على الأقل .. ممكن أكثر .. طب خمسة زي ايه؟ حاجات بسيطة مش لازم كبيرة .. المهم إنها إيجابية كلمة حلوة تسلم ايدك - كتر خيرك - ابتسامة - طبطبة لمسة حنينة سؤال عن حاجة كان حكى عنها كإشارة للإهتمام .. استماع جبت حاجة و جبتلها معاك - مكالمة في نص اليوم طبخة بيحبها - عزومة صغيرة - منشن في حاجة تضحك مثلا اعتذار صريح - مدح حاجة حلوة - إلخ التفاصل و الحاجات الصغيرة الإيجابية دي لها القدرة إنها توزن الدنيا جدا و بدونها كفة السلبية هي اللي هتطب *وطبعا دا في الإصابات الصغيرة اليومية - الكلام دا لا ينطبق على الخيانة والإهانات الشديدة. | |||||||||
| |
|
09-16-21, 09:06 AM
| #765 | |||||||||
| أكثر حاجة بيتخانق عليها الأزواج هي ايه الفلوس؟ اه بس مش أكثر حاجة الأنساب؟ اه بس مش أكثر حاجة الجنس الآخر؟ اه بس مش أكثر حاجة أكثر حاجة شائعة و متكررة في خناقات الأزواج هي: طريقة التواصل .. الأسلوب .. إزاي بتتعامل معايا .. إحباطهم من فشل التواصل العاطفي | |||||||||
| |
|
09-16-21, 09:07 AM
| #766 | |||||||||
| الفرق بينا و بين الأجانب في مناهج العلاج الزوجي ان عندهم الدنيا مبنية على إن الست زي الراجل لها نفس الحقوق النفسية و العاطفية و من حقها نفس الفرص الحياة .. و في ما بينهم ندية كاملة .. فبيدخلوا علطول في مهارات التواصل و أنماطه و الإحتياجات الزوجية وإزاي تحل الخلافات و ايه المشاكل اللي ممكن تواجهها لما تبقوا أب و أم و إزاي العلاقة تبقى win-win والكلام دا عندنا إحنا لسه بنقنع الناس(بدون تعميم) انها لها نفس اللي ليك .. عشان كده في كلام كتير بالنسبة لفئة من الناس مش قليلة .. كلام غير واقعي لأنهم فعلا في واقعهم مفتقدين القاعدة اللي مبنية عليها الكلام دا.. مش فيمنيزم و الله بس دي حقيقة. | |||||||||
| |
|
09-16-21, 09:07 AM
| #767 | |||||||||
| أي هدف نفسك تحققه لازم تحوله لمجموعة عادات .. ال Relationship Goals بينسحب عليها نفس الفكرة بجدارة ال Relationship Goals هي الحالة اللي حابيين تبقوا عليها في علاقتكم. هدف زي : إننا مانتحولش لآباء و أمهات فقط .. و ننسى نفسنا كأزواج - لازم يتخلق له عادة زي مثلا إن يبقى لينا وقت لوحدنا و لو عشر دقايق نتكلم فيه بس عن نفسنا فقط .. مشاعرنا ..ذكرياتنا .. أحلامنا .. مش عن الولاد ولا الطلبات ولا المشاكل. طبعا في أفكار كتير جدا ممكن تحقق نفس الهدف .. بس دا مجرد مثال هدف زي : إن مانراكمش مشاعر سلبية أبدا و مانسمحش بوجود حواجز - يبقى العادة التصافي أول بأول .. مانامش زعلانين هدف زي إن يبقى بينا ثقة - العادة: نبقى منفتحين وصرحاء و مباشرين و معندناش حاجة نخبيها ومحترمين للحدود مع الجنس الآخر هدف زي إن العلاقة دي تسمحلي كذلك بالنمو الشخصي في ظلها - العادة: إن كل واحد يدي التاني space - me time يقدر يعمل فيه اللي هو عاوزه و يتابع فيه خططه الشخصية و هكذا . كل هدف ييجي في بالك ابني له علطول عادة وتكون بسيطة و مستطاعة عشان تقدر تستمر عليها. العلاقات مش عاوزة شغل ضخم مرة واحدة .. قد ما عاوزة مجهود بسيط مستمر. | |||||||||
| |
|
09-16-21, 09:08 AM
| #768 | |||||||||
| طريقة استجابتك في التفاعلات اليومية الصغيرة العادية هو اللي بيقرب أو بيبعد طريقة استجابتك هل هي فيها لامبالاة و تأفف ..ولا إنفتاح ومودة ؟ الموضوع مش بس مابرفضلكش أو مابرفضلكيش طلب .. الموضوع في الأتيتيود .. فيه إقبال ولا إعراض .. بنِفس ولا من غير نِفس بالتراكم الشخص بيحس انه محبوب أو مرفوض .. فتلاقي منه هو كمان مع الوقت إقبال أو تجنب أو تردد بين الإتنين فلو في حاجة تقدر تعملها كل يوم من غير ما تكلفك أي حاجة تحسن من علاقتك الزوجية .. هتبقى إنك تتعامل في التعاملات العادية خالص.. بنِفس | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2613Likes
