09-15-21, 10:11 AM
| #757 | |||||||||
 
|  نصف مشاكلنا جاية من خطأ ف الأفكار و نقص في المهارات .. و النص التاني مالناش حيلة فيه قوي مش تحت سيطرتنا بالكامل زي مشاكل المال و الأنساب و الجنس و الأولاد إلخ صلحنا أفكار واكتسبنا مهارات .. حلينا نصف مشاكلنا ودا اللي نقدر عليه و اللي تحت ايدينا .. عشان كده دا اللي بركز عليه .. بحب جدا أي برامج علاجية skill-based .. لأنها تحت اردتنا بالكامل .. و شئ قابل للتغيير.. و له فاعلية تقدر تلمسها بسرعة في حياتك .. لكن باقي الظروف أنا ممكن أعمل فيها ايه؟ في أحسن الأحوال هساعدك تتكيف . . عشان كده كلامي عنها قليل أنا بتكلم في ال 20% اللي بينعكسوا إيجابيا على ال 80% من حياتك. عقليتك - مهاراتك. | |||||||||
 |
|
09-15-21, 10:11 AM
| #758 | |||||||||
| لو سألتك إيه المسؤول الأول عن الإحساس بالحب والألفة والحميمية بين الزوجين هتقولي ايه (كلمة واحدة جامعة شاملة ) ؟ ممكن تقولي الشعور بالحب .. أساسه التعبير نفسه عن الحب ..لو موجود هحس بالحب لو مش موجود مش هحس بالحب .. ودا مش خطأ لكنه غير دقيق. هناك شئ إن لم يوجد .. مهما قلت و عبرت وعملت مالوش لازمة .. كأنك بتنفخ في قربة مقطوعة. ألا وهو (الأمان والثقة) و الشعور بالثقة لها أكثر من شكل .. كلهم مطلوبين .. ✨ الثقة أحيانا تعني الشعور بالأمان العاطفي يعني شريك حياتي أو شريكة حياتي شخص ملتزم بعلاقتنا مش مراهق كبير بتوديه و تجيبه أهواء أو إغراءات من آخرين أو أخريات. ✨ و الثقة أحيانا تعني إن شريك حياتي في ضهري لو وقعت هيسندني مش هيتخلى عني ✨ و الثقة جزء منها إن شريك حياتي مش شخص كداب و ملاوع و غامض .. بل على العكس صريح و منفتح و واضح. ✨ و الثقة أحيانا معناها إن أنا متجوزة شخص مسؤول .. أو شخصية مسؤولة .. مش هيسيبني لأجل خلافات ممكن تحصل .. أو تحديات في حياتنا .. بل هيتعامل معاها معاملة الكبار الناضجين. ✨ و الثقة أحيانا معناها .. إن شريك حياتي شخص مش هيعايرني بنقاط ضعفي وقت الزعل أو يفضحني أو يظلمني . لو الثقة دي موجودة 🡰 هيبقى في شعور بالأمان 🡰 ومتى ماكان في شعور بالأمان .. أقل كلمة و أقل تصرف ممكن توصل إحساس عظيم بالحب و الحميمية. يعني التعبير عن الحب وحده غير كافي الأمان والثقة هم الأساس | |||||||||
| |
|
09-15-21, 10:12 AM
| #759 | |||||||||
| زوجين مختلفين لكن عندهم عقلية مرنة ،وقدرة على إحترام الإختلاف ،وقدرة على التفاهم ،وخلق أرض وسط للوقوف عليها في الخلافات أفضل من .. زوجين متكافئين في كافة المستويات .. لكن عقليتهم متصلبة غير مرنة .. لا تستطيع قبول الإختلاف والتعايش معاه .. غير قادرين على التفاهم ساعة الخلاف .. وليسو بالمرونة الكافية للتنازل عن نصف رغباتهم من أجل حلول وسطى. الأولانيين هيلاقوا طريقة يعيشوا مع بعض .. و الفضل يرجع لمرونتهم. التانيين رغم تكافؤهم إلا إنهم مش هيحترموا اختلافاتهم الفردية و إختلاف وجهات نظرهم أو أحدهم على الأقل هيحاول يغير التاني عشان يبقى شبهه لأنه مش قادر يتعامل مع الأختلاف و بسبب عقليتهم المتصلبة مش هيقدروا يوصلوا لنقطة تلاقي. و أفضل الحالات .. زوجين متكافئين و مرنين يعني التكافؤ وحده لا يكفي. العقلية المرنة مهمة جدا | |||||||||
| |
|
09-15-21, 10:13 AM
| #760 | |||||||||
| في نظرية إسمها Negativity threshold يعني سقف تحمل السلبية وهي قد ايه بتكتم جواك مشاعر سلبية تجاه أمور و تصرفات و أوضاع بتضايقك .. لحد فين بتستحمل .. لو سقفك تحملك عالي فانت بتراكم جواك كتير لفترات طويلة من الزمن اعتقادا منك إن دا هيخلي حياتك الزوجية أسعد وأقل في المشاكل و أقل اصطدامات و خناقات و نكد ويؤسفني أقولك إن دا إعتقاد خاطئ د.#جون_جوتمان (عالم نفس ومتخصص في دراسة الأزواج من 50 سنة) وجد إن اللي بيعمل كده بينفصل مشاعريا مع الوقت وبيجي مرة وينفجر و الإنفجار دا بيبقى صادم للطرف التاني و بيعمل فجوة صعبة بسبب إحساس طرف بالغضب والطرف الثاني بالرفض ومابيقدروش يحلوا كل الأمور اللي طفت ع السطح فجأة كلها مرة واحدة فدا بيخليهم يفضلوا بعاد و عندهم شبه يأس في الإصلاح إنما اللي بينفس عن مشاعره المختزنة أول بأول كل فترة .. دا في حد ذاته تواصل عاطفي وبيقدروا كشريكين يعالجو الأوضاع اللي مش عاجباهم بدري .. فمابيبقاش جواهم عتب أو غضب مختزن تجاه بعض وبالتالي تواصلهم بيبقى عاطفي و سلس و صافي و عندهم إقبال على بعض. نفهم من كده إن نسمح لبعض نشتكي لبعض أول بأول و نعالج الأمور بدري آه .. بس في ملحوظتين: ✨ طريقة التعبير عن المشاعر و اللوم و الغضب و العتب هي اللي بتنجح عملية التواصل والتنفيس عن المشاعر المختزنة .. و بتحقق هدفه .. وفي المقابل و في نفس الأهمية كذلك طريقة الإستجابة للمشاعر دي طريقة التعبير لازم تكون هادية غير انتقادية لأن النقد بيحفز رد فعل غير متعاطف .. طريقة فيها وصف لمشاعرك إنت و احتياجاتك مش طريقة هجومية أو إتهامية .. و تأكد على شريككإن هدف الفضفضة دي اننا نبقى مرتاحين مع بعض و صافيين لبعض و مايبقاش في بينا حواجز مالهاش لازمة .. أما طريقة الإستجابة تكون بأريحية وماتتخدش بشكل شخصي قوي وماتكونش استجابة هجومية أو دفاعية كذلك. تاني حاجة .. طبعا وأكيد جه في دماغكم (إزاي؟ دا التغافل رحمة وهو اللي شايل العلاقات) هقولك صح .. دا التغافل المحمود .. في الحاجات الهايفة فعلا اللي ماتستاهلش تقف عندها و اللي لو عديتها انت كسبان بالفعل راحة دماغك و مش هيأثر على حالتك النفسية .. زي نسي / نسيت تعمل حاجة .. كسل / كسلت في حاجة .. تجاهل أو تقصير طارئ بسبب الإنشغال في حين إن دا مش طبع شريك حياتك .. إنما في تغافل غير محمود .. زي التواصل المهين اللي بيوجعك .. السخرية و التقليل منك مثلا .. التقصير في إحتياج مهم بالنسبة لك.. التجاوز في الحدود المتفق عليها مع الجنس الآخر .. إلخ .. دا لو عديته من بره هيفضل قاعد جواك بياكل فيك و في العلاقة .. و انت متخيل إن كده انت بتخدم علاقتكم . و في الحقيقة انت سايب السوس ينخر فيها من جوه.. | |||||||||
| |
|
09-15-21, 10:14 AM
| #761 | |||||||||
| تحية و سلاما على أرواح الذين كانوا يحلمون بعالم أفضل فسهروا وأعملوا عقولهم و أنفقوا حياتهم من أجل اختراع ما يسهل الحياة علينا .. - تحية وسلاما على كل من يصنعون صباحنا و ينثرون عليه بعضا من السكر بكلماتهم المتفائلة والمبهجة الجميلة . - تحية وسلاما على كل من قاوم يوما فكرة جاهلة أو عادة بالية أو وضعا ظالما و تحمل في سبيل إصلاح ذلك السب والنبذ و الويلات . - تحية وسلاما على كل من يسيرون في دروب الخير يتفقدون الناس.. يفرجون كروبهم و يقضون حوائجهم . - تحية وسلاما على كل من آتاه الله علما نافعا فنشره بين الناس .. و أصلح به حياتهم . - تحية وسلاما على كل والد تعب وكد وتحمل المشقة وآثر على نفسه من أجل أن يرى عائلته سعيدة و يحظى أبنائه بأفضل الفرص . - تحية وسلاما لكل الأزواج المخلصين الذين تمتلئ بيوتهم بالسكينة و الرحمة. - تحية وسلاما على الزوجات الحانيات اللاتي يحرسن الحب في البيوت . - تحية وسلاما على الذين مازالوا يحاولون مع إشراقة كل يوم جديد. أنتم نقاط النور و زهرات الياسمين و نفحات الرحمة الإلهية .. صباح الإمتنان لكم جميعا | |||||||||
| |
|
09-15-21, 10:15 AM
| #762 | |||||||||
| هل تعلم أنك ممكن كخطيب أو خطيبة تكتشف إنت تقدر تثق في الشخص دا ولا لا عن طريق هو بيتصرف إزاي معاك في الأوقات اللي مش تمام .. زي خلاف و سوء تفاهم .. زي مزاج سيئ .. ظرف صعب هل بيقدر يسمع ايه اللي مزعلك وبيكون موجود و داعم .. ولا بيحبك فقط و انت مفرفش و بتضحك .. هل لما يحصل سوء تفاهم بيبدأ مسابقة مين الأتقل و الأكثر شطارة في الخصام ومابيهموش .. ولا بيبادر بمحاولات التفاهم و الصلح و مابيقبلش بطول خصام هي دي الأوقات اللي من خلالها بيحكم كل واحد على الثاني .. أنا أقدر أثق فيك ولا لا ؟ و الثقة هنا مفهومها: أقدر أعتمد عليك .. و تكون موجود لما أحتاجك .. إنك مسؤول وحريص على علاقتنا. لو النوع دا من الثقة مش موجود .. هتعيش عمرك كله في عدم أمان و هتتورط في علاقة شايلها لوحدك | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2613Likes
