12-09-21, 10:22 AM
| #1087 | |||||||||
 
|  طيب احنا محتاجين نتعرف على الوجع شويه بعمق وطبعاً الوجع اللي أقصدوا هو وجع أصله نفسي يعني ايه الكلام دا ؟؟؟ انت عارف انك ممكن تكون موجوع وانت مش حاسس وعارف كمان ان الوجع اللي جواك دا ممكن يبقى كبير اوي وانت بتتجاهله وبتنكره مش بس كدا دا انت كمان بتظهر عكسه …. طيب انت عارف بقى ان دا كله ممكن يسبب ليك آلام جسديه رهيبه ( أمثلتها صداع ، وجع وآلام في العظم ، وجع وآلام في الضهر ، احساس ان جسمك كله متكسر ، احساس بانعدامية الطاقه والهمه ، او ان عندك آلام في بطنك ، أو انك مش عارف تتنفس بشكل طبيعي ، او ان يظهر في جسمك بقع وطفح جلدي ، وغيرهم كتير من أعراض ملهاش أي أساس عضوي ) …… طيب خلينا نجيب الخلاصه الموجوع صوته عالي حتى لو مش عارف وحتى لو مبيتكلمش طاقه الوجع بتوصل للي حواليه حتى لو ساكت وكاتم اللي جواه طيب انت الوحيد اللي هتقرر ياترا هتفضل مكمل في الوجع دا ولا هتراجع نفسك بصدق وهتوقف الوجع ( القرار قرارك ) | |||||||||
| أمَل likes this.  |
|
12-09-21, 10:23 AM
| #1088 | |||||||||
| أي حاجه في حياتك هي اختيارك بمعنى ايه 💭 يعني انت اللي بتختار حياتك تمشي ازاي وتعيشها ازاي فبلاش الله يخليك نرمي على الظروف والدنيا والحياه علشان كل الحاجات دي مش بتمشيلك حياتك انتي اللي بتمشي حياتك باختياراتك فيها وطبعاً مش هننسى ان في حاجه اسمها قدر وان في حاجات قدريه مالناش أي دخل فيها بتحصل لينا واحنا بنبدأ نشوف هنتعامل معاها ازاي ودا اللي بيفرقنا عن بعض الحقيقه ( طريقة تعاملنا مع الأحداث اللي بتحصل في حياتنا ) …. طيب بناءاً على الكلام دا اذاً السعاده اختيار واحنا محتاجين نعرف ان احنا اللي بنختار اننا نكون سعداء أو تعساء ( بتاعتنا يعني ) …. يعني ايه بقى الكلام دا ؟؟؟؟ يعني عدم استمتاعك بحياتك اوقات بيكون مؤشر قوي على اعتقاد مدفون جواك انك متستاهلش تكون مبسوط وأنك محتاج طول الوقت تجري وتسعى من غير توقف علشان تثبت احقيتك في كل حاجه نفسك فيها بسيطه خالص بقى شوف انت عايز ايه في حياتك واعملوا وبطل تحط شماعات تخبي بيها حقيقة الموقف بالنسبه ليك ، خليك صريح وصادق مع نفسك | |||||||||
| |
|
12-09-21, 10:25 AM
| #1089 | |||||||||
| أسباب القلق تفتكر انت ليه قلقان على طول ؟ طيب تعالى معايا كدا وبص على نفسك كويس وشوف انت بتعمل ايه من دول وانت تعرف الأسباب الحقيقيه اللي مخلياك تقلق ١ ) التفكير بشكل كمالي ( المثاليه ) : وده اللي شايف ان لازم كل حاجه بيعملها تبقي صح الصح ومفيش مجال للغلط حتى لو مش مقصود ، ومهتم بكل التفاصيل حتي لو مش مهمة ( جلد الذات والاخرين طول الوقت) وده دايما قلقان علي صورته وشغله وعلاقاته وطبعاً أي حاجه يعملها لو متطلعش في احسن صورة على طول يبدأ في الجلد والتوبيخ لنفسه وأد ايه هو مقصر وانه كان المفروض يآخذ باله أكتر واللي هو عملوا دا مكنش ينفع يعملوا ويبدأ يقلب على اللي حواليه ( ماهو عندوا حق مش عارف يتعامل مع نفسه واحساسه بالتقصير وانه مش كفايه وفي أحسن من كدا هيتعامل مع الناس ازاي هيآخدها بالحضن مثلاً ٢ ) انك تكون معندكش القدره على انك ترفض أي حاجه يقولهالك أي حد ( عليكم عليكم معاكم معاكم ) : ده بقى اللي دايما بيدور انه يرضي جميع الناس حتي ولو علي حساب نفسه ، النقد حتي لو ايجابي قاتل بالنسبة لي مش بيستحمل تماما انه يطلع غلطان في حاجه وده قلقه بسبب انه خايف الناس متحبوش او تتضايق منه فبيحاول يعمل اقصي ما عنده علشان ده ميحصلش ودا طبعاً عايز ( كل ) الناس تشوفوا بصوره حلوه ومبيقبلش أبداً فكرة ان مش ضروري كل الناس تحبني وتشوفني حلو مش بيستحمل كدا تماما علشان كدا على طول الخط هو موافق على كل حاجه تتقالوا وملوش رأي هو مع الناس . ٣ ) التفكير الكارثي : ده بقى اللي طول الوقت متوقع مصيبة هتحصله او هتحصل للي حواليه ، بيجي في دماغه دايماً كل المصايب اللي في العالم اللي ممكن تحصل لي وللحواليه وشايف ان حتمياً هتحصل كارثه بس مش عارف التوقيت فأقل موقف يوتروا ويقلقوا ويقعد يفكر فيه بالطريقه دي ويرسم سيناريوهات للأحداث وانه طبعاً مش هيعرف يتصرف ٤ ) انك تكون عايز تسيطر على كل حاجه سواء في حياتك او حياة الآخرين ( السيطره اسلوب حياه ) طبعاً بشكل واعي أو غير واعي : 🥷🏿 ده بقى اللي مينفعش حاجه تعدي من تحت ايده يبعشق السيطرة علي كل الاشياء والاشخاص اللي حواليه ، قلقه بييجي انه ميكونش عارف اللي بيحصل حواليه أو انه مش عارف يسيطر على حاجه او شئ أو شخص ٥ ) انك تكون طول الوقت مش عرف تعمل أي حاجه لوحدك ( اعتمادي على الآخر وده بقى شايف نفسه انه عمره ما هيعرف يتصرف في أي حاجه او يعمل أي حاجه من غير وجود حد معاه وقلقه انه يتساب لوحده لا حول ليه ولا قوة ٦ ) اللي بيفكر طول الوقت في المستقبل ومش مهتم خالص ولا عندوا وقت يفكر في اللحظه الراهنه : وده بقى ماشاء الله عليه هاتك ياتفكير في بكره واللي هيحصل بكره والسيناريوهات كلها مش معروفه هيحصل فيها ايه ولا هو هيعرف يتصرف ازاي وطبعاً دا قلقه جاي انه مش عارف هيحصل ايه ولا عارف هو هيعرف يتصرف ازاي ٧ ) الشخص بقى اللي بيفكر زياده عن اللزوم ودا بقى قلقه بيبقى جاي انه بيفكر كتير جداً والتفكر بتجيب افكار ومش عارف يرد على كم الافكار دي ٨ ) المبالغه : وده بقى اللي بيعمل من الحبه قبه ومش عارف يشوف الحاجات على حقيقتها القلق مشاعر لكن اللي وراها هي الافكار اللي بيتبناها الناس دول عن شكل حياتهم او المعاني اللي بيدوها للمواقف اللي بتحصلهم ، خلينا نفكر عن نفسنا بصدق وعمق ونكتشف بقى | |||||||||
| أمَل likes this. |
|
12-09-21, 10:26 AM
| #1090 | |||||||||
| الخوف من الألم بيفوق بمراحل اختبار الألم نفسه لو عايز تتخلص منه نهائياً جرب انك تسأل نفسك سؤالين مهمين جدا … الأول هو ايه اسوأ حاجه ممكن تحصل ؟ التاني طيب ولو حصلت فعلا هل هتعرف تتعامل معاها وتتكيف مع الوضع الجديد ؟ لو سألت نفسك السؤالين دول وجاوبت عليهم بواقعيه مش هتخاف تاني … وافتكر حاجه مهمه جداً انك لما بتخاف من الحاجه اللي لسه محصلتش انت كدا بتعيش احساسها مرتين وفي رأيي الاحساس الأول أصعب لأن كله بيبقى افتراضات محصلتش على أرض الواقع … وبناءاً عليه الأفضل انك تتعامل مع اللحظه الراهنه الواقعيه وتشتغل على الواقع زي ماهو صباحكم طمأنه وراحة بال | |||||||||
| أمَل likes this. |
|
12-09-21, 10:28 AM
| #1091 | |||||||||
| في بعض الناس بيلوموا على العلاج النفسي انه اتسبب في ان شريك او شريكه حياتهم قرروا الإنفصال عنهم هي الفكره مش ان المعالج بيحرض الشخص على انه ينفصل ،الفكره ان الشخص اللي بيتلقى العلاج بييجي عنده مشاكل عموما سواء مع نفسه او في علاقاته ، ومع الوقت بيبدأ يفهم احتياجاته ويعرف حقوقه وواجباته في العلاقات وممكن في الطريق يستكشف dynamics مريض او toxic في علاقته مع شريكه ووارد انه يقرر ياخد قرار الإنفصال لو كان شايف ان ده المناسب لي ……. محدش بيقول لحد روح اتطلق او افسخ خطوبه ( او على الأقل انا بتمنى يكون ده مبيحصلش) بس اوقات الوعي اللي الشخص بيطلع بيه من الجلسات بيخليه ياخد قرار بالتغيير مكنش يقدر عليه قبل كده …. قبل ما تلوم ال therapy على تغيير شريك حياتك، محتاج تبقى صادق مع نفسك وتشوف ايه اللي بجد كان حاصل بينكم ووصلكوا لنقطه اللارجوع. وعلشان كدا ناس كتير بترفض انها تروح ال therapy من الأصل لأنهم بيخافو ليفقدوا العلاقه أصلاً او ناس تانيه تروح ومتكملش أو يقولوا احنا حاسين ان المشكله زادت مابينا وطبعاً حقيقة كل دا الوعي الذاتي هو اللي بيخلي كل دا يحصل وانهم ماكانوش شايفين حقيقة نفسهم وطرقهم في التفاعل مع نفسهم والآخرين . | |||||||||
| أمَل likes this. |
|
12-09-21, 10:30 AM
| #1092 | |||||||||
| قد يجعلك الألم أقوى وقد يحطمك.. قد يشكلك ويجملك ويجعلك نسخة أفضل من نفسك.. وقد يغيّرك ويجعلك مسخاً مشوهاً؛ فتنظر في المرآة ولا تعلم من هذا الذي تراه؟! سيأتي الألم حتمًا، لكن اختياراتك في التفاعل معه هي ما سيحدد تأثيره عليك والصورة النهائية لما صنعه بك. أنت حر أكثر مما تتخيل ولست ضحية، فتوقف عن النوح وابدأ بمراجعة ردود فعلك، فحتى لو لم تكن مسؤولاً عن الألم الذي يصيبك، أنت وحدك المسئول عما ستفعله عندما تتألم. | |||||||||
| أمَل likes this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2613Likes
