| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
01-06-22, 11:21 AM
| #1189 | |||||||||
 
|  الاكتئاب وبقية الاضطرابات النفسية....امراض زي اي امراض وبالعكس تأثيىاتها ممكن تكون اقوى من امراض تانية خطيرة....دي القناعة المهمة اللي محتاجين تترسخ في عقولنا.... امراض حقيقية فيها تغيرات حقيقية لكيميا المخ وووظائف الخلايا العصبية..والهرمونات وتاثيراتها الفسيولوجية المختلفة على باقي اجهزة الجسم ووظائفه.... بجانب الجزء النفسي اللي هو نفسه موجود في اماكن محددة في المخ...اماكن بتاثر على كل وظايفه بما فيها الحالة الوجدانية المصاحبة من مشاعر الحزن وضعف القيمة الذاتية وفقدان المتعة والرغبة والامل واليأس ومشاعر العجز والاحباط والذنب والتفكير في الموت. الافكار والمشاعر ليها جانب عضوي ..مش مجرد احوال في الهوا كدا ...افكار ومشاعر بتشغل مراكز عصبية وخلايا وتفاعلات بتظهر في الجسم كله وبتكرر نفسها باستمرار...يعني انا مكتئب كحالة وجدانية وبيولوجية حاجة مبتروحش بكلمتين هزار ولا بخروجة. الاكتئاب وبقية الاضطرابات من مشاكلهم انهم بيزودوا نفسهم مع الوقت... يعني انا مكتئب بدرجة بسيطة مثلا...بس اكتئابي ده بسبب اللخبطة اللي عاملها بيولوجيا وعلى مستوى الافكار والمشاعر بيدخلني في حلقة مفرغة...تزود معاها درجة الاكتئاب وكاني ركبت زحليقة. مثلا..في الاكتئاب (المود الحزين) بتظهر فكرة مثلا..انا وحش ومستحقش...اللي هي نفسها بتزود الشعور بالاكتئاب اللي هو كمان بيزود قوة الشعور بالفكرة وهكذا.. مع كافة الاعراض ممكن نلاقي نفس الحلقة دي. حتى على مستوى كيميا المخ والبيولوجي بتمشي بشكل مشابه.. .في المعتاد وخاصة لاغلب اللي بيعانوا من اضطرابات نفسية لاول مرة...مبنخدش بالنا اننا بنعاني غير متأخر...الا يعني اذا كان الوضع حاد جدا...في المعتاد احنا واللي حوالينا مبناخدش بالنا اننا عندنا اكتئاب او قلق او غيرهم...وممكن الفترة دي تستمر سنوات عند البعض لحد ما يكتشفوا ان الوضع ده مش طبيعي...ثم تيجي بعدها مرحلة قرار العلاج..اللي غالبا برضو بيتاخد متأخر لاسباب كتير... يعني في كتير من الاحوال احنا بتيجي على نفسنا وبنعاني بزيادة لاننا بنعافر او مش واخدين بالنا او مش عارفين نعمل ايه او مش متصورين فكرة ان ده مرض..ومرض قوي جدا جدا...ومعوق عن الحياة بشكل كبير جدا.....افكار مجتمعية تانية لها علاقة بالمرض النفسي للاسف بتزود المشكلة سواء بالاعتراف بها او بطريقة علاجها. الاكتئاب بالذات محتاج تركيز معاه وبخاصة مع الاطفال والمراهقين وصغار السن..وكبار السن......مش لانه مرض خطير وقوي بس (وفينا احنا كمان)....لان كمان طبيعته الانسحابية المنعزلة المطفية من الخارج بعكس امراض تانية بتخلينا ممكن منخدش بالنا ان في مشكلة فينا...او في الافراد دول...وخاصة لو نمط حياتهم متغيرش كتير..كانوا مثلا حياتهم وانشطتهم محدودة...مبيخرجوش كتير..طبيعتهم الانطوائية... احنا نفسنا ممكن نكون اتعودنا على المزاج السيء وفقدان الرغبة والحالة الانعزالية وتقليل الانشطة...واتعاملنا بشكل او باخر مع مشاكل الشهية والنوم والنشاط الجسدي...فبقينا مش بندي حالتنا الاهمية الكافية... حقيقي الاكتئاب مرض خطير...كتأثير على حياتنا وفاعليتنا ورفاهيتنا ورفاهية المحيطين بنا..وصحتنا الجسدية....وربما مع ازدياد حدته او لاسباب ضاغطة خارجية تظهر درجة اعلى منه بتتميز بالافكار الانتحارية ومحاولات الانتحار..او الاعراض الذهانية.. واحنا جوا الاكتئاب بنشوف اني مفيش امل او حل او مخرج...اصلا دول من الاعراض المهمة في الاكتئاب...هم دول جزء الاكتئاب نفسه....دول مع بقية الاعراض اللي بيتوجه لهم العلاج . الاكتئاب مرض.. له علاج..والعلاج يقدمه مختصون (دوائيا او نفسيا او اجراءات اخرى معترف بها). مش منطقي اننا لما نلاقي حد بيشتكي من مشكلة عضوية في القلب او المعدة..اننا هنتعامل معاه ان ده نقص ايمان او ضعف في الشخصية او انه بس ميركزش او يروح يفرفش شوية وهيبقى زي الفل....الكلام ده مع الاكتئاب مش بس مش منطقي ولا عملي...هو كمان مؤذي جدا جدا بشكله المباشر على حالة الاكتئاب..او بشكله غير المباشر انه بيعطل الناس عن طلب العلاح. ساعد نفسك والمحيطين...وافضل مساعدة تشجيع وتوجيه الاشخاص اللي بيعانوا للعلاج ودعمهم...وامسك لسانك وخد بالك من كلامك معاهم. | |||||||||
 |
|
01-06-22, 11:21 AM
| #1190 | |||||||||
| انت عارف انت بتحط قيمتك في ايدين الناس امتى ؟ لما تبقى مشغول بزيادة بموافقتهم.... لما تبقى بتسعى باستمرار لقبولهم لما تبقى مشغول بشدة ....باعجابهم...او مدحهم....او بانتباههم..او انطباعاتهم...او رأيهم فيك...او تقديرهم واحترامهم...او اعترافهم بك. لما تطارد محبتهم بهوس ..بكل وسيلة عشان يحبوك. لما تخاف من رفضهم بشدة. لما تقلق من نقدهم بشدة لما تخاف تغلط او تفشل عشان هتبان وحش قدامهم لما تتمنى رضاهم على حساب نفسك باستمرار لما تخبي نفسك..وتصدر لهم الصورة اللي تعجبهم. لما تنشغل باستمرار..بكلامهم وشوفانهم لما تخاف تقل في عيونهم باستمرار لما يكون اغلب اللي بتعمله..شغل انجاز دراسة اهتمام بالذات..عطاء..لطف.. سلوك او حتى التزام وفضيلة الخ..عشانهم...عشان تعجب...او تخاف تبقى قليل. لما تقارن نفسك بهم باستمرار لما تشوف نفسك اقل منهم باستمرار. لما ولما ولما اللي بتتلخص في...لما الاخرين يسكنوا دماغك وقلبك اكتر منك...يسوقوا حياتك بدالك. ...لما يشغلوا الحيز الاكبر من نيتك...رغبتك...خوفك... وقتها انت بقيت (عبد لهم)... كل الافعال دي...زي ما هي رسالة بتطلب من خلالها من الاخرين الاعجاب.. انهم يمنحوك القيمة.....هي نفسها لو بصيت عليها بتدقيق اعلان منك لهم...(انا قليل)...اعتراف منك لهم انك قليل. عايز تحافظ على قيمتك..اذهب للمنبع...لنفسك...وكل اللي بتعمله عشانهم...اعمله عشانها. | |||||||||
| |
|
01-06-22, 11:22 AM
| #1191 | |||||||||
| افكارنا...ممكن تساعدنا وممكن تؤذينا...دماغنا لما تشتغل ضدنا ممكن تودينا في داهية... خد بالك من افكارك اليقينية والعميقة والغير عقلانية والغير واقعية والسلبية.. مش كل حاجة بتقولهالك دماغك صحيحة ولا كل اللي انت متاكد منه ...حقيقي احنا مليانين افكار غير عقلانية ولا واقعية. ...مؤذية...وعندنا افكار جوهرية عميقة core beliefs سلبية..من كتر تكرارها جوانا... .مصدقينها عن نفسنا زي اليقين...ومليانين حيل دفاعية واساليب كتير بنخدع بها نفسنا... اللي بيترجم اوقات في مشاكل علاقاتية او ازمات نفسية مرهقة الشعور بالذنب وجلد الذات هما العقوبة اللي بننفذها على انفسنا على (ما نعتقد) انه خطأنا وتقصيرنا...بغض النظر هل في الواقع اخطأنا حقيقة ام لا... الشعور بالذنب اعلان من انفسنا لانفسنا اننا مدانون ومذنبون ونستحق العقاب.. الشعور بالذنب السام لا يعني اننا خيرين او اصحاب ضمير جيد..وانما هو نتيجة صوت ابوي موبخ ومعاقب ومتهم ومنتقد وكاره وقاسي....لما يراه خطأنا وتقصيرنا. الشعور بالذنب في اغلبه نتيجة تصوراتنا وتفسيراتنا للاحداث وتحديدنا لمسئوليتنا عنها...واللي كثيرا ما تكون مغلوطة ومشوهة والبعض يرجعها الى نوع خفي من الشعور النرجسي الجريح. ... الشعور بالذنب شعور سام وقاتل اذا خرج عن المعقول..واذا لم يقابل بقرتنا على التعاطف والغفران للذات وحب الذات..ومراجعة معاييرنا ومفاهيمنا عن المسئولية وحدود قدراتنا وطبيعتنا البشرية | |||||||||
| |
|
01-06-22, 11:24 AM
| #1192 | |||||||||
| تظل عالقا في الحالة ...تعيد تفاصيلها باستمرار وبشكل ممل...حتى تجيب على الاسئلة التي داخلك..حتى تجد اجابة ما..تبحث عنها... معرفة هدف الاسئلة تقودنا الى معرفة السؤال بشكل صحيح...يجعلنا نجد الاجوبة المفقودة....والموحودة داخلنا اصلا... عايز توصل لايه من الاسئلة؟ ايه توقعاتك اللي لسه موجودة؟ مع شكوكنا الذاتية: - نحتاج عقلا يناقش ويقتنع. - وقلبا يختبر ثم يصدق و يطمئن. - وروحا تتوجه الى ما هو اكبر من الوجود .لتؤمن. - وعملا يوافق ذلك رغم التردد والخوف والرهبة واحيانا التراجع. - واخر نؤمن به ويؤمن بنا ويدعمنا. ربما احدهم يكفي...ربما اجزاءهم معا تكفي... في النهاية..كل طريق يوصلنا الى انفسنا...الى الايمان بها...الى الاطمئنان في وجودها...طريق جيد يستحق ان نطرقه. | |||||||||
| |
|
01-06-22, 11:24 AM
| #1193 | |||||||||
| في اوقات هتكتشف مسئوليتك وانك محتاج...تريح حبة وتاخد فترة نقاهة.. واوقات هتكتشف انك محتاج تقوم تبذل جهد اضافي عشان تعدي عقبات... واوقات هتكتشف انك محتاج ايد اضافية معاك تساعدك...صديق..قريب...معالج... واوقات هتكتشف انك محتاج مساعدة اكبر شوية...ادوية ..او اجراءات تانية مجرد انك تعرف انت في اي حتة ومحتاج ايه وبتعمله ..الخطوة دي كدة..علامة كويسة. اننا نعطل في الحتت دي...ومنفرقش بينهم...كتير من الوقت بسبب افكار ومواقف مش صحية وتوقعات مضرة...ممكن...وغالبا..هنلاقيها مش بس تجاه العلاج والمساعدة بس....هتلاقيها مسمعة في مناطق كتير في حياتنا ومسببة مشاكل. حل الحتة دي كموقف من العلاج والمساعدة...هو حل لمنطقة مهمة من شخصية صاحب المشكلة. التسلسل كالتالي انا حاسس بايه (المشكلة مثلا)...عايز ايه (الحل مثلا)...اعمله ازاي (بما فيها اطلب مساعدة الاخربن لو ممكن واقبل نوعية المساعدة الملائمة للمشكلة) | |||||||||
| |
|
01-06-22, 11:26 AM
| #1194 | |||||||||
| لموقف التجنبي والانعزالي المتفرج للحياة موقف يبدو محايد...كبسولة للحماية....ولكنه للاسف موقف في حقيقته بيخسر اكتر... احنا مش هنقدر نتعامل مع الواقع والالم والخوف والاحباط والخذلان بتجنبهم.....الحياة ستظل تلقي الينا بهذه الاحوال وباستمرار. الحياة محتاجة تفاعل ومواجهة وتعامل آخر مع هذه المشاعر...محتاجة تدخل فيها وتطعم وتتحصن بالخبرات...المتتالية. الانعزال..ربما مفيد لفترة مؤقتة...ولكنه غير مفيد على المدى الطويل..هيحميك بس عمره ما هيصنع مناعة او مقاومة...اول ما تخرج ومع اول لطشة برد هتعيا.... الاشتباك مه الخياة...مع عقل منفتح على التجربة وبيحاول يستوعبها هو اللي بيخلق المناعة..وبيلاقي الطريق الافضل للتعامل مع التحديات والصعوبات والاخفاقات. متقفش كتير تتفرج على الدنيا وهي بتعدي قدامك...والعمر يسرقك في الانتظار والخوف. | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
