| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
12-25-21, 10:18 AM
| #1159 | |||||||||
 
|  (انا آسف) جملة صغيرة ممكن تكتشف منها كتير.. انا آسف انا قادر اشوفك...واحس انك متألم انا قادر اشوف نفسي..واحس الم احساسي بالذنب انا قادر اشوف قيمي واهميتها ..واعرف اني خرقتها. واتحمل مسئوليتي عنها...وعن احترامها والعمل على احترامي لنفسي انا قادر اشوفك انسان زيي منفصل عني له حقوقه الواجب احترامها..وقادر اشوف تأثير اعتدائي...احترامي لحقوقك...من قيمي اللي خرقتها ومحتاج اصلحها.. انا قادر اشوفك انسان مساوي وبيتالم..وقادر احس بالمه واتعاطف معاه واساعده يشفى من المه. انا قادر ااعتذر انا شجاع اعتذر انا قوي اعتذر انا قادر وشجاع وقوي اني اطلب غفرانك وسماحك... انا انسان مواجد متعاطف محب عايز يساعدك تطلع من المك... في كتاب عن dark psychology بدا المؤلف بتشريح جملة (أنا آسف) ومشاعر الندم والآسى اللي مفترض نحس بها عشان يكون الاعتذار حقيقيا ومخلصا ..ودور ده في العلاقات والمجتمعات والتغيير الحقيقي..ثم كمل عن طبيعة الشخصية ونزاهتها في ده وكمل عن دور الضمير لينتهي بطبيعة الشخصيات السيكوباتية والمعتدية اللي بتفتقد المواجدة و الرحمة والاسى والندم تجاه ايذاءهم للآخرين وافتقادهم للنزاهة والضمير....كل ده في ٣ صفحات. ( انا آسف) الصغيرة جدا ....القدرة على الاعتذار او عدم الاعتذار بتقول كتير...بتقول عن الاحساس بالذنب الصحي...عن الشخصية وسواءها وتشوهاتها.عن علاقتنا وسلامتها واضطرابها. | |||||||||
| رايــق likes this.  |
|
12-25-21, 10:19 AM
| #1160 | |||||||||
| ناس كتير من اللي بيعانوا من الوحدة عندهم مخاوف من الرفض..بيظهر بدون ما ياخدوا بالهم في تفاعلاتهم مع الاخرين اللي بيحاولوا يقربوا منهم....مع الوقت الاخرون دول بيحسوا انهم بيترفضوا فبيبعدوا...والوحيدين بتتأكد قناعاتهم عن الرفض وبيستمروا في الوحدة اكتر. خوفنا من الرفض ممكن يوصل للاخرين اننا كمان رافضينهم.... وعلاجه بدايته عندك انت اولا....ساعد نفسك تخرج وتقرب. سؤال ازمة المراهقة....انا مين وعايز ابقى ايه (هوية و علاقة وعملا)؟ سؤال ازمة منتصف العمر...انا مين وكنت عايز ايه واسترد نفسي ازاي؟ كتير من اللي اضطرتهم الظروف بشدة للسؤال الثاني ..اللي واجهوا صعوبات في اجابة السؤال الاولاني. .صراعات بين سيطرة الاهل ومحاولة استقلال المراهقين وتكوين هويتهم. | |||||||||
| رايــق likes this. |
|
12-25-21, 10:19 AM
| #1161 | |||||||||
| الناس بتستمر في العلاقات لاسباب كتير منها الاختيار الشخصي...الناس مستمرة ما دامت مبسوطة..وبتقرر تمشي لما تلاقي نفسها مش مبسوطة ومش نافع حاجة تخليهم مبسوطين...هم شايفين اننا بنعمل الحاجات في الدنيا عشان احتياجاتنا وراحتنا وما دامت مش موجودة ليه نكمل في تعاسة وحرمان......عيوبها يمكن ان احتياحاتنا ومشاعرنا متغيرة ومتطورة وان كتير من اساسيات حياتنا الكبرى صعب تغييرها بسرعة عشان تلائم تغيرات احتياجاتنا...وان في كمان تعارضات اخرى والتزامات تجاه اخرين محتاجين برضو نتعامل معاها.. ودي تكلفة برضو. الاستمرار عشان الواجب..في ناس بتستمر عشان قيم الواجب والمسئولية عندها عالية تجاه الاخرين. او قيم الرعاية (غريزة واحتياج ومسئولية معا ) للاطفال مثلا..قيم اقوى ربما من عوز الاحتياج...قيم لو انضربت بيجي معاها مشاعر الذنب والخزي والفشل والتقصير وعدم الكفاءة والالم وتدني تقدير الذات...ودي حاجات مهمة جدا جدا عندهم...عيوبها هو الجزء المحروم ده هيتصرفوا فيه ازاي؟ في اللي بيستمر عشان العلاقات بتوفر احتياجات مهمة وبيتنازلوا قصاد ده عن احتياجات تانية...زي الممارسة الجنسية..ربما الاحتياج مهم ومن غير علاقة مفيش اشباع للشخص....يمكن الامان المادي والاجتماعي والقانوني..الوجود داخل علاقة بيوفر ده...في اسباب دينية وعمرية وثقافية واجتماعية .وغيرهم اسباب كتير ممكن تخلي الناس تستمر في علاقات... كلها لها مميزاتها وتكلفتها...مفيش صح وغلط ولا نموذج ان الناس لازم تعمل ايه ولا ايه...دي تنويعات الناس وقدراتها وحساباتها الخاصة لحياتهم بظروفهم بطبيعتهم بعواملهم كلها. الفيصل في كل علاقة..هو الشخص نفسه...عايز ايه وبس..هو اللي يقدر يحدد الانفع والافيد له في ظرفه الحالي اولا...والمستقبلي ثانيا...وعشان يقدر يعمل ده محتاج يكون واعي باحتياجاته بشكل حقيقي وقدراته كمان..وواعي بواقع العلاقة بشكل حقيقي ..الحلو واللي مش عاجبه...وواعي بالواقع الخارجي بشكل واقعي...ومش متأثر بشكل كبير باحوال انفعالية قوية ولا توقعات وهمية سواء ايجابية او سلبية...وعنده استعداد لتحمل مسئولية قراره وما ينتج عنه مهما كان بشكل جيد ومتقبل. ده مهم عشان في ناس في اوضاع ما...مضغوطة باراء الاخرين.. وتصوراتهم واحكامهم سواء في البقاء عزاب او في الاستمرار في علاقات او انهاءها....وبيحسوا انهم في مشكلة اضافية ومش عارفين يتصرفوا .وانهم ملامين ومستهجنين او قليلين...تاني ..مفيش نموذج ينفع لكل حد...انت وانا اللي بنفصل قرارنا على ظروفنا واحتياجاتنا وواقعنا....احنا اللي بنختار الحلول اللي تناسبنا احنا....وبس...احنا اللي هنستفيد لو هندفع تمن قرارنا...واحنا اللي محتاجين نبقى حريصين على نفسنا....مهما كان الاخر امين وحكيم في حاجات ايجابية او سلبية مش هيقدر يحس قيمتها في حياتك ..مفيش طبيب ولا معالج ولا حكيم ولا حد هيقدر يعرف انت عايز ايه ومحتاج ايه وخايف من ايه ولا درجته ولا قوته ولا اهميته ولا تأثيره...انت بس اللي تقدر....انت اللي محتاج تحدد ده وتوزنها بنفسك هم بس هيساعدوك توصل لده...وتعمل اللي يناسبك... القرارات الحياتية الكبيرة محتاجة جهد كبير وامانة كبيرة مع الذات اولا واستخدام ادوات كتير ..اه ممكن نسمع لغيرنا ..نستيشر...نروح لمعالجين ..نشوف حاجات تنور لينا السكة والنقط العامية واللي مش شايفينها.....بس نخط المسئولية قدام نفسنا واننا نعامل قراراتنا بجدية اكبر. | |||||||||
| رايــق likes this. |
|
12-25-21, 10:20 AM
| #1162 | |||||||||
| والغفران هو ان تتحرر انت من الاحساس بالغضب والغيظ والذنب والخزي والعجز والالم والحزن والكراهية ورغبات الانتقام والحقد والبغضاء.....من كل ما يقيدك بالماضي ويشعرك بالمرارة والقنوط...ويمنعك من التقدم للامام والتحرر والانطلاق..ويملأك بالشكوك واليأس. الغفران لانفسنا وللاخرين (سواءا كنا ضحايا او جلادين) حالة تطهر روحاني كامل مما علق بالروح واثقلها واطفئها واثخنها بالجراح...حالة تنوير وخفة وتسامي واكتمال. الغفران الحقيقي حالة سلام وسكينة ورحابة واطمئنان وتحرر وانطلاق وأمل وثقة ومحبة. الغفران والقبول والتعاطف والحب.. منحتنا الحقيقية لانفسنا قبل اي انسان. الغفران الحقيقي يتحقق فقط عندما نفعله ..في مرحلة ما... دون ضغط من احد او حياءا من احد او استجابة لطلب احد او ابتزازه او نتيجة شعورنا بالذنب او الخزي او الاحراج او دون ان نكون مستعدين...الغفران الحقيقي عندما نشعر نحن اننا نريد ان نغفر بارادتنا الحرة..عندما نريد ان نعقد سلاما مع ما بداخلنا... واننا مستعدون له... الغفران ليس عملية سهلة كما يتصور البعض....ولكنه يستحق. | |||||||||
| رايــق likes this. |
|
12-25-21, 10:21 AM
| #1163 | |||||||||
| احنا جوانا شخصيات كتيرة عايشة مع بعض...بينهم علاقات كتير..اوقات متصالحة واوقات ضد بعض...في شخصية جوانا مسيطرة...واوقات شخصيات بتظهر وتختفي حسب الظروف...وفي شخصيات اتنازلنا عنها بارادتنا...وشخصيات خوفنا منها او كرهناها وخبيناها في الضلمة. مشاعرنا تجاه الاخرين ممكن تعرفنا نفسنا...اوقات هتلاقي فيهم انعكاسات لينا...هنلاقي فيهم حاجات ينكرها فينا. سواء موجودة ومش شايفينها..او موجودة وخايفين منها. وبننفيها في الجانب المظلم....او حاجات بنحبها فيهم وبنتمني تكون فينا...او اتخلينا عنها. اوقات كمان معاملتهم لنا...بتكون انعكاس لمعاملتنا لنفسنا....هم شافونا بنعامل نفسنا ازاي وبيعاملونا بنفس الطريقة...هم عرفونا اكتر. بيتقال لو لقيت نفسك بتحب حاجة قوي او بتكره حاجة قوي في الاخرين..شوف ايه حال الصفة دي جواك وعلاقتك بها....حبك وكرهك بيشاور عليك انت...بيجسده قدام عيننك...على اللي فيك واللي ربما له تأثير على حياتك بشكل كبير...على اللي محتاج تتعامل معاه...تتصالح معاه...او تستدعيه للنور...او تتعلمه. علاقتننا بهم وعلاقاتهم بنا ممكن تكون انعكاس لعلاقتنا بنفسنا احنا...لعلاقات شخصياتنا مع بعض...العلاقة اللي مش قادرين نشوفها كويس..هم بيجسدوها لنا قدام عيونا. الناس دروس...ودرسهم الاهم..انك تعرف نفسك....من مشاعرك ناحيتهم. (وخاصة مشاعرنا القوية) ..ومن معاملتهم لك. في مشاعرك تجاه الاخرين واحكامك عليهم وموقفك منهم... متحرمش نفسك من سؤال...هو ده بيمثل جوايا ايه...بيشاور ليا على ايه؟ حاول تبص بشكل اعمق من افكارك الواعية او اللي ع السطح...اللي اتحط في سكتك جه يعلمك درس مهم عن نفسك. | |||||||||
| رايــق likes this. |
|
12-25-21, 10:21 AM
| #1164 | |||||||||
| اعرف نفسك على حقيقتها...اقبلها بكل نقاط قوتها ونقاط ضعفها..حتى الجزء الموجوع فيها قابله ومعترف بوجوده وتأثيره ومتعاطف معاه......ضم الاجزاء اللي رافضها على الكل واقبلهم مع بعض..صالحهم على بعض...قول لنفسك..(انا ده...ده تفردي المختلف عنكم...انا ده..قابلني زي ما انا ومعترف بوجودي زي ما هو...انا ده..مسئول عن نفسي وتطوير اللي احب اطوره لو حبيت اطوره وعشان انا اللي عايز اطوره وحابب اطوره...انا ده دلوقتي....لو انت مش قابلني زي ما انا...دي مشكلتك مش مشكلتي).... ...دي الخطوة التانية بعد الوعي الحقيقي بالذات..خطوة القبول...الاعتراف بالموجود وقبوله...الخطوة المهمة اللي بتسبق التغيير....الخطوة اللي محتاج اقبل نفسي فيها زي ما هي...بتجربتها كلها...بتفردها كله....باجزاءها كلها...عشان اعرف اتحرك بها في سكة التغيير بسلاسة وشغف. خطوة القبول ..الاعتراف بالموجود..والتخلي عن الموهوم والتوقعات الغير حقيقية..والاجزاء اللي تخص الغير...واللي معاها الغفران للذات والتعاطف معها وحبها وتقديرها والانصات لها واحترامها ومعرفة حقها انها تعيش كويس وسعيدة...خطوة محتاجة وقفة صادقة وامينة وشجاعة مع النفس. ..ومحتاجة تعهدات والتزام لها هي بالعمل لصالحها. الوعي بدون الخطوة دي هيتحول لشقاء والم وكراهية للذات ورفض لها....والتغيير بدون المرور بالخطوة دي هيتحول لمحاولات عبثية وفي اتجاهات غير صحيحة وهيتعرض لاحباطات كتير. | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
