| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
01-02-22, 10:23 AM
| #1171 | |||||||||
 
|  عايز تتشاف.... نمي مهارة انك تشوف نفسك..ذات عليا مراقبة تشوفك ..تحس بك..تسمع صوتك الداخلي..تشوف افكارك..تحس جسدك وتركز مع حواسك....تراقب تصرفاتك...ذات تعكس لك نفسك وتراجع معاك تفاصيلك..وتقدم لك الانتباه والتاكيد والتصديق والسماح والقبول والتقدير والاحتواء والاهتمام والتطمين والتعاطف والتشجيع والغفران والتسامح. عايز تتشاف...شوف نفسك الأول وحسها واحترم وجودها واقبله وثمنه. مرن نفسك باستمرار على الرؤية والاستبطان والتامل والمراجعة. الرسالة اللي بتوصل لما حد يستمر في تجاهل او انتهاك حدودنا..وحقوقنا..ومشاعرنا واحتياجاتنا ( انت مش متشاف...مش موجود..ولا حاجة..قليل...مستباح وقابل للانضغاط......للدرجة اللي تخليني ماخدش بالي ولا اشوفك ولا انتبه لوجودك ولا اعمل حسابي لزعلك او المك او غضبك او حقوقك او لك شخصيا...انت مش مهم وملكش تأثير على افعالي ومش فارق معايا). | |||||||||
| ومضة likes this.  |
|
01-02-22, 10:24 AM
| #1172 | |||||||||
| الحدود الشخصية بين الاشخاص واحدة من اهم وسائل التعامل الجيد والمتوازن والعلاقات الصحية. هنقابل ناس بتحترم حدودنا من نفسها..وهنقابل ناس مش منتبه او بتنسى..وهنقابل ناس في تعارض بينا وبينهم فالحدود بتوه..اولنا ايه واخرهم ايه...وهنقابل ناس مبتشوفش الحدود بتاعتنا لاي سبب (مبتشوفناش) وطول الوقت في التعامل معاهم هنلاقيهم بيقفزوا جوا مساحاتنا وعلى حجورنا وجوانا بلا استئذان او احترام. معرفة حدودنا اللي بتحيط بحقوقنا..صمام امان لنا من الاختراقات دي..اللي بنحسها كاعتداء وسلب واهانة لنا..واللي مع الوقت بتملانا بالغضب والاستياء تجاه الاخرين..او بتحسسنا بالعجز والضعف والاختناق والحسار لما منقدرش نطرد الاخرين من مساحاتنا... او بنحس بالاستنزاف. معرفة حقوقنا: الجسدية النفسية العقلية الروحية المادية المالية وقتنا اكونتاتنا الافتراضية علاقاتنا بالاخرين الخ كلها حقوقنا واللي محتاجة حدود عشان ميتمش اختراقها. وضع الحدود (معرفتنا لها).. واعلانا وتنبيهنا للاخرين لو تعدوها..مش كفاية كمان. اتخاذ اجراءات ومواقف ضد الاخر اللي بيتعمد التكرار والاكتساح للحدود دي...مواقف تصعدية تنتهي بانهاء العلاقة والتعامل مع الاخر والابتعاد عنه اذا لزم الامر. حفاظنا على حدودنا مع الاخرين مسئوليتنا احنا..وخاصة مع منتهكي الحدود والمساحات باستمرار (ذوي الميول النرجسية والسيكوباتية والانانية وراغبي التحكم والسيطرة)...انتظارهم هم ياخدوا بالهم وينتبهوا او يفهموا او يقتنعوا مش حل...ولا هيكون حل... اوقات طبيعتنا او طبيعة العلاقة مع الاخر بتخلي اتخاذ مواقف حاجة صعبة جدا...ولكن الاستمرار دون اتخاذ مواقف لا يمنحنا الا الغضب والاستياء والحزن والاحساس بالعجز والاختناق والاحتراق والاكتئاب... | |||||||||
| |
|
01-02-22, 10:26 AM
| #1173 | |||||||||
| كتير لما بيعانوا من اكتئاب او توتر او ازمة نفسية بينشط جواهم ما يسمى بالناقد الداخلي واللي اوقات بيبقى كمان المدمر الداخلي...صوت بيجلدنا..وبيصرخ فينا (انت ضعيف..هش..فاشل..عاجز) او (بطل دلع او *****....بطل اوهام..معندكش رفاهية..) ويروح رازعنا قلمين...وبدل ما نقوم..ونبدأ في نكسير انفسنا...نقع اكتر واكتر. الاكتئاب واحد من اقوى الامراض واكثرها اعاقة لاصحابها عن ممارستهم لحياتهم...لا بيدلعوا ولا بيمثلوا...والامراض محتاجة علاج..شوفت حد عنده اي مرض عضوي بيتنصح يقف قدام المرايا ويضرب نفسه بالقلم عشان يخف...شوفت حد عنده انفلونزا حتى وشخط فيها هربت منه. الاكتئاب مرض..طفل جوانا جريح ومتألم وضعيف ويائس وفاقد الامل وحاسس بالعجز والذنب وعدم الجدارة والثقة بالنفس..حالة محتاجين فيها نرحم انفسنا ونتعاطف معاها ونهتم بها وناخد بايدها لحد ما تسترد عافيتها. لما يجيلك اكتئاب..بص لنفسك في المرايا واعترف لها..انك بتعاني من الاكتئاب...اهتم بها وبعلاجها وطبطب عليها وخليك رحيم معاها..ساعدها بانك تعالجها...بطل تسمع لاحمد السقا اللي جواك او براك. | |||||||||
| |
|
01-02-22, 10:27 AM
| #1174 | |||||||||
| للاسف احتياجتنا الغير مشبعة من الطفولة (الامان.الحب..الاهتمام...التقدير..الحرية الخ) ...بتخلينا بلا وعي مننا نرسم صورة او توقعات غير واقعية او شروط مرتفعة جدا تجاه او شكل اشباعها. عايزين امان او حب او اهتمام او تقدير او حرية الخ من نوعية خاصة وبشكل خاص...اكبر من قدرة الواقع على تلبيتها..اكبر من قدرة اي حد على اشباعها... بندور على احوال مطلقة ومصادر غير بشرية..مش من لحم ودم.. التوقعات او المعايير او الاشتراطات دي بتخلينا في حالة بحث عن الكمال والمثالية في نوعية الاشباع او مصدره وبالتالي عدم رضا او عدم قدرة على استقبال الاشباعات المتاحة..لانها ببساطة مش كافية...مش هي اللي عايزينه. تعديل التوقعات والتصورات ضرورة مهمة والا هنفضل ندور على حاجات مش موجودة ومش هنحس بالرضا او قدرة على استقبال الموجود. الشعور بالامان واني مسنود تجاه شخص ما بيتلخص في: ( لما احتاج..اتعب..اقع..اخاف..اتألم .افشل..احبط..انكسر..امرض....أروح لمين؟ مين هيكون موجود علشاني ومرحب بيا وهيحتويني ويطمني ويرعاني ويحميني ويشدني ويطيبني ويشجعني ويتعاطف معايا ويهتم بيا؟ مين مجرد وجوده في الحياة بيطمني؟). وده ركن مهم واحتياج قوي بتشبعه العلاقات الحقيقية....أوقات ضعفنا وفشلنا وانكسارنا..مين معانا؟. الملاذ الآمن. | |||||||||
| |
|
01-02-22, 10:30 AM
| #1175 | |||||||||
| بيئات العمل السامة والعلاقات المؤذية وحتى الجيرة السيئة وغيرها.....كتير بتحتاج قرار جريء بالرحيل عنها كأفضل حل ممكن لسلامنا النفسي...مش شطارة ولا شجاعة ولا مسئولية ولا هاخد كاس التحمل والصبر والجلد ولا اي حاجة اني استمر في وضع مؤذي ليا او بيدمر واقعي النفسي او بيهدد سلامي. لو الرحيل صعب..يبقى الخطة البديلة اني ابدأ تجهيز نفسي للرحيل واشوف ناقصني ايه ومحتاج ايه وألبيه ازاي عشان امشي .ومش لازم أكون جاهزين مية المية عشان الرحيل.. الاستسلام لاحوال زي دي عواقبه وحشة نفسيا وبتخلينا اكثر ضعفا وعجوا عن الرحيل لاحقا. جزء كبير من حياتنا بيتعطل وبيتدهور في الاوضاع دي...ومسيرة تعافينا ونمونا بتقف في احوال زي دي. | |||||||||
| |
|
01-02-22, 10:35 AM
| #1176 | |||||||||
| التفكير بالابيض واسود..بيخلينا نشوف الحاجات والاحوال والاشخاص والخبرات بشكل ثنائي مفيش بينهم وسط...مثلا..فلان وحش تماما او حلو تماما...الموضوع ده كويس جدا او وحش جدا..انا ناجح او فاشل الخ. التفكير ده بيعطل حتى في النمو النفسي والتعافي.. مثلا لو اتكلمنا عن الاستقلالية هنتخيل الدنيا كدة...استقلالية تامة او اعتمادية تامة...لو اتكلمنا عن التعلق هنشوفه كدة..تعلق وتماهي او ابتعاد وانفصال...لو اتكلمنا عن القرب والانتماء...او الخرية هنشوفهم عكس بعض..يا اما نعمل دي او دي...لو تكلمنا عن الاهتمام بالاخرين هنشوفها اما ابقى مهتم لدرجة الغاء الذات او اناني لدرجة الغاء الاخرين...وهكذا... وفي الحقيقة اغلب حياتنا توازنات بين كل المتناقضات اللي جوانا..حالة وسط او خليط من اللون الرمادي بين الابيض والاسود اللي جوانا ....الوصول لتركيبتنا الهاصة من الرمادي حسب الظروف والاحوال القفز من النقيض للنقيض..او تخيل ان الاحوال منحصرة ما بين إما..أو..بيخلينا في صراع مستمر بين احوال ومتناقضات جوانا مش مخليانا عارفين نحسم الصراع ونتعرض للتمزق وما يتبعه من احاسيس العجز والضعف والحصار وعدم الكفاءة..والقلق والاكتئاب. نقطة اخيرة..اغلب اللي بيشوفوا الدنيا ابيض واسود..هم ساكنين في منطقة منها..الابيض الناصع مثلا...وكل ما هو خارج اللون الابيض الناصع ...اسود. عشان كدة اي محاولة للزحزحة خارج اللون للوصول لمنطقة التوازن بيشوفوها سقوط في اللون الاسود الغير مرغوب...وده اللي بيخلي التغيير احيانا صعب. حاول تشوف الدنيا باستمرار انها خليط ودرجات من الرمادي..قليل جدا في احوال الناس اللون الاسود والابيض بس...وجرب احتمالات ونظرات جديدة للدنيا. | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
