| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
01-03-22, 10:30 AM
| #1177 | |||||||||
 
|  في كتاب the 5 personality patterns بيتكلم عن خمس انواع من الشخصيات..كل شخصية وقفت في محطة نمو في طفولتها..نتيجة اخفاق في اشباع احتياج عاطفي... كل نمط كون طريقة للتعامل وشكل ووجهة نظر وحتى مجموعة مشاعر رئيسية...للتعامل مع الموقف مختلفة عن التاني. يمكن الحاجة الاهم اللي تقريبا( متفقين فيها.) واللي بيعتبر صفه مهمة لعدم النضج سواء العاطفي او العقلي او الاتنين مع بعض لاي فرد عموما وهو ما يسمى عدم القدرة على رؤية الامور من وجهة نظر الاخر...المواجدة عقليا وعاطفيا)...ن كل نمط فاكر ان كل الناس بتحس وتشوف وتفكر وتقدر الامور وبتتصرف بنفس طريقته...مش مستوعب ان للاخرين احتياجات مختلفة تقديرهم لها مختلف جدت..لهم مشاعر مختلفة احساسهم بها مختلف جدا...رؤية للدنيا وطريقة تفكير وحسابات خاصة جدا به...ادواته هو وبس. الدنيا عندها لونها غير عندك وطعمها مختلف واشكالها مختلفة ومعناها مختلف. ده شايف الحب اهم حاجة في الدنيا وده شايف الاحترام وده شايف الامان وده شايف الحرية ده شايف المنطق وده مش شايف غير المشاعر ده شايف الناس مهمة وده شايف مفيش حد مهم ده ميعرفش غير يغضب وده ميعرفش غير يبكي وده ميعرفش غير يخاف ده ميعرفش في الحب غير الافعال وده ميعرفش غير يسمع الحب كلمة وموال. ده مش مصدق ان احساس التقدير تسوى الدنيا عند حد...والاهمال..ضرب رصاص. وده مش شايف لحظة غياب تساوي موت للبعض.. ده مش فاهم ان مجرد سكاتك جنبه وهو بيبفضفض اجمل مساعدة...وده مش مصدقك انك لما تسيبه في حاله وهو متضايق ده احلى اهتمام. ده مش شايف ان مشاركتك لاهتمامه اروع اعجاب..وده مش مصدق ان اعجابك بقصة شعرها احلى قصيدة غزل. مش بنقول ان الناس تكيف نفسها للتعايش مع ازمات الاخرين حتى ولو بتضغط عليهم...بس القصد ان الناس فعلا اكوان مختلفة...وطول ما انت مش شايفهم ..مش عارف واقعهم الحقيقي وبتشوفهم بعيون طبيعتك...مش هتعرف تتعامل معاهم..انت بتتعامل مع تصوراتك وافتراضاتك عنهم وبس...انت مش شايفهم. اقفوا مع نفسكم شوية واسئلوها....هم فعلا شايفنها ازاي...حجاسبينها ازاي...فاهمينها ازاي؟...اينعم سؤال صعب نجاوبه بنفسنا...محتاجين هو يقول ده لنا ويفتح قلبه ويعبر بجد. واحنا كمان محتاجين نسئل تاني..هم شايفينا ازاي؟ حاسينا ازاي..فاهمينا ازاي؟ ودي برضو صعبة عليهم احنا برضو محتاجين نقول لهم بجد. والا احنا الاتنين هنبفى متسابين للخيال والتخمينات والافتراضات والاستنتاجات وكل واحد والسيناريو اللي دماغه هتكتبه. اتعلم تشوف....وساعدهم تتشاف اتعلم تتكلم وتعبر وانت قاصد تشوف وتتشاف بجد | |||||||||
 |
|
01-03-22, 10:31 AM
| #1178 | |||||||||
| في اوقات هتكتشف مسئوليتك وانك محتاج...تريح حبة وتاخد فترة نقاهة.. واوقات هتكتشف انك محتاج تقوم تبذل جهد اضافي عشان تعدي عقبات... واوقات هتكتشف انك محتاج ايد اضافية معاك تساعدك...صديق..قريب...معالج... واوقات هتكتشف انك محتاج مساعدة اكبر شوية...ادوية ..او اجراءات تانية مجرد انك تعرف انت في اي حتة ومحتاج ايه وبتعمله ..الخطوة دي كدة..علامة كويسة. اننا نعطل في الحتت دي...ومنفرقش بينهم...كتير من الوقت بسبب افكار ومواقف مش صحية وتوقعات مضرة...ممكن...وغالبا..هنلاقيها مش بس تجاه العلاج والمساعدة بس....هتلاقيها مسمعة في مناطق كتير في حياتنا ومسببة مشاكل. حل الحتة دي كموقف من العلاج والمساعدة...هو حل لمنطقة مهمة من شخصية صاحب المشكلة. التسلسل كالتالي انا حاسس بايه (المشكلة مثلا)...عايز ايه (الحل مثلا)...اعمله ازاي (بما فيها اطلب مساعدة الاخربن لو ممكن واقبل نوعية المساعدة الملائمة للمشكلة) | |||||||||
| |
|
01-03-22, 10:32 AM
| #1179 | |||||||||
| -لا انا ولا انت ولا حد كامل او مثالي او هنكون او هنقرب حتى من الكمال والمثالية. -العدالة والانصاف غير موجودين دائما في الحياة (الحياة ليست دائما عادلة). - مش كل الناس او حتى اغلبهم هيحبوك او هيقبلوك او هيوافقوا عليك...ولا مطلوب منهم او مهم ان الكل يعمل كدة اصلا. -حتى المهمين لنا مش هيحبونا او هيقبلونا او هيوافقونا علينا دايما او زي ما احنا عايزين ..ومش مطلوب منهم او مهم انهم يكونوا دايما كدة اصلا. -مش كل الناس هتعاملنا كويس او بانصاف ولا دايما.. - المصائب والالام تقع باستمرار لنا ولغيرنا ..تاتي فجأة اوقات..دون تنبيه.اوقات..دون استعداد اوقات.. بدون اسباب واضحة او مفهومة او مبررة اوقات...ولكنها تحدث. - مش هنقدر نمنع الاقدار المؤلمة عن انفسنا او اللي بنحبهم... - الحياة مش بالضرورة مفهومة و واضحة او لازم تبقى مفهومة وواضحة ومسببة ومنطقية ..نحن لا نعلم الكثير..ولن نعلم الكثير. - المستقبل غير مؤكد وغير محدد ومنعرفوش - الماضي انتهى وخرج من سيطرتنا..نقدر بس نتعامل مع تأثير اللي حصل. -احنا بشر محدود القدرات..وهيفضل محدود القدرات..وهيواجه حاجات اكبر منه دايما..هيحس كتير قدامها بالعجز والضعف وقلة الحيلة والفشل...دي طبيعتنا. - احنا بشر..هنفضل نغلط ونغلط ونغلط...دي طبيعتنا. - احنا بشر هتفضل عندنا احتياجات ومشاعر لها تأثير قوي علينا...بغض النظر عن المنطق والواقع والواجب. -مش كل اللي محتاجينه وعايزينه هنلبيه دايما.. - مش كل تصرفاتنا منطقية وعقلانية وواقعية وناضجة ومحسوبة... ولا مطلوب...احنا بشر. - احنا بشر هتفضل عندنا توقعات غير عقلانية ولا واقعية وغير ناضجة ..من الدنيا والناس وانفسنا برضو حتى واحنا بنحاول نصلحها. - كلنا فينا الجانب الحلو والسيء...والمسافة الكاملة بينهم...ممكن نكون على اي نقطة فيهم في اي لحظة حسب الظروف. - احنا بشر..مليانين صراعات داخلية وتناقضات..كل حاجة وعكسها حرفيا وبنفس القوة وفي اتجاهات متعاكسة. الاقتناع الحقيقي بشوية القناعات دي بيخلص من كتير من المشاعر السلبية والمعاناة غير الضرورية في الحياة...مجرد الاقتناع الحقيقي. والتمارين الوحيدة هي التذكير للنفس باستمرار الافكار دي في المناسبات المختلفة.. | |||||||||
| |
|
01-03-22, 10:32 AM
| #1180 | |||||||||
| (انا آسف) جملة صغيرة ممكن تكتشف منها كتير.. انا آسف انا قادر اشوفك...واحس انك متألم انا قادر اشوف نفسي..واحس الم احساسي بالذنب انا قادر اشوف قيمي واهميتها ..واعرف اني خرقتها. واتحمل مسئوليتي عنها...وعن احترامها والعمل على احترامي لنفسي انا قادر اشوفك انسان زيي منفصل عني له حقوقه الواجب احترامها..وقادر اشوف تأثير اعتدائي...احترامي لحقوقك...من قيمي اللي خرقتها ومحتاج اصلحها.. انا قادر اشوفك انسان مساوي وبيتالم..وقادر احس بالمه واتعاطف معاه واساعده يشفى من المه. انا قادر ااعتذر انا شجاع اعتذر انا قوي اعتذر انا قادر وشجاع وقوي اني اطلب غفرانك وسماحك... انا انسان مواجد متعاطف محب عايز يساعدك تطلع من المك... في كتاب عن dark psychology بدا المؤلف بتشريح جملة (أنا آسف) ومشاعر الندم والآسى اللي مفترض نحس بها عشان يكون الاعتذار حقيقيا ومخلصا ..ودور ده في العلاقات والمجتمعات والتغيير الحقيقي..ثم كمل عن طبيعة الشخصية ونزاهتها في ده وكمل عن دور الضمير لينتهي بطبيعة الشخصيات السيكوباتية والمعتدية اللي بتفتقد المواجدة و الرحمة والاسى والندم تجاه ايذاءهم للآخرين وافتقادهم للنزاهة والضمير....كل ده في ٣ صفحات. ( انا آسف) الصغيرة جدا ....القدرة على الاعتذار او عدم الاعتذار بتقول كتير...بتقول عن الاحساس بالذنب الصحي...عن الشخصية وسواءها وتشوهاتها.عن علاقتنا وسلامتها واضطرابها. | |||||||||
| |
|
01-03-22, 01:27 PM
| #1181 | |||||||||
| لو عندك مشكلة سلوكية او عادة ما..او صفة معطلاك. او مسببة ازمة...هحتاج فعل ما عشان تغيرها...وغالبا هيكون عكس اللي انت بتعمله طول عمرك بتهرب من المشاكل...حلها..تواجه بتماطل وبتأجل..حلها..تنفذ وتنجز اعتمادي..حلها..تبقى مستقل مستقل بزيادة..حلها تتعلم تبقى اعتمادي (مشارك وتعاوني) اناني...تتعلم تهتم ارضائي..تتعلم تقلل اهتمام متحبش الوحدة..تتعلم تعمل علاقات مثالي..تتعلم تبقى اقل مثالية..تبقى معيوب من وجهة نظرك بشك في الناس..اتعلم اثق عندي احساس اني ضحية...اتعلم اخد مسئولية افعالي متصلب..اتعلم ابقى مرن مبعرفش اقول لا..اتعلم اقولها. بخاف من الرفض.اتعلم ارفضه واتقبله مندفع..اتعلم احط فرامل مش مخاطر اتعلم اعمل مخاطرات في علاقة مسيئة وشايف انها مسيئة مين هيخرجك غير نفسك. شايف انك داخل على علاقة مسيئة مين هيفرملك في النهاية غير نفسك. مش عارف تقرر..لازم تتعلم تقرر... خايف من الفشل لازم تواجهه واللي بيعني انك تفشل اصلا وتتعامل مع ده. وهكذا تقريبا مع كل حاجة... اينعم لو الموضع سهل مكنتش اتأخرت تعمله....اينعم في مشاعر سلبية هتثور جواك وانت بتعمل عكس اللي متعود عليع...بس برضو انت هتحتاج تعمل الخطوة دي عاجلا او اجلا...بدونها مفيش حاجة اتعملت..بدون كسر العادة دي واكتساب العادة الجديدة..مفيش حاحة اتعملت.... كل اللي بتعمله من معرفة الاسباب او اللي معطلك او اللي مخوفك او افكارك او توقعاتك او احتياجاتك او خبراتك..هدفه تحريرك قدر الامكان عشان تعرف تعمل الخطوة دي..انك تتحرك..ودي محدش هيقدر في النهاية يعملها غيرك.... بالعكس ...الحركة في الاتجاه المطلوب هيظهر لك باستمرار افكارك ومخاوفك اللي معطلاك...هيظهر لك الاسباب بشكل اكثر وضوحا..هتبين لك اللي مدفون جواك ومكتفك.... عشان تعرف تتعامل معاها...تقصها وتتحرر منها...يعني كمان الحركة هتساعدك اكتر واسرع. البقاء على الحال القديم..بيسموه الكومفرت زون..مش لانه حاجة حلوة...هو فقط انا متعود عليه ومرتاح للطريقة دي في التعامل لاني غالبا مبعرفش غيرها...غيرها بيخوفني او يزعجني او تقيل على قلبي او هيتعبني الخ...فبختار الاسهل واللي متعود عليه....لو ده مش بيخسرك ولا انت بتشتكي منه..خلاص مفيش مشكلة.....بس لما تكون النتيجة النهائية للوضع المريح انك بتشتكي..نتيجته بنخسرك...بتوقعك ..بتحرمك..بتحطك في مشاكل...وجزء كبير من الاسباب هو الوضع المريح نفسه....مش منطقي استنى في الوضع ده وفي نفس الوقت انتظر الاوضاع تتغير....ميمشوش مع بعض. يا تستنى وتبطل تشتكي...يا تخرج وتواجه اللي انت خايف منه او بيتعبك . | |||||||||
| |
|
01-03-22, 01:28 PM
| #1182 | |||||||||
| الموقف التجنبي والانعزالي المتفرج للحياة موقف يبدو محايد...كبسولة للحماية....ولكنه للاسف موقف في حقيقته بيخسر اكتر... احنا مش هنقدر نتعامل مع الواقع والالم والخوف والاحباط والخذلان بتجنبهم.....الحياة ستظل تلقي الينا بهذه الاحوال وباستمرار. الحياة محتاجة تفاعل ومواجهة وتعامل آخر مع هذه المشاعر...محتاجة تدخل فيها وتطعم وتتحصن بالخبرات...المتتالية. الانعزال..ربما مفيد لفترة مؤقتة...ولكنه غير مفيد على المدى الطويل..هيحميك بس عمره ما هيصنع مناعة او مقاومة...اول ما تخرج ومع اول لطشة برد هتعيا.... الاشتباك مه الخياة...مع عقل منفتح على التجربة وبيحاول يستوعبها هو اللي بيخلق المناعة..وبيلاقي الطريق الافضل للتعامل مع التحديات والصعوبات والاخفاقات. متقفش كتير تتفرج على الدنيا وهي بتعدي قدامك...والعمر يسرقك في الانتظار والخوف. | |||||||||
| إشراق ! likes this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
