| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
07-02-22, 03:07 PM
| #1231 | |||||||||
 
|  في حياتنا الزوجية... احيانا بنعدي سوا على محطات مهمة... تصرفاتنا فيها بتبقى علامات فارقة في حياتنا مع بعض على سبيل المثال: - لما احد الزوجين يمر بوعكة صحية جامدة شوية - فترة الحمل والولادة بالنسبة للزوجة - لما الزوج يمر بضائقة مادية أو أزمة كبيرة في شغله - لما أحد الزوجين يفقد حد عزيز عليه - لما يكون الزوجين بيمروا بمرحلة انتقالية (فترة إغتراب مؤقتة - الانتقال من مسكن لمسكن آخر ... وهكذا ) مهم قوي إننا نقف جنب بعض في المحطات دي ... واننا نعزل المحطات دي عن أي مشاكل تانية موجودة في حياتنا واننا نتصرف وقتها مع بعض بأخلاق نبيلة سوء التصرف في المحطات دي بيسيب شروخ بين الزوجين بتفضل محفورة في الذاكرة وبالعكس ... نبل الأخلاق في المحطات دي أحيانا بتكون بمثابة نقطة إنقاذ و تصحيح مسار لعلاقة زوجية ممكن يكون أصابها الضعف بسبب تراكم مشاكل تانية... لأن في المحطات دي الزوجين بيشوفوا في بعض حاجات حلوة اتردمت بشوية خلافات في أوقات تانية | |||||||||
| رايــق likes this.  |
|
07-02-22, 03:08 PM
| #1232 | |||||||||
| لو جوزك راجل طيب ومستقيم ...وبيحبك وبيحب ولادكم ... وبيسعى على رزقكم وبيأكلكم حلال ... وبيصلي ويعرف ربنا ... وحنين عليكي ومش بيهيينك ومش بتهوني عليه.... يبقى ده راجل كويس. ممكن يكون مش رومانسي او مش بيقول كلام حلو ...او مش بيسمعك بالشكل اللي يرضيكي ...ودي مشكلة فعلا ...وحقك عليه انه يشبعك عاطفيا ...ومهم انه يتفهم احتياجاتك ويدور على اللي يسعدك ... لكن ده مش معناه ان الحياة معاه لا تطاق لو مراتك طيبة ... وبتحافظ على إسمك وعرضك في وجودك وفي غيابك .. ومهتمة بأولادكم ...وبتصلي ومحتشمة وتعرف ربنا...وإنسانة مرنة ولينة ومش عنيدة... وعارفة حقك عليها كزوج .. ومش بتقطعك من أهلك ومش بتدفعك بطلباتها الكتير للفلوس الحرام ... يبقى دي زوجة كويسة. ممكن تكون هي مقصرة شوية في شكلها او مش فرفوشة ودلوعة بالشكل اللي يرضيك... او مقصرة شوية في تفصيلة او اكتر في مسئوليات البيت... لكن ده مش معناه ان الحياة معاها لا تطاق كل البيوت فيها مشاكل وكلنا عندنا عيوب ...وكون ان فيه شوية مشاكل في التواصل او في حاجات تانية ... ده مش معناه ان الدنيا تسود في عينينا واننا نفكر في الطلاق ((إلا لو إتأكدنا فعلا ان العيوب دي مش قادرين نتجاوزها فعلا)) انا بقول الكلام ده ليه؟ ... لان في بيوت كتير بقى فيها حالة من السخط و التركيز على الحاجات اللي ناقصة ... والناس بقت بتستسهل الطلاق ..وده لأسباب كتير نتكلم عنها لاحقا . إسألوني انا ... وانا اقولكم على البيوت اللي فيها مصايب فعلا .... انا بيجيلي إستشارات لبيوت فيها الطرفين بينهم إهانات وعنف وخيانات وقطيعة رحم وإضطرابات نفسية ..الخ. فلو بيتكم بيت كويس.. حاوطوا عليه .. وحلوا مشاكلكم ... وتغافلوا .. وشوفوا الحلو اللي عندكم.. ولا تنسوا الفضل بينكم  ملحوظة : البوست مش تبرير للاهمال والتقصير .... البوست هدفه إننا نحاول نكون منصفين ونحاول نحط كل مشكلة في حجمها ونحاول نحلها او نتغافل عنها ولكن لو الموضوع غير محتمل فعلا... ومش قادرين نتجاوز ... يبقى تسريح بإحسان | |||||||||
| |
|
07-02-22, 03:09 PM
| #1233 | |||||||||
| في بيوت تلاقي الزوجة فيها بتكلم زوجها بمنتهى قلة الذوق وبشكل هجومي وصوتها بيعلى... مع انها مش ممكن تتكلم كده أبدا مع مديرها في الشغل او مع الناس الغريبة. او بتبقى حريصة ان مظهرها طول الوقت يبقى مهندم وشيك طول ما هي خارج البيت ... أما جوه البيت مش بتهتم بمظهرها وممكن تلاقي زوج طول الوقت مبتسم ومهذب وذوق وجدع وشهم مع كل الناس ... واي حد يطلب منه أي حاجة يجري يعملها بسرعة ولما يرجع البيت بيبقى حاد و قليل الذوق ... مابيقولش كلمة شكر واحدة...ومراته ريقها بينشف عشان يعمل حاجة هي طلبتها منه ودايما بيتعصب ع الولاد أهل بيتك ... أولى الناس بشهامتك وبجدعنتك وادبك وصدرك الواسع زوجك أولى الناس بالمعاملة المحترمة والمهذبة والمظهر الحلو وارد طبعا بسبب الضغوط اعصابنا تفلت أحيانا... لكن ده ممكن يحصل على سبيل الاستثناء.... ولكن مش طبيعي انه يكون ده العادي في التعامل مع الناس عايشين معانا قال رسول الله صلى الله عليه وسلم: ((خيركم خيركم لأهله، وأنا خيركم لأهلي)) | |||||||||
| |
|
07-02-22, 03:09 PM
| #1234 | |||||||||
| بيت من غير روتين يومي وبعض القواعد... هو بيت يمثل بيئة مُفسدة للأبناء . لازم ولادنا يتربوا ويتعودوا على بعض الحاجات زي: - مواعيد شبه ثابتة للصحيان والنوم ... مع تثبيت بعض الطقوس وقت الصحيان والنوم زي غسيل الأسنان ودخول الحمام ولم اللعب وتحضير شنطة المدرسة قبل النوم ... وهكذا - الالتزام بالصلاة ومواعيدها . - الابتعاد عن بعض الأطعمة المضرة وتناولها على فترات متباعدة. - التأكيد على الآداب العامة زي آداب الطعام وآداب الاستئذان وآداب زيارة الاهل وآداب إستقبال الضيوف .. وهكذا - المشاركة في بعض المسئوليات وبشكل ثابت ومناسب لسن كل طفل ...زي تحضير السفرة وترويق المكان وشرا بعض الطلبات من السوبر ماركت وترويق السراير . ..وهكذا وجود روتين في البيت ... بينظم وقت الاولاد شوية وبيقلل من المناهدة والمعافرة. وعلى الرغم انهم ممكن يتذمروا احيانا من وجود قواعد وبيبقوا عاوزين يكسروها (وده طبيعي) لكن في نهاية الأمر نفسيتهم بتبقى أفضل. الحفاظ على بعض الروتين في البيت لازم يحصل بخليط من الود والحب والحزم والتحفيز ...ولازم يكون مرن طبقا لكل مرحلة سنية وكل مرحلة بيمر بيها البيت.... وبيكون تطبيقه اسهل لما الاب والام يكونوا متفقين عليه إحنا لو ماعملناش كده ... هنربي جيل عنده تصور غير سليم عن الحياة وطبيعتها .. وبنربي جيل غير قادر على الالتزام وغير متحمل للمسئولية. | |||||||||
| |
|
07-02-22, 03:10 PM
| #1235 | |||||||||
| مش صح ان الحياة الزوجية تكون مجرد رد فعل للمشاكل اللي بتظهر كل فترة .... مهم قوي إننا نكون قادرين نصنع لحظات سعيدة ونبني رصيد إيجابي ونخزن ذكريات حلوة اللحظات السعيدة والرصيد الايجابي بيسعفونا وقت المشاكل... وبيخلوا مناعة العلاقة الزوجية مناعة قوية ...وبيكونوا هما الحاجة اللي بنخاف على ضياعها وقت المشاكل واللي بيخلونا مانقعش بسهولة في حفرة سوء الظن حل المشاكل ... زي تناول الدوا. أما اللحظات الحلوة والرصيد الايجابي ... عاملين زي الاكل الصحي اللي بيقوي المناعة والانسان اللي بياخد الدوا بس لما يتعب .. بدون ما يكون بياكل اكل صحي ومفيد مناعته بتبقى ضعيفة و ممكن صحته تنهار قصاد الامراض رغم إنه بياخد الدوا بجانب الجري ورا المسؤوليات...و محاولة حل المشاكل اللي بتظهر ... حاولوا تعيشوا لحظات سعيدة ... وده بيحتاج لتخطيط أحيانا ماتستسخروش في بعض الكلمة الحلوة ... إنزلوا إتمشوا شوية.... إمدحوا بعض بينكم وبين بعض وقصاد الناس ... خططوا لخروجة حلوة او حتى قعدة هادية في البيت ... سيبوا الموبايلات وإتكلموا مع بعض ... هاتوا لبعض هدية بسيطة ... كلوا مع بعض أكلة بتحبوها .... إلعبوا سوا ومع الولاد ابنوا رصيد حلو يسندكم وقت المشاكل | |||||||||
| |
|
07-02-22, 03:12 PM
| #1236 | |||||||||
| من اكتر الحاجات الخطيرة اللي ممكن تحصل في أول الجواز .... إن مستوى المشاكل في اول فترة يبقى أكبر من الرصيد و الذكريات الحلوة اللي لسه الزوجين مالحقوش يصنعوها بسبب كتر المشاكل اللي بتحصل في مدة صغيرة (وده ممكن يحصل حتى لو كان في عاطفة في فترة ما قبل الزواج) وده بيخلى المعالجة بتبقى صعبة وبتاخد وقت ... والجروح بتبقى أعمق ... وسوء الظن والاحباط والصدمة بيسيطروا على المشهد .... والدنيا بتكلعكع وبتتشابك بسرعة. وده أحد أهم الأسباب اللي بيخلي 50% من حالات الطلاق بتحصل في اول 3 سنين. وعشان كده التأهيل لأول فترة في الجواز مهم جدا فيا ريت ناخد بالنا من أول فترة بنتلمس فيها حياتنا الجديدة... ونحاول نعالج المشاكل اللي بتظهر اول بأول لانها فترة تأسيسية مهمة وبتسمّع في بقية حياتنا مع بعض. | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
