| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
01-10-22, 09:30 AM
| #1207 | |||||||||
 
|  لو شايف لنفسي قيمة..هاحبها.. . لو حبيت نفسي هشوف قيمتها....الاتنين بيوصلوا لبعض...او الاتنين بيعملوا بعض. نفسي هي احتياجاتي ..ده جوهرها ومشاعري واحاسيسي الجسدية...دي ادوات التعرف عليها احتباجاتي مش مجرد اكل ولبس او جنس وحب او المتعة..لان البعض بيتخض لما بتيجي سيرة الاحتياجات..بيفتكرها انانية وجنس ومليطة. الاحتياجات كتيرة جدا جدا من المتعلق بالذات والمتعلق بالاخرين المتمحور حوالين الذات والمتوجه تجاه الاخرين..والمتوجه للمتعالي او القوة العليا او الله التعاطف ..التسامح...الاهتمام بالاخرين..الايتثار...مش مجرد قيم..هناك احتياجات وانسانية وغرائز داخلية خلف القيم دي.. بتحتاج الاشباع برضو محتاج احب واتحب... لما غريز محتاج احب (اهتم بحد واقدم له حاجات الخ) تجوع هحس بتفس الالم زي لما غريزة انا عايز اتحب بتجوع ...وهتوجه سلوكي بنفس القدر...وهعاني من نفس الاحباط....اللي بنعانيه لما غريزة ما بيتمش اشباعها. نرجع تاني انا احتياجاتي..ومشاعري واحاسيسي الجسدية (اللي هي صوت احتياجاتي). .لما ما اسمعش الصوت ولا اشوف الاحتياج ولا احس الاحساس...يهيبقوا مش مسموعين ولا محسوسين ولا متشافين لما يلحوا ويبعتوا رسائل ورا رسائل.. واطنش ولا ابالي واهمل ..يبقى مرفوضين..مش موجودين..مش مؤثرين..مش فارقين..ملهومش قيمة..ملهومش لازمة. اني اتدور عليهم الغيهم..احتقرهم..اهينهم.. اكرههم..اقبل حاجات وارفض حاجات ...فهيبقوا ملغيين ..وحشين..قليلين..مهانين..مكروهين..عبء..تقال.. شيل كلمة (فهيبقوا) وحط مكانها (هابقى)...لان هو ده اللي بيحصل واللي بنعمله واللي في النهاية بيخلينا نجري ندور على حد من برة يسمعنا ويشوفنا ويحسنا ويهتم ويحترم ويقدر ويحس بقيمتنا واننا فارقين ومهمين ولينا قيمة ويحبنا ويتمسك بنا.... واللي كتير مبيحصلش...وبنكرر نفس الشكوى احنا مش ومش ومش. مهو البداية عندنا..عملناها في نفسنا....واللي برة مجرد انعكاس لمعاملتنا لنفسنا... هنحبها هنتحب..هنرفضها هنترفض....هنهجرها هنتهجر الخ. الشكوى من اللي برة...محتاجة تتوجه لنا...افيد والله ..محتاجين نفكر نفسنا بنفس الغضب واللوم والمشاعر المختلطة..ازاي مشوفتش نفسي ومعرفتش قيمتها ولا سمعتها او شوفتها او حسيتها او اهتميت بها او بذلت نفس الجهد اللي بذلت برة..بذلته لها.... منبقاش حليف للمعتدي والمسيء واللص والمستغل والمتجاهل والمهمل وللمتعالي واللامبالي... على نفسنا. ابقى حليف وصديق لنفسي...ووقتها هلاقي برة في العالم اللي هيبقى حليف معايا لنفسي وهابقى انا كمان حليف معاه لنفسه ... هدفي مش هيبقى اني الاقي حد يعترف بوحودي ولا قيمتي ولا يحسسني بهم ..او يقدم لي اثبات عليهم.....انا خلاص عارف ده....هدفي هيبقى ونيس ..انتماء..علاقة حب وحميمية وتواصل واتصال ورفقة ومشاركة وصداقة بين وجودين عارفين قيميتهم وعارفين قيمة بعض. تاني...حب نفسك..هتعرف قيمتها....اعرف قيمة نفسك هتحبها. تاني...علاقاتنا بالخارج..انعكاس لعلاقاتنا مع نفسنا.. | |||||||||
| ومضة likes this.  |
|
01-10-22, 09:31 AM
| #1208 | |||||||||
| احنا مبنقدرش نغير الناس (وان جيت للحق..احنا مش من حقنا نغير طبيعة حد ولا حد من حقه يغير من طبيعتنا ..احنا كل اللي ممكن نتكلم فيه التعاملات اللي بينا ..سلوكياته. اللي بتأثر علينا بالسلب او بتخصم من حقوقنا او بتمنعنا عن حقوقنا)...كل اللي نقدر نقدمه المساعدة والدعم لهم لما هم يحبوا يغيروا انفسهم ويطلبوا مساعدتنا. كل اللي نقدر نقدمه بيئة آمنة ومتقبلة..يقدر يشوف فيها نفسها ويختبرها بدون خوف من الرفض والنبذ والاحتقار او التقليل منه...بيئة تساعده يقبل نفسه ويفهمها ويتعامل مع مشاعره السلبية ويحتويها ويقرر يمشي خطواته بالشكل اللي عايزه عشان يطمن. اننا نقدر نقدم بيئة آمنة ومتقبلة وداعمة ومعتنية..بشكل حقيقي...محتاجة مننا نكون اشخاص آمنين ومواجدين ومتقبلين ومتفهمين ومتسامحين وداعمين ومحبين وبنقدر نشوف جوهر الانسان وبنقبله ونقدره كما هو بدون احكام. . مش مسئولين نصلح حد..ولا هنقدر لو حبينا محدش مسئوا يصلحنا ولا هيقدر لو حب. دي حقائق محتاجة قبول حقيقي مننا...اعرف حدود قدراتك وحدود قدرات الاخرين...عشان نعرف نتخلى عن اوهام ومعاناة وتوقعات مستحيلة. وما يتبعها من احباطات واستنزاف وسخط وغضب | |||||||||
| ومضة likes this. |
|
01-10-22, 09:32 AM
| #1209 | |||||||||
| عند الرجالة مخاوف عنيفة جدا مشابهة للسيدات وبعضها مختلف عنها....ووضع الرجال اسوء من السيدات في التعامل مع المخاوف دي. عندهم مخاوف من الرفض زي الستات ويمكن بشكل اقوى يخليهم يخافوا من العواطف اصلا والانفتاح العاطفي. عندهم مخاوف من كفاءتهم الجنسية زي الستات برضو. عندهم مخاوف من كفاءتهم كازواج..زي السيدات كزوجات. عندهم مخاوف من دورهم كاب زي الستات ودورهم كام عندهم مخاوف من فاعليتهم كرجال ..كرجل في عيون السيدات وده يخاف يخليه مش مرغوب...هي خايفة تكون مش انثى وبالتالي مش مرغوبة. مخاوفة من ناحية الانجاز والعمل والمكسب والتعاملات والكفاءة الاجتماعية والحماية والمسئولية والرعاية. مخاوفه كرجل حسب معايير المجتمع...قوي وحكيم وفعال ومستقل وبيكتسب مكانته بكدة لو فقد ده بيتعرض للاهانة الشديدة...ودي واحدة من اسوء المخاوف ...السيدات مخاوفهم كانثى انهم بيكونوا مستهدفين...وعرضة للاستغلال وعدم المساواة..بس ممكن تديهم امتيازات الحصول على الحماية والمساعدة وكمان السماح لحاجات كتير متنفعش للرجل واللي هي سبب معاناته مع مخاوفه. هي مقبول تحس مخاوفها وتظهرها وتعبر عنها وتطلب المساعدة...وده مبيتبصش له بشكل وحش..وبيساعدها كتير جدا انها تلاقي حل...(ازمتها بس في صعوبة قبولها للمساعدة..لانها منتظرة مساعدة محددة بشكل محدد من طرف محدد ودي فيها كلام كتير)..ولكن اجمالا السيدات الافضل في التعامل مع مخاوفهم وتجاوزها. الرجال الاسوء...لان ده مش متاح لهم..والسبب كلمة رجل قوي ومستقل (حسب معايير المجتمع اللي فيها كلام كتير) مينفعش يطلب مساعدة مينفعش يعبر مينفعش اصلا يظهر عليه مينفعش اصلا تكون موجودة... والحلول يدفن مخاوفه اول باول ويظهر عكسها...او لو ظهرت يهرب منها ويعيد دفنها...او ميعبرش ابدا..او يقلل منها..او ياجل اصلاحها..او يدور هو يصلحها ازاي بنفسه..او يسئل بالعافية وتلميحا مساعدة حد وبشكل مختصر ويهرب بسرعة...وخاصة في مناطق المخاوف...وكل ما كانت المخاوف قوية..كل ما التسلسل ده كان قوي...الخوف من منظره قدام نفسه او منظره قدام الناس او فقدانه للجاذبية امام الجنس الآخر بيعوقه انه يساعد نفسه ويكل ازماته. لان كل دول بيفترضوا افتراض واحد ..الرجال اقوياء ومسئولين. وحتى لو نظريا الناس بتقول عكس ده بسبب الوعي ...في الواقع الناس تتعامل بالقاعدة الأصلية وبتنتقص من الرجل اللي بيظهر ده ولا تبدي تعاطف وتقابل بالرفض والاهانة. وطول ما هي موجودة هتفضل كتير من معاناة الرجال مش معروفة ولا محلولة..وما يتبعها من مشاكل علاقاتية حقيقية....ببساطة لو فتح بقه هينطخ...هيقع من عين اقرب الناس له ومش هيملا عين حد ومحدش اصلا هيمد ايده يساعده..هو اللي لازم يقف على حيله وبسرعة...دي الرسالة اللي بتوصل له من كل المحيطين وباستمرار وباكتر من طريقة. يمكن عشان كدة بيقاوموا كتير لحد ما بيقعوا...هم بيعتبروا السقوط انكسار..وكتير منهم لما بيسقط في النهاية بتطول معاه الحكاية ومبيعرفش يلم نفسه بسهولة واوقات بيستسلم للهزيمة. في جيل من السيدات لاسباب نفسية واجتماعية وحياتية وتربوية اخد اتيتيود الرجال في التعامل مع فكرة المخاوف والصعف والاحتياج وبيعانوا نفس المعاناة...في صمت. | |||||||||
| ومضة likes this. |
|
01-10-22, 09:32 AM
| #1210 | |||||||||
| الاماكن اللي بتتاثر فينا من صدمات الطفولة ١ حالة الاتصال الداخلي...التناغم والانسجام بين مكونات النفس المتناقضة..وبين المشاعر والافكار والجسد والروح. واللي بتظهر في حالة الاتصال مع الاخرين والواقع...اللي ممكن تترجم بالاحساس بالوحدة الداخلية او الفراغ الداخلي او الغربة الداخلية او الصراع الداخلي او عندم الانتماء الخارجي والغربة عن المحيط. ٢- حالة الحرمان العاطفي الشديد...واللي بتظهر اما في حالة عدم الاهتمام بالذات او انكارها...او في حالة الاعتمادية المتواطئة ووالدية الاخرين..او حالة الاعتمادية العاطفية واستغلال الاخرين. ٣ - الثقة واللي بتظهر في حالات الرغبة في التحكم في الاخرين بشكل واضح او بشكل متلاعب ٤- الاستقلالية..واللي بتظهر في الاستقلالية الشديدة والانفصال العاطفي على الاخرين او الانبطاح لهم والتماهي فيهم وفقدان الهوية. ٥- مشاكل الحميمية والجنس واللي بيحصل مشاكل في مفهومهم ومعناهم وطريقة ممارستهم ...واحيانا انفصالهم عن بعض..بشكل بيأثر بشكل كبير على العلاقات. كل دي اعمدة رئيسية في بناء الشخصية | |||||||||
| ومضة likes this. |
|
01-10-22, 09:33 AM
| #1211 | |||||||||
| الطفل الصغير اللي بيتولد بغريزة داخلية تخليه يمجد والديه ويشوفهم اشباه الهة..كبار واقوياء وحكماء وبيقدموا الحب والحماية والرعاية والاهتمام بوفرة...وهو قصادهم صغير وضعيف وعاجز ومبيعرفش حاجة ومحتاج لكل ده...الغريزة دي بتخليه يثق فيهم تماما. ويطمن لهم وبسلم لهم (بواقيها موجودة وهتسمع صداها في جملة عايزة حد قوي ويملى عيني عشان اثق فيه واطمن له وانا مستريحه)....فلما يعاملوه بشكل وحش او يمنعوا عنه احتياجاته...هيفسرها بعقله الصغير وقتها ان المشكلة فيه هو..ان هو اللي وحش وعمل غلطة ومصيبة وفيه عيب خطير وملوش قيمة او اهمية وبالتالي هو ميستحقش غير المعاملة دي وانه عشان يحصل على معاملة جيدة لازم يلغي السبب ويصلح غلطته..بيجرب وينجح اوقات (ولو نجح في طريقة بيستمر فيها على طول) وبيفشل اوقات...ولما بيفشل كتير بيقتنع انه فاشل وعاجز ومفيش امل يغبر الوضع ده..لان العيب فيه مستعصي على التغيير..وبالتالي هو ميستحقش اي حاجة. نظرته لهم ولنفسه وعقليته الطفولية مش هتخليه يفكر غير بالشكل ده بس...مش هيشوف اي احتمالات تانية للمعاملة السيئة اللي حصل عليها. حتى لما بيكبر شوية وبيبدا يشوف بعيون جديدة وبيغضب منهم....كتير جدا بيبقى رد فعل للفكرة اللي فوق دي واللي لسه مدفونة جواة....ومسيطرة على حاجات كتير في حياته .بيغضب لانه حس بالخيانة والاستغلال والاستغفال وانه عاش عمره كله في كدبه انه هو اللي وحش وهو السبب......وحتى اللي بيكبر حبة كمان وبيبدا يبرر لهم وبيعلن تسامحه..جزء كبير منهم بيبقى تسامح مش حقيقي..مجرد تسكين للغضب اللي بيظهر كل شوية. مقولة... حين تنتقد طفلك كثيرا ، هو لن يتوقف عن حبك ، لكنه سيتوقف عن حب نفسه .. حقيقية كل اهمال او اساءة مباشرة للطفل..او صراع للوالدين مع بعض ..او طعن احد الوالدين في التاني امامه...مبتغيرش راي الطفل في والديه ..حتى لو اتملى بالغضب والكراهية والساب له والنفور منه والابتعاد عنه ظاهريا ...هناك في العمق...(انا وحش ومعيوب وبلا قيمة او اهمية..اكيد انا في مشكلة او عملت مصيبة وانا عاجز عن معرفتها واصلاحها وبالتالي لا استحق الحب ولا الاهتمام ولا الرعاية والحماية والانتماء ولا حتى الوجود احيانا ..مع احاسيس الالم والحزن والخزي والذنب والخوف اللي ممكن تحت مظهر الاكتئاب او الانعزال او القلق او الغضب او الاعتمادية او النرجسية او تظهر باي شكل ولون). وسواء التفسير ده...والتفسيرات اللاحقة...هي تفسيرات للي حصل.....مش اللي حصل بالفعل....كل ده محتاج يتراجع من جديد | |||||||||
| ومضة likes this. |
|
01-11-22, 10:01 AM
| #1212 | |||||||||
| الرغبة في التحكم مهمة وموجودة فينا كلنا....التحكم والسيطرة على نفسنا ومشاعرنا واحتياحاتنا...والرغبة في التحكم في الواقع الخارجي. السيطرة والتحكم في الخارج بيخدموا هدفين الشعور بالامان والقوة. اغلب موارد اشباع احتياجاتنا المادية والنفسية موجودة في الواقع او عند الاخرين....وده بيخلينا في موقف ضعف ...احنا تحت رحمة الواقع والاخرين...لو حبوا يسيطروا علينا او ياخدوا مواردنا او يمنعوا مواردهم عنا..او يستغلونا. عشان كدة رغبتنا بالسيطرة والتحكم هي رغبة الشعور بالامان والقوة...وببيبقى هدفها تأمين اكبر قدر من موارد احتياجاتنا وتامين وصولنا لها...بانها تكون كلها ملكي وتحت ايدي. يمكن عشان كدة اكتر اتنين مشهورين بالهوس بالتحكم والسيطرة هم اللي خايفين جدا او حاسين انهم ضعفاء...والانانيين. احنا بنلجأ للقوة الجبرية...بالاجبار او التخويف....او بالتلاعب..عشان نسيطر على اللي قدامنا...ونخليه ملك ايدينا. دي رغبتنا وهدفها وسببها وادواتها....بس في الواقع ده بيعمل لنا احنا مشاكل كتير جدا...وبينشا عنها صراعات مع الاخرين. الاخرون ناس برضو عندهم نفس رغبتنا واهدافها واسبابها...ممكن تتشابه او تختلف ادواتهم ...بس المبدا واحد.... اول اضرار المبدا ده...هو الصراع...كل طرف عايز ينفذ ارادته هو..وبالتالي بتظهر صراعات القوة...بين الناس...واللي نتائجها....صراع مستمر واستهلاك موارد او هزيمة طرف (اللي ممكن يكون احنا) الى حين اشتعال الصراع مرة تانية . او لو ينفع الناس بتبعد عن بعض اللي برضو فيه خسائر . تاني ضرر لينا اننا عشان نشبع رغبة السيطرة وما يتبعها من رغبات الامان القوة والاستقلالية والاهمية والحرية والمتعة....بخسر اشباع رغبات الحميمية والانتماء..الحب والسيطرة ...الحب والخوف ..الحب والانانية..كل دول مبيجتمعوش. سيطرتي على الاخر بتضرب كمان احتياجاته هو الاساسية بيحس بعدم الامان بالضعف بالاعتمادية باللاقيمة .بعدم القدرة على الاستمتاع بعدم الحرية بعدم القدرة على النمو....مع احاسيس العجز والضعف والغضب والاحتقان والمرارة....وكل ده لوحده مؤذي...وكله معادي للحميمية والانتماء...غير كدة معارك السيطرة ممكن تخليني انا المهزوم...وارد جدا....او حتى لو انتصرت وارد المهزوم يعاود التمرد والمقاومة او يمارس التخريب...وده مستنزف ليا.. او يبعد فابقى فقدت اشباع رغبة السيطرة وما ينتج عنها. الواقع...بيفرض سلطانه...ان هناك حدود لممارسة سيطرتنا على الاخرين....غير انه صعب جدا كامل السيطرة على الاخرين ...انها بتخسرنا كتير وتكلفتها عالية جدا في كتير من الاحوال حتى ولو كسبنا. وان الافضل ان الناس تلجأ للتعاون واحترام حقوق بعض وتعظيم مكاسبهم مع بعض ومساعدة بعض. .وده بيتبني على الحب. الحب الحقيقي اللي بيخلينا نشوف الاخر ككيان منفصل مكافء لنا له حقوقه ومشاعره...انه مثلنا ..كلنا نستحق الامان والاشباع والكرامة والحرية والسعادة والسلام والاحترام....اننا بشر نستحق التعاطف والتعاضد....ان افضل وسيلة لاكمال الرحلة هي الرفقة والونس والانتماء.....ان الحب افضل من الحرب...والتعاون افضل من التنافس. | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
