| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
01-08-22, 09:36 AM
| #1195 | |||||||||
 
|  واحنا في سكة نمونا... شكلٌنا وجهة نظر ورؤية خاصة لنفسنا وللاخرين وللحياة وللواقع..كيف تعاش الحياة وكيف نتعامل معها.. رؤيتنا دي نابعة من عوامل كتير...الجزء الاكبر منها من تفاعلاتنا مع البيئة المحيطة لنا في طفولتنا ..من اللي حوالينا وعلاقتنا بهم..من تطورنا النفسي والعقلي والاجتماعي اللي اتشكل زي الصلصال حوالين خبراتنا او نتيجة خبراتنا دي..اثرت فينا ازاي...تأثيرها كان معين لنا في نمونا او معوق لنمونا او لاجزاء من نمونا... الخلاصة..الرؤية دي بتاعتنا..نتيجة اللي عشناه وجربناه وتفسيرنا له.....رؤية خاصة بنا احنا....وبتخلينا نشوف الواقع ليس كما هو في الحقيقة...بنشوفه من داخل الرؤية بتاعتنا..بنضارتنا الخاصة...كل الواقع بيتفلتر من خلال النضارة وبيتشاف حاجات ومبتتشافش حاجات.. وعلى حسب الخبرات دي...الفلترة بتبقى خفيفة او تقيلة...تقيلة لدرجة اننا فاكرين ان رؤيتنا للدنيا والواقع وكيفية معيشتهم هي بتاع الناس كلها...اننا والناس بنشوف وتحس ونفهم ونتفاعل ونقرر بنفس الشكل..اننا عندنا نفس الاحتياجات والمخاوف والقيم والمعايير..ويمكن بنتخيل انهم على نفس المستوى والدرجة...بنتخيل انهم بيفكروا زينا وبيشوفوا زينا. اللي عندهم الفلتر تقيل..حتى اللي امتلك قدرة عقلية ما منهم بتخليه شايف الاختلاف..بس مش مستوعبه...ازاي بيفكروا او بيحسوا او بيهتموا كدة...ازاي بيتصرفوا كدة..ايه الاهمية للاحتياج ده او الموقف ده..او الشعور ده او القيمة دي.....وكتير منهم بيخرج من حالة عدم الاستيعاب الى رفض الاخر او الغضب منه او احتقاره او على الاقل اللامبالاة تجاهه... يمكن دي اسوء ما في التجربة اللي شكلتنا...انها لبستنا نضارة بتخلينا منشوفش غير اللي عايزين نشوفه..منحسش ..منركزش ..منفهمش او حتى منفتكرش غير اللي عايزاه النضارة.....واللي اسوء من ده..هو انها مخليانا مفكرين ان هو ده الواقع الحقيقي..مش نظرتنا ورؤيتنا...قافلة علينا السكة اننا نشوف ونفهم ونحس ونستوعب ان الناس مختلفة بجد..بتحس بشكل مختلف ..بتفهم بشكل مختلف...بتفكر..بتحتاج . بتخاف..بتتوقع ..بشكل مختلف..قيمها مختلفة..للحياة والواقع وكيفية معيشتهم..... نظرة مختلفة عننا.... اننا تنويعات كتيرة جدا..جدا.... اكوان موازية..اتنين جنب بعض وكل واحد شايف الواقع بشكل مختلف تماما...ويمكن متناقض عن اللي جنبه..اتنين بيشوفوا نفس المشهد وواحد بيضحك والتاني بيعيط... المشكلة اللي بتخلينا مش عارفين نتعامل مع الواقع والناس...ببساطة لاننا مش شايفينهم..احنا بنتحرك من خلال النص والسيناريو المكتوب في دماغنا...مسيطر علينا ومش عارفين نخرج منه...وملون الدنيا بطريقته ونضارته. وقافلها لنا زي الدومينو...وعشان كدة واخدنا في سكته...بيخلينا نحس ونشوف ونفهم ونقرر ونعيش بطريقته...عشان نوصل لنفس الاستنتاج اللي عايزه فنفتكر انه صح...انا احنا الصح..انا رؤيتنا هي الصح.... اغلب مشاكلنا مع الاخرين بتيجي من هنا...احنا بنسمع كلام ونشوف تصرفات ونسمع مطالبات ..بنفسرها ونترجمها وفق السيناريو اللي في دماغنا احنا مش وفق الحقيقة....والسيناريو بيكمل بقية الاستنتاجات والقرارات...ونرد وفق اللي قررناه فالطرف التاني يلاقي رد غير اللي محتاجه...وهكذا دورات متتالية وابتعاد وخلافات. اول حل للسيناريو ده..هو قناعتنا ان لكل الناس السيناريو بتاعها والمختلف عنا واللي هو تجربتهم.....سيناريو ملون الحياة في عيونهم هم بطريقته....واننا عشان نتعامل معاهم..محتاجين نراجع السبناريو بتاعنا ومحتاجين نتفهم السيناريو بتاعهم..ومحتاجين نحاول نشوف الواقع كما هو موجود قدر الامكان..ليس كما هو مفقود..او مفروض او ما نتمنى او ما نخاف. محتاجين اتعلم وافكر..يا ترى اللي شايفه هو الواقع ولا السيناريو بتاعي هو اللي سايقني...محتاج اتعلم احط نفسي مكان الاخرين واشوف الدنيا من زاويتهم.. | |||||||||
 |
|
01-08-22, 09:37 AM
| #1196 | |||||||||
| فكرة (الكارما) مريحة نفسيا وربما مطمئنة ....بس كتير مبتحصلش....وكتير لو حصلت ملهاش اي فايدة مادية محسوسة على اللي منتظرها...لا بتصلح حاجة ولا بترجع حق....ربما بتطمن حاجات معنوية او جروح نفسية.. انتظار التطمن والشفاء من الكارما وحدوثها...تفكير مش سليم. انتظار عودة الحق وانكشاف الحقيقة...برضو ملوش معنى حقيقي على الاؤض...قدرت تاخد حقك وترجعه كويس..مقدرتش...يبقى محتاج تتعامل مع المشاعر السلبية والواقع المادي الناتج عنهم بشكل اكثر واقعية دون انتظار لكارما تشفي غليلك ولا تعيد شيئا...واصلا قد تحدث او لا تحدث. الافكار المريحة جيدة احيانا ولكن كثيرا هي مؤقتة...وكثيرا جدا مضرة. كلام يزعل...بس دي الدنيا....غير عادلة ولا منصفة.. وتوقع العدل فيها او انتظاره .. مؤذي ...والغضب على عدم وجوده وكأنه كان لازم يكون في الدنيا عدل....برضو مؤذي كتير من الاحداث والمظالم بتحصل كدة...بدون ذنب او مسئولية مننا ..وربما مش هنعرف ليه ابدا.....وكتير من المنح والعطايا بتحصل بدون سبب او جهد...وبرضو كتير مش هنعرف ليه ابدا. الحياة غير عادلة...fact...نعمل ايه مع الحقيقة دي؟ فقط قبولها والتسليم... | |||||||||
| |
|
01-08-22, 09:38 AM
| #1197 | |||||||||
| البقاء في موقف الضحية انتظارا لاعتراف المعتدي او اعتذاره او اصلاحه او انقاذه او ان يصيبه مثل ما اصاب الضحية..انتظار ابدي في وضع سيء ومؤلم جدا بلا فائدة .او انتظار ان يحنو العالم او يهتم او يشفق او يساعد او يشفق لمصابنا او يقدم لنا التعويض او يعترف لنا بالمظلومية ايضا ربما يصبح انتظار ابدي في وضع مؤلم وبلا فائدة. تحمل مسئوليتنا تجاه انفسنا ومحاولة الخروج بايدينا اولا..والاعتقاد اننا اللي مطلوب مننا نساعد انفسنا بشكل اساسي هو في اللصل نوع من حب الذات واحترامها وتقدير اهميتها عندنا...احنا شايفين نفسنا نستحق حياة افضل من الوضع السيء..ولاننا بنحبها وبنهتم بها وبنقدرها فاحنا اللي محتاجين نقدم ده لانفسنا بانفسنا حتى واحنا في اسوء حالاتنا واضعفها....وده هينعكس علينا وغالبا هنلاقي المساعدة اللي محتاجينها بتتقدم لنا. كل ده لا يقلل من معاناة الاشخاص ولا احوالهم ولا من حقهم في الشعور بآلامهم واخفاقاتهم وخذلانهم...ولكن عند الحل..يجب ان يقوموا هم بالخطوة الاولى...تغير عقلية الضحية..المستسلمة للوضع والمنتظرة لحلول خارجية... حالة من القبول ..نحن هنا الان......دون البقاء غرقى في المشاعر السلبية او حتى انكارها ومقاومتها....ودون جلد للذات.... وماذا بعد..كيف الخروج..دون جلد للذات | |||||||||
| |
|
01-08-22, 09:38 AM
| #1198 | |||||||||
| الادوية النفسية واحدة من اهم الاجراءات العلاجية للاضطرابات النفسية....وفي درجات واوقات معينة بتبقى هي الخط الاول والاساسي للخطة العلاجية... والاسباب كتير لها علاقة بشدة الاعراض النفسية...بس مش ده برضو السبب الوحيد ..برضو عدم توفر الخدمات العلاجية الاخر زي العلاج النفسي يبقى سبب كاف..او تفضيل المريض للعلاج الدوائي حتى لو كان الخط الاول لحالته علاج نفسي...او ظروف اقتصادية او شخصية او اجتماعية خاصة بالمريض تخلي العلاج الدوائي هو الانسب والاكثر فاعلية. وجود انواع متعددة من العلاجات النفسية (دوائي او نفسي او غيرهم) مبيقللش من اهمية اي نوع منهم..بالعكس بيدي تنوعات كتيرة للتعامل..لاسباب كتيرة برضو... في العلاج النفسي والدوائي..التعامل مبيكونش بس مع المشكلة الصحية للمريض...بعالج الاكتئاب بس مثلا...ولكن مع عوامل كتير حول المشكلة وبتأثر على صاحب المشكلة ..زي العوامل الاسرية والاجتماعية والاقتصادية وتوافر الخدمة والعلاج..ووعي المريض وتفضيلاته ...وحتى حالته الاجتماعية ونظام العمل والمهام اليومية..وتوفر الخدمة العلاجية النهاردة وبكرة وبعده..وسهولة الوصول لها وتكلفتها....وحتى مقدم الخدمة العلاحية نفسها ايضا احد العوامل في اختيار التدخل العلاجي اللي بيتعمل حسابه الخ كل ده بيتحط في الاعتبار..لان في كل منطقة يوجد عامل ربما يؤثر على شدة المرض واستمراريته..والاستجابة للعلاج واستكماله. الادوية النفسية مهم جدا...وده ما يمنعش انك تتناقش مع الطبيب النفسي حول موقفك منها وافكارك وتخوفاتك بشكل واضح جدا....ده حقك تماما...والاجابة على استفسراتك وتخوفاتك والتعامل مع موقفك من العلاج جزء اساسي من العلاج اصلا لا يصح تجاهله من الطبيب عامة..والطبيب النفسي على وجه الخصوص...فاتكلم عادي وناقش افكارك ومخاوفك كلها...هو المطلوب منك قدر من الانفتاح للتفكير في اجابات الطبيب..ميكونش الحال انك واخد قرار مسبق وفقط...اتكلم وناقش وفي النهاية دا قرارك برضو. كتير من المواقف لها علاقة بفكرة المرض النفسي ذاته..وفكرة التعامل معه...انا رايي ايه في الموضوع ده..والطريقة الامثل للتعامل معه...ودي بتبقى غالبا نابعة مم اسباب كتير..المعلومات الخاطئة...او كاركتر الشخصية وافكارها في التعامل مع المشاكل عموما ومنها الامراض عموما...الحالة النفسية نفسها وتأثيرها على القرار (الاكتئاب من اعراضه فقدان الامل ومفيش فايدة وده هياثر على رؤية الشخص..انواع القلق بتأثر على تقدير المشكلة بشكل كبير ومليانة مخاوف مختلفة...وهكذا)...او الافكار اللي لها علاقة بالوصمة المجتمعية للعلاج..او سير العلاج وتفاعلات الادوية واعراضها الجانبية وتعارضاتها مع احوال صحية اخرى او مهام حياتية.....وكل دول محتاجين مناقشة جادة مع المريض في النهاية..الادوية من اهم الوسائل العلاجية...واسرعها واكثرها فاعلية....واقلها تكلفة...مقارنة بانواع اخرى من العلاجات. | |||||||||
| |
|
01-08-22, 09:38 AM
| #1199 | |||||||||
| الاحوال السلبية مزعجة...كرب عايزين نخرج منه بسرعة....دا شيء متفهم ومشروع تماما....مين يحب يستنى في وضع او حالة نفسية سلبية. اوقات بنفترض سبب ما للحالة فنروح نحله بسرعة...او حل ما للحالة فنروح نعمله بسرعه....على امل ان الاحوال تتعدل...او نستريح...وارد تنفع..(مش لازم يكون السبب او الحل اللي عملناهم حقيقين او حتى صح..بس جاب نتيجة..ريحونا وخلاص)..ووارد مينفعوش فندور من تاني وهكذا. ووارد الحالة بتبقى صعبة. فبنهرب منها وخلاص..الهدف نهرب. بس هروبنا من الاحوال السلبية من غير ما نعرف سببها الحقيقي...هيخلي جهودنا عشوائية..في اي اتجاه وبس....او نختار الحلول اللي تريحنا من غير حسابات التكلفة او الاضرار..زي اللي بيتألم بدون ما يعرف السبب او الحل الصحيح..راح اخد مخدرات..ريحته..ولزق فيها مهما كانت التكلفة معرفة الاسباب الحقيقية او الاتجاه الحقيقي اللي محتاجين نمشي فيه محتاج بحث حقيقي وقدرة على تحمل الوضع او تهدئة تأثيره عليا لحد ما الاقي...حتى لو كان الحل هيكون على مراحل..... ضغط الحالة...كربها...الافكار انها هتفضل كدة على طول...اننا هنتدهور اكتر ومش هنخرج...اننا هنخسر حاجات كتير لو مخرجناش دلوقتي وحالة..مفيش وقت..مفيش رفاهية....هو اما اللي بيرحل المشكلة لوقت تاني او بيأجلها مؤقتا..او بيهدر جهودنا ونلف ونلف ونرجع للمربع صفر. معرفة السبب الحقيقي..هيوجهني للحل بشكل مباشر اغلب الوقت...حنى ولو حل صعب...او حتى لو حل محتاج مجهود...... حتى ولو حل محتاج تجهيز له عشان نقدر نعمله بعد فترة... | |||||||||
| |
|
01-08-22, 09:39 AM
| #1200 | |||||||||
| بنعطل في السكة وبنقف مكانا مبنتحركش..حياتنا وكأنها اتحبست واتسجنت في نقطة..في حالة..في فكرة..في حلم او امنية او توقع او خوف او احتياج او خسارة...او اهانة اوخيانة او خذلان... وايا كانت اللحظة او الحالة اللي اتحبسنا واتجمدنا فيها...احنا متجمدين...شايفين الدنيا بتتحرك..واحنا واقفين..واوقات بنجاريها بس برضو حاسين اننا واقفين...الناس برانا كرابيج..واقفين ليه ما تتحركوا....وجوانا برضو كرابيج بتجلدنا اننا مش عارفين نخرج....وبتتهمنا اننا عاجزين وضعفا لاننا مش عارفين نخرج..واوقات بنفقد الامل..ان مفيش مخرج وهنفضل كدة على طول.... الحياة جوانا اتجمدت....بس في الحقيقة هو جزء من الحياة اللي اتجمد..متعور..ومتصاب...والجزء التاني اتحرك باي شكل وكمل...وبيعافر...بيحاول يشيل الجزء المتعور ويكمل به...بس كتير بيعطل...ولما بيعطل بيلوم الجزء المتعور انه معطله....انه السبب...بيجلده.... طبيعة الحياة أنها تكمل وتدور على حلول...والجزء السليم فينا حاول وبيحاول..بس الجزء المتعور والمصاب لسه هناك واقف ومستني..متجمد في لحظة او في حالة..بيبص وراه لحاجة ضاعت..او للدنيا او الاخرين مستني تعويض..او منقذ...او اعتذار او رد او جواب...او خايف منهم او غضبان منهم او بيدور على انتقامه او محبط ومستسلم....وانتظاره...خلى الجزء ده مننا عطل..و مش بس بقى حمل على الجزء السليم اللي كمل..كمان بيستهلك طاقته ...وبيدخله في مشاكل جانبية...خناقته هو مع الماضي...وخوفه هو من المستقبل...ومشاعره هو وافكاره هو ...واحتياجاته وتوقعاته ونظرته...في صراعاته مع ناس في الخيال وواقع غير الواقع...وعايز يعمل كل ده برضو بطريقته هو...بعقله هو ..سواء الجزء كان عمره سنة...او خمسة...او ١٣ ..او ٣٠... ايا كان..ولسبب ما...هتيجي اللحظة اللي الجزء السليم يفكر في حل...حل بدل التجاهل او الاستهلاك والاستنزاف في معارك الجزء المتعور.....واللي لسه مصر على الحل بطريقته..الحل اللي لسه حابسه ومكتفه مكانه... وبعد فترة من الجدال والخناقات وتحولات...هتيجي اللحظة الفارقة...اللحظة اللي الجزء المصاب عشان يخف ويكمل....لازم يقتنع انه لازم يتخلى عن حاجات كتير..اولها عن عناده في طريقة الحل اللي عايزه لشفاءه اولا...واللي هيتبعها تخليات تانية كتير...ومع كل تخلي..سلسلة مكتفاه هتتحرر... التخلي المقصود واللي كتير بنتكلم عنه....مش سهل ...مش سهل ابدا...وكل ما كان الموضوع مهم..كل ما كانت مقاومتنا للتخلي عنيفة جدا جدا...حتى ولو بقينا في التعاسة والاحساس بالعجز والضعف للابد... اللي متمسكين به...كان بالنسبة لنا الامل الاخير للشفاء والخلاص...واحنا في احوالنا السيئة مش بنبقى شايفين غيره...يعني لو اتخلينا عنه هنموت او نضيع....احنا بنبقى شايفينها كدة...معميين ومش شايفين ان في حلول تانية كتيرة. عشان كدة..لحظة التخلي الحقيقية المعترفة بالواقع مش اللي لسه غضبانة منه...مفزعة...وفارقة.....ونقطة تحول ضخمة...اهم نقطة تحول......ناس كتير ممكن تستسلم وتفقد الامل وتدخل في اكتئاب ويأس...وناس بتفقد البوصل فترات تطول او تقصر...وناس بتقدر تستأنف الحياة بمعنى افضل واهم..بتضم اجزاءها على بعض..وبتكمل بشكل افضل مما كانت تتصور... اكبر معنى بيتولد...هو انا. احققها ازاي...واللي عايزه بجد ..ورؤية جديدة اكثر يسرا وتعاونا وخفة في التعامل مع الدنيا والناس. قوة الحياة اللي جوانا بتسترد كامل طاقتها وعافيتها..وهي اللي بتشق طريقها..وبتعرفنا السكة ( من غير حوارات وافتاكاسات كتير ونعمل ايه ومنعملش ايه...هي لوكدها هتشاور على اللي عايزينه ومحتاجين نعمله ونتعلمه..وهتدينا الطاقة والصبر نعمله). غريزة الحياة جوانا صاحية...المهم نضمها على بعض..ونصحصحها...ونوجهها وهي هتكمل. | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
