| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
02-04-23, 03:03 PM
| #1423 | |||||||||
 
|  وانت بتربي أولادك ... حاول تستفيد من أخطاء أبوك وأمك معاك علشان متكررهاش تاني مع أولادك. بس صدقني... ملهاش لازمة دلوقتي إنك تحاسب أبوك وأمك علي أخطاءهم في تربيتك بعد ما كبرت خلاص . وماتشغلش بالك بفكرة انك عاوز تفهم ابوك وامك انهم غلطوا معاك... هما لو كانوا يعرفوا يعملوا معاك أحسن من اللي عملوه مكانوش إتأخروا. هما ربوك أحسن تربية من وجهة نظرهم ومن خلال ظروفهم ومن خلال اللي إتربوا عليه ومن خلال أفكارهم اللي ممكن كانت غلط وقتها... بس هو ده اللي حصل. كل اللي ممكن تعمله دلوقتي إنك تطبطب عليهم وتريحهم وخليك عارف إنهم مفتاح جنتك. | |||||||||
 |
|
02-04-23, 03:04 PM
| #1424 | |||||||||
| هو زعل منها عشان هي عملت حاجة ضايقته.... وبدل ما يفكر ازاي يحل المشكلة معاها ويقومها بشكل مناسب .. يقوم يعمل حاجات مالهاش علاقة بأصل المشكلة .. زي انه يحلف عليها ماتخرجش من البيت ...او يحرمها من الاشتراك في كورس او هواية هي بتحبها ...او يمنع صاحبتها المقربة من زيارتها.... او يطلب منها طلبات مرهقة بزيادة ...او يصحيها في نص الليل وفي عز نومها تعمله أكل او تغسل له هدوم علي سبيل الغلاسة. وهي لما تزعل منه .... تزود عليه طلبات البيت عشان تخليه يدفع مصاريف أكتر.... او ترفض تستقبل اهله لما يزوروهم .. او تهمله في رعايته وفي تجهيز الاكل وترتيب البيت. إستخدام سياسة العقاب والانتقام في مواجهة المشاكل سلوك سئ جدا.... وفيه شكل من أشكال سوء العشرة.... ودليل علي غياب الرحمة... وبيكبر المشكلة ....وبيولد العند... وبيزود الجفاء. حافظوا علي الإحسان حتي في وقت الخناقات ....وحلوا مشاكلكم بشكل مباشر و إيجابي .... ده أقصر الطرق لحل المشاكل وأحفظ للود | |||||||||
| |
|
02-04-23, 03:04 PM
| #1425 | |||||||||
| واحنا بنتخانق في بيوتنا.... رد الفعل مهم زي الفعل. رد الفعل هو كمان بيحدد حجم المشكلة وبيحدد ابعادها. مش معني ان الطرف اللي قصادك غلط وان هو اللي بدأ المشكلة .. إن ده يديك الحق إن تاخد رد الفعل اللي انت عاوزه .... وانك تصلح الغلط بغلط. رد فعلك ممكن يساعد في حل المشكلة....وأحيانا رد الفعل بيبقي بعد كده ركن أساسي في المشكلة . ردود الأفعال اللي مش مناسبة مع حجم المشكلة بيحول المشكلة لكرة من التلج كل ما تدحرج بتكبر. عشان كده النبي صلى الله عليه وسلم أمرنا بعدم الاستسلام للغضب.... لان الغضب ممكن يخلينا ننقل المشكلة لمستوي أكبر بكتير من المستوي اللي إبتدت بيه. | |||||||||
| |
|
02-04-23, 03:05 PM
| #1426 | |||||||||
| لكل واحد فينا بيوعد ربنا إنه هيسيب ذنب معين او انه مش هايقصر في واجب معين .... وفي كل مرة بيفشل وبيخلف وعده.... والله العظيم انت كويس طول ما انت لسه بتحاول. طول ما إنت بتعافر فإنت إنسان مؤمن رغم وقوعك في الذنب ورغم تقصيرك . الهزيمة مش في الوقوع في الذنب.... الهزيمة في اليأس من المحاولة إحنا ماتخلقناش معصومين ... إحنا إتخلقنا خطائين توّابين. النبي صلى الله عليه وسلم بيقولك: "مَا مِنْ عَبْدٍ مُؤْمِنٍ إِلا وَلَهُ ذَنْبٌ يَعْتادُهُ الْفَيْنَةَ بَعْدَ الْفَيْنَةِ، أَوْ ذَنْبٌ هُوَ مُقِيمٌ عَلَيْهِ لا يُفَارِقُهُ حَتَّى يُفَارِقَ الدنيا، إِنَّ الْمُؤْمِنَ خُلِقَ مُفْتَنًا تَوَّابًا نَسِيًّا إِذَا ذُكِّرَ ذَكَرَ". [رواه الطبراني، صحيح الجامع: 5735]. | |||||||||
| |
|
02-04-23, 03:06 PM
| #1427 | |||||||||
| أحيانا بنبقي فاكرين ان المناقشة والوصول لاتفاق في وجهات النظر هو الحل الامثل لحل الخلافات الزوجية...لكن الحقيقة ان في بعض المشاكل النقاش بيكبّرها (حتي لو كان بداية النقاش هادية ولطيفة). ده لانه احيانا بتبقي المشكلة الحقيقية وقتها هو وقوع احد الطرفين تحت ضغوط نفسية استثنائيه ملهاش اي علاقة بالخناقة اصلا. يعني ممكن يكون الزوج عنده مشاكل في الشغل او غيره ..واحيانا بتكون الزوجة مضغوطة من البيت و الاولاد او نفسيتها مش مظبوطة لاسباب بيولوجية ..وساعتها بتكون الخناقة مجرد وسيلة للتنفيس عن الضغوط اللي جوانا. جرّب كده انك في عز النقاش والجدال والمناظرة الفكرية الطاحنة انك تسكت وتمسك ايد زوجتك و تاخدها في حضنك وتطبطب عليها وتحاول تفهمها انك فاهمها كويس وانك حاسس بيها وان كل حاجة هتبقي كويسة ...بس كده ....آه بس كده . جرّبي كده انك في عز الاصوات العالية انك تسكتي خالص وتسيبي زوجك يخرج كل الضغط اللي جواه وبعد كده قرّبي منه وفهميه انك مش ممكن تخلي اي حاجة تزعلكم من بعض وانكم ممكن تأجلوا الكلام لوقت تاني . فعلا كما قيل : كسب القلوب أولي من كسب المواقف. طبعا الهرس اللي فوق ده ينفع لما يكونوا الاتنين بيحبّوا بعض اصلا...لكن لو بينهم مصانع الحداد فلاصوت يعلو فوق صوت المعركة | |||||||||
| |
|
02-04-23, 03:06 PM
| #1428 | |||||||||
| يحب العزلة... ولكن في نفس الوقت تؤلمه الوحدة. يسعي لكسب الأصدقاء ... ولكن إذا إقترب منه أحدهم شعر بالفزع وتراجع خطوات إلي الوراء. كلما دفعته نفسه الي القرب من الناس.. إنسحب خوفا من دفع فاتورة الخُلطة ومال الي تسطيح العلاقات . اذا صادفت واحد من هؤلاء.... فاعلم أنه ليس شخصا منعزلا او غير إجتماعي.... إنما هو رقيق الباطن يخاف علي نفسه من الانكسار ... لا يثق كثيرا في نفسه ولا فيمن حوله.. واعلم أنه يحتاج الي من يقبله علي كل حال ... يحتاج مَن يقول له ( لا تخف ... أنا بجانبك ... انا أثق بك). يحب مَن لا يعاتبه و لا ينتقده كثيرا. فإذا وثق بك .... وأطمأن لك.... وباح لك بما في صدره .... كنتَ له العالم بأسره | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
