|
:: قرار هام :: |
إضافة رد |
| LinkBack | أدوات الموضوع | انواع عرض الموضوع |
05-27-23, 02:46 PM | #1471 | |||||||||
|
مفيش حد بيحب الزعل، ولا حد غاوي نكد، ولا حد عايز يضيقها على نفسه أو على غيره.. كل ضيقة وراها سبب، ومفيش زعل من الباب للطاق.. ماتمسكش في النتيجة وتسيب السبب.. خفف الحِمل على صاحب الزعل وكون جزء من الحل.. لو يهمك ولو أنت السبب في السبب حاول تصلحه، ولو غيرك هو السبب يبقى مش مطلوب منك غير الإستيعاب والتهوين لحد ما المرحلة تعدي. | |||||||||
|
05-27-23, 02:47 PM | #1472 | |||||||||
|
محدش فينا بيختار الوجع والمعاناه بمزاجه.. عمر الألم ما كان اختيار حر.. كل اللي جه في يوم وقالك انت اللي عامل في نفسك كده.. كان غلطان.. ديه اخر جملة في الدنيا بتحتاج تسمعها لما تبقى موجوع.. كل اللي قالك ديه اصلا غلطتك.. كان تقريبا بيحاول يثبت انه فاهم اكتر منك.. مع انه معندوش دليل على انه مكنش هيتصرف زيك تحت نفس الظروف ونفس الضغوط.. كل اللي مقدرش يراعي ان وجعك او فشلك او احباطك مش اختيار حر.. مش هيقدر يساعدك.. اللي هيقدر يساعدك بس هو اللي مؤمن بالتغيير.. بأن كل مشكلة وليها حل.. بأن كلنا قادرين نتغير ونغير.. بأنه مفيش حدود للي احنا نقدر نعمله لو صدقنا في حاجه وتعبنا علشانها.. كل اللي قالك انت متقدرش على كذا من غير ما يديك طرق تانيه للحل او على الاقل اقتراح بطريق تاني تمشيه.. كان غلطان.. متقفلش باب في وش حد من غير ما تفتحله باب تاني.. بطلوا تعجزوا الناس وخلاص.. عايز تساعد حد.. ساعده يلاقي حلول.. محدش بيختار الالم اختيار | |||||||||
|
05-27-23, 02:50 PM | #1473 | |||||||||
|
مفيش شخص حقيقي هيضيع منك مفيش شغلانه كويسه بابها هيتقفل ف وشك كل اللي بيروح مكنش حقيقي ولا كان مناسب كل الحكاية انه مكنش لايق عليك ولا هينفعك قدام " مفيش فرص ضايعه " ريح نفسك كل الي فاتك مش بتاعك ف ريح نفسك | |||||||||
|
05-30-23, 10:42 AM | #1474 | |||||||||
|
احنا لما بنلعب اي لعبة.. بنلعب بالقواعد الموضوعة سلفاً للعبة دي.. سواء كنا موافقين عليها او لا.. علشان اللعبة تمشي بقواعدك انت.. يبقى لازم انت اللي تبقى مصمم اللعبة في الأساس.. ورفاهية انك تبقى مصمم اللعبة دي نادراً ما بتتاح لينا في الحياة.. علشان كده بيفضل قدامنا اننا نفهم قواعدها ونحفظها.. ونبقى اكثر حرفية مع الوقت.. بالتدريب والتدريب وشوية تفكير وتخطيط.. رفضك للقواعد مش هيخلي اللعبة أسهل.. وللأسف قواعد اللعبة مش هتتغير علشانك.. اشتغل على نفسك علشان تبقى لاعب اشطر في لعبة الحياة.. | |||||||||
|
05-30-23, 10:43 AM | #1475 | |||||||||
|
حجم الدمار اللي بيتعرضله الشخص نتيجة التشكيك المستمر في قدراته مذهل.. الواحد بينتهي بيه الحال انه حتى مبقاش مصدق الحقايق الملموسة اللي بيوصلها.. زي ما يكون بقا في دماغه صوت من جواه بيقوله انت مش كويس كفاية طول الوقت.. مهما حقق في حياته.. اللي عمل فيك كده في حياتك أذاك أذى بين.. أذى عميق.. والخروج من الحفرة اللي رماك فيها وردم عليك بتاخد وقت ومجهود كبار فعلا.. واول خطوات النجاة من الاذى ده هو التخلص من الناس دي إن أمكن.. او على الأقل تهميشهم. بعد كده بتحتاج اشخاص داعمة في حياتك تشاورلك على قدراتك وانجازاتك.. الصغير منها قبل الكبير.. محدش فينا بيبطل يبقى الطفل الصغير اللي بيفرح بالنجمة اللي في الكراسة.. احنا محتاجين الناس اللي بتقولنا برافو.. اللي بتقولنا انت تقدر.. اللي بتقولنا كمل.. انت قدها. الدعم النفسي مساعدة حقيقية.. لا تقل قيمة عن المساعدة المادية الملموسة.. طبعا لو فيه ناس في حياتك قادرة تبقى الاتنين.. فدول نعمة | |||||||||
|
05-30-23, 10:44 AM | #1476 | |||||||||
|
الحياة اختيارات .. في حد بيختار يحارب و حد بيختار يستسلم .. في حد بيختار يكمل و حد بيختار يقف ..في حد بيختار يستمتع باللحظه و حد بيختار ينكد علي نفسه اتنين مليون سنه فاتو و جاين ... في حد بيختار يطلب مساعدة و حد بيختار يدبدب ف الارض و يشتكي ... في حد بيختار حياته و حد بيختار يدفن نفسه بالحياة ... في حد بيختار يستقبل المشاعر الحلوة و يبعتها و ينور حياته و حياة الناس و حد بيختار يستغني و يقول شكرا مش لاعب و لا عايز ادي مشاعر و لا اخد مشاعر و يحرم نفسه من كل النور ... في اختيار ... في كل لحظه مش باين فيها أي اختيارات علي الاقل في اتنين انك تعمل دا أو لا .. انك تذاكر أو لا ، تشتغل أو لا ، تلعب أو لا ، تحلم أو لا ، تحب او لا ، تقول الحقيقه أو لا ، ..تاخد علاجك أو لا ...انك تمشي أو تقعد ...انك تحاول أو متحاولش . يا ريت لما تختار حاجه تتحمل مسؤوليه اختيارك و تبعاته ...مش تروح تندب حظك و تقول الحقوني حصل و جري ... و يا ريت الواحد يبقي متسق مع نفسه أنه أحيانا هيختار اختيارات غلط و دا عادي و حصل و بيحصل و هيحصل و مش نهاية الكوكب ...و دائما في فرص تانيه و في تصليح و في امل ...حتي لو دا مش باين ف وقتها ... اه الحياه نفسها مش اختيار ، و الموت نفسه مش اختيار ...بس كل اللي ما بينهما اختيار .... | |||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||