| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
02-23-23, 08:48 AM
| #1435 | |||||||||
 
|  مش شرط إنك تعمل إنجاز ضخم عشان تحس بلحظة سعادة. السعادة ممكن تكون موجودة جوه تفصيلة صغيرة . قليل من السعادة ممكن يكونوا في شوية شاي او مج نسكافيه أو سحلب بالمكسرات او في لحظة قرب من حد بتحبه....او في لحظة تأمل في السما ..... او اللحظة اللي بتحط فيها دماغك في حجر أمك في ساعة صفا .. او في لحظة وقوفك تحت الدش بعد يوم مرهق ...او في لحظة لعب مع ولادك....او في طعم وريحة أكلة بتحبها . او في لحظة سجود خاشع ...او في لحظة تأثر بقراءة آية من القرآن.... او في لحظة توبة من بعد ذنب او في ساعة وقوفك جنب حد في موقف صعب ....او في طبطبة علي راس يتيم.....او في لحظة دعم نفسي بتقدمها لواحد مكتئب ومتلخبط .... او في لحظة صلح بين إتنين بينهم مشاكل....او في اللحظة اللي بتقدم فيها هدية لحد بتحبه. مش معقولة كل يوم نصحى من النوم نركب مورجيحة الشغل و المذاكرة والمسئوليات والماديات وماننزلش منها الا علي السرير وقت النوم. مش صح انك تحرق تفاصيل كتير وتقلبها عشان انت مستعجل توصل لهدف مادي كبير. بطّل جري شوية.... حاول تستطعم التفاصيل الصغيرة وإنبسط بيها وأحمد ربنا عليها . | |||||||||
 |
|
02-23-23, 08:49 AM
| #1436 | |||||||||
| واحنا بنشتري أي حاجة .... بيبقى عندنا تقييم كده .. إذا كان الحاجة دي مهمة ولا مش مهمة ... غالية ولا سعرها كويس ... نجيبها من هنا ولا نروح مكان تاني بسعر أرخص ...في إمكانياتنا ولا لأ... نجيبها دلوقتي ولا نأجلها بعدين ... وهكذا و طبيعي مش كل ما حد في البيت يطلب يشتري حاجة يبقى مطلوب منك كزوج وأب إنك توافق تجيبها بدون مناقشة ....طبعا لازم نحط الطلب في التقييم اللي قلنا عليه في أول البوست ... والزوجة والأولاد لازم يتفهموا ده لكن مش صح اننا نعمل كده على طول ... السلعة نفسها مش كل حاجة. احيانا زوجتك بتكون عاوزة حاجة ومتمسكة بيها زي الطفل الصغير... وممكن تبقى انت مش مقتنع ...هاتها ما دام في مقدرتك ... هاتها بطيب خاطر ونفس كريمة... هاتها من غير تأنيب ولا تأفف واعرف وقتها إنك مش بتشتري السلعة نفسها ... ولكن انت في الحقيقة بتشتري خاطر زوجتك و فرحتها وسعادتها ... وبتشتري شعور إنها مدللة عندك .... ودي حاجة تستاهل نشتريها وندفع فيها فلوس ... وده بيخليها كمان تتقبل وجهة نظرك لرفض بعض الحاجات التانية لأنها شافت بنفسها إنك كنت كريم وجنتل معاها في وقت تاني طبعا الكلام ده مع الزوجة اللي متفهمة إمكانيات جوزها وبتراعيها .. أما الزوجة اللي بتحمل زوجها فوق طاقته معظم الوقت ... للاسف بيكون طبيعي إنهم يختلفوا على بنود الإنفاق طول الوقت. حسابات الورقة والقلم والمنطق مش كل حاجة .... من القوامة وحسن العشرة إنك كزوج توسع على أهل بيتك كل فترة بالشكل اللي يفرحهم ويسعدهم (طبعا على قد إمكانياتك) | |||||||||
| |
|
02-23-23, 08:50 AM
| #1437 | |||||||||
| مش لازم تفقد شريك حياتك عشان تعرف قيمته....مش لازم تفقده عشان تعرف الحمل الكبير اللي كان شايله معاك وتعرف قد إيه أنت كنت بتحبه ومحتاجله. مش لازم تفقده وبعد كده تتمنى انك كنت تقول له كلمة حلوة ... او تتمنى انك كنت تجيب له الهدية المتأجلة من زمان .. او تتمنى انك كنت تعتذرله عن غلطة عملتها و انه يسامحك. اعرفوا قيمة بعض .... و اشكروا بعض .... و اعتذروا لبعض الندم بعد الفقدان ..... مش هايرجع اللي فات ومش هايعوض تأجيل الإحسان | |||||||||
| |
|
02-23-23, 08:51 AM
| #1438 | |||||||||
| نقول تاني ... في غلطة بيقع فيها كتير من الرجالة من غير قصد إن لما مراته تشتكي له من حاجة مضايقاها (زي انها مضغوطة.... او مشكلة حصلت مع حد من الولاد ...او موقف حصل مع حد من اهله...الخ) الغلطة … انه بيسمعها بودان المتهم وبيتخيل إن مراته بتحمله مسئولية الحاجة اللي بتشتكي منها . فبالتالي بياخد الكلام علي صدره...وساعتها بيبقي عاوز يدافع عن نفسه...او يحسسها إنها بتأفور ويسفه من شكوتها .... او يحاول يقدم حلول لمشكلتها عشان تنزل من على دماغه ولسان حاله (أعملك إيه دلوقتي؟ ) وده اللي هي مش عاوزاه....( في أغلب الأحيان ) هي بتبقي عاوزاك تسمعها بإهتمام وتطبطب عليها .... من غير ما تاخد الكلام عليك ومن غير ما تدافع عن نفسك ولا تتحمق ((وطبعا ده ميمنعش انهت في أوقات تانية بيبقى الموضوع اكبر من فكرة الفضفضة.. وبتبقى محتاجة تدخل منك لحل المشكلة )) لو الزوج عمل كده (ولو الست فعلا مش نكدية 😀)... هي هاتقدر تتجاوز مرحلة الشعور بالانضغاط بشكل أسرع... ونفسيتها هاتتحسن اسرع .. | |||||||||
| |
|
02-23-23, 08:51 AM
| #1439 | |||||||||
| واحنا بنختلف و بنتخانق في بيوتنا .... عند نقطة معينة لازم حد فينا يرجع خطوة لورا. وانت شادد مع مراتك على تفصيلة معينة ..و لقيت إن هي كل اللي فاهمهاه من كلامك إنها مش عجباك خالص وإنها مش مالية عينك.... وقف المناقشة وفهمها إن مش معني إنكم مختلفين إنك بتكرهها .... طمنها وطبطب عليها .... وإتناقش معاها لما تهدوا. في اللحظة اللي بتشدي فيها مع جوزك ... ولقيتيه زعلان من إسلوبك ومن صوتك اللي بقى عالي بسبب إنفعالك... وقفي مناقشة في الموضوع الأساسي.... وإعتذري عن إسلوبك وقولي له إنك ما تقصديش التطاول عليه. في وسط الخلاف ..لما تحس إن الطرف التاني فاهمك غلط..... حاول تصلح سوء التفاهم ده. ماتدوش فرصة للشيطان إنه يستدرجكم لمشاكل جديدة ... ولا انه ينقل المشكلة بتاعتكم لمستوي أكبر في الصعوبة والتعقيد. كده كده حياتنا مش هاتخلو من الخناقات والمشاكل... لكن الدخول في خناقة من غير ما نكون عارفين إمتي نقف وإمتي نكمل.....ده بيخلينا ممكن نكسر حاجات وقت الخناقات عشان نصلحها هنحتاج وقت كبير ... وممكن مانعرفش نصلحها. | |||||||||
| |
|
02-23-23, 08:52 AM
| #1440 | |||||||||
| (هو انت ليه مش) هي عاوزة تقول لجوزها (انا بحب إنك تقول لي كلام حلو ) .. فتقول (هو انت ليه مش بتقول لي كلام حلو؟) هو عاوزها تحط ميك اب وتهتم بشكلها ... فيقول لها (هو انتي ليه مش بتحطي ميك اب وتهتمي بنفسك زي بقية الستات؟) هو انت ليه مش بتفسحنا ؟ هو إنتي ليه مش بتعرفي تعملي جو لطيف في البيت كده؟ هو إنت ليه مش بتتكلم معايا لما بترجع من الشغل ؟ هو إنتي ليه مش بيحلالك الكلام الا وانا تعبان وفاصل؟ هو انت ليه مش شايل معايا مسئوليات الولاد ؟ ... كأني خلفتهم لوحدي ؟ وهكذا (هو انت ليه مش؟ ) ... السؤال الاستنكاري الهجومي ده.. من أسوأ الدخلات اللي ممكن نستخدمها وإحنا بنتكلم مع شريك حياتنا ... الاسلوب ده بيخلي الطرف التاني يقفل مننا ويقاوم طلباتنا احيانا بنتخيل إننا لما نطلب احتياجاتنا بشكل هجومي إن الطرف التاني هايستجيب بشكل اسرع ... وده مش صح وفيه جهل بطبيعة النفس البشرية الأفضل إننا نطلب اللي احنا عاوزينه بشكل مباشر وايجابي ... وخصوصا لو اللي قصادنا إنسان كويس بشكل مجمل زي(إنت بتعمل حاجات كتير حلوة لكن كمان بحب اسمع منك كلام حلو - انا محتاجة أتفسح واشم شوية هوا - انا بحب أشوفك لابسة الطقم ده بيبقى حلو فيكي ... الخ ) لكن لو الطرف التاني بيكبر دماغه ومصمم على التقصير ... ده موضوع تاني ومحتاج معالجة مختلفة لكن عشان نحكم عليه بكده فعلا لازم نكون بنعامله بشكل كويس أساسا عشان نتأكد إن المشكلة مش في الأسلوب بتاعنا قال تعالى : وَقُل لِّعِبَادِي يَقُولُوا الَّتِي هِيَ أَحْسَنُ ۚ إِنَّ الشَّيْطَانَ يَنزَغُ بَيْنَهُمْ ۚ إِنَّ الشَّيْطَانَ كَانَ لِلْإِنسَانِ عَدُوًّا مُّبِينًا | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
