| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
05-22-23, 09:05 PM
| #1459 | |||||||||
 
| 
شوف كده اصعب حاجه واتقل حاجه على قلبك بتضطر تعملها في يومك.. لقيتها؟ خدت بالك من الاحساس السخيف بالتقل اللي حسيته.. وشك ملامحه اتغيرت كده.. تخيل بقا لو كل حاجه محتاج تعملها في يومك بتحسسك كده.. كل حاجه؟! اه كل حاجه.. حتى الاكل.. حتى الدش.. حتى اغير هدومي.. حتى اخرج مع اصحابي... كله كله.. ايوه نفس الاحساس اللي حسيته لما قريت اول سطرين.. تخيلت يومك؟ تخيلت ايام ورا بعض بنفس المنظر ده.. اسابيع... مرحبا بيك في تصور مصغر جدا عن واحدة مش مشاكل الاكتئاب. ومتنساش ان في وسط ما مريض الاكتئاب حاسس الاحساس ده معظم الوقت مع معظم الحاجات.. فيه حد واقف على قفاه بيقوله مالك فيه ايه ماهي سهله اهه.. حلوه اهه.. تقل الروح والجسم المصاحب للاكتئاب شئ يصعب وصفه مهما حاولنا.. الكلام اللي فوق ده كان مجرد محاولة صغيرة.. لعل وعسى نساعدهم يتعالجوا بدل ما نقعد نلومهم. | |||||||||
 |
|
05-22-23, 09:08 PM
| #1460 | |||||||||
|
شوفت بوست من شوية بيتكلم عن إن سمة العصر الآن هي التفاهة وإن الثورة العالمية القادمة هتكون ضد السطحية، في سياق نمط المجتمع الرأسمالي الحديث وقيمه الاستهلاكية، إلى أخره. في الواقع ده تصور فيه قصور شديد ومبني على رؤية مقتطعة من التاريخ. هل التفاهة والسطحية فعلًا هم سمات العصر؟ الإجابة لا، التفاهة والسطحية سمات قديمة قدم البشر، ومش بس كانت دايمًا موجودة، لكنها كانت دايمًا ليها اليد العليا كمان، لكن اللي بيتغير فعلًا مع مرور الزمن هو تعريف التفاهة، أو كيف نحدد الفعل التافه. التفاهة مصطلح بقدر ما يبدو بسيط، أو تافه حتى، لكنه مركب جدًا؛ واحد من أهم النصوص الفلسفية المرتبطة بمفهوم التفاهة، كتاب الفيلسوفة الألمانية حنة آرنت "تفاهة الشر" واللي كانت بتدلل فيه على إن الشر فعل تافه في عمقه، مش زي ما بيعرف عادة إنه فعل شيطاني بيقوم بيه مجموعة من المجرمين بالفطرة. وبغض النظر عن نظريات آرنت في كتابها لأنها يطول الحديث فيها، اللي يهمنا هنا هو تعريفها للتفاهة، اللي عرفتها بأنها انعكاس لأبسط رغبات البشر وأكثرها روتينية وسذاجة، الفعل التافه هو فعل تلقائي بيقوم بيه البشر في نطاق حياتهم اليومية شديدة العادية. وده بيودينا مباشرة لشوبنهاور.. اللي قال في كتابه الأهم "العالم كإرادة وتمثُّل" إن إحدى مشكلات العالم الجذرية هي محاولة منطقته، أي جعله منطقيًا، بالرغم من كونه أبعد ما يكون عن ذلك، والمحاولات دي مصدرها نمط تفكير البشر أنفسهم المؤسس على المنطق، بينما العالم في جوهره لا ينطوي إلا على العشوائية والعبث. لو نظرنا نظرة سريعة لأي عصر تاريخي وتأملنا في أحداثه وقيمه وحتى لحظاته الفارقة، بالتأكيد هنستخلص منها مواقف وأحداث وقيم شديدة التفاهة، حتى أكثر الأحداث تراجيدية وملحمية، لن تخلو من التفاهة لو وضعناها على مسطرة المنطق والعقل البشري. التفاهة سمة مرتبطة باحتكاك العقل البشري بالعالم، كانت موجودة ولسه موجودة وهتفضل موجودة للأبد، وهي غير مقتصرة على عصر بعينه أو لحظة تاريخية محددة.. هتزول فقط بزوال أحد أسباب وجودها، العقل البشري أو العالم، أو كليهما. | |||||||||
| |
|
05-22-23, 09:10 PM
| #1461 | |||||||||
|
ثرثرة ليلية مهمة وغير مفيدة: من السلبيات الكبرى لمنظومة العلاقات في المجتمعات الشرقية، أو في مصر تحديدا يعني، اللي اكتشفتها مؤخرا لما كبرت شوية، يعني لما خلصت تعليم ثم خلصت جيش ثم اشتغلت، إنك بتبدأ تدخل المرحلة اللي بيسموها الـ estimated husband، واحد مصحصح دلوقتي هيقولي مين اللي بيسموها دول؟ هقوله ده أنا اللي لسه مسميها وأنا بكتب البوست ده دلوقتي. المهم، المرحلة دي أنت بتبدأ تدخل في نطاق الزوج المحتمل، وده بيخلق صغوط مكانتش موجودة قبل كدة، لأنك ببساطة مكنتش مؤهل لده قبل كدة. العلاقات مع الجنس الآخر عادة بتبدأ تدور في هذا الإطار، وبتبدأ تشعر دايما إنك تحت الملاحظة والتقييم، خصوصا لو بدر منك أي سلوك يدل على إعجاب في أي سياق. الموضوع ده مزعج لأبعد حد، شعور إن فيه تطلعات وآمال كبيرة مبنية عليك، الطرف الآخر بيكون منتظر منك كتير، في حين إنك قد تكون مهتم فعلا بصداقة مع هذا الشخص، بس مش أكتر من صداقة، واللي قد تطور برده لنوع مختلف من العلاقات لاحقا، لكن مش بيكون هو ده الهدف المبدئي يعني. والحقيقة أنا مقدرش ألوم الفتيات على التصرفات دي، لأن المجتمع بيضع عليهم ضغوط مش طبيعية لحد ما يتجوزوا، وكل ما أعمارهم بتزيد الضغوط بتزيد وبتبقى أكثر قسوة. الناس هنا محتاجة تفهم إن الإنسان محتاج وقت عشان يشعر إنه جاهز ياخد خطوة بحجم الزواج، واللي الناس بتعملها عندنا كخطوة روتينية زي التعليم والشغل وخلافه، وخصوصا كمان إن منظومة الزواج في مصر أصبحت في غاية التعقيد، ماليا، ونفسيا، واجتماعيا، وعلى كافة الأصعدة يعني. وأخيرا، خدوا نفسكوا يا جماعة. | |||||||||
| |
|
05-22-23, 09:11 PM
| #1462 | |||||||||
|
دوستويفسكي في روايته الأهم الأخوة كرامازوف، استعرض في خضم الأحداث موقف ما، واستخدم الموقف ده في شرح الشخصية الروسية بكل تناقضاتها وتهورها.. ديميتري فيدوروفيتش كرامازوف، الابن الأكبر، لما أختلف مع إحدى الشخصيات بسبب أزمة كبيرة متعلقة بالشرف، اتفق معاه على مبارزة في مباراة للروليت الروسي، وللتوضيح، الروليت الروسي عبارة عن لعبة بتوضع فيها رصاصة واحدة في مسدس ساقية، وبتدار الساقية بشكل عشوائي لتغيير مكان الرصاصة، وكل واحد بيضرب على رأس التاني مرة واحدة، وبالدور، لحد ما الرصاصة الوحيدة تضرب رأس أحدهما ويموت.. معادلة صفرية. دوستويفسكي قال إن لعبة الروليت دي هي أحسن مثال بيوصف الشخصية الروسية اللي لا تقبل حلول وسط، إما أنا أو العدو، الحياة لن تساع كلانا.. حتى لو الأمر برمته متروك للحظ، لكن ع الأقل النتيجة النهائية محسومة، إما الفوز بكل شيء أو الموت. | |||||||||
| |
|
05-22-23, 09:13 PM
| #1463 | |||||||||
|
اوقات كتير بيبقى رد فعل مشاعرنا وافكارنا مش على اد الموقف خالص.. اوقات موقف يبان صغير.. بيجيب معاه مشاعر وافكار كتييييييير... علشان ببساطه ده مش بيبقى رد فعل على الموقف المجرد.. ده بيبقى سلسلة انفجارات كده ليها علاقه بحاجات كتير فاتت وافكار كتير جوانا متعلقه بينا وبالحياة وبالناس.. اي رد فعل هتاخده في الوقت ده.. غالبا هيتاخد عليك. لأنه ببساطه لما القصه تتحكي.. مش هيبقى فيها غير اللي حصل بالفعل.. مش اللي حصل جواك.. احسن حاجه تعملها في الوقت ده انك تسكت... اسكت... حاول تفضل ساكت لحد ما تلاقي دماغك عارفه تقول كلام متعلق بالموقف نفسه.. او تاخد رد فعل على اد الموقف نفسه.. لحد ما تبقى عارف تعبر عن اللي عايز تقوله من غير خساير كتير.. او حتى لحد ما تقرر انك هتطربق الدنيا.. بس علشان انت مقتنع ومستعد وجاهز تطربق الدنيا.. اسكت لحد ما تعرف ايه في اللي هتقوله او هتعمله.. انت فعلا عايز تقوله او تعمله.. ولا هو مجرد هوجة مشاعر وافكار متعلقه بكل اللي فات. #جرب_اتعلم | |||||||||
| |
|
05-23-23, 09:58 AM
| #1464 | |||||||||
|
بقولك إيه .. متوافقش ... بجد و الله إقفش و إتشنج و إعملهم مجنون .... متوافقش تعيش محكوم بقصة فشل اللي قبلك ... و الله زي مبقولك ... سد ودانك و متسمعش قواعد الظروف من أهلك ... بقولك إيه أنا عاوزك تتغابي ... متفكرش ... مفيش ثغرات في الخطة الإلهية ... قرر بس إنت عاوز إيه ... و إنزل لوش بقي .. يمين شمال متحسبلهاش ... و ربنا هيسرلك طرق و تساهيل عمرها ما كانت تيجي في بالك ... !!! عليك القرار .. و علي الله المسار ... بس بقولك إيه ... إياك توافق علي حالك ... !!! | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
