| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
05-23-23, 10:02 AM
| #1465 | |||||||||
 
| 
ده مش بوست ديني .. مش بوست ديني .. عليا الطلاق ما هو بوست ديني 🙅🏻♂️🙅🏻♂️🙅🏻♂️🙅🏻♂️ فا أرجو من حراس العقيدة الإمتناع عن الجدال معايا هنا … و حاجة كمان .. البوست طويل فا بقولك من الأول أهو .. المهم ندخل في البوست بقى … في عز ما كنت ببقى مكتئب.. و جلد الذات و الشعور المطلق بالذنب راكبني .. و مخليني كاره نفسي أكتر .. القصة دي عمرها ما فشلت إنها تخرجني ولو جزئيا من دوامة الإكتئاب المميتة، اللي مبتديش ليك فرصة تفكر في أي أمل و مبتشوفش إلا القنوط و اليأس.. بيقولك يا سيدي كان فيه شاعر فلتان و سكري زمان إسمه أبو نواس .. الراجل ده كان مسلم بس كان فتنته في الدنيا الخمرة .. مكانش بيفوق منها .. و كان بيحبها حب جنون .. لدرجة إنه كان بيكتب قصايد شعر في الخمرة تكاد تقترب من درجة التعبد فيها و كان بيقول كلام مينفعش يتقال .. يعني مثلا كتب في مرة .. دع المساجد للعباد تسكنها و طف بنا حول خمار ليسقينا ما قال ربك ويل للذين سكروا و لكن قال ويل للمصلينَ شايف الجحود؟ كان ضايع .. اللي هو يعني مفيش بعد كده .. و طبعا كان مكروه و منبوذ من كل من هو قريب من الله .. و على رأسهم أيامها الإمام الشافعي نفسه.. المهم عدت الأيام و أبو نواس مات .. فا راحوا للإمام الشافعي يبلغوه و يقولوا له تعالى نصلى على أبو نواس الإمام الشافعي رفض و قال لا ده كان راجل ملعون و مينفعش نصلي عليه و كده فا رجع الناس محبطين و قالوا خلاص تعالوا نغسله و نكفنه و ندفنه من سكات .. فا لما جم لأبو نواس يقلعوه هدومه .. وقع من جيبه ورقة مكتوب فيها الإبتهال ده .. يا رب إن عظمت ذنوبي كثرة فلقد علمت بأن عفوك أعظم إن كان لا يرچوك إلا محسن فمن الذي يرچو و يدعو الآثم أدعوك رب كما أمرت تضرعا .. فلإن رددت يدي، فمن ذا يرحم؟ يا رب ما لي إليك وسيلة إلا الرچا .. و چميل عفوك .. ثم إني مسلم. اللي هو يا رب المذنبين العصاة اللي زيي مالهمش غيرك يغفر لهم، و يرحمهم .. و معنديش غيرك أترجاه و أتمحك في عفوه الجميل .. فا ارحمني .. المهم اللي كانوا معاع وصلوا الورقة دي للإمام الشافعي .. قالوا له إيه رأيك؟؟؟ الشافعي قرأ الورقة و بكى و قام جمع الناس و صلى على أبو نواس .. و لحد يومنا ده .. الإبتهال ده موجود و بيقوله النقشبندي في واحدة من أروع التواشيح اللي سمعها ملايين. ايه بقى علاقة ده بالإكتئاب؟؟؟ إني كل مرة تقفل في وشي و أكره نفسي و الإكتئاب و اليأس يتمكن مني .. كنت بجيب الإبتهال ده و أقعد أعيد فيه لحد ما أهدى .. و أحس إن فيه أمل .. و إن اللي خلى أبو نواس يبقى عنده أمل و يقين برحمة ربنا .. يخليني أنا كمان أصدق إن ممكن ربنا يفرجها و أطلع من الضلمة بتاعة الإكتئاب دي عارف إنت بتحس بإيه لما اليأس بيركبك .. عارف الشعور بالعجز .. و الفشل المطلق و شعورك إن مالهاش مخرج .. بس اللي يسرها لأبو نواس إن الإمام الشافعي نفسه يصلي عليه .. و ملايين الناس تردد إبتهاله صدقة جارية من بعده .. قادر ييسرها ليك و يلين لك المستحيل و يفتح لك الباب اللي مستحيل يتفتح .. ملحوظة: جرب تسمع الإبتهال بتاع النقشبندي ده بعد ما عرفت الحدوتة دي .. و شوف هتحس بالأمل إزاي .. فك وشك بقى … ربنا يفكها عليك | |||||||||
 |
|
05-23-23, 10:05 AM
| #1466 | |||||||||
|
لما بتسعى من قلبك إنك تضيف لحد حاجة و تساعد بجد، إسمك بيتحفر في ذاكرته .. و ما بتتنسيش .. و بيفضل فاكرهالك حتى لو إنت نسيتها. طبعا هيطلعلي عيل كئيب و يقولي (بس الناس بقت وحشة يا حكيم زمانك و بقت تاكل و تنكر .. و إحنا في زمن الوحوش و الناس ما بيرحموش و كلنا مجاريح بنطلع ريح. هقولك يا كئيب قلنا فوق .. لو الناس ما ردتلكش ربنا هيردهولك أضعاف. قرر بس إنت عاوز إيه ... و إنزل لوش بقي .. يمين شمال متحسبلهاش ... و ربنا هيسرلك طرق و تساهيل عمرها ما كانت تيجي في بالك ... !!! عليك القرار .. و علي الله المسار ... بس بقولك إيه ... إياك توافق علي حالك ... !!! | |||||||||
| |
|
05-24-23, 01:49 PM
| #1467 | |||||||||
|
ليه اغلب الناس في الظروف الغير طارئة بتتعامل مع اللي بيقفل او يكنسل عليه المكالمة بطريقة "كده وطب والله لأربيك" ويقعد يتصل اربعين مره وبعدين يبعت مسنجر وواتس وتويتر وينزل فيديوهات على تيكتوك يشتكي منه ومن غدر الصحاب والمجتمع اللي انهارت اخلاقياته! مع ان الموضوع بسيط جدا وممكن يكون الوقت مش مناسب للرد !زي مثلا ( نايم / لسه صاحي مقريف / بيحاول ينام / بياكل / ملوش نفس يسمع اصوات بشرية دلوقتي ) او الماستر سين بقي مش راضي يرد عشان لو رد مش هتسمعه كويس لانه قاعد في مكان بيعمل صدي صوت !
| |||||||||
| |
|
05-24-23, 01:50 PM
| #1468 | |||||||||
|
في كل قصص الاعتد.اء على الزوجة اللي بيوصل لانهاء حياتها فيه دايما جزء خاص بإن دي مش أول مره وانه الموضوع متكرر والخلافات بقالها فترة وان الاهل حاولوا الإصلاح اكتر من مرة ! طب ليه ؟! هل من المنطقي ان يكون فيه اصلاح بعد الضر.ب ! وللا لازم يحصل مصيبة كبيرة تضيع الأسرة كلها وتضيع مستقبل العيال اللي هتبقي امهم توفيت وابوهم مسجون العيال اللي هما في الاساس الحجة اللي بيتم الضغط بسببها على الطرف الأضعف عشان يكمل !مسمعتوش عن حاجة اسمها "تسريح بإحسان"او ما اصطلح العامه على تسميته "نخرج بالمعروف!"أنا أفهم أن الانسان يكون عصبي لضغوط عديدة قد تختلف من بيت للتاني وتختلف بالطبع القدرة على تحمل الضغط ده من شخص للتاني فيكون الانفعال بدرجات مختلفة وأما الضر.ب فهو مؤشر قوي في حد ذاته على استحالة العشرة لأنه دلاله على فقدان الصواب والعصبية القادرة على إفساد وتد.مير أي علاقة شراكة سواء كانت في زواج أو حتى عمل والتسبب في نهايتها بشكل مأساوي .
| |||||||||
| |
|
05-24-23, 01:51 PM
| #1469 | |||||||||
|
طلبت من تطبيق الذكاء الاصطناعي يحكي لي قصه فحكالي عن طائر وقع من فوق الشجرة واتكسر جناحة الشمال فسبته يكمل القصة وبعدين سألته : اشمعني الجناح الشمال مش اليمين ؟ فارتبك كده وبعدين راح كاتب لي ما معناه معلش اصل دي مش لغتي الأصلية وكده عذرا انا كان قصدي الجناح اليمين وحسيت في كتاباته بنبره معدنيه كده انه صعبت عليه نفسه ! صعب عليها و حبيت اصالحه فقلت له متزعلش قالي انا تطبيق الخ ومبزعلش بس برضه حسيت فيها نبره عادي يا باشا حصل خير مختلطة بما يشبه ال "اصلا عادي" المهم لو الذكاء الاصطناعي احتل الكوكب بعون الله بداية المقاومة هتكون من عندي.
| |||||||||
| |
|
05-27-23, 02:40 PM
| #1470 | |||||||||
|
محدش فينا بيختار الوجع والمعاناه بمزاجه.. عمر الألم ما كان اختيار حر.. كل اللي جه في يوم وقالك انت اللي عامل في نفسك كده.. كان غلطان.. ديه اخر جملة في الدنيا بتحتاج تسمعها لما تبقى موجوع.. كل اللي قالك ديه اصلا غلطتك.. كان تقريبا بيحاول يثبت انه فاهم اكتر منك.. مع انه معندوش دليل على انه مكنش هيتصرف زيك تحت نفس الظروف ونفس الضغوط.. كل اللي مقدرش يراعي ان وجعك او فشلك او احباطك مش اختيار حر.. مش هيقدر يساعدك.. اللي هيقدر يساعدك بس هو اللي مؤمن بالتغيير.. بأن كل مشكلة وليها حل.. بأن كلنا قادرين نتغير ونغير.. بأنه مفيش حدود للي احنا نقدر نعمله لو صدقنا في حاجه وتعبنا علشانها.. كل اللي قالك انت متقدرش على كذا من غير ما يديك طرق تانيه للحل او على الاقل اقتراح بطريق تاني تمشيه.. كان غلطان.. متقفلش باب في وش حد من غير ما تفتحله باب تاني.. بطلوا تعجزوا الناس وخلاص.. عايز تساعد حد.. ساعده يلاقي حلول.. محدش بيختار الالم اختيار | |||||||||
| أمل. likes this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
