|
:: قرار هام :: |
إضافة رد |
| LinkBack | أدوات الموضوع | انواع عرض الموضوع |
05-15-23, 12:24 PM | #1447 | |||||||||
|
عندما ياتى المرض ترى الوجوه الحقيقه للاشخاص فلاتندم ع ذلك الابتلاء
| |||||||||
|
05-16-23, 10:16 AM | #1448 | |||||||||
|
فيه ناس كتير اوي بتعمل مجهود رهيب في محاولة بائسة لتحويل الغير معروف الى معروف.. الغير معلوم الى معلوم.. تلاقيهم بيقضوا وقت ومجهود وفرهدة وضغط نفسي في التدوير في نوايا ودوافع الناس.. هما عملوا ده ليه؟ هما كانوا يقصدوا ايه؟ هما اصلا عايزين ايه؟ او التدوير في احداث المستقبل.. حتمية حدوث كذا من عدمه.. مصير كذا.. تطور كذا.. وفي الحته دي هما مش بيعملوا دراسة جدوى.. هما مش بيدورا في حاجه هتوصل لو دورت.. لا ديه مجرد محاولة بائسة للتحكم في ما لا يمكن التحكم فيه.. والاستعداد لما لا يمكن الاستعداد له.. زي ما الفرنساوين بيقولوا Que sera sera ولو قعدت توقعت كل اللي تقدر تتوقعه.. وحرقت كل طاقة العالم وكل مجهود الدنيا.. لازالت الناس والاقدار هتيجي بمفاجآت جديده برضه.. وفر طاقتك للجاي لما يبقى ييجي.. علشان ميجيش يلاقيك خلصان اصلا فيدوسك.. | |||||||||
|
05-16-23, 10:17 AM | #1449 | |||||||||
|
هو ايه كل الاعلانات اللي بتقعد تقولك إلحق.. إلحق احسن شاليه.. إلحق افظع شقة.. إلحق اروع فيو.. إلحق اخر فرصه.. إلحق العدد محدود.. إلحق تخفيضات رمضان.. إلحق عرض شم النسيم.. إلحق عروض العيد.. إلحق تصفيات بسعر الجملة... كاننا على طول متأخرين ومحتاجين نلحق.. وخير اللهم اجعله خير البلد مفيهاش عروض تتلحق اصلا.. احنا لا كان ولا هيبقى عندنا عروض لقطة ولا تحفة ولا بنص السعر ولا اي هجص من ده.. فانت مش محتاج تلحق والله.. على اقل من مهلك والنعمه.. لا دلوقتي هينزلولك في سعر ولا بعدين.. ده انا بقلق لما يجيلي رسالة بتقولي عزيزي العميل.. قوم اجري ألحق؟ | |||||||||
|
05-16-23, 10:19 AM | #1450 | |||||||||
|
يوميا يجيلي اتصالات من سيلز الكومباوندات مستغربين جدا اني لسه مخدتش وحده في الكومباوند الفلاني مع ان الأسعار بتبدأ من اتنين مليون بس والواحد بقي عنده إحساس مزمن بالذنب وازاي انه مش قادر يستغل فرصه زي دي ويرحم احفاده من تريقة صحابهم عليهم في المدرسة وهما بيحكولهم ان جدي كان معروض عليه يشتري باتنين مليون بس هو كان بيعتذر وبعدين يروحوا يشتروا بالاتنين مليون كيسين شيبسي باليورانيوم وزبادي بالذكاء الصناعي.
| |||||||||
|
05-16-23, 10:23 AM | #1451 | |||||||||
|
ليست الاشياء كما تبدو.. الناس بتفترض ان لو احنا ناس كويسين.. عيالنا بالتبعيه هيطلعوا كويسين.. مع ان القاعده دي عمرها ما كانت حقيقية.. ومع تسارع ايقاع الحياة.. والعولمه.. والانترنت... وبلاوي زرقا كتير.. القاعدة دي اتضربت في مقتل.. كونا كويسين دي عامله زي ما نكون احنا فاهمين منهج معين او مادة معينه كويس.. اننا نربي دي بقا.. معناها اننا نعرف ننقل العلم والتجربه دي كويس.. والاتنين مش زي بعض.. كلنا في الجامعه مثلا قابلنا ناس شاطره جدا في شغلها على حد ما نسمع.. لكن ييجي يشرح للطلبه ميفهموش منه حاجه.. او يبقى مش بييجي في مواعيده يشرح للطلبه اصلا.. وبالتالي هو عارف.. هو فاهم.. هو شاطر.. لكن عنده قصور كبير في قدرته على نقل العلم.. ديه مجرد نظره مبسطه للموضوع.. لانه فيه حته تانيه مهمه جدا.. نظرية السفنجه.. الاطفال عامله زي السفنجه .. طول الوقت بتشرب من البيئة المحيطه.. احنا بنزعق.. هما هيطلعوا بيزعقوا.. احنا بنصوت.. هما هيطلعوا بيصوتوا.. احنا بنتخانق.. هما هيطلعوا بيتخانقوا.. او هيطلعوا بيخافوا.. احنا حاجات كتير.. الولاد مخهم شايفها وحاسس بيها طول الوقت.. وبالتالي هما بيكتسبوا حاجات كتير اوي من غير ما نقول ولا نشرح.. واللي بيكتسبوه بالمعايشه.. اكثر قوه من اللي بيكتسبوه بالتعليمات.. عيالنا مش زرع شيطاني.. ولو موقفناش كل فتره قصيره او كل ما نشوف فيهم حاجه مش مزبوطه.. نسأل نفسنا احنا عملنا ايه غلط .. او بنعمل ايه غلط.. مش هنعرف نصلح حاجه.. ولو معملناش ده من بدري وطول الوقت.. مش بنفوق غير بعد فوات الأوان.. | |||||||||
|
05-16-23, 10:25 AM | #1452 | |||||||||
|
لطالما أحببت ذلك الانسان الذي تظهر عيوبه واضحة بجلاء من خلال كلامه وكتاباته و مواقفه وانحيازاته هذا شخص طبيعي اختار بكامل إرادته ان يظهر لك جزءا من حقيقته دون مواربه او تجميل ! واما الشخص المثالي فهو غالبا ممثل بدرجة قدير على مسرح التواصل الاجتماعي ينتقي كلماته ومواقفه بعناية شديدة فأنت لا تتعامل مع حقيقته وانما مع شخص اخر مصنوع بدقة لينال إعجاب الآخرين .
| |||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||