11-19-21, 11:06 AM
| #1063 | |||||||||
 
|  الستات في مجتمعنا عندهم لغة غريبه جدا في الكلام عن الرجاله.. اصل هو امه اللي محرضاه.. اصل اخته اللي سايقاه.. اصل هي اللي ضحكت عليه.. اصل هي اللي لفت عليه.. اصل مراته اللي وزاه علينا.. اصل وبعدين واحده ست تانيه وبعدين بتحركه ازاي.. في كل الجمل هو الراجل مجرد مفعول به.. مجرد حاجه واحده تانيه بتحركها.. والجمل دي بتتقال من كل فئات الشعب.. بقناعه مطلقة.. وللأسف الشديد عادة اللي بتقولها ستات.. ليه وازاي وامتى الستات عملت كده؟ معرفش. بس هو شئ ملفت للنظر.. والستات حتى مش بتاخد بالها من كم الاهانه للراجل اللي في الجمل دي. اللي بتتعامل معاه على انه مجرد مفعول به.. ولا بتاخد بالها انهم بيشيلوا بني جنسهم الليله.. هو دايما فيه واحده ست ورا المصيبة.. والحقيقه اللي مش بفهمه.. التضارب الصارخ بين التعبيرات دي.. وبين الافكار المجتمعيه عن قيادة الرجل وان هو اللي بيوجه وهو المسؤول وهو المفروض يعمل والمفروض يسوي والمفروض والمفروض.. لا نرسى على بر كده.. ده احنا مجتمع فيه جمله زي ابن امه شتيمه.. وكأنه المفروض يبقى ابن حد تاني مثلا.. في الوقت اللي الناس بتقول فيه الجمل دي بمنتهى التلقائية.. الا ان اللغة اللي بيستخدمها المجتمع.. بتحكي كتير اوي عنه..من غير حتى ما ناخد بالنا.. يعني تخيلوا ان تعقيباً على الجمل دي.. حابه ألفت نظركم ان الراجل كائن عاقل بالغ مكلف.. مش مجرد شخليله في ايد حد. نعمل حركه لتحرير الرجاله بقا من السيطره النسائية | |||||||||
| ومضة likes this.  |
|
11-19-21, 11:39 AM
| #1064 | |||||||||
| ليه الضحية بتتلام ؟! ليه بعض الناس بتلاقى سهولة فى لوم المظلوم و بنسمع اصوات مش قليلة تتعاطف و تدافع عن الجانى؟! العقل السوى بيشوف أى واقعة بشكل محايد ،يقيم فيه الفعل و رد الفعل و ممكن شوية يتخيل نفسه لو فى الوضع ده ممكن يتصرف ازاى ..وبالتالى بيكون أمر واضح قدامه أن الجانى مؤذى و يستحق العقوبة. اومال ليه بعض الناس الرؤية بتكون مشوشة بالنسبة لهم لدرجة أنهم يتعاطفوا مع الطرف المجرم؟! ♦️ الخوف الشديد من التعرض لموقف مشابه وفقد السيطرة بيولد احساس بعدم الأمان و كوسيلة دفاع بيستدعى أفكار زى "أنا لو مكانه ده مش حيحصل" و بالتالى "اكيد هو مادافعش عن نفسه كفاية" ...و فجأة يتحول الضحية لشخص غير كفء فى المحافظة على نفسه. ♦️النظرية الغير واقعية أن ( #العدل_يسود_العالم) و بالتالى اللى بيتبنوا النظرية دى شايفين أن "فلان اكيد يستاهل اللى يجراله" لأنه يستحق ده من منطلق أن مفيش ظلم فى العالم ....الناس اللى بتدعم الفكرة دى بيكونوا يا قاسيين قوى و معندهمش اى تعاطف أو سذج جدا و عايشين فى حالة منفصلة عن الواقع و تلاقيهم دايما يكذبوا أى كلام عن احتمالية وجود الخطر قريب و جملتهم الشهيرة "بلاش نظرية المؤامرة". ♦️صياغة #الخبر و عرض تفاصيل الجريمة بشكل يدين الضحية و بالتالى العقل يميل لتبرير حدوث أذى ليها زى مثلا "خرجت بصحبة غريب فاغتصبها" ،يبدأ العقل ينسى تماما مين الفاعل ...أو العكس أن الخبر يتقلب بشكل يثير التعاطف مع الجانى "ظروفه الاجتماعية و حالته النفسية دفعته للسرقة و الاعتداء على المارة" و كإننا بنقدم المبررات للسلوك المرفوض. و ده بنشوفه كتير فى السوشيال ميديا خصوصا مع الافعال المنافية للأخلاق أو القانون و اللى غالبا بيخلط ما بين " #إنسانية" الشخص و مابين" #مسئوليته عن أفعاله" و "حق الآخرين والمجتمع " قصاد " #حريته الشخصية". ♦️الألم النفسى الشديد اللى بنتعرضله مع سماع جريمة بشعة و تخيلها بيخلى العقل الباطن يطلع دفاعات زى #الإنكار "استحالة ده يكون حصل" و بالتالى نكذب الضحية أو الواقعة. ♦️القيم الاخلاقية لو انهارت فى المجتمع و أولويات الناس بقت السعى ورا رغباتهم الشخصية بغض النظر عن الوسيلة بتقلل الحماية المجتمعية و بالتالى الصمت من المشاهدين للجريمة. ♦️التربية المبنية على "عدم تحمل مسئولية أفعالى" أو أن انا "احسن من الناس و استحق استثناءات فى المعاملة" بتخلى بعض الأشخاص يرفضوا فكرة انى لو غلطت اتعاقب لأن دايما فى حد حيشيل عنى العقاب. ♦️انتشار شعار " #إحمى_نفسك" و كأن المجتمع ملوش دور فى حماية أفراده ، ده بيخلى الناس تتخلى عن مسئوليتها فى الدفاع عن بعض و يرموا اللوم على غيرهم. ♦️مرتكب جريمة مشابهة حيبررها من منطلق "انا مش وحش" ...لكن الاعجب أن ممكن ضحايا سابقين لنفس الواقعة بيعملوا حاجة اسمها identification with aggressor أو #التشبه بالمؤذى و يكرروا هما نفسهم نفس الأذى مع غيرهم علشان يحسوا أنهم فى موضع قوة. الضحية تستحق الدعم النفسى و المعنوى حتى لو شاركت فى المسئولية أو اتورطت لأى سبب فى مشكلتها. و الجانى يستحق العقوبة حتى لو كتر متعاطفينه ،حتى لو شبه ظروفنا ، حتى لو هددنا بالدموع و أذى النفس. | |||||||||
| |
|
11-21-21, 09:25 AM
| #1065 | |||||||||
| لما تزور حد والحد ده ساكن في مكان بعيد والطريق لبيته زحمة او مكسر ... مفيش داعي تحسسه انك اتبهدلت عشان تزوره ،.. هو بيبقي حاسس بالإحراج لوحده ... هو عارف ان المنطقة اللي هو عايش فيها زحمة ومكسرة ... وهو لو كان بإيده انه يسكن في مكان أحسن كان عمل كده. - لما تزور حد شقته ضيقة او الجو فيها حر ... مفيش داعي كل شوية تتكلم عن شقتك الواسعة وتتكلم عن أهمية البراح والوسع والتكييف ... مش لازم تنغص عليه حياته .... هو لو كان قادر يشتري قصر ماكنش إتأخر.... هون عليه وحسسه ان شقته جميلة وفيها بركة رغم انها مش كبيرة. - مفيش داعي تهزر مع حد بكلام انت عارف انه بيضايقه لمجرد انك بتستمتع بده.... للأسف في ناس بتتبسط لما تشوف اللي قصادها محروق دمه ومضايق. - مفيش داعي كل ما تشوف صاحبك تفكره انه تخين وشكله وحش.... هو حافظ شكله كويس ومضايق منه.... لو عندك نصيحة تنفعه في مشكلته وهو هيقبلها قولهاله ... غير كده بلاش تحرجه. - مفيش داعي تتكلم عن مدرسة ولادك الغالية النضيفة اللي بتعمل أنشطة كتير قصاد واحد ظروفه المادية إضطرته يودي ولاده مدرسة متواضعة جدا. - مفيش داعي تتكلم عن عربيتك وإزاي هي بتسهل عليك حياتك قصاد واحد طلعان عين اللي جبوه في المواصلات كل يوم. الانسان بطبيعته بيحب يحس بالتميز ... وبيحب اللي حواليه يحسوا بتميزه بده... وأحيانا شعوره بالتميز بيبقي مرهون انه يشوفه في عيون الآخرين .... بس الأسلوب ده ممكن يكسر قلوب ناس حوالينا وينغص عليهم حياتهم. | |||||||||
| |
|
11-21-21, 09:26 AM
| #1066 | |||||||||
| لو جوزك راجل طيب ومستقيم ...وبيحبك وبيحب ولادكم ... وبيسعى على رزقكم وبيأكلكم حلال ... وبيصلي ويعرف ربنا ... وحنين عليكي ومش بيهيينك ومش بتهوني عليه.... يبقى ده راجل كويس. ممكن يكون مش رومانسي او مش بيقول كلام حلو ...او مش بيسمعك بالشكل اللي يرضيكي ...ودي مشكلة فعلا ...وحقك عليه انه يشبعك عاطفيا ...ومهم انه يتفهم احتياجاتك ويدور على اللي يسعدك ... لكن ده مش معناه ان الحياة معاه لا تطاق لو مراتك طيبة ... وبتحافظ على إسمك وعرضك في وجودك وفي غيابك .. ومهتمة بأولادكم ...وبتصلي ومحتشمة وتعرف ربنا...وإنسانة مرنة ولينة ومش عنيدة... وعارفة حقك عليها كزوج .. ومش بتقطعك من أهلك ومش بتدفعك بطلباتها الكتير للفلوس الحرام ... يبقى دي زوجة كويسة. ممكن تكون هي مقصرة شوية في شكلها او مش فرفوشة ودلوعة بالشكل اللي يرضيك... او مقصرة شوية في تفصيلة او اكتر في مسئوليات البيت... لكن ده مش معناه ان الحياة معاها لا تطاق كل البيوت فيها مشاكل وكلنا عندنا عيوب ...وكون ان فيه شوية مشاكل في التواصل او في حاجات تانية ... ده مش معناه ان الدنيا تسود في عينينا واننا نفكر في الطلاق ((إلا لو إتأكدنا فعلا ان العيوب دي مش قادرين نتجاوزها فعلا)) انا بقول الكلام ده ليه؟ ... لان في بيوت كتير بقى فيها حالة من السخط و التركيز على الحاجات اللي ناقصة ... والناس بقت بتستسهل الطلاق ..وده لأسباب كتير نتكلم عنها لاحقا . إسألوني انا ... وانا اقولكم على البيوت اللي فيها مصايب فعلا .... انا بيجيلي إستشارات لبيوت فيها الطرفين بينهم إهانات وعنف وخيانات وقطيعة رحم وإضطرابات نفسية ..الخ. فلو بيتكم بيت كويس... حاوطوا عليه ... وحلوا مشاكلكم ...وتغافلوا ..وشوفوا الحلو اللي عندكم.. ولا تنسوا الفضل بينكم ❤ ملحوظة : البوست مش تبرير للاهمال والتقصير .... البوست هدفه إننا نحاول نكون منصفين ونحاول نحط كل مشكلة في حجمها ونحاول نحلها او نتغافل عنها ولكن لو الموضوع غير محتمل فعلا... ومش قادرين نتجاوز ... يبقى تسريح بإحسان | |||||||||
| |
|
11-21-21, 09:26 AM
| #1067 | |||||||||
| العيان محتاج حد يزوره يخفف عنه...أهل المتوفى محتاجين حد يطبطب عليهم ... الناس الكبيرة في السن محتاجين حد يتفقد أحوالهم...المكتئب محتاج حد يطمن عليه .. والناجح محتاج حد يقوله براڤو... وده الاصل شرعا وعرفا. الترابط والتواصل بين الناس مهم لنفسية الفرد ومهم لسلامة المجتمع بشكل عام المشكلة إننا ألزمنا نفسنا بعادات إجتماعية خلت التواصل مع الناس حاجة مرهقة ومكلفة جدا......زي انه لازم لما تزور حد تاخد معاك حاجة غالية بغض النظر عن حالتك المادية.... وزي ان البنت ماينفعش تروح نفس المكان بنفس الطقم مرتين 😃.... وان لما حد يجي يزورك لازم تعمل أكل وشرب بشكل مكلف حتي لو هاتستدين....الخ والمشكلة كمان اننا مابقيناش نتبع آداب الإسلام في علاقتنا مع الناس اللي حوالينا ولا بقينا نعلمها لولادنا .... زي التخفيف في زيارة المريض ... والاستئذان قبل الزيارة.... وزي عدم التدخل في شؤون الغير من خلال الأسئلة المحرجة... وزي عدم السهر لوقت متأخر....الخ بالاضافه للمشاكل العامة اللي ضربت كل بيوتنا زي الأزمة الاقتصادية ... وزي طول المسافات والتكدس المروري... وزي العمل لساعات متأخرة . بعد الكلام اللي فوق .. بقينا نحس أن العلاقات الاجتماعية مرهقة ومكلفة ماديا ونفسيا .... وبقينا عايشين في جزر منعزلة .... وإندثرت معاني مهمة زي صلة الرحم وبر الوالدين والتخفيف عن اصحاب الالام من المرضي وغيرهم... وبقينا نسمع ان في ناس بتموت وماحدش بيحس بيها وناس بتنتحر بسبب الفقر والاكتئاب....الخ إحنا محتاجين نرجع للبساطة ونرجع نطبق الآداب العامة في علاقتنا مع الناس.... ومحتاجين نجدد نيتنا…وقتها هانشوف أن صلة الرحم وبر الوالدين و زيارة المريض حاجات مهمة ..مش مجرد حاجات مكلفة نفسيا و ماديا. | |||||||||
| |
|
11-21-21, 09:27 AM
| #1068 | |||||||||
| كان ممكن يعتذر ويقول ( أنا آسف) ..... لكن الكبر منعه ...وكمان حاول يقلب الترابيزة عليها ... وضيع أيام في النكد .... وساب بكلامه الناشف جروح تعيش لسنين .... وكل ده بسبب (الكبر والعند) كان ممكن لما غلطت تقول له (حقك عليا ... انا غلطانة ... متأسفة) .... ورغم أنها عارفة انها غلطانة و ما ينفعش تسيبه زعلان فضلت مصرة على موقفها وحاولت تبرر فعلها ... وفضلوا زعلانين لفترة ....وكرة التلج إتدحرجت والموضوع كبر وكان هايوصل للطلاق وده كله بسبب (الكبر والعند). الكبر والعند ... بيخلونا نضيع حياتنا في النكد بدل ما نقضي وقت لطيف مع بعض.....وبيكسروا قلوبنا وبيزودوا الجفا... وبيكبروا المشاكل الصغيرة . الكبر بيخرب دنيانا..وبيخسرنا آخرتنا . قال النبي ﷺ : (لا يدخل الجنة من كان في قلبه مثقال ذرة من كبر) | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2613Likes
