| |||||||
| :: قرار هام :: |
2611Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
10-13-21, 09:14 AM
| #895 | |||||||||
 
|  موقف ١ : هي لبست لبس حلو وحطت ميك اب وحركات ومستنية لحظة دخوله للبيت عشان تشوف في عينه لمعة الاعجاب بيها ومنتظرة انه يقولها كلمتين حلوين....لكن هو كان جاي من شغله اللي عنده فيه خمسين مشكلة... ومن الطريق اللي واقف.... ومش شايف قصاده أساسا ....وكل اللي بيحلم بيه لحظة دخوله البيت عشان يترمي ع السرير عشان يفصل شوية. هو ماشفهاش أساسا رغم أن عينه مفتحة.... ودخل علي سريره ... وبالتالي هو بقي بالنسبالها الراجل اللي مش بيهتم بيها والمش رومانسي .. وقعدت تشتمه في سرها لحد الصبح.. وراحت دفنت نفسها في الرواية الرومانسية او في المسلسل التركي وقعدت تلعن حظها الاسود. 🛑 موقف ٢ : هو جايبلها هدية مع بوكيه ورد....وراجع البيت و متخيل إن البيت متروق وان مراته شبه سندريلا في الجزء الاخير من الكارتون.. وأنه اول ما هيدخل البيت هي هتجري تترمي في حضنه واول ما هيوريها الهدية والورد هيغمى عليها 🙈 لكن اللي حصل ان وهو بيفتح الباب سمع صوتها وهي بتزعق في العيال. ..واللعب مرمية في كل مكان وفي شباشب بتطير.... ومراته شبه الست بتاعة (مين اللي اكل الجبنه يا كلاب). هو بيحس بالاحباط وبيحس إن مراته كائن نكدي بالفطرة ويندم علي الفلوس اللي دفعها في الهدية ويحس أنه لو كان اشتري نص رومي ونص لانشون كان هيبقي احسن. في الجواز - مش شرط انك تلاقي دايما شريك حياتك موجود في الموود اللي انت عايش فيه دلوقتي .... ممكن تبقي انت في الزون بتاعة (الحب مولع في الدرة)... وشريك حياتك في الزون بتاعة (بقولك أيام سودة) .... لكن طبعا الاصل اننا بنهتم بمشاعر وإحتياجات بعض.... وان في بينا رصيد بيساعدنا علي التغافل وتفهم لحظات الفتور . - لما يحصلك موقف شبه المواقف اللي فوق....بلاش تحكم علي شريك حياتك احكام عامة زي ( هي نكدية....هو مش مهتم....هي مش رومانسية....هو مابيطمرش فيه حاجة.....الخ).... وإفتكر إن كان في لحظات حلوة بينكم. - لما تحب تعيش شعور معين مع شريك حياتك....خليك لمّاح.... وحاول تختار الوقت المناسب للي عاوز تعمله....ولو جو المفاجأت مابيكلش معاه....مفيش مشكله انك تهيأ الجو قبل أي حركة.... غياب الساسبنس بتاع المفاجأة أحسن من الكسفة وكسرة المشاعر. | |||||||||
| HANADY likes this.  |
|
10-13-21, 09:15 AM
| #896 | |||||||||
| الوفاء لزوجتك... وعدم دخولك في علاقة غير شرعية مع ست تانية ... ده مش منّة وفضل منك ... دي حاجة حضرتك مطالب بيها... ولو انت مش مبسوط مع زوجتك ده مش مبرر إنك تبص بره او تكلم واحدة تانية في إطار غير شرعي إخلاصك لزوجك ... ده شئ أساسي ... طول ما انتِ على ذمته وشايلة إسمه حضرتك مطالبة إنك تحفظي عرضه وشرفه ومش معنى إنه مش بيقولك الكلام اللي نفسك تسمعيه او انه مش بيلبي إحتياجاتك .. إنه يكون ده مبرر إنك تتواصلي مع راجل تاني لتعويض النقص ده إحنا قبل من بنخون شريك حياتنا ... إحنا بنعصي الله عز وجل وبنضيع حدوده ...وهنتحاسب على الكلام ده. طب لو علاقتي بشريك حياتي مش عملالي إشباع فعلا لدرجة الدخول في دايرة الضعف قصاد اي حد وأي حاجة ... وقتها نشوف إزاي نصلح العلاقة بحيث نوصل للحد من الاشباع ...ولو فشلنا في ده نشوف إيه البدايل المشروعة للخروج من الدايرة دي ... لكن بلاش نستسهل الانزلاق في الحرام تحت فكرة (غصبا عني) ده مش معناه اني مش متفهم طبيعة الضعف البشري ... بالعكس والله ...أسأل الله أن يعصمنا جميعا من الضعف والزلل ... لكن انا بقول ده لأن في شخص ممكن يدخل دايرة الحرام وبسهولة وهو شايف إن ده طبيعي ومبرر ما دام شريك حياته مش قادر يحقق الحد الادني من الاشباع .... وده للأسف خلى بيوت كتير تقع في فخ الخيانات (رجال ونساء) وبشكل غير مسبوق العفة والتمسك بالحلال مسئولية كل واحد فينا | |||||||||
| HANADY likes this. |
|
10-13-21, 09:55 AM
| #897 | |||||||||
| مفيش راجل بيشتم مراته كده مرة واحدة ... أكيد مراته هي اللي استفزته مفيش راجل بيتلكك لمراته وولاده في البيت... أكيد هما اللي مهملين 🟢 مفيش ست عصبية منها لنفسها كده ... أكيد جوزها هو اللي وصلها لكده مفيش ست عنيدة ... أكيد جوزها اللي مش عارف يتعامل معاها مفيش ست سليطة اللسان .... أكيد جوزها اللي بيضغط عليها الكلام اللي فوق ده بيستخدمه ناس كتير عندهم مشاكل ... بس بيقولوا الكلام اللي فوق ده تبرير لسوء الخلق . لا يا جماعة ... في راجل عصبي فعلا .... ودي مشكلته في ست سليطة اللسان ... ودي مشكلتها في راجل دقيق المحاسبة... ودي مشكلته أحيانا فعلا بنتحط في بيئة بتخرج أسوأ ما فينا ...وفي ناس بيحصلها تشوه نفسي فعلا بسبب الضغط . لكن ده لا يمنع إن في ناس بتعاني فعلا من مشاكل أخلاقية ونفسية ولازم تحاول تعالج نفسها ... وأول خطوات العلاج الاعتراف بالمشكلة أساسا (اللي احنا بنسميها مرحلة الاستبصار) ولازم دايما نسأل نفسنا سؤال ونرد عليه بصدق ...والسؤال هو ( هل خطأي فعلا مجرد رد فعل فعلا؟ ... ولا أنا عندي مشكلة ومحتاجة تتعالج؟) وبعد كده نشوف نحل الوضع ازاي الكبر ... وإفتراض ان كل أخطاءنا مجرد رد فعلا مش أكتر ... عمر الكلام ده ما هايخلي حياتنا أفضل... ولا هايعفينا من تحمل المسئولية أمام الناس اللي بنتعامل معاهم او أمام الله عز وجل | |||||||||
| |
|
10-13-21, 09:56 AM
| #898 | |||||||||
| ن الحاجات اللطيفة... إننا بعد الجواز نحافظ على الحد الأدنى من الرقي في التعامل والجنتلة وكرم الأخلاق اللي كنا بنتعامل بيهم في فترة التعارف والخطوبة وإنتوا بره البيت ... حاول تريح زوجتك على قد ما تقدر ... شيل عنها أي حاجة تقيلة ... حاول توفر لها أريح ظروف تنقل ممكنة (طبعا على قد إمكانياتك المادية) .. بلاش تكسل إنك تشتري ليها إزازة ميا لما تلاقيها عطشانة مثلا بلاش تشد عليها او تكلمها بحدة او تتريق عليها قصاد الناس (وخصوصا أهاليكم) لو إنت لسانك مش مظبوط ...لحد ما ربنا يهديك 🙂.. حاول تنقي كلامك وانت بتتكلم مع مراتك وولادك... ماينفعش إنك تستسهل السب والشتيمة قصادهم إلبس حلو .... حافظ على نضافتك الشخصية ... و بلاش تستمرئ إنك تلبس هدوم مش نضيفة او مقطعة قصاد زوجتك مش لازم مراتك تطلب منك طلب للبيت ألف مرة عشان تعمله ليها ... عاملها زي ما بتعامل أي حد غريب لما يطلب منك خدمة إتكلمي مع جوزك بتقدير ولين ..إستطعمي كلامك قبل ما تخرجيه من جواكي .... بلاش نحدف طوب بالله عليكي  لما تقدميله حاجة يشربها او يأكلها.. قدمهاله بأشيك طريقة ممكنة (زي أيام الخطوبة كده) خليكي حريصة (على قد ما تقدري) ان شكلك ولبسك يكونوا حلويين طول فترة وجوده ... وخلي الولاد شكلهم حلو قبل ما ابوهم يجي من بره ... مش حلو انه يرجع م الشغل يلاقي شكلهم مش حلو وريحتهم مش حلوة في بيوتنا محتاجين نستخدم عبارات (شكرا ) و (تسلم ايدك) و (لو سمحت ) و ( حاضر) و (من عينيا ) و (معلش او أنا متأسف) الكلام ده مش معناه إننا نتعامل بتكلف زائد غير مريح ... لكن عدم مراعاة التفاصيل دي بتكون بوابة للجفاء والاهمال . الحقيقة إن الرقي في المعاملة بيحفظ الود ويأسر القلب | |||||||||
| |
|
10-13-21, 09:57 AM
| #899 | |||||||||
| من حسن رعاية الأطفال .... الاعتناء بتفاصيلهم الصغيرة .. لكنها كبيرة في عينيهم لما طفل يمسكك من إيدك ويشدك عشان يخليك تشوف حاجة... قوم معاه ... وشوف هو عاوز يوريك إيه .. وبلاش تكسل لما إبنك يسألك عن رسمة رسمها او شكل هو صنعه بالمكعبات ... شوفي الكلام ده كويس ... وشجعيه ... وقوليله رأيك... وقولي ملحوظاتك و إقتراحاتك لما بنوتة صغيرة تلبس فستان حلو ... او تعمل لمسة جمالية في شكلها عشان تعجبك... حلو إنك تبدى إهتمامك... وتعاكسها لما إبنك يمسك فيك كده ويلمسك ويلف حواليك زي القطة اللي بتتمسح في صاحبها .... خده في حضنك ... وطبطب عليه... وإلعب في شعر راسه ... وإهمس في ودنه وقوله (أنا بحبك ) او (إنت صاحبي) ❤ لحظات الحنيه والود ... من أميز لحظات حياتنا وحياة أولادنا .. ومن اللحظات المهمة في طريق سلامتهم النفسية والجسدية | |||||||||
| النايفه likes this. |
|
10-13-21, 09:58 AM
| #900 | |||||||||
| في حاجة بنحاول نعملها في البيت مع الولاد... إننا بنعمل مراجعة بعد أي خروجة او تجمع لشوية السلوكيات والتصرفات اللي حصلت أثناء الخروجة . زي إن حد من الولاد ممكن يكون إتكلم بأسلوب غير لائق مع حد أكبر منه ... او حد إتكلم في حاجة ماكنش المفروض يتكلم فيها لأنها من أسرار البيت.... او إتصرف بدون إستئذان في موقف كان يستدعي الاستئذان... او حصلت خناقة بين حد من الولاد وحد من أقرانه ونتناقش حوالين الموقف ده ... وهكذا وده من باب تقويم السلوك و التطبيق العملي للآداب العامة اللي بنحاول نزرعها جواهم الموضوع ده فيه شوية حاجات لازم ناخد بالنا منها - إن الولاد بيحتاجوا لتدريب قبل المحاسبة ... ماينفعش نحاسب ولادنا على حاجة قبل ما نكلمهم عنها وندربهم عليها .. يعني في الأصل لازم نزرع جوه ولادنا آداب الزيارة وآداب الطعام وآداب دخول الخلاء وإحترام الكبير .. الخ... من خلال القصص والفيديوهات والتوجيه. وكمان ندربهم في الواقع العملي . فعلى سبيل المثال وإحنا رايحين نزور حد . . مهم إننا نفكرهم بالآداب اللي بنتكلم عنها ونتفق معاهم على شوية النقط اللي المفروض ياخدوا بالهم منها أثناء الزيارة - بلاش نحاسب أولادنا او نحرجهم قصاد الناس على قد مانقدر ...لان ده بيكسرهم وبيزرع جواهم رغبة في التمرد والمقاومة ... الأفضل نناقشهم في أخطاءهم وإحنا لوحدنا (الا لو كان الأمر يستدعي التدخل وإحنا في وسط الناس) - وإحنا بنراجع سلوكياتهم ... مهم إننا نتكلم عن الحاجات الحلوة اللي بيعملوها .... وبعد كده نناقشهم في أخطاءهم (لو في حاجة تستدعي المراجعه) على سبيل المثال ( إنت النهاردة كنت مؤدب وانت بتتكلم مع الناس ... برافو ... بس انت أخدت كذا بدون إستئذان وإحنا عارفين إننا لازم نستأذن قبل ما ناخد اي حاجة... ولازم تاخد بالك المرة الجاية ) الأسلوب ده بيحفز الطفل وبيحسسه إن ابوه وأمه بيقوموه مش بيرخموا عليه - التدريب بيحتاج لوقت ... ومحاولات كتير ... ولسعة صدر - مش لازم نقف على كل غلطة وكل هفوة ...التغافل مهم ...مش حلو ان الطفل يحس انه متراقب طول الوقت ... وهما أطفال ووراد إنهم يغلطوا التفاصيل دي لو خدنا بالنا منها ... هاتساعدنا في تقويم سلوك أولادنا وتهذيبهم على المدى البعيد بإذن الله | |||||||||
| النايفه likes this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
