| |||||||
| :: قرار هام :: |
2574Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
10-21-21, 09:06 AM
| #943 | |||||||||
 
|  بتحب مين أكتر ... أنا ولا ماما؟ بتحب مين أكتر ... أنا ولا بابا؟ السؤال ده كارثي في تربية الأولاد. السؤال ده اللي بيحط أولادنا علي أول درجة في سلم التصنيف والتحزب. السؤال ده اللي بيوّصل رسالة للطفل إن الأب والأم ممكن يكونوا جبهتين مش جبهة واحدة...وإنه مضطر يختار بأهواءه جبهة من الجبهتين عشان ينضم ليها. وأحيانا كمان طرف من الطرفين يحاول إنه يقلل من قدر الطرف التاني ( ولو بهزار) قدام الأولاد عشان يكسب قلوبهم. وبعد كده نستغرب إزاي البيت إتحول لجبهتين .. ومحدش كان يتخيل إن البداية كانت من السؤال ده ( بتحب مين أكتر ؟) وانت بتربي أولادك ... حاول تستفيد من أخطاء أبوك وأمك معاك علشان متكررهاش تاني مع أولادك. بس صدقني... ملهاش لازمة دلوقتي إنك تحاسب أبوك وأمك علي أخطاءهم في تربيتك بعد ما كبرت خلاص . ومتحاولش تعرفهم إنهم غلطوا معاك... هما لو كانوا يعرفوا يعملوا معاك أحسن من اللي عملوه مكانوش إتأخروا.. هما ربوك أحسن تربية من وجهة نظرهم ومن خلال ظروفهم ومن خلال اللي إتربوا عليه ومن خلال أفكارهم اللي ممكن كانت غلط وقتها... بس هو ده اللي حصل. كل اللي ممكن تعمله دلوقتي إنك تطبطب عليهم وتريحهم وخليك عارف إنهم مفتاح جنتك. | |||||||||
 |
|
10-21-21, 09:07 AM
| #944 | |||||||||
| أحيانا الزوج بيحتاج إن الزوجة تعامله زي ما بتعامل الضيوف بالظبط... أيوة زي ما بقولكم كده.. يعني محتاج لما يوصل البيت زوجته تقوله ( نورت البيت) ومحتاج إنه لما يدخل البيت الزوجة تقدمله حاجة ( سخنة أو ساقعة حسب الجو) يشربها من غير ما يطلب. وإنها تسأله ( تحب تشرب إيه؟) .وفي عينيها رغبة حقيقية للكرم. وإنها تجهزله الحمام... وترمي الصابونة اللي بقالها أسبوعين ع الحوض ومش عاوزة تخلص لحد مابقت مصدر للإتساخ مش النضافة. ويا سلام لو رشت معطر جو قبل ما يوصل.. وإن لو المووود بتاعها مش كويس ... تحاول تسيطر علي نفسها شوية عشان خاطر ( الضيف) .. أقصد الزوج. صدقوني... لو الزوجة عملت كده... مش بعيد الزوج يدخل عليها ب ٢ كيلو موز لزوم الزيارة | |||||||||
| |
|
10-21-21, 09:08 AM
| #945 | |||||||||
| (أنا آسف) معظم الزوجات بيكون سهل عليهم لما بيغلطوا إنهم يتأسفوا بشكل صريح وده شئ بيحتاجه الزوج . وساعتها الزوجة بتبقي مستنيه من الزوج لما يغلط إنه يعتذر بشكل مباشر زي ما هي بتعمل. لكن الحقيقة إن معظم الأزواج بيكون صعب عليهم كلمة ( أنا آسف). وده مش معناه إنه متكبر أو بيستهين بزوجته ... لكن ممكن يكون ماترباش علي كده ( وده غلط طبعا). الزوج اللي بالنوعية دي ممكن يكون بيعبر عن إعتذاره بشكل مش مباشر. يعني في راجل لما يحب يعتذر لزوجته يقولها ( قومي إلبسي عشان نخرج)..أو ( خلاص متكشريش كده ويبقي دمك تقيل) او يعزمها علي الغدا...او يجبلها هدية..او ممكن يجيبلها حاجة كانت هي طالباها وهو كان منفض. وقتها الزوجة لازم يكون عندها القدرة علي ترجمة الكلام ده ... وتفهم إنه كده بيعتذرلها . طبعا ده ما يمنعش إن الزوجة أحيانا بتبقي محتاجة تسمع إعتذار واضح ومباشر وخصوصا لما بتكون مجروحة جدا... وقتها لازم الزوج يتفهم الشعور ده ويريحها ويطمنها. | |||||||||
| |
|
10-21-21, 09:27 AM
| #946 | |||||||||
| لما إتكلم النبي صلي الله عليه وسلم عن صفات الزوجة الصالحة ، إتكلم عن لقطة معينة ... اللقطة دي ان زوجها لمّا يشوفها يبقي مبسوط (إذا نظر إليها سرّته).. معظمنا بيختزل معني الحديث علي جمال الزوجة وإهتمامها بمظهرها بس الحديث أوسع من كده . ان الزوج ببقي سعيد لمّا يشوفها لمّا يشوفها وهي بتتعامل مع أهله. لمّا يشوفها وهي بتربي أولاده. لمّا يشوفها وهي بتتكلم معاه بحب وود . لمّا يشوفها أول ما يدخل البيت وهي بتستقبله . لمّا يشوفها وهي بتخدمه وبتهتم بيه. لمّا يشوفها وهما سوا برا البيت ويحس إنه فخور بيها. لمّا يشوفها ويحس إنه إختار صح. | |||||||||
| |
|
10-21-21, 09:27 AM
| #947 | |||||||||
| معظمنا إتربي علي عدم الإهتمام بالناس اللي بتربطنا بيهم علاقات إجبارية . يعني ممكن تلاقي واحد بيعامل كل الستات اللي بيقابلهم بمنتهي الچنتلة .. وفي نفس الوقت بيعامل زوجته أو إخواته البنات أو حتي أمه بالزعيق والشخط وقلة الذوق. أو تلاقي واحد بيعامل صحابه بمنتهي الكرم والإهتمام ويقف جنبهم... وبيعامل أخوه بمنتهي الجفاء والبخل. أو تلاقي واحد بيضغط علي نفسه عشان يقضي مصالح كل خلق الله .. وفي نفس الوقت مايرضاش يشتري لأمه حاجه من تحت البيت. في أبهات وأمهات علاقتهم بأولادهم مختزلة في شوية أوامر ونواهي وخناقات.. وتلاقيهم بيعاملوا بقية أولاد الناس بإهتمام وحنية.. متخليش الناس اللي من لحمك ودمك يتمنوا إنهم يبقوا أغراب عنك وعلاقتهم الإجبارية بيك تتقطع عشان ينالوا إهتمامك وحبك وحنيتك. أحيانا ممكن من غير ما نقصد نلاقي نفسنا بنحاول نحمل أخطاءنا علي الناس اللي إحنا عايشين معاهم. وإن في مشاكل كتير بينهم.... فبيعمل كده وهو مش حاسس بالذنب لأن مراته هي السبب. أو إنه إتجر للسرقة أو للرشوة لإن ولاده ومراته أجبروه يعمل كده بسبب طلباتهم. لو عندك مشكلة حاول تحلها حتي لو فعلا أهل بيتك جزء منها... بس لازم تفهم إنك المسئول عن تصرفاتك أدام ربنا.. ومترميش المسئولية الكاملة علي حد تاني. | |||||||||
| |
|
10-21-21, 09:29 AM
| #948 | |||||||||
| من أصعب الحاجات اللي ممكن تعملها في نفسك. إنك تعمل حساب لرأي الناس فيك. وتبقي مهتم هما بيقولوا عنك إيه. وشايفينك كويس ولا وحش. بيبقي نفسك تعمل ترجمة لكل خطوة بتعملها... عشان تقول للناس إنك كويس وإنك ماتقصدش أي حاجة غلط ممكن يفكروا فيها أو يفسروا بيها أفعالك. الموضوع ده بيخليك دايما واخد الكلام علي صدرك... وبتحس انك المقصود من كل كلمة بتتقال ومن كل بوست بيتكتب حتي لو كنت بتحاول تبان إنك مش مهزوز. إرفق بنفسك... خليك واثق من نفسك ومن أفكارك ومن أفعالك ما دام بتراعي رضا ربنا. ولكن إنت لوحدك مش هتقدر تعرف اللي بيرضي ربنا واللي بيغضبه.. هتعرف ده من القرآن والسنة ومن سيرة الصالحين ... وخلي حواليك مجموعة من الصحاب الصادقين الصالحين اللي هينصحوك لو انت وقعت في الغلط. (من أرضى الله بسخط الناس رضي الله عنه وأرضى عنه الناس ، ومن أرضى الناس بسخط الله سخط الله عليه وأسخط عليه الناس ) . | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
