| |||||||
| :: قرار هام :: |
2574Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
10-17-21, 09:22 AM
| #919 | |||||||||
 
|  (( إنت خذلتني)) دي كلمة من الكلام اللي قالته زوجة لزوجها أثناء خناقة حصلت ... لأنها طلبت من جوزها يعمل لها مشوار .... وهو ماكنش مهتم بالشكل الكافي يبقى الموقف صغير... ولما يتكلموا فيه مع بعض ... يقولوا كلام كبير جدا بالنسبة للموقف ... فالمشكلة تبقى كبيرة ... كبيرة بالشكل اللي بيسيب جروح وممكن يوصلهم للطلاق . الموضوع ده آفة بيوت كتير للاسف ... إن الزوجين يتزحلقوا في نقاشات جدلية فلسفية ويستخدموا فيها كلام كبير مجعلص ومصطلحات ضخمة ... مع إن الموضوع أساسا تافه وسطحي ومالوش أي أبعاد مهمة ومالوش أي علاقة بتراكمات تانية فالخناقة تنتهي بكلام من نوعية (إنت خذلتني) او (صحابي كان عندهم حق لما حذروني من الجواز) او ( انا مابقتش عاجباك ) او ( لولا الاولاد كنت طلقتك) او ( أنا مش حاسة بالأمان )... او يتكلموا كلام فلسفي حوالين مفهوم الطاعة ويتهموا بعض بإتهامات من نوعية (إنت متسلط ذكوري ) و (إنتي ناشز وعنيده ) . كل الكلام ده يتقال في موقف كان الأصل فيه خلاف على كوباية الشاي اللي بقالها يومين ع السفرة 😏 مهم إننا نتعلم نحط كل حاجة في حجمها بدون تهويل او تهوين ... وبلاش ننجر بسهولة للترجمة المتضخمة للمواقف ... وبلاش نستسهل إسقاط كلمات كبيرة على مواقف لا تحتمل كده إستهدوا بالله كده ... وزقوا معانا اليوم ...وماتخلوش الحياة صعبة اكتر ما هي صعبة أساسا | |||||||||
 |
|
10-17-21, 09:23 AM
| #920 | |||||||||
| طلحة بن عبيد الله رضي الله عنه أحد العشرة المبشرين بالجنة، نام في فراشه يوماً ولا يستطيع أن ينام، جفاه النوم، وامرأته إلى جانبه، فقالت: ( ما لك؟ هل رابك منا شيء فنعتبك -(تعني: هل حصل مني حاجة زعلتك فأعتذر لك ) فقال لها: ِنعمَ حليلة المرء المسلم أنت (يعني: أنت نعم الزوجة، لا أشتكي منك❤️) ولكن جاءني مال، ولا أدري ماذا أفعل به فقالت : ادع أرحامك ففرقه فيهم ( يعني وزع المال ده على المحتاجين من قرايبك) ....قال: نعم الرأي في مرة انا وزوجتي قابلنا حد يبدو أنه محتاج .. ولكنه عفيف ... فزوجتي قالتلي ( الراجل ده شكله محتاج ) عشان تشجعني ع الصدقة ... فأنا مسكت المحفظة وفي بالي اطلع مبلغ صغير بسيط كده.. لكن ماكنش في فلوس فكة خالص... فأنا بصراحة ترددت للحظة ... راحت قالتلي (إديله ...ده رزقه ... وربنا هايخلف علينا) لولا كلامها ... كنت هابقى محروم من اللحظة دي ... لإني انا اللي كنت محتاج إني أطلع صدقة اكتر من إحتياج الراجل للمال ( نسأل الله القبول) كانت المرأةُ من نساء السلف الصالح تقول لزوجها إذا خرج لكسبٍ أو تجارة ( اتق الله فينا، إياك وكسبَ الحرام فإنا نصبر على الجوع والعطش، ولا نصبر على حرِّ النار وغضب الجبار) الزوجة تأثيرها مش قليل على الزوج وعلى أولادها ... الزوجة الصالحة ميزان البيت .... وكما قال النبي صلى الله عليه وسلم (خير متاع الدنيا الزوجة الصالحة ) | |||||||||
| |
|
10-17-21, 09:25 AM
| #921 | |||||||||
| معلش - عندك حق - أنا حاسة بيك - أنا معاكي شكرا - تسلم إيدك - أنا مقدرة تعبك - إنت تعبتي فعلا النهاردة زعلان ليه يا عم ؟ - عاملة إيه دلوقتي؟ هاقولك رأيي - خلينا نفكر سوا - أنا هاتصرف ألف سلامة عليك - صحتك بالدنيا وصلت ولا لسه ؟ - عملتي إيه في المشكلة اللي قولتيلي عليها ؟ احنا بنتجوز عشان حاجات كتير ... منها المشاعر اللي فوق دي كلنا بنحتاج حد يدعمنا .. وإن حد يسأل علينا .. إن حد يقدر تعبنا ....إن حد يسقف لنا لما نعمل إنجاز ... وإن حد يقف جنبنا وقت الضعف والمرض والمشاكل ...وان حد يسمعنا و ياخد ويدي معانا ويونسنا اي محاولة لتسفيه المشاعر دي او إهمالها تحت فكرة إننا مش فاضيين او المسؤوليات كتييرة او إن الكلام ده رومانسية فارغة ... ده معناه ان الجواز هايتحول فعلا لشوية مسئوليات تقيلة على شوية شد وجذب. الشاب اللي داخل الجواز وهو مش عاوز يسمع مراته لما تتكلم .. ومستكتر يقول لها كلام حلو ... ومستكبر يساعد في مسئوليات البيت... ومش شايف ان له دور في تربية الولاد ... ولا عاوز يحمي مراته من أذى اي حد ... وشايف إن المفروض ان مراته تسمع كلامه في كل كبيرة وصغيرة وبدون مناقشة.... وشايف إن كل دوره في الحياة الزوجية إنه يجيب قرشين يديهم لمراته (ويا ريت تكون هي كمان بتشتغل عشان تساعده في المصاريف) والبنت اللي داخلة الجواز وشايفة إنها مش مطالبة إنها تراعي جوزها وبيتها وولادها... وشايفة إنها مش المفروض انها تعمل أكل ولا ترتب بيتها وتنضفه (ولو عملت جزء من الحاجات دي بيبقى جدعنة منها كده) ... ولا تهتم بشكلها ونفسها ... وإن جوزها مالوش عليها أي حقوق او قوامة ... وبتتعامل مع جوزها بمنتهى الحدة و الندية النماذج اللي فوق دي نتيجة بيوت اصلا متأزمة وماعرفتش تأهل ولادها للجواز .. ونتيجة إعلام مضلل رسم في عقول الشباب والبنات صورة مشوهة عن الحياة الزوجية ...وللأسف لسه قدامنا سنين هانقضيها في التيه ده ... ولحد ما نخرج من التيه ده هاندفع التمن بمزيد من حالات الطلاق وبمزيد من البيوت الغير سعيدة و المفككة... وبمزيد من الأطفال الغير أسوياء.... ولا حول ولا قوة الا بالله | |||||||||
| سحايب شماليه likes this. |
|
10-17-21, 09:26 AM
| #922 | |||||||||
| من الحكمة والنضج إننا نحاول دايما إننا مانسبش اي ذكرى سلبية في حدث المفروض انه سعيد او مميز زي يوم الخطوبة او الفرح او شهر عسل ....او يوم ولادة طفل جديد... او يوم عيد ....او نجاح ... او يوم ترقية في الشغل... وهكذا ليه ؟ لأن الذكرى دي بتلزق وبتتحفر في الذاكرة .. وصعب إننا نخليها تتوه في وسط الايام ... لأنها بتحصل في يوم مميز او المفروض انه كان يبقى مميز لأن شعورنا بالزعل بيكون مضاعف لأننا مش بس بنعيش مشاعر سلبية بسبب الخناقة .. لكن كمان نفوسنا بتتكسر بسبب ضياع الفرحة بالمناسبة اللي كانت المفروض تبقى سعيدة عشان كده لازم نحاول نخلى الاوقات دي تعدي بسلام على قد ما نقدر ... وده عشان يحصل محتاج صبر واحتواء للتفاصيل السخيفة اللي ممكن تظهر وتبوظ الحدث ..فبلاش نستسهل كسرة النفوس والخواطر في الايام دي. في حاجات لو خدتها في حساباتك وانت بتتعامل مع الناس ... هاتفرق جدا في نفسيتك وفي علاقتك بيهم. بلاش تنسى كل المواقف الحلوة اللي عملها الشخص عشان آخر موقف وحش عمله معاك.... كلنا بنغلط. بلاش تصنف الناس يا إما أصدقاء او يا إما أعداء... التصنيف ده مش واقعي ...قسم الناس لدواير مختلفة ومتقاطعة (إخوات ... أصدقاء... زمايل شغل .... زمايل دراسة ...قرايب ... جيران ... عميل بيزنس ... وهكذا) وحط كل واحد في مكانه وإتعامل معاه بالشكل المناسب لكل دايرة ... وممكن نفس الشخص يتحرك من دايرة للتانية على حسب تطور وتغير علاقتكم ببعض. والانسان المؤذي حاول تعتزله - إن أمكن - او سطح علاقتك بيه لو إحتكاكك بيه إجباري (زي الإخوات او القرايب او زمايل العمل مثلا) العشم لو مش في مكانه .... هايجرحك ويقل منك. حاول تزهد في الحاجة اللي في إيد الناس ... هايحبوك . لو مابتعرفش تعامل الناس أحيانا عشان خاطر ربنا بس... بدافع (صلة الرحم او بر الوالدين أو فك الكربات او حق الجار أو نقل علم ... وهكذا ) هاتكتشف إن معظم العلاقات عبارة عن حمل كبير مش اكتر ... فجدد نيتك. | |||||||||
| سحايب شماليه and HANADY like this. |
|
10-17-21, 09:27 AM
| #923 | |||||||||
| من المشاعر اللطيفة في الحياة الزوجية .... انك تبتدي تشوف المعاني الجميلة المدفونة جوه الحاجات اللي قد تبدو انها عيوب. - يعني تشوف لسعة نار البوتاجاز اللي في إيد مراتك مش مجرد تشوه في الجلد....لكن تشوفه دليل تعبها وهي بتحضرلك الاكل. - وبطنها اللي حصل فيها شوية ترهلات .... ده حصل بعد الحمل و الولادة القيصري اللي جابت بيهم عيالك. - وعينيها الدبلانة ...ده بعد سهر ليلتين مع أبنك الرضيع اللي حالف ما ينام بقاله يومين. - قميص جوزك اللي مليان عرق ... ده بعد الجري على أكل العيش طول اليوم عشان يقدر يحقق طلباتكم. - والعصبية اللي بتنزل عليه أحيانا ده بسبب ضغط الشغل و المسئولية اللي حاسس بيها . ده مش معناه اننا نهمل في نفسنا وفي نضافتنا وفي لبسنا...ومش معناه اننا نسيب أخلاقنا وطباعنا فريسة لضغوط الحياة ....احنا مطالبين بمحاولة التجمل طول الوقت. لكن دي محاولة لرؤية شريك حياتك بشكل مختلف .... رؤية متناسقة مع طبيعة الحياة الدنيا اللي مش ممكن تخلو من العيوب و النقصان . أما كمال الحال.... ففي جنة الخلد إن شاء الله | |||||||||
| سحايب شماليه and HANADY like this. |
|
10-17-21, 09:33 AM
| #924 | |||||||||
| أقولكم على حاجة ..... بس من غير زعل ...في مشكلة في الجيل بتاعنا في موضوع الجواز ....إن الجيل بتاعنا عنده شوية هشاشة كده .... احنا جيل طري شوية .... في كتير مننا مش بيستحملوا مسئولية الجواز .. و الطلاق بقى بيتطرح على خناقات صغيرة ... والبيوت بتتهز جامد مع اصغر عاصفة... الهروب بقى من أقرب بوابات الخروج من المشاكل ... وفي بيوت بتنهار مع اول شوية ضغط.... بقينا نتأثر بالمشاكل اللي بتحصل تأثر متضخم جدا.. ونفسنا قصير جدا في مواجهة المشاكل وحلها. ده طبعا ليه أسباب كتير : زي طبيعة النشأة اللي اتربينا فيها ...وزي التصورات الوردية والمغلوطة اللي عند كتير من الشباب والبنات عن الجواز. وزي تأثير الميديا على حياتنا .... وزي شيوع الطلاق اللي خلى الناس تتعود على فكرة الانفصال والتأقلم عليها أحيانا ببقى نفسي أقول للزوجين اللي بيجولي في جلسات الاستشارات (ما تنشفوا شوية كده ... وده مش عدم أحساس مني بمعاناتهم.... بالعكس ... اللي زي حالاتي بيبقوا عارفين أوجاع الناس كويس وقت المشاكل .... بس الحقيقة مش صح إن كل ما تحصل مشكلة... الوضع يتأزم جامد ونلاقي إن الطلاق بيحوم حوالين البيت. عشان كده التأهيل للجواز بقى شئ ضروري .... ضروري عشان حاجات كتير من أهمها رفع اللياقة النفسية للاجيال الجاية عشان يعرفوا إزاي يتحملوا مسئولية الجواز وإزاي يتعاملوا مع تحدياته طبعا في حالات بيكون فيها المشاكل فعلا صعبة .. وحالات بيكون الطلاق فعلا أقل الخساير ... وبيكون الناس فعلا إتحملت كتير قبل الطلاق .... بس طبعا الحالات دي أقل بكتير من معدلات الطلاق اللي بيشهدها المجتمع دلوقتي | |||||||||
| سحايب شماليه and HANADY like this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
