| |||||||
| :: قرار هام :: |
2574Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
11-13-21, 09:01 AM
| #1027 | |||||||||
 
|  فيلم مش انا بتاع تامر حسني بيتكلم عن متلازمة مرضية اسمها متلازمة اليد الغريبة و هي عبارة أنك بتفقد السيطره علي ايدك كإنها بقت شخص تاني غريب عنك بتتصرف من تلقاء نفسها و مش بتاخد أوامرها من عقلك الواعي المتلازمة دي في أحد النظريات تعتبر من الإضطرابات الإنشقاقية و دا معناه أن جزء من الشخصية بينشق ويتمرد و بيفقد العقل الواعي السيطرة عليه فيبتدي الجزء دا يتحرك طبقا لدوافع اللاوعي و يحقق أهدافها زي مثلا اضطراب تعدد الشخصية الإنشقاقي ، سعاد حسني في فيلم بئر الحرمان كانت ست بيت هادئة لكن عندها حرمان عاطفي شديد ممتد من امها مش قادرة تعبر عنه ولا حتي تعترف بيه بعقلها الواعي فالحل كان أن المخ يقرر يخترع شخصية تانية خارجه عن تحكم الوعي علشان تقوم بالوظيفة دي فتتحول بالليل لشخص تاني تماما بيروح الكباريهات و يرقص و يشرب هناك ويتعرف علي رجال بحثا عن الحب والعاطفة في فيلم تامر حسني كانت أمه مريضة قلب وأصبحت بتحتاج دوا ب ١٢٠٠ جنيه في الاسبوع ، تامر علي مستوي العقل الواعي بيحب امه جدا فبيستلف من طوب الارض و يحرج نفسه قدام القريب والبعيد و يبيع هدومه علشان بجيبلها الدوا ، لكن اللاوعي بتاع تامر مدرك أن أمه أصبحت مصدر شقاؤه و ألمه في الحياة بس طبعا مشاعر زي دي مستحيل يتم السماح لها بالوصول للعقل الواعي لإنها هتعمل ساعتها اضطراب شديد و علشان كده لما ايد تامر حسني انشقت وأصبحت خارج سيطرة وعيه حاولت تقتل أمه الفيلم كوميدي و ماركزش اوي علي الطبيعة الإنشقاقية للمتلازمة ولا عن محتوي اللاوعي لكنه لطيف في كل الأحوال و ماتزهقش منه وانت بتتفرج عليه | |||||||||
 |
|
11-13-21, 09:02 AM
| #1028 | |||||||||
| من أكتر أنماط البشر اللي بتكون ضيف دائما علي العيادات النفسية هو نمط ال people pleaser ، البشر شديدي اللطف اللي بيسعوا دايما لإرضاء الآخرين ، اللي بيتفانوا في مساعدة غيرهم و مش بيقولوا أبدا لأ علي أي شئ يتطلب منهم ، الناس اللي معروف عنهم انه يمكن الإعتماد عليهم و بيكونوا حاضرين دايما في اللحظات الصعبة ، البشر اللي بتقضي معظم أوقاتهم في صنع أشياء جميلة للآخرين مش لنفسهم النوع دا من البشر بيكون عنده رغبة عنيفة في الحصول علي القبول من الآخرين و خوف شديد من الرفض ، ربما بسبب تجربة سابقة تعرضوا فيها للرفض و فضلت علطول بتعذب عقولهم اللاوعية و بتدفعهم دايما لتجنب اختبار نفس الألم مرة تانية النمط دا بيكون معرض جدا لكل الأمراض النفسية لإنه بيكون مهمل تماما في تلبية احتياجاته و مقصر جدا في حقوقه الشخصية كمان لإنهم بيكونوا غير قادين علي الإستمتاع بالحياة لإن نداء الواجب دايما بيحرمهم من أبسط حقوقهم في وقت ليهم و لمتعتهم الشخصية مش للآخرين الأهم انهم بيكونوا معرضين دايما للإستغلال والأسوء انهم بيكونوا جاذبين جدا للأشخاص المستغلين ، احنا اللي بنحدد الطريقة اللي هيتعامل بيها الآخرين معانا و النمط دا بسبب سعيه المبالغ فيه لإرضاء الآخرين بيحصل علي أسوء معاملة ممكنة و بيجذب ليه أسوء انواع البشر و ياريته بعد كل دا بيحصل فعلا علي القبول ، كل خير بيقدمه النمط ده للآخرين بيتم اعتباره من قبلهم مش كفضل وانما كحق مكتسب و عند أول خطأ او تقصير هيحصل النمط دا علي الرفض ، اكتر شئ بيخاف منه و أكتر حاجه فضل طول عمره بيعمل المستحيل علشان يتجنب حدوثها | |||||||||
| |
|
11-13-21, 09:02 AM
| #1029 | |||||||||
| أظن إن جزء مما ندين به لأي شخص قرر يشاركنا جزء من قصته الشخصية هو اننا مانحكمش عليه ، مش بس قدامه أو قدام أي حد آخر ، لا حتي بيننا وبين نفسنا كمان ، اننا نشوفه شخص سئ أو قبيح أو يقل من نظرنا بأي شكل من الأشكال ، أشعر انه نوع من الغدر والله ان شخص يقرر يشاركنا جزء من جانبه المظلم و ضعفه الإنساني علشان نشيل العبء معاه و نخفف عنه ونساعده فنقابل ده بحكم أو إنتقاص او اشمئزاز أو توبيخ ، غدر مش بس هيمنعنا أننا نساعده و نتفهم موقفه و دوافع سلوكه لكن كمان هيمنعنا أننا نقبل نفسنا لما نغلط زيه في يوم من الأيام | |||||||||
| |
|
11-13-21, 09:05 AM
| #1030 | |||||||||
| من اللحظات التى نكرهها جميعا لحظة اضطرارنا أن نتحدث بموضوعية مع من نحب , ان نصارحهم بما لا يحبون سماعه ، أن نتلبس دور عقولهم المعطلة بفعل عاطفة ما فنكبح حماستهم الطفولية و شغف نفوسهم ، نكرهها لأننا نعتقد اننا لا يجب أن نكون موضوعيين تجاه من نحب ، نعتقد أن دورنا هو ان نجاريهم و ندفعهم ونشد من أزرهم ، يقصون علينا لندعمهم ونشجعهم و نعمق يقينهم فإذا بنا نفاجئهم بالتثبيط والتردد , , لحظة انطفاء لمعة أعينهم وقت حديث العقل تقتلنا , تنقلب حماستهم بلادة و يقينهم تشكك و رغبتهم زهد ، نكره أن نكون نحن بالذات من يحدث لهم ذلك الأثر البغيض ، ولكن ، أى معنى يبقى للحب ونحن نأخذ بأيديهم الى الهاوية ؟ من يحميهم من خطر نفوسهم اذا لم يكن نحن ؟ ربما يكون هذا رغم قبحه بمثابة نداء الواجب والضمير الذى يرفض ان يتنحى قليلا ويأبى إلا ان يعكر علينا صفو لحظات الود و الحب و الحماس و الدعم غير المشروط | |||||||||
| |
|
11-13-21, 09:08 AM
| #1031 | |||||||||
| في المطاعم و خصوصا ماك مثلا أو الكافيهات زي ستاربكس في حركة بيعملها الموظف اللي بياخد الطلب دايما، لو مثلا طلبت بيج ماك هتلاقيه بيسبقك و بيقولك كومبو لارج؟ بيقول اكبر و اغلي حاجه في الطلب بتاعك علشان سببين، أولا علشان يغريك بالحجم الكبير و بالتالي بمتعة اكبر ثانيا علشان يديلك انطباع ان هو دا الديڤولت بتاع المكان و يحسسك انك مضطر تواكب الديڤولت دا و الا هيتبصلك بصه قليلة لو طلبت حجم regular مثلا، انا كنت بقع في الحركة دي كتير بصراحه، ببقي رايح اطلب regular و بعدين اتحرج والاقي نفسي لبست في كومبو لارج، فقررت بقي استخدم العلاج المعرفي اللي بنعمله مع المرضي علشان اتغلب علي الحركة دي ، هل في سبب تاني ممكن يخليني اطلب regular غير اني بخيل مثلا او مش معايا فلوس؟ ممكن مثلا عامل ريچيم او ممكن ال regular بيشبعني، طب هو ايه المشكلة اصلا لو كنت طالب regular علشان مش معايا فلوس مثلا؟ طب هل هو فعلا هيحكم عليا لو طلبت regular اني مش قد المقام؟ طب حتي لو حكم عليا دا هيفرق معايا في ايه؟ و بالتالي بدأت اعارض الموظف و أؤكد ذاتي واحدد موقفي و اقف و بعلو صوتي اقول لا مش هتمشونا علي مزاجكم واطلب ال regular اللي بحبه من غير ما اقلق ولا اخاف | |||||||||
| |
|
11-13-21, 09:09 AM
| #1032 | |||||||||
| الأشخاص المؤدلچين هم الأشخاص اللي بيكونوا وجهات نظرهم و بياخدوا مواقفهم الأخلاقية بناءا علي اعتبارات أيديولوجية ، فلو الشخص دا من أهله و عشيرته هيتعاطف معاه و يدافع عن قضيته انما لو من الناس التانيه هيتريق علي مشكلته و يسفه منها أو علي الأقل هيتجاهل وجودها تماما شوفنا دا أيام الثورة بوضوح و بنشوف دا لحد دلوقتي ، نفس القضية بالظبط لكن الرأي فيها بيتغير بناءا علي هل دا تبعنا و لا تبع الناس التانيين ،لما بلاقي حد بياخد قراره بناءا علي ايديولوچيته مش بناءا علي معايير إنسانية واحدة بشعر بالشفقة تجاهه و بشوفه ضحية عقل محدود و أسير مادقش طعم الحرية | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
