11-17-21, 09:49 AM
| #1051 | |||||||||
 
|  فى رواية الهوية لكونديرا كان البطل بيتكلم عن أهمية الصداقة فى حياته وبيقول ان الصداقة ضرورية للإنسان لحفظ ذاكرته لأن تذكر الإنسان لماضيه شرط لحفظ أناه ومن اجل الا تتقلص هذه الأنا يجب سقاية الذكريات بإستمرار ودا بيقتضى اتصال منتظم بشهود الماضى أى بالأصدقاء حتى لا نفقد اتصالنا بماضينا وبالتالى نفقد هويتنا وبيقول ان الصداقة عنده قيمة فوق كل القيم وانه بين الصداقة والحقيقة سيختار الصداقة دائما ثم سأل حبيبته أليس ذلك صحيحا فقالتله انها متقدرش تجاوبه لإن الصداقة ليست مسألة النساء , الصداقة مسألة الرجال , انها رومانسيتهم وليست رومانسيتنا فكرت لأول مرة ان ربما ده يبدو صحيح تماما , كل الكتب والروايات والأفلام اللى بتتكلم عن الصداقة كان أبطالها من الرجال وانتبهت انى معرفش اى قصة صداقة عظيمة فى عالم النساء لا فى التاريخ ولا فى الفن ولا حتى فى الواقع يبدو ان الصداقة فى عالم النساء هشة جدا وبتكون مجرد ملئ فراغ قبل مجئ الحبيب لذلك بيكون من السهل على الانثى اسبتدال حبيبها بكل صديقاتها وبيكثر بينهم الخصام والفراق والكيد والحسد و الخيانة والمؤامرات ودى أشياء قلما جدا ما تحدث فى عالم الرجال كنت أظن مسبقا ان ده بسبب سوء طباع المرأه بالنسبة لطباع الرجل لكن يبدو ان تفسير كونديرا هنا أكثر ملائمة بكثير فنظرة الانثى للصداقة مختلفة أصلا عن نظرتنا ليها . انها رومانسيتنا وليست رومانسيتهم | |||||||||
 |
|
11-17-21, 09:50 AM
| #1052 | |||||||||
| أجمل مشهد سينمائى بحبه هو مشهد قصة الجندى فى فيلم Cinema Paradiso القصة بإختصار عن جندى كان بيحرس حفل عيد ميلاد ابنة الملك و أول ما شافها مال قلبه ليها و حبها وتمنى انه تكون ليه ورغم انه جندى صغير وهى بنت الملك قرر يروح يصارحها بمشاعره البرنسيسة تأثرت أوي بمشاعره دي و احترمت صراحته وقالتله لو فضلت 100 يوم وليلة واقف تحت بلكونة غرفتى من غير ما تتحرك هكون ليك الجندى قبل التحدي بكل حماس ، وقف يوم واتنين وعشرة وعشرين وكل ما البرنسيسة تطل من شرفتها تلاقيه واقف مابيتحركش أبدا ، رغم المطر والثلج والرياح و الطيور و الحشرات لما وصل لليوم التسعين كان تعب جدا و ظهر عليه الإعياء الشديد وفى اللحظة دى دموعه نزلت ، ربما صعبت عليه نفسه ، لكنه استمر برضه واقف مكانه مابيتحركش ولما وصل لليوم ال 99 و هو علي بعد يوم واحد بس من الجايزة ، قام واخد بعضه وماشى تفسير الفيلم لتصرف الجندى الغريب ده هو انه كان فاضل يوم واحد بس و يفوز بالبرنسيسة لكن كان فى احتمال ان البرنسيسة تخلف وعدها ودا كان هيبقى شئ فظيع و قاسي جدا مايقدرش يتحمل وطأته انما دلوقتى على الأقل هيعيش باقى عمره فى وهم ان البرنسيسة كانت فى انتظاره أنا ماحبتش التفسير ده خالص و أظن ان التفسير الأقرب للقصة هو ان الجندى أدرك فى الليلة الأخيرة ان مفيش حاجة تستحق التعب ده كله , مفيش شئ يستحق الإنتظار المذل ده حتى لو كانت البرنسيسة الأمر أشبه بطالب ساته طب لما يصيبه الإحباط فى آخر أيام الإمتحانات رغم انه استمر 6 سنين ونص بيحلم باللحظة دى أو بالشخص اللى صرف على زواجه عشرات الآلاف وبعدين فسخ الخطوبة علشان ألف جنيه والناس قالت عليه مجنون أو بخيل فى حين إن الفكره هي انه إرهاق الألاف المطلوبة المتتالية جعلته يزهد فى الأمر كله أو بواحد عمل ريجيم قاسى علشان يخس وبعد ما نزل 30 كيلو وأصبح على بعد 3 كيلو بس من الوزن المثالى قرر يكسر الريجيم ويرجع يتخن تانى أو بالأم اللى بتطبخ المحشى فى كام ساعة وبعدين المعازيم ياكلوه فى عشر دقايق فتشعر بالضيق رغم ان الاكل عجبهم لإنها ربما تسائلت عن جدوى الأمر كله كنت قرأت مرة جملة لأحمد جمال بيتسائل فيها : كيف تركض ماراثوناً كاملاً.. وتفقد اهتمامك في آخر 20 متر أظن ان ربما هو دا درس الحياة الأكبر اللى المفروض نتعلمه قبل ما نوصل لآخر 20 متر فى الماراثون فندرك وقتها ان الأمر ربما لم يكن يستحق كل هذا العناء | |||||||||
| |
|
11-17-21, 09:51 AM
| #1053 | |||||||||
| فى نوع من الشخصيات النكدية بيبقى مش عارف يشوف نص الكوباية المليان ودا نوع يمكن تحمله وتفهم دوافعه والتعايش معه مع محاولة زيادة الجزء المليان من الكوب عن النص شوية على أمل انه يلتفت له لكن فى نوع تانى بقى بيكون ( اليوم - الخروجة - السفرية - الحياة عموما ) ماشية بشكل مثالى تماما ومليانه باللحظات اللطيفة والأوقات الحلوة وبعدين تحصل حاجة بسيطة خارج مخططه , شئ تافه جدا يمكن ببساطة التغاضى عنه او تجاوزه بدون مشاكل لكن تكتشف ان الشئ التافه ده قادر على شقلبة يومه وتنغيص حياته وكافى انه ينسيه كل جمال اللحظة و انه يحول اليوم فى ذهنه من يوم لطيف الى يوم سئ وذكرى حزينة جدا ودا نوع يصعب التعايش معاه بصراحة و اعتقد ان أفضل شئ هو تجنبه قدر المستطاع لإنك مهما كنت سوبر مان فإنت مش هتقدر تتحكم فى كل جزئيات الحياة بحيث تتجنب كل تفصيلة صغيرة ممكن تضايق سعادته و بالتالى هتتحول الحياة معاه الى سلسلة من النكد المتواصل مهما كانت مثالية | |||||||||
| |
|
11-17-21, 09:53 AM
| #1054 | |||||||||
| قيس لما شاف لون أحمر على ايد ليلى بعد ما سابوا بعض.. قالها: خضبت الكف على فراقنا؟ يعني حطيتي حنة فا ايديكي عشان فرحانة إننا سبنا بعض؟ ردت ليلى.. معاذ الله ذلك ما جرى!.. ولكنني لما وجدتك راحلًا.. بكيت دمًا.. حتى بللت به الثرى.. مسحت بأطراف البنان مدامعي.. فصار خضابًا في اليدين كما ترى! بتقوله ايديها حمرا عشان عيطت دم.. وقوم ايه بقى مسحت دموعها بايديها.. فلون الدم الأحمر بوظ ايديها سبحان الله مش حنة يعني ولا حاجة 😃 ودي تعتبر أكبر تحويرة حصلت في التاريخ بين اتنين بيحبوا بعض! لا حول ولا قوة الا بالله الموضوع ده كل شوية ينتشر وسمعة البنية الغلبانة ليلى تتشوه كده وتراثنا الشعرى يبوظ نقول تانى الحكايه وما فيها انها كانت بتبكى فى الاول دموع عاديه وتمسحها بصوابعها وطبعا دا سلوك غير صحى خالص وبيعرض العين للميكروبات وفعلا من كتر التكرار جالها Conjunctivitis (التهاب الملتحمه) ومن اعراض المرض ده ال Haemolacria (تبكى دم) ولانهم مكنوش لسه اخترعوا الantibiotics البنت فضلت مريضه فتره طويله كافية جدا ان يديها تصبح مخضبه وفى تفسير تانى برضه ان كلمة بكيت دما دى كنايه عن كثرة البكاء لكن من كتر ال friction (الاحتكاك) بين جلد ايديها وعينيها وهى بتمسح دموعها جلد الايد اتقشر والشعيرات الدمويه اللى تحتيه ربشرت (فرقعت) فايديها بقت حمرا يعنى البنت مظلومه فعلا ومش بتحور واحمرار ايديها مكنش من حنة الخطوبه زى ما قيس اتهمها ولا حاجة وكفاية بقى اتهام للناس بالباطل حرام عليكم والله .gif ":فطسه:") | |||||||||
| HANADY likes this. |
|
11-17-21, 09:54 AM
| #1055 | |||||||||
| من الأمور المشهورة عرفيا و المثبتة علميا وإحصائيا ان الطفل المصاب بمتلازمة داون (الطفل المنغولى سابقا ) بيكون طيب وعطوف وحنين و خفيف الروح ولهم تصرفات مميزة زى انهم دائمى الإبتسام و شديدى الشفقة على الآخرين ودى واحدة من أسرار المتلازمة ملهاش سبب معروف المهم انى انهارده فى الإمتحان واثناء انهماكى فى عمل فحص القلب لطفل من أطفال متلازمة داون لقيته فجأه بينحى السماعة جانبا عن صدره ويقوم بإحتضانى حضن دافئ و عميق و طويل بدون سابق سبب او إنذار علشان تبقي اللحظات القليلة دي التى توقف عندها الزمن واحدة من أعظم خبراتى الشعورية وأشدها وطأة على الإطلاق لدرجة انى توقفت بعدها عدة دقائق مشدوها غير قادر على فعل شئ رحماك يا رب | |||||||||
| HANADY likes this. |
|
11-17-21, 09:55 AM
| #1056 | |||||||||
| لما النت بيفصل لأى سبب من الأسباب بيظهر مكانه على متصفج جوجل كروم لعبة كده عبارة عن ديناصور بيعدى من فوق صبار لعبة بدائية جدا وبتتلعب بزرار واحد وحتى اللى عاملينها كانوا قاصدين يستخدموا الديناصور للدلالة اننا من غير نت بنعيش فى عصر الديناصورات المهم فى مرة قرأت كومنت على بوست ما وعمرى ما نسيت الكومنت ده ابدا ودايما فى مخيلتى الكومنت لبنت تقريبا بتقول انها لما بتحس بالزهق بتفصل النت علشان تلعب اللعبة دى يمكن دا اكتر شئ حزين قرأته فى السياق ده وبيعبر بصدق شديد عن مأساة الإنسان الحديث اللى استبدل وظائفه الإجتماعية كلها بالعالم الإفتراضى ولما العالم الإفتراضى يخذله ويصيبه بالزهق والملل بيلجأ لخيارات ذات هدف واحد فقط وهو تمرير الوقت يمكن دا نفس سبب انتشار ألعاب شديدة البساطة والبدائية زى كاندى كراش و subway وغيرها فى نفس الوقت اللى بيشهد فيه العالم طفرة غير مسبوقة فى مجال تقنية الألعاب شديدة التطور والتعقيد. الغرض من الالعاب دى مش المتعة او التسلية لإن الالعاب المتطورة أكثر متعة بالتاكيد وانما الغرض هو تمرير الوقت ولذلك كان ضرورى انها تبقى ألعاب مفتوحة بمستويات لانهائية أزمة الإنسان فى عصر الحداثة مش أزمة مفتعلة أبدا ولا كلام للإستهلاك المحلى وانما شئ حقيقى بنحسه وبنعيشه كل يوم و الامراض النفسية المنتشرة فى العالم كله بشراسة غير مسبوقة ما هى الى احدى تجلياته العالم كما نعرفه ينهار يا جماعة والله , يمكن لسه بدرى شوية بس الاكيد اننا بنعيش فى طور الأفول الحضارى بتعبير مالك بن نبى , فى طريقنا الى الهاوية | |||||||||
| HANADY likes this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2613Likes
