| |||||||
| :: قرار هام :: |
2574Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
11-14-21, 09:07 AM
| #1033 | |||||||||
 
|  في نظرية لطيفة أوي في علم النفس الاجتماعي تعرف بمثلث الحب ، النظرية دي بتفترض ان الحب عباره عن 3 مكونات أساسية مكون عاطفي ( intimacy ) أو المودة و هو الشعور بالقرب و التواصل ومشاركة المشاعر مع الطرف التاني و مكون تحفيزي ( passion ) أو الشغف و هو الإنجذاب والشعور الرومانسي ( فكرة اني واقع في الحب بغض النظر عن ماهية الطرف التاني) و مكون معرفي ( commitment ) أو الإلتزام و هو اللي بيخليك تتصرف بشكل يضمن استمرار العلاقة و يعبر عن التزامك التام بيها و بتبعاتها من خلال تواجد أو عدم تواجد المكونات التلاته دي بتنشأ اشكال أو حالات مختلفة للحب في مثلا حالة اسمها الإعجاب ( liking ) و دي بيكون فيها المكون العاطفي عالي لكن بتكون خالية من المكون التحفيزي و المعرفي فأنا بحب شخص ما و بشعر بالقرب والمودة معاه لكن مش بحس تجاهه برومانسية و انجذاب جنسي و لا ملتزم معاه في علاقة طويلة ممتدة الي الأبد مهما كانت الظروف و دا نوع بنشوفه في علاقات الصداقة بشكل أساسي وفي حالة اسمها الإفتتان ( infatuated love ) و دي بيكون فيها المكون التحفيزي عالي لكن بدون مكون عاطفي أو معرفي ، فأنا منجذب جنسيا و رومانسيا تجاه شخص ما لكن لا أشعر تجاهه بمودة و قرب ولا ملتزم معاه في علاقة طويلة و دا في الغالب نوع بيخفت تدريجيا مع الوقت ومابيكملش ، العلاقات الطياري الغير الجادة أو ال one night stand و في حالة اسمها الحب الرومانسي ( romantic love ) و دي بيكون فيها المكون العاطفي و التحفيزي عالي لكن بدون المكون المعرفي ، فأنا بشعر بالقرب و الرومانسية والإنجذاب الجنسي تجاه شخص ما لكن مش ملتزم معاه في علاقة طويلة ، طبعا ممكن نوصف النوع دا بالإستهبال 😃 و في حالة اسمها الحب الفارغ ( empty love ) و دي بيكون فيها المكون المعرفي عالي لكن بدون المكون التحفيزي أو العاطفي ، فأنا ملتزم بعلاقة طويلة مع شخص ما لكن بدون ما اشعر تجاهه بالمودة أو بالرومانسية والإنجذاب الجنسي و دي بنشوفها كتير في العلاقات الزوجية اللي بيقرر طرفيها انهم يكملوا فيها رغم فقدان الحب والرومانسية علشان خاطر الأولاد مثلا أو الشكل الإجتماعي أو أيا كان و في حالة اسمها حب الرفقة ( companionate love ) و دي بيكون فيها المكون العاطفي والمعرفي عالي لكن المكون التحفيزي مفقود ، فأنا بشعر بالمودة تجاه شخص ما و ملتزم معاه في علاقة طويلة لكن بدون رومانسية وانجذاب جنسي و دي برضه مشهورة في العلاقات الزوجية اللي بيحتفظ طرفيها بالحب لكن بيفقدوا الشغف بمرور الوقت و في حالة اسمها الحب الساذج ( fatuous love ) و دي بيكون فيها المكون التحفيزي والمعرفي عالي لكن بدون المكون العاطفي ، فأنا مش بحب فلان لكن مستعد اني ألتزم في علاقة طويلة معاه لمجرد مشاعر رومانسية و انجذاب جنسي ما حسيته تجاهه و دا في الغالب بيكون وضع مؤقت بيكتشف صاحبه مع الوقت انه اتدبس اول ما الشغف يبتدي يقل 😀 وبيتحول بالتالي للنوع الفارغ من الحب و في حالة اسمها الحب الكامل ( consumate love ) و دي بيكون فيها ال3 مكونات موجودين و متكاملين و بيعيش اصحابها حياة سعيدة و منتجة و ممتدة بكل المودة والشغف والإلتزام ، | |||||||||
 |
|
11-14-21, 09:07 AM
| #1034 | |||||||||
| في جملة بحبها جدا اتقالت في فيلم مطب صناعي علي لسان أحمد حلمي لما كان بيحاول يقنع محمد متولي تاجر البطاطس أن يبيع البطاطس فلما الراجل سخن كده وقاله عليا الطلاق البطاطس كلها بتاعتك احمد حلمي قاله ايوه هو دا الحاج اسماعيل اللي انا اعرفه بحب استخدم الجملة دي لما حد من اللي بحبهم يعمل حاجه تضايق لكنها معتادة منه ، زي أنه يوصل متأخر مثلا ، لما باجي اتضايق منه لفتكر الجملة دي وابتسم ، هو دا صاحبي اللي انا اعرفه طول عمره بيتأخر عن ميعاده ، لو في يوم جه بدري هحس بالغربة و انعدام الألفة والتشويش ، أصبح وصوله المتأخر زي كود معرفة بيني وبينه و صلة خفية بتربطني بيه انا من الناس اللي بتنام علي نفسها وهي بتتكلم في التليفون أو الشات، اصدقائي في الاول كانوا بيتضايقوا من دا و بيعتبروه قلة اهتمام لكن مع مرور الوقت مابقوش بيتضايقوا منه ، بقوا بيضحكوا و بيقفلوا الخط من سكات وبنكمل كلامنا تاني يوم ، دي حاجه مش هيعملها غير اصحابي اللي بيحبوني و اللي بمتن ليهم جدا بده و بحس برابطة خاصة بيني وبينهم بسببه ، دول اللي بيستحملوني لما بنام علي نفسي وأنا بتكلم معاهم هو دا الحاج اسماعيل اللي انا اعرفه ممكن الناس تعتبرها تشجيع علي اعتياد صفات يجب رفضها لكن أنا في الحقيقة بشوفها قبول و حب و تفهم لعدم كمال النفس البشرية | |||||||||
| |
|
11-14-21, 09:09 AM
| #1035 | |||||||||
| فى الفيلم الإيرانى شديد اللطف والبهاء أطفال السماء ، بعد أن فقد على زوج أحذية أخته زهرة وردية اللون وهو ذاهب لإصلاحها و حتى لا يضطر لإخبار أبيه الفقير سريع الغضب بما حدث اتفق معها على كتمان الأمر و على أن يتقاسما معا حذائه فتذهب به هى إلى المدرسة فى الصباح ثم يتقابلا فى الطريق ليأخذه منها ويجرى مسرعا ليلحق دروسه فى ميعادها عند الظهر ، لكن و مهما حاول على أن يزيد من سرعته كان يتأخر على الدروس ويتلقى التوبيخ والطرد ، تلك المهارة التى اكتسبها على بفعل المعاناة بدت له كطاقة نور بعد علمه بمسابقة للجرى يحصل فيها صاحب المركز الثالث على زوج من الأحذية الرياضية ، يتهلل على ويذهب مبتهجا الى اخته ليخبرها بالبشرى ، سيشترك فى المسابقة ويحصل على المركز الثالث و يفوز بزوج الأحذية لتنحل أخيرا عقدتهم الكبرى ، قبل نهاية السباق يتذكر على اخته و يزداد حماسه فتزداد سرعته ويسقط عند خط النهاية من شدة التعب ، يتسائل على ، هل حصلت على المركز الثالث ؟ يخبروه انه فاز بالسباق ، فاز بالميدالية الذهبية ، يلتقط المصورون صورا تذكارية لعلى بجوار كأس البطولة بينما يبدو هو منهمكا فى البكاء ، لا يملك على رفاهية التفوق ، لم يرغب قط فى كأس البطولة ، لم يبتهج بالصور التذكارية ، كان يريد تعويض اخته و انهاء تعاستها ، كان يتوق لإبتسامتها وقت استقباله عائدا بالهدية ، كان يحلم بلحظة انتصار عابرة ، كان يريد فقط زوجا من الأحذية | |||||||||
| |
|
11-14-21, 09:12 AM
| #1036 | |||||||||
| في أغنية لرامي صبري اسمها حياتي مش تمام بيتكلم فيها عن إجراءات حاول يتجاوز بيها علاقة عاطفية منتهية زي أنه بدأ يشغل نفسه بناس تانيه كتير و بطل يجيب سيرتها خالص وقطع علاقته بكل الأصدقاء المشتركين و خاصم الشوارع اللي جمعتهم و بطل يسمع الاغاني المشتركة و حاول مايفضيش نفسه خالص و لا يسيب نفسه لوحدها و لو دقيقه علشان مايفكرش فيها أبدا و بيستغرب بعد كل الاجراءات دي أنه لسه مفتقدها و ان حياته مش تمام هو حياته مش تمام لانه عمل كل حاجه غلط ممكن تتعمل ، السلوك التجنبي الشديد اللي اختاره علشان ينسي اعطي إشارة وامر لعقله أنه اوعي تفكر في الموضوع دا ، الموضوع دا خطير وهيسببلك ألم شديد مش هتعرف تتحمله ، العقل علشان ينفذ الأمر دا بيكون في حالة استثارة دائمة زي اللي معرض للخطر و قاعد يتلفت يمين وشمال ، بيراقب أفكاره ومشاعره علشان يضمن أنها ماخرجتش برا السيطرة اسرع ناس بتتجاوز العلاقات المنتهية هم الستات لإنهم بيسمحوا لنفسهم يحزنوا عادي ويعيطوا ليل نهار و يستعينوا بكل أصدقائهم و يحكوا الحدوته مرة واتنين لحد ما حساسيتهم ليها تقل وتبطل تسبب نفس قدر الحزن اللي كانت بتسببه في الأول كلنا بنحتاج المرحلة دي بعد أي أزمة ، مرحلة معالجة الأزمة ، أننا نحكيها و نخرج مشاعرنا تجاهها و نطلب مساعدة المقربين مننا علشان يطمنونا تجاه أي أفكار سلبية ممكن تحصل بسبب الأزمة دي زي اننا مش كفايه او مش محبوبين أو عمرنا ما هننجح في أي علاقة في المستقبل بعد المرحلة دي بقي نقدر نمسح الصور والرسائل و نعمل البلوكات و نرجع نمارس حياتنا الطبيعية من جديد من غير كبت ولا تجنب و لا استثارة عقلية تعيق التعافي وتجلب الإضطرابات | |||||||||
| |
|
11-14-21, 09:14 AM
| #1037 | |||||||||
| مرضي اضطراب الشخصية الحدية معروفين بإندافعيتهم الشديدة و دا بيخليهم يدخلوا في خلافات ومشادات كتير في أماكن العمل و العلاقات و علشان كده كتير منهم مش بيعمر في شغلانه واحده فترة طويلة ، لكن لإندفاعيتهم دي وجه آخر ، مرضي اضطراب الشخصية الحدية أشخاص حقيقيين جدا بيكرهوا التزييف والتناقض، لما مثلا مدير في الشغل يظلم موظف عنده فزمايله هينصحوه غالبا بإنه يلم الدور علشان يحافظ علي شغله أو مثلا هينصحوه يسيب الشغل و يشوف شغل تاني طالما المدير حاطه في دماغه أو بالكتير اوي هيدعموه بينهم وبينه و يطيطبوا عليه ، انما صاحب اضطراب الشخصية الحدية هيدخل يتخانق مع المدير دفاعا عن زميله وينتهي الأمر بإن هو اللي هيسيب الشغل ، دا يمكن مش تصرف حكيم لكنه ربما تصرف أكثر صدقا وإنسانية و اتساقا مع الذات ، دي اندفاعية بحب اسميها الإندفاعية الطيبة ، اندفاعية لتحقيق قيم عليا ، قيم الحق والخير والجمال في عالم محكوم بقيم الأمان والإستقرار والحفاظ علي لقمة العيش | |||||||||
| |
|
11-14-21, 09:16 AM
| #1038 | |||||||||
| أظن ان من الأمور المهمة جدا في العلاقات الصحية هو ان الطرفين يبقي عندهم ما يمكن تسميته برفاهية الإستغناء، القدرة انهم ينسحبوا من العلاقة لو اصبحت مضرة ليهم، القدرة دي مهم تبقي موجودة مش بس علشان لما العلاقة تبقي مؤذية الطرف المتضرر يقدر يمشي لكن مهمة كمان علشان تفضل العلاقة متوازنة، رفاهية الإستغناء هتخلي كل طرف مش ضامن التاني و بالتالي هتخليه مايستقواش عليه و مايقللش منه و مايعملوش كإنه لا شئ رفاهية الإستغناء بتتكون لما تكون العلاقة دي مش هي كل الحياة، عندي حياتي الخاصة و احلامي المستقلة عن العلاقة، عندي دايما احتمالية ان العلاقة تفشل قائمة ومش معتبر ان دا اخر الدنيا، مؤمن دايما بحقي في علاقة صحية و آمنة و مؤمن بقدرتي علي الحب من جديد لو اضطريت في اي لحظة للإنسحاب | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
