12-11-21, 10:05 AM
| #1093 | |||||||||
 
|  علاقتك مع نفسك هتنعكس على علاقتك بالاخرين... هتاخد بالك منها وتسمع لها وتشوفها وتديها التاكيد والتقدير والاهتمام..هتحبها وتقبلها وتحترمها وتسعى لعمل الصالح لها وتشوف الانفع لها ..هتتعاطف معاها وتسامحها وتشجعها وتطبطب عليها وتحتويها وتطمنها وتهديها...هتسمح لها وتديها الاذن بالظهور والتعبير عن نفسها. هتعرف تعمل ده مع الاخرين....ومش هتستناه بالحاح وجوع وعنف من الآخرين. خد نفسك على محمل الجد..الناس هتعاملك بجدية...قدم لنفسك اللي انت محتاج تقدمه للآخرين...مش عارف؟ اتعلم..مش قادر؟ خد قرار...الموضوع مش لوغاريتم..تعاملك مع نفسك مهارات ممكن تعلمها. احنا ملناش سيطرة على كيفية معاملة الناس لينا...دي حاجة بتاعتهم وتخصهم. احنا لينا سيطرة على كيفية معاملتنا للناس..ورد فعلنا لمعاملتهم لنا...نقدر نختار ونتصرف..نرد..نتجاهل..ننبه..نبعد...نقدر ..نرفض..نستقبل..نتوقع. نقدر نحط دواير للناس واهميتهم لنا..نقرب او نبعد. لكن اسوء ما يمكن عمله هو اننا نتنازل بنفسنا عن انفسنا..معرفتنا بحقوقنا وممارسة قدراتنا...واللي منها الشعور بمشاعرنا والاعتراف بها وتاكيدها واحترامها والتعبير عنها والسعي لاشباعها...اننا نفقد الثقة بانفسنا وباستحقاقنا وقدراتنا على التعامل مع الاخرين. اتعلم تختار...اتعلم تبدأ علاقات واتعلم تحافظ عليها لو مناسباك واتعلم تنهيها لو مش مناسباك واتعلم تتعامل مع انهاء الاخر لو ضد رغبتك. | |||||||||
| رايــق and عطر النَّدَى like this.  |
|
12-11-21, 10:06 AM
| #1094 | |||||||||
| احتياجاتي مهمة انا استحق اتعامل باحترام انا مش مضطر/ة اسمح لاي حد يعاملني وحش انا اقدر ادافع واتكلم عن نفسي انا اقدر اطلب بهدوء ان الاخرين يعاملوني باحترام او النقاش ينتهي. لو الاخر مش ناضج كفاية انه يديني حقوقي المتساوية في العلاقة ..اقدر اسيبها والاقي ما يناسب احتياجاتي. اكتبها وفكر نفسك بها كل شوية...التكرار هيرسخها جواك لحد ما تصدقها. What I want is important. I deserve to be treated with respect. I don't have to let anyone treat me badly. I deserve better than that. I can stand up for myself. I can calmly demand that he treat me with respect or the discussion is over. If he can't grow enough to give me my equal rights in this relationship, then I can leave the relationship and find one that better suits my needs. | |||||||||
| رايــق and عطر النَّدَى like this. |
|
12-11-21, 10:07 AM
| #1095 | |||||||||
| التعامل مع نفسنا تعامل رحيم ومعترف بها وببشريتها ..وكمان بضعفها ومحدوديتها بيحمينا من معاناة بلا داعي...معاندة بشريتنا ورفضنا لضعفها ومحدوديتها واحتياجاتها وعجزها...كاننا بنخبط راسنا في الحيط. هنقابل في الحياة صعوبات وحاجات اكبر منا..هنقابل فيها ضغوط..هنقابل فيها حرمانات..هنقابل الم واحداث وفقد.هنلاقي نفسنا اوقات احتياجات مش عارفين نشبعها..هنلاقي مشاعر حزن او غضب او الم او خوف..او ارهاق او استنزاف...هنلاقي نفسنا اوقات عاجزين ومحاصرين في مقابلة الظروف دي. كونا بشر..هنتفاعل مع الاحداث دي بقدرها..لو الحدث كبير هنتفاعل معاه بشدة..لو الازمة الخارجية صعبة ختخلينا في كرب لفترة طويلة..وده هيخلينا اكثر ضعفا..دي برضو بشريتنا وطبيعتنا..بنحاول ونعافر فترة طويلة فنستنزف. اننا نتدور على بشريتنا وطبيعتنا بالتنكيل والجلد..انها بتتفاعل مع الاحداث..انها كان المفروض تكون اقوى...انها مش لازم تتاثر..انها مش لازم تحتاج...انها هشه..انها خايبة...انها..انها ...كل ده تكسير لها واهدار للطاقة اللي بقت قليلة نتيجة الاحداث ومحتاجينها عشان نتعامل مع تاثير الاحداث وخروجنا منها . .اننا نحاول نلغي تفاعلنا او نكبته او نحارب احتياجنا او نكرهه او نكره نفسنا لاننا عندنا الاحتياج ده والمشاعر دي..برضو عامل زي محاربة طواحين الهوا...برضو اهدار للطاقة بدون طائل..حرب في السكة الغلط...حتى لو الامور صعبة برة..واشباع الاحتياج شحيح..برضو الحرب ضد نفسنا حرب فاشلة..بنمهد نغسنا للهزيمة والتكسير والمعاناة اكتر بدون اي فائدة. انا جوعان حتى لو الاكل مش متوفر بره....كراهية شعوري واحتياجي ده ورفضه ومحاولة الغاءه..هيفيد بإيه...بالعكس ده تكسير فينا زيادة...رش الملح على الجرح...تضخيم للالم. انا خبطتني تريلا..الخناقة مع نفسي ان ازاي تخبطني تريلا ..ازاي اتعور..لازم متالمش..لازم اخف بسرعة..الدنيا بايظة وانا في السرير...برضو مش هتوصلني لحتة...وهتكسر فيا. التراحم والتعاطف مع نفسي..يمكن ميغيرش كتير من اللي حصل..او بيحصل..بس هيمنعني من الم اضافي واستنزاف اضافي..وهيمنع عدوى للجرح الموجود يمنع شفاؤه والتئامه...التعاطف هيوفر طاقتنا للتعافي..وهيوفر الظروف للجرح يخف..وهيصفي ذهننا تلافي حلول..وهيخلي عيونا المشغولة بالنظر لينا نظرة احتقار وجلد...انه تبص حواليها على حلول للازمة اللي هي فيها. اتعلم التراحم والتعاطف مع نفسك...انت لا سوبر مان ولا محصن من الالم والازمات..انت بشر. | |||||||||
| رايــق and عطر النَّدَى like this. |
|
12-11-21, 10:08 AM
| #1096 | |||||||||
| في مراحل العلاقات المستمرة..فيه مرحلة الثقة التامة..الاتنين خلاص اطمنوا انهم مكملين مع بعض ولبعض مهما حصل.... برغم حالة الامان اللي ممكن تحققها الحالة دي..وانها ممكن تشجع على الانفتاح على بعض اكتر...الا انه في بعض الاحيان..الحالة دي بتعمل العكس... خلاص الاخر بقى مضمون..فليه ابذل مجهود احافظ على العلاقة..واهتم..وليه اخد بالي من اللي يزعله ويضايقه....لحد ما بتوصل العلاقة للتدهور والانتهاء. مش بس كدة...بتظهر كمان في الصراعات والخلافات...ضمان وجود الاخر مش هيخلي في دافع للحل والصلح...وحتى لو الاخر بدا يقاوم طول ما الشعور انه موجود مهما حصل هيخلي الطرف الاول يصعد لحاغة الهاوية وهو معتمد ان التاني هينخ. يبدوا ان الثقة التامة مش بس مش موجودة..ولكن اوقات مضرة ...جزء من الخوف من فقدان الاخر..وجود احتمالية معقولة لخسارته ممكن تخلينا مصحصحين للي يكدر العلاقة ويسيء اليها...يخلينا نبءل مجهود للحفاظ عليها..وعلى الاخر. للاسف اوقات لما الشخص بينضمن وجوده مهما حصل..بيجرأ الاطراف الاخرى على التمادي والانانية واللامبالاة والاستغلال....احنا بطبعنا انانيين..والحالة دي بتبروز حالة الانانية وبتخليها واضحة ونشطة. عشان كدة وضع الحدود...والاهتمام بالحقوق الذاتية...وتاكيدها...صمام امان..لو بتحب حد قوي..انه ميتعاماش معاك كشيء مضمون يتعامل معاه بتساهل ولا مبالاة....مهو هيروح فين يعني.... احترامنا لنفسنا وحقوقنا وحدودنا...بيحمي علاقاتنا باكتر من طريقة. | |||||||||
| رايــق and عطر النَّدَى like this. |
|
12-11-21, 10:09 AM
| #1097 | |||||||||
| لما تتعلم تفهم نفسك واحتياجاتك ومشاعرك.. تسمعهم وتشوفهم وتحترمهم وتقدر وجودهم وتقبله ..وتديهم الاعتراف و التصديق اللازم..وتهتم بهم. مش بس مش بس هتحس بقيمة نفسك..ولا كمان هتحس بوجودها القوي ...كمان هتحس بالاخرين..هتتفهم حقهم في الاهتمام باحتياجاتهم ومشاعرهم وهتحترم ده وهتقدره. متستخسرش جزء من وقت في التعرف على نفسك والتواصل معاها والاحساس بها....هي جديرة بالتعرف عليها وفهمها وانك تتصاحب عليها. الاختلاء بالنفس..والتأمل...والاستبطان.....والمراجعات والكتابة والتعبير ..وسائل مهمة للتعرف على الذات والتواصل معها. الرغبة في تفضيل احتياجات الاخرين على نفسك..في ارضاءهم ولو على حسابك...تجعلك تحيا في الحياة سلبيا ...الاخرون هم من يقررون لك حياتك...والحياة تحدث لك دون فاعلية من جانبك..مسلوب الارادة ومحاصر....الآخرون هم بوصلة وبؤرة اهتمامك وسلوكياتك....تفضيلك الزائد للاخرين يجعلك مع الوقت تفقد الصلة مع ذاتك..لا تدري من انت وماذا تريد. تعلم ان تكون انت البوصلة والبؤرة لاهتمامك ورعايتك..تعرف على نفسك واحتياجاتك ومشاعرك...وجرب ان تكون حرا وفاعلا.. تخلص من ميولك لارضاء الاخرين بكثرة على حساب نفسك. | |||||||||
| رايــق and عطر النَّدَى like this. |
|
12-11-21, 10:10 AM
| #1098 | |||||||||
| عايز حب حقيقي (او خلينا نقول صحي) يبقى محتاج تبقى مطمن جوة نفسك..ومستقل عاطفيا بشكل كبير..وتقدر تعيش سعيد ومبسوط مع نفسك. الحب مبيجتمعش مع الخوف وعدم الامان...ولا عدم الثقة في الاخرين..ولا الخوف من الوحدة ولا الفقد ولا الهجر ولا الرفض..ولا الاعتمادية العاطفية المفرطة. الحب محتاج حد مطمن..الاطمئنان والامان بيطفي اجهزة الانذار..وبيشغل اجهزة الشغف والتعلم والاستكشاف والانطلاق والانفتاح والرغبة في المشاركة والمعرفة والاستمتاع كتير مننا بيخاف يواجه نقاط ضعفه وعيوبه ويعترف بها...وفي المواقف اللي بتثيرها بينكمش في نفسه وهو حاسس بالخزي والاختلاف والدونية...وبيحاول يكبت المشاعر دي ويلغيها من وعيه..او بيهرب من المواقف..او بيدعي نقيضها او بيموه عليها. الكبت او الاخفاء او التمويه والتزيف او ادعاء العكس..بيتعرف وبيتشاف من الاخرين بسهولة والنتيجة هنتكسف من نفسنا اكتر وهنلومها وننتقدها اكتر. الاعتراف بنقاط ضعفنا او حتى عيوبنا وقبولها دون التقليل من انفسنا او انتقادها او كراهيتها..هو اول الطريق لمواجهتها وتعديلها او تقليل تأثيرها المضر ..لو حابين نغيرها.... | |||||||||
| رايــق and عطر النَّدَى like this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
2613Likes
