| |||||||
| :: قرار هام :: |
2574Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
10-24-21, 02:10 PM
| #961 | |||||||||
 
|  لما الوازع الإيماني بيندثر.... الدنيا هي اللي بتشكل المعايير الحاكمة علي كل تفاصيل حياتنا. الموضوع ده في منتهى الخطورة..... لأننا وقتها بنسمح للدنيا إنها تنهش كل المعاني الجميلة في قلوبنا. بتتحول الصدقة لتضييع للمال...وبيبقي النوم خير من الصلاة .... وبيتحول بر الوالدين لحمل نفسي ومادي .... وبتتحول طاعة الزوج لخضوع وإنكسار... وبيتحول العطف علي الزوجة لضعف.. وبيتحول صلة الرحم لصداع وإرهاق. وقتها مابنقدرش نتحمل الإبتلاءات وبنواجهها بمنتهي الحنق وعدم الرضا...وأي خسارة مادية كأنها نهاية العالم وقتها بننكر فضل ربنا علينا وبنحس أن كل حاجة بنملكها بسبب إمكانياتنا ومجهودنا وبس ... وبننسي عبادة الشكر و الدعاء والتضرع . ووالله الدنيا بتتحول لجحيم فعلا. قال تعالي ( ومن أعرض عن ذكري فإن له معيشة ضنكا) قال رسول الله صلي الله عليه وسلم ( من كانت الدنيا همه جعل الله فقره بين عينيه و فرق عليه شمله و لم يأته من الدنيا إلا ما قدر له ) غفر الله لنا ولكم . | |||||||||
| EVE likes this.  |
|
10-24-21, 02:11 PM
| #962 | |||||||||
| إحنا لما بننتقل من العزوبية للجواز..... مش بنعمل ده عشان نخلق مسئوليات جديدة في حياتنا ونفضل نلف وندور حواليها. إحنا بنتجوز عشان دوافع كتير ... من أهمها اننا نعيش مع حد نتونس بيه ويتونس بينا ... حد نتعكز عليه ويتعكز علينا. الجواز .. يعني نتكلم عن أحلامنا ونعافر عشانها ...يعني نتكلم عن ذكرياتنا... يعني نطلب الدعم في لحظة ضعف ... . حد يسمعنا ونسمعه ...حد يشاركنا في الفرح والألم. لو لقيت إن كلامك مع شريك حياتك بقي مختزل في المسئوليات والمصاريف وبس (ودي طبعا حاجات مهمة جدا).... يبقي في حاجة غلط لازم نشتغل عليها ونصلحها...... لان ده معناه إنكم مع الوقت ممكن تفقدوا حاجة من أهم مقاصد الجواز... الا وهي (السكن) قال تعالي : ومن آياته أن خلق لكم من أنفسكم أزواجاً لتسكنوا إليها . | |||||||||
| EVE likes this. |
|
10-24-21, 02:12 PM
| #963 | |||||||||
| تعصي وتتوب... ثم تقع تارة اخرى في المعصية وكأنك شيطان..... فتبتأس ... ثم تنهض مرة أخرى. ترسم حلما وتسعى إليه...ثم تتخلي عنه لكسل او فتور .. . او ينكسر الحلم علي صخرة الواقع... ...فتبتأس... ثم ترسم حلما غيره ثم تصل اليه تسأل نفسك مرارا وتكرارا... من أنا؟... وماذا أفعل؟...هل انا على الطريق؟..هل انا مقبول؟ ....هل انا مطرود؟ تشعر بثقل مسئوليات الحياة أحيانا .. وتلوم نفسك علي قبول تحملها .... وأحيانا أخرى تسعى إليها بقدميك !!! تتمني الموت أحيانا من هول ما تلقى... وأحيانا أخرى تفزع من فكرة فراق الحياة. هذه هي الدنيا... جعلها الله لنا دار إختبار وإبتلاء..... اما السعادة بلا كدر فبعد النجاح أرأيت من قبل مُمتحناً ينعم بأيام الامتحان؟! | |||||||||
| EVE likes this. |
|
10-24-21, 02:19 PM
| #964 | |||||||||
| واحنا بنختلف و بنتخانق في بيوتنا .... عند نقطة معينة لازم حد فينا يرجع خطوة لورا. وانت شادد مع مراتك على تفصيلة معينة ..و لقيت إن هي كل اللي فاهمهاه من كلامك إنها مش عجباك خالص وإنها مش مالية عينك.... وقف المناقشة وفهمها إن مش معني إنكم مختلفين إنك بتكرهها .... طمنها وطبطب عليها .... وإتناقش معاها لما تهدوا. في اللحظة اللي بتشدي فيها مع جوزك ... ولقيتيه زعلان من إسلوبك ومن صوتك اللي بقى عالي بسبب إنفعالك... وقفي مناقشة في الموضوع الأساسي.... وإعتذري عن إسلوبك وقولي له إنك ما تقصديش التطاول عليه. في وسط الخلاف ..لما تحس إن الطرف التاني فاهمك غلط..... حاول تصلح سوء التفاهم ده. ماتدوش فرصة للشيطان إنه يستدرجكم لمشاكل جديدة ... ولا انه ينقل المشكلة بتاعتكم لمستوي أكبر في الصعوبة والتعقيد. كده كده حياتنا مش هاتخلو من الخناقات والمشاكل... لكن الدخول في خناقة من غير ما نكون عارفين إمتي نقف وإمتي نكمل.....ده بيخلينا ممكن نكسر حاجات وقت الخناقات عشان نصلحها هنحتاج وقت كبير ... وممكن مانعرفش نصلحها. | |||||||||
| EVE likes this. |
|
10-24-21, 02:20 PM
| #965 | |||||||||
| أحيانا بنعمل حاجات عشان خاطر ولادنا . والحاجات دي ممكن تبقي مكلفة جدا. بس لو جينا فكرنا ( بصدق)... هنكتشف إن في بعض الحاجات بنعملها عشان نفسنا مش عشانهم .... ممكن عشان الوضع الاجتماعي ..أو بنحاول نحقق حلم يخصنا من خلال ولادنا. لما انت اشتريت الهدوم الغالية جدا لابنك اللي عنده سنة...هو كطفل مش فارق معاه اللي هو لابسه مادام لبس مريح...لكن انت اشترتها عشان نفسك. ... عشان تحس و تحسس الناس أن ولادك لابسين من براند معين. بنتك اللي انتي خلتيها تاخد كورس رسم...ده لأن الرسم هوايتك اللي انتي اتحرمتي انك تمارسيها وانتي صغيرة. الضغط الرهيب اللي بتعمله علي ابنك عشان يدخل كلية معينة ....بتعمله عشان انت تفتخر بيه قصاد الناس مش عشان هو بيحب كده . في ناس كتير دلوقتي بقي اختيار المدرسة لولادهم مرتبط بوجاهتهم الاجتماعية بغض النظر عن مصلحة الولاد التربوية والتعليمية ... حاجة كده شبه ماركة العربية. طبعا مفيش مانع اننا نستمتع بولادنا واننا نعمل معاهم حاجات تفرحنا احنا بيهم لان دي الغريزة اللي دفعتنا اننا نسعي للذرية...لكن مادام خلّفنا يبقي لازم دايما نسأل نفسنا بصدق (هما محتاجين إيه؟). الاهتمام وحسن الاستماع والصبر علي المناقشة ( وما ادراك ما مناقشة الاطفال) .... والتحفيز والتشجيع....والحضن والكلمة الحنينة .. واننا نلعب معاهم ...واننا نعلمهم العلم النافع... واننا نفهمهم ونفهم أفكارهم ومشاعرهم .... واننا نربطهم بخالق الكون ونزرع فيهم القيم .. كل ده أهم عندهم من التيشرت الغالي والاكل في مطعم فخم . | |||||||||
| EVE likes this. |
|
10-24-21, 02:21 PM
| #966 | |||||||||
| من الأخطاء الفادحة اللي ممكن يقع فيها بعض الشباب المقبلين ع الجواز... إنهم يتصوروا إن الوعود أصدق من حقيقة الحال - هي اصلا عصبية .... ونصدق الوعود اللي بتقول إنها هاتبقى هادية بعد الجواز - العريس وأهله عايشين في بيئة متأسسة على فكرة ( بيت العيلة) اللي الناس فيه بتعمل كل حاجة مع بعض ومتداخلين جدا وعارفين كل حاجة عن بعض ... ونصدق إنهم هايسيبوا العروسة الجديدة اللي هاتسكن معاهم في نفس البيت بكامل إستقلالها و الخصوصية بعد الجواز - هي بتاعة حوارات ومش سالكة ومش واضحة .. ونصدق الوعود اللي بتقول انها هاتبقى في حالها وهاتكون إنسانة واضحة وصريحة بعد الجواز - هو متعدد العلاقات النسائية ... ونصدق الوعود اللي بتقول انه هايبقى مستقيم و مخلص بعد الجواز أثناء فترة التعارف او الخطوبة ... مش صح اننا نبني حياتنا على وعود مخالفة لواقع الحال ... الصح إننا نركن الوعود على جنب ونبني قرارنا بناءا على الواقع ... لان في الغالب هايكون الواقع ده هو المستقبل ده مش معناه ان الشخص اللي بيوعد بيكون كداب... بالعكس ... ممكن يكون صادق جدا وهو بيوعد وعنده رغبه إنه ينفذ وعوده ... لكن الحقيقة إن تغيير الحال موضوع أكبر من مجرد وعد ... ومش اي حد يقدر عليه طبعا لا ننكر ان في بعض الحالات إستطاع فيها بعض الأشخاص تنفيذ وعودهم ...لكن دي إستثناءات ماينفعش نبني عليها قاعدة الحقيقة ان اللي بيدخل جوازة مبنية على وعود مخالفة للواقع بيجازف بحياته مجازفة كبيرة | |||||||||
| EVE likes this. |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
