| |||||||
| :: قرار هام :: |
2574Likes| إضافة رد |
| | LinkBack | أدوات الموضوع | انواع عرض الموضوع |
| |||||||
| :: قرار هام :: |
| إضافة رد |
| | LinkBack | أدوات الموضوع | انواع عرض الموضوع |
11-01-21, 10:39 AM
| #1009 | |||||||||
 
|  "إذا عَزَّ أخوك فَهُنْ" على شاكلة "اللي زعلان مني يتفلق" "اللي عايز يمشي يمشي" وكأنها حاجة حلوة وجميلة إن مايكونلكش عزيز، أو تكون بتفرط في صحابك وحبايبك عادي وانت كده واد جامد وشبح بقى ومابيهمكش! لو كل حد زعلت منه، علمت عليه ونسيت الهيستوري والعشرة والرصيد اللي بينك وبينه.. هتموت لوحدك! الصحاب دول سند! بعيوبهم بمشاكلهم سند مانستغناش عنه! مفيهاش حاجة أما صاحبك مرة يشد وإنت تلين.. أما مرة تعتذر وانت مش غلطان.. أما مرة تطيّب خاطره وإنت اللي زعلان.. أما مره تراضيه وتستحمله وتقوله كلمتين حلوين وإنت مش فاهم إنت عملت ايه اصلا.. أما تلتمس له عذر وتصبر عليه.. مفيهاش حاجة أما نشيل بعض يا جماعة والله! إذا عزّ أخوك، فهُن! مفيهاش حاجة تقلل منك ومن كرامتك بالعكس! هو لو بيفهم، هيعرف إنك بتعمل كده عشان هو فارق معاك مش عشان إنت ضعيف، إنك بتكبرّه عشان إنت كبير وعلاقتك بيه كبيرة عندك مش عشان انت قليل، هيفهم إنك You are rising above أياً كان اللي حصل عشان بتحبه فعلا مش عشان أي حاجة تانية! ولو دي حاجة هو هيفهمها غلط، أو هيستغلها غلط.. يبقى ده إختياره هو! مشكلته هو مش مشكلتك إنت! هو اللي محتاج يتغيّر، مش انت اللي محتاج تبطل تبقى حريص على صحابك! إذا عزّ أخوك فهُن | |||||||||
 |
|
11-01-21, 10:44 AM
| #1010 | |||||||||
| اللي يتأمل هجوم الناس على أي حد بيقع أو بتذل قدمه .. أو بيأتي بتصرف غير متوقع .. أو حتى يغلط .. يترعب .. والله يترعب .. مع أن ولا واحد فيهم بمأمن من الفتنة ! و لو حد فيهم وقع _ودا وارد _ هيتمنى الناس تعذره أو ترحمه .. و تاخد اللي ليه و تستغفر له في اللي عليه .. أو حتى تنصحه بالحسنى . دا غير ان أصلا المفروض ان الإنسان عليه بنفسه فقط .. ولا يضره من ضل ان كان شايف نفسه على هدى ! اركن يا سيدي اللي ضل على جنب .. وخليك في نفسك أو لو عزيز عليك ادعيله .. ليه تروح تحدفه بالطوب؟ دا حتى بعيدا عن دا كله التجربة الإنسانية أثبتت ان مفيش موقف بتتريق فيه على حد أو بتحكم عليه أو بتدعي فيه إنك كنت هتتصرف أفضل . إلا وتمر الأيام وتلاقيك بشكل أو بآخر بتتعرض لنفس الشئ .. وتقريبا بتعمل زيه . أسباب كتير تخلي الإنسان يمسك لسانه و يدعي لنفسه بالستر و النجاة .. بدل ما يسن سكاكينه على الآخرين . | |||||||||
| |
|
11-01-21, 10:45 AM
| #1011 | |||||||||
| من علامات التصالح مع النفس أن لا تجد أي غضاضة في الاعتراف بكل شعور يعتبره المجتمع ضعف أو عيب الاعتراف بالخوف أو الحزن أو الغضب أو قلة الحيلة أو عدم الكفاءة لشئ معين .. الاعتراف بالحب أو الخطأ أو الندم .. الاعتراف بقلة المعرفة حول موضوع معين وعدم التأكد .. الإعتراف باهتزاز الثقة في النفس و الآخرين .. الاعتراف بعدم الإقتناع بفكرة أو معلومة حتى ولو كان أغلب الناس مقتنعين بعكس ماتعتقد انت . الناضج سيفهم أن المشاعر حالات عابرة .. لا تحدد هويتك هويتك يحددها قناعاتك الثابتة و مزاجك العام الذي يغلب عليك. | |||||||||
| |
|
11-01-21, 10:47 AM
| #1012 | |||||||||
| فعجبتني الكلمة .. النهاردا الصبح قمت من النوم بقول أذكار الصباح .. انتبهت ان أذكار الصباح دي فيها كمية مشاعر ! و كلها طاقتها عالية و بتظبط اليوم يعني مثلا عد معايا - الحمد لله الذي أحيانا بعد ما أماتنا و إليه النشور ( الإحساس بقيمة الحياة - اليوم الجديد - الفرصة الجديدة ) - الحمد لله الذي رد إلي روحي و عافاني في جسدي و أذِن لي بذكره ( شعور إمتنان ). - اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد ولك الشكر (إمتنان أكبر) - حسبي الله لا إله إلا هو عليه توكلت و هو رب العرش العظيم ( شعور توكُل) - بسم الله الذي لا يضر مع اسمه شئ في الأرض ولا في السماء + الإخلاص و المعوذتين ... ( شعور بالأمان في كنف الرحمن ) - اللهم إني أصبحت أشهدك و أشهد حملة عرشك وملائكتك و جميع خلقك أنك أنت الله وحدك لا شريك لك وأن محمدا عبدك و رسولك ( مشاعر توحيد عميقة ) - رب أسألك خير ما في هذا اليوم و خير ما له و أعوذ بك من شر ما في هذا اليوم و شر ما له ( التركيز على الإيجابيات ) - اللهم أنت ربي لا إله إلا أنت خلقتني و أنا عبدك و أنا على عهدك و وعدك ما استطعت .. إلى آخر سيد الإستغفار ( شعور الإنابة و البدئ على نظافة ^^) - غيره الأذكار سعادة 🙂 الأذكار عبقرية 🙂 أضف إلى ذلك بعض السنن البسيطة التي نفعلها كل يوم .. مثل البدئ ببسم الله و الانتهاء بالحمد و الأدعية الكثيرة التي تشملها السنن النبوية .. كلها تحرص على أن تزود الإنسان بمشاعر جيدة عالية الطاقة .. ترضي يومه و تسعده | |||||||||
| |
|
11-01-21, 10:48 AM
| #1013 | |||||||||
| تعمل إيه لو عندك اكتئاب أو حاسس بضغط نفسي رهيب وبعدم توازن وتوهان؟ القصة كلها في الكلمتين دول ... ١- الحركة Physical Activity اللي بيمشي ٥ كم في اليوم علشان يروح مدرسته في الأماكن النائية جايز يحس بتعب جسماني لكن مش هيجيله اكتئاب. اللي بتروح تلعب إيروبكس مرتين تلاتة في الأسبوع حتحس بالسعادة بعد التمرين حتى لو كان مرهق. اللي حركته قليلة جدا ومرابض في مكانه ده احتمالية تقلب مزاجه بتكون أعلى وتعرضه لعدم توازن نفسي. امشي شوية في الشارع أو العب ٥ دقائق رياضة في البيت الصبح هتفرق بشكل رهييب في مزاجك النفسي وهتظبطلك يومك كمان حتى لو كانت ٥ دقائق بس. ٢- التعبير Self Expression اللي بيرسم بتلاقي مزاجه معتدل أكتر وبتلاقيه أكثر اتزانا بعد الرسم، الرسم ممكن يكون حتى علاج نفسي. اللي بيعزف موسيقى نفس الشيء بيحس باتزان أكتر بعد ما بيعزف. ما لكش لا في الرسم ولا في الموسيقى اكتب مذكراتك كل يوم أو حتى أفكارك اكتبها بالورقة والقلم في كشكول. ذهنك هيصفى وهتعرف تفكر أحسن والدنيا هتصبح أوضح وهتحس براحة أكبر وانسجام نفسي. عبر عن نفسك بأي وسيلة تناسبك هتلاقي نفسك بقيت أحسن. اللي بيكتم في نفسه وما يعبرش عن اللي جواه من أفكار وإحساس ممكن يجيله مش بس إحساس بالضيق لا ده كمان أمراض نفسية بل وبدنية كمان. ما تكتمش في نفسك، عبر عن اللي جواك بأي طريقة. ٣- قابل الناس Socialize ما تنطويش على نفسك ولا تقفلش على نفسك، أيوة الواحد بيحتاج ساعات يقعد مع نفسه، لكن ما تخليش ده السائد في حياتك. قابل الناس وشوفهم واتكلم معاهم واسمعهم واتحاور هتلاقي نفسك بقيت كويس وهتحافظ على صحتك النفسية وتوازنك النفسي. الانفراد والتقوقع لفترات طويلة متصلة ممكن يسبب أمراض عقلية ويبوظ التوازن النفسي بتاعك. قابل الناس، اسمعهم، اتكلم معاهم. ٤- رؤية Vision لو عندك هدف نفسك توصله وبتعافر في سكتك فمهما تعبت هتلاقي حاجة بتشدك لقدام لإنك عايز توصلها. وجود رؤية لحاجة نفسك توصلها ده بيظبط حياتك كلها. طبعا النقطة دي رغم أهميتها مش دايما بتبقى متاحة لإن أحيانا الواحد بيفشل أو الدنيا بتضلم خالص ومش بيكون شايف بصيص أمل في إنه يوصل للي نفسه فيه. لو اختفت من عندك رقم ٤ دي في وقت ما فتمسكك بال ٣ نقاط الأولى هيخليك تحافظ على توازنك النفسي وما تنزلقش في بئر التوهان والاكتئاب. روشتة الخروج من الاكتئاب باختصار: العب رياضة خفيفة ٥ دقائق كل يوم، اكتب مذكراتك ولو صفحة واحدة كل يوم باللي حصل امبارح، لو قدرت تتكلم مع ناس وتقابلهم وتسمعهم يبقى كويس جدا ولو ما قدرتش فركز على رقم ١ و٢ يوميا. لو عندك رؤية وطموح فمافيش حد هيقدر يوقفك ولو ما عندكش فاتمسك بباقي الحاجات هيحفظوك من التوهان والسقوط في دوامة وحشة. | |||||||||
| نجمة likes this. |
|
11-01-21, 10:51 AM
| #1014 | |||||||||
| كل واحد بيدور على الأفضل له ولأولاده في المستقبل. في اللحظة اللي أنت بتقرا فيها الكلام ده في واحد في مصر نفسه يسافر الخليج عشان يزود دخله ويعرف يصرف على ولاده ومراته اللي هيسيبهم في مصر. وفي نفس اللحظة في واحد تاني عايز يسافر مع مراته وولاده للخليج عشان الإستقرار الأمني والاجتماعي من وجهة نظره. وفي نفس اللحظة في واحد بقاله عشر سنين في الخليج وشايف الدنيا صعبة وبتزداد صعوبة وبيرجع مراته وولاده على مصر تحسبا لأي مشاكل في شغله. وفي نفس اللحظة في واحد بقاله خمس سنين في الخليج ونفسه يهاجر على كندا أو أستراليا عشان ياخد جنسية عدلة من وجهة نظره ويأمن مستقبل ولاده. في نفس للحظة في واحد ومراته عايشين في أمريكا من عشر سنين لكن عايزين يرجعوا مصر عشان تربية الولاد لأنهم بيعانوا مع ولادهم في أمريكا. وفي نفس ذات اللحظة في واحد مصري في أمريكا من سنين لكن عايز يهاجر لكندا عشان الجو العام هناك أكثر تقبلا للعرب والمسلمين. وغيره وغيره... كل واحد عنده تحدياته ومفيش حد عايش في حتة مرتاح تماما وقاعد بيراقب أسراب القريدس. الإنسان محتاج يختار بناء على المتاح قدامه من معلومات وفرص لكن عليه إنه يدرك إن أي اختيار له مميزاته وعيوبه وهي مش بتيجي غير كده. الأهم إن الواحد يدرك إن الناس مش كلها زي بعضها واللي يناسبك ممكن يكون قاتل لغيرك. فيا ريت تختار اللي يناسبك وترضى بيه وبلاش تشغل دماغك بالآخرين ولا تقعد تقارن نفسك بيهم لأن كل واحد عنده تحدياته... | |||||||||
| |
| إضافة رد |
| مواقع النشر (المفضلة) |
| |
 | أصدقاء منتدى مسك الغلا | | |||||
